Hanamontana
06-09-2011, 02:15 PM
http://www5.0zz0.com/2011/09/06/11/790523570.gif (http://www.0zz0.com)
أنا جمعتكوا إنهاردة لسببين :
أولا عشان مش فاضي بكرة
ثانيا عشان نناقش موضوع مهم جدااااااااااااااااااا
ألا وهو موضوع النسر اللي ف علم مصر
حلوة .. النسر اللي ف علم مصر.. تنفع مطلع أغنية
ماعلينا خلونا ف موضوعنا
ولو سمحتم إسمعوني للآخر، سوري قصدي إقروني للآخر
إحنا اللي نعرفه إن مع كل ثورة أو إنقلاب غالبا علم البلد أو شعارها بيتغيير
أنا بعشق ألوان علم بلدي.. لكن مشكلتي مع النسر اللي راقد ف العلم من عشرات السنين
سامع واحد بيقول إيه ياعم التفاهة دي؟؟
هقوله يعني هي جت عليا أنا؟!! ما إحنا كل يوم بنشوف العجب واللي ليه واللي ملهوش بقى ليه مطالب
وبعدين أنا عندي أسباب
أولا النسر ده من رموز النظام السابق
وكان شاهد على كل الفساد اللي بيحصل وعشان كده باصص للجنب وعامل نفسه مش واخد باله
سامع واحد تاني .. بس غير الأولاني.. أنا راجل ديموقراطي وبشجع حرية الرأي
أرد أقوله لأ طبعا مش حجة
ماهو كان ممكن يبص لتحت وبكده منقاره مش هايطلع برضو
يطلع واحد تالت يقولي أنا معاك يادرش بس تفتكر ممكن نحط مكانه إيه ولا نسيبه فاضي؟؟
أقوله لأ ياعم مش هنسيبه فاضي
أنا عندي إقتراحات
أولا إيه معنى النسر؟؟ بيقولك رمز الأصالة.. صح؟
خلاص إحنا ممكن نجيب صورة أصالة نفسها ونريح الجمجمة
يطلع واحد رابع يقولي أصالة مش مصرية
أقوله صح عندك حق وبعدين أولى بقى إننا نحط نانسي عجرم .. ع الأقل تعجرم الشعب
خلاص فكنا منهم خالص
إحنا ممكن نحط شعار الفيس بوك بما إن الفيس كان عامل رئيسي ف جمع أبناء الشعب للثورة
يطلع واحد خامس يقولي لأ ياعم دا صاحب الفيس أمريكي ويهودي كمان
أقوله عندك حق بلاش دي مش ناقصين عمرو ماسوني (قصدي عمرو مصطفى) يطلع يقولنا مؤامرة صهيونية وبتنجان
طب في حاجة تانية
مين الشخص اللي يعتبر الشرارة الأولى للثورة؟؟
تطلع واحدة بقى المرادي تقولي خالد سعيد
خلينا ف خالد سعيد
سعيد جاي م السعادة
وعلامة السعادة الإبتسامة
يبقى نحط إيموشن إبتسامة اللي هو نقطتين فوق بعض وحرف دي كابيتل (:D) مكان النسر
ياجماعة لازم نفكر ف مصلحة البلد ونفكنا م التفاهات شوية
الله.. الوطن.. المنتدى
http://www5.0zz0.com/2011/09/06/11/854127572.gif (http://www.0zz0.com)
أنا جمعتكوا إنهاردة لسببين :
أولا عشان مش فاضي بكرة
ثانيا عشان نناقش موضوع مهم جدااااااااااااااااااا
ألا وهو موضوع النسر اللي ف علم مصر
حلوة .. النسر اللي ف علم مصر.. تنفع مطلع أغنية
ماعلينا خلونا ف موضوعنا
ولو سمحتم إسمعوني للآخر، سوري قصدي إقروني للآخر
إحنا اللي نعرفه إن مع كل ثورة أو إنقلاب غالبا علم البلد أو شعارها بيتغيير
أنا بعشق ألوان علم بلدي.. لكن مشكلتي مع النسر اللي راقد ف العلم من عشرات السنين
سامع واحد بيقول إيه ياعم التفاهة دي؟؟
هقوله يعني هي جت عليا أنا؟!! ما إحنا كل يوم بنشوف العجب واللي ليه واللي ملهوش بقى ليه مطالب
وبعدين أنا عندي أسباب
أولا النسر ده من رموز النظام السابق
وكان شاهد على كل الفساد اللي بيحصل وعشان كده باصص للجنب وعامل نفسه مش واخد باله
سامع واحد تاني .. بس غير الأولاني.. أنا راجل ديموقراطي وبشجع حرية الرأي
أرد أقوله لأ طبعا مش حجة
ماهو كان ممكن يبص لتحت وبكده منقاره مش هايطلع برضو
يطلع واحد تالت يقولي أنا معاك يادرش بس تفتكر ممكن نحط مكانه إيه ولا نسيبه فاضي؟؟
أقوله لأ ياعم مش هنسيبه فاضي
أنا عندي إقتراحات
أولا إيه معنى النسر؟؟ بيقولك رمز الأصالة.. صح؟
خلاص إحنا ممكن نجيب صورة أصالة نفسها ونريح الجمجمة
يطلع واحد رابع يقولي أصالة مش مصرية
أقوله صح عندك حق وبعدين أولى بقى إننا نحط نانسي عجرم .. ع الأقل تعجرم الشعب
خلاص فكنا منهم خالص
إحنا ممكن نحط شعار الفيس بوك بما إن الفيس كان عامل رئيسي ف جمع أبناء الشعب للثورة
يطلع واحد خامس يقولي لأ ياعم دا صاحب الفيس أمريكي ويهودي كمان
أقوله عندك حق بلاش دي مش ناقصين عمرو ماسوني (قصدي عمرو مصطفى) يطلع يقولنا مؤامرة صهيونية وبتنجان
طب في حاجة تانية
مين الشخص اللي يعتبر الشرارة الأولى للثورة؟؟
تطلع واحدة بقى المرادي تقولي خالد سعيد
خلينا ف خالد سعيد
سعيد جاي م السعادة
وعلامة السعادة الإبتسامة
يبقى نحط إيموشن إبتسامة اللي هو نقطتين فوق بعض وحرف دي كابيتل (:D) مكان النسر
ياجماعة لازم نفكر ف مصلحة البلد ونفكنا م التفاهات شوية
الله.. الوطن.. المنتدى
http://www5.0zz0.com/2011/09/06/11/854127572.gif (http://www.0zz0.com)