المساعد الشخصي الرقمي

مشاهدة النسخة كاملة : █▓▒█▓▒█▓▒ شعور سخيف █▓▒█▓▒█▓▒

badboy166
08-08-2011, 09:37 PM
النهارده جيبلكم شعـــر جــــــــــــــــــــامد للشاعر هشام الجخ




شعور سخيف
انك تحس بأن وطنك شيء ضعيف
صوتك ضعيف
رأيك ضعيف
إنك تبيع قلبك وجسمك
وأنك تبيع قلمك إسمك
ما يجيبوش حق الرغيف
سألوا جحا عن سر ضحكه
قال اصل اتنين و شبكو
اللي كان من تحت ميت
واللي كان من فوق كفيف
دا شعور سخيف

http://www14.0zz0.com/2011/08/08/18/662982445.gif

وشعور سخيف
تكون رمز للشحاته
إنك تبني مبني شحاته
تعمل وزاره للشحاته
يا ساقيه دوري.....عدي فوقي ودوسي
نصبوا عليا وشحتوني فلوسي
ربطوني فيكي.. حتي ما اتغميت
هنا اللي فرحوا ووحدي انا اتغميت
انا اللي صاحب البيت
عايش بدون لازمه
ولما مره اشتكيت
إدوني بالجزمه

http://www14.0zz0.com/2011/08/08/18/662982445.gif

انا اللي زرعك دهب
بتأكليني سباخ
إن كان ده تقل و دلع
بزياده دلعك باخ
لا شفت فيكي هنا
ولا شفت فيكي ترف
كل اللي فيكي قرف

http://www14.0zz0.com/2011/08/08/18/662982445.gif


كرامتنا متهانه
واللقمه بإهانه
بتخلفينا ليه لما انتي كارهانا
يعني ايه تبقي إنتي هبه النيل
وكل يوم الميه تقطع
يعني إيه لمل اشتكي غلو الفاتوره
يقولو تشكي بس تدفع
لما قش الرز ثروة بتتحرق
وأما نفط الأمة ثروة بتتسرق
وأما جلادك على ولادك بيبطش
وأما علمك ما يلاقيش يآكل فيطفش
يعنى ايه نرفع ايدينا بالسلام لجل الغزاة
ويعنى ايه لما ابقى ماشى فى حالى اتشد اشتباه
يعنى ايه لما اتحبس أربع سنين حبس احتياطى
يعنى ايه مش حاسة بالعمر وغلاوته
بتصبى مر العمر ليه
دة انا كنت ح اوهب لك حلاوته
أنا عمرى ما أتأمرت
ولا حطيت شروطى
ومكان ما ترسى مركبك
بابنى شطوطى
أنا كنت جيشك لما مماليكك باعوكى
وكنت يوسف لما عشتى سنين عجاف
وضلوعى دى اللى فى معركة قادش حموكى
وشفايفى دى اللى ما بطلتش فى يوم هتاف
دة انا كل شبر فى أرضك اتمرمغت فيه
وكل يوم عشتيه
أنا اتعذبت بيه


http://www14.0zz0.com/2011/08/08/18/662982445.gif


على صوت أدانك جرس
فى الشدة صاحينلك
من امتى كانوا الحرس
هما اللى باقينلك
بعتينى علشانهم
وعنيكى معصوبة
ياهلترى خاينة
ولا زيى مغصوبة


http://www14.0zz0.com/2011/08/08/18/662982445.gif

علمونا بالعصاية
ورضعونا الخوف رضاعة
علمونا فى المدارس
يعنى ايه كلمة قيام
علمونا نخاف من الناظر
فيتمنع الكلام
علمونا ازاى نخاف
وازاى نكش
بس نسيوا يعلمونا الاحترام
فمتزعلوش
لما ابقى مش باسمع كلامكم
وماتزعلوش لما ابقى خارج عن النظام
مستنى ايه من طفل ربوه بالزعاق
غير المشاكل والخناق
كل اللى بيقولك بحبك دول نفاق
أنا لما قلت لك بحبك
كان نفاق
الحب يعنى اتين بيدوا
مش ايد بتبنى وستميت ايد يهدو
الحب حالة
الحب مش شعر وقوالة
الحب يعنى براح فى قلب العاشقين للمعشوقين
يعنى الغلابة يناموا فى الليل دفيانين
الحب يعنى جواب لكل المسجونين
هما ليه بقوا مسجونين
يعنى أعيش علشان هدف
علشان رسالة
يعنى احس بقيمتى فيكى
إنى مش عايش عوالة
يعنى لما اعرق تكافئيى بعدالة
الحب حالة



http://www14.0zz0.com/2011/08/08/18/662982445.gif

الحب مش شعر وقوالة
الحب حاجة ما تتوجدش فى وسط ناس
بتجيب غداها من صناديق الزبالة
بارت مراعينا والبئر قد جفَ
والجوع يكوينا والصبر ما كّفى
والقلب لا يهدا والجرح لا يشفى
ولأننا طوع
زنا لهم خفا
جاءوا بموكبهم
واشتغلت الزفة
الدفة مظبوطة
وأصلا مافيش دفة
والكفة مش مايلة
علشان مافيش كفة
و جحا اللى جاى بالليل لساه بيتخفى
شايف ديدان الغيط سارحة ومارحماشى
من جبنه شاف الدود سابه وراح ماشى
ولا اتكسف للناس
ولا حس على طوله
الناس عشمها كبير جريوا بيشكوله
ضحك جحا ضحكة مواشى
مادام بعيد عن طيني ماشى
الدود قاعد لك يا جحا ولابد فى طينك
بعد ما يمص فى دمانا مش حيحلاله الا طينك
احنا اهلك
احنا رجالتك
أمانك
إحنا وقت الشدة سندك
إحنا زادك
يا جحا احمى ولادك
لو كنت عايز تحمى طينك
أرحل
ربما يلقانى من ارجو لقاه
هامشى ويا الشحاتين
وابكى على حلمى اللى تاه
بس مش هاشحت رغيف
هاشحت وطن لله
http://www14.0zz0.com/2011/08/08/18/662982445.gif

تنبيه

لو مش عاوز تقرا الموضوع اتفرج عليه من هنا
http://www14.0zz0.com/2011/08/08/19/802152863.jpg
http://www.youtube.com/watch?v=TDY_hu3vo6I&NR=1

بصوا بقي لو الموضوع متكرر او قديم امسحوه علي طـــول من غير كلام :war:
SoLiTaiRe
08-08-2011, 09:41 PM
الله ينور ... تسلم
badboy166
08-08-2011, 09:42 PM
الله ينور ... تسلم



سؤال ؟ لحقت تقراه ؟؟؟؟؟؟؟
SoLiTaiRe
08-08-2011, 09:48 PM
سؤال ؟ لحقت تقراه ؟؟؟؟؟؟؟

انا قريها قبل كدا والله :wink_smilie:
بس برفع من روحك المعنويه و اشكرك على مجهودك


انا غلطان !!!!
badboy166
08-08-2011, 09:49 PM
لا اذا كان كده انا غلطان ليك و حقك عليا :sweatdrop::sweatdrop:
Solitary
08-08-2011, 09:50 PM
لول قريها قبل كده ؟ ازاى ؟ إلى انا اعرفه انها قصيده لهشام الجخ ؟

شكرآ على كتابتها يا صاحب الموضوع
The_Pain
08-08-2011, 10:06 PM
تمااااااااااااااااام
Fighter Cool
08-08-2011, 11:08 PM
كلام حلو اوي بس بلاش اللون الاخضر ده :lighten:

تسلم :peace:
badboy166
08-08-2011, 11:26 PM
كلام حلو اوي بس بلاش اللون الاخضر ده :lighten:

تسلم :peace:



ابسط با عم غيرتهولك اهو :angel_not::angel_not:
"BlackGhost"
08-08-2011, 11:38 PM
انا بحب هشام الجخ جداا بسمعة 24 ساعة فىا اليوم ^^ مفيش كلمة قالها او افية غير وحفظة ^^ يا رين تجيب كل قصايدة او معظمها فديو هيا منتشرة على اليوتيوب عشان الاعضاء تسمعة
badboy166
08-08-2011, 11:45 PM
اوك ان شاء الله هعمل موضوع فيه قصايد كتير ليه
badboy166
08-08-2011, 11:45 PM
اوك ان شاء الله هعمل موضوع فيه قصايد كتير ليه
Hanamontana
09-08-2011, 01:42 AM
ثانكس
ARH
09-08-2011, 01:54 AM
السلام عليكم ورحمه الله وبركاته

أولآ القصيدة أسمها جحا

وتاني حاجه هو قالها في برنامج العاشرة مساءآ في الصيف اللي فات

وهو كتبها بقالو كتير

ولو حد عايز كل القصائد بتاعته ممكن يقولي واجبهملو

ومشكور علي أحلي قصيد ضد النظام السابق
DeMooN_Hell
09-08-2011, 02:45 AM
الله ينور ... تسلم
poiu
09-08-2011, 02:59 AM
جميل جدا
UrAngel
09-08-2011, 04:08 AM
تسلم علي الموضوع
badboy166
09-08-2011, 11:42 AM
شكرا لمروركم
m_o_m_o555
09-08-2011, 12:18 PM
جامد انا سمعتها كتير وبحب اسمعها

بس المرة دى قريتها وبصوت عالى :)
احمد نصر
09-08-2011, 01:24 PM
الله ينور :military:
badboy166
09-08-2011, 02:08 PM
قصيده التأشيره أضغط هنا (http://www.silkroad4arab.com/vb/showthread.php?t=375476)