المساعد الشخصي الرقمي

مشاهدة النسخة كاملة : مبارك : (قبلوني لو اتحكمت) موضوع خطير

tigergirl156
31-07-2011, 06:27 AM
السلام عليكم يا حماعة

انا انهردا كنت اعد مع عمي كان شغال في الأمم المتحدة جالنا زارنا انهردة في مصر اصلو جه من امريكا وحصل بينا حديث اعد بتاع ساعة كدا بس انا هختصروا قالي حاجات خوفت منها هو اصلا درس سياسة واقتصاد وبيفهم في السياسة جامد اوي اكلمنا عن الثورة وسئلتو كام سؤال كدا ورد عليا

هو ليه يا عمي مبارك متحكمش لحد دلوقتي ؟

قالي مبارك مش عارفين يمسكوا عليه حاجة علشان كدا عملين يأجلوا في المحاكمات الورق كلو امن الدولة حرقتوا وممكن يخود برأة وكمان في دول مش عايزة مبارك يتحاكم زي السعودية قالت للجيش لو مبارك اتحاكم هنرجعلكو كل العمالة المصرية الي عندنا

ولو خد برأة يا عمي ايه الي هيحصل ؟

مصر هتبقا كدا خلاص حرب اهلية وشعب و الجيش هيضربوا في بعض ومصر هتوقع

هو مبارك ازاي يعمل كدا في مصر ده عمل حاجات مع مصر في 6 اكتوبر جمدا اوي زي الضربة الجوية ؟

مبارك كان عميل لي اسرائيل و امريكا وكان بيقولهم علي كل صغيرة وكبيرة في البلد

طب انتا شايف مصر هتتحسن ولا كدا خلاص ؟

مصر لو فضلت كدا هتخرب

ليه يا عمي ؟

كل جمعة تقريبا بقا في مليونية

الشرطة اكنها مش موجودة

كل شوية نسمع عن قسم بيضرب او مساجين هربت او مش عارف ايه

لو حد من ولاد مبارك او مبارك خد برأة يبقا كدا خلاص

طب و اليه الحل يا عمي ؟

كل حاجة هتتحل لو مبارك اتحاكم لاكن طول ما مبارك بيدلع في شرم الناس هتفضل تطلع في مليونية ومش عارف ايه ومش هنخلص

هيا ايه اكتر يوم في الثورة عندنا حصل, امريكا كلها اتفرجت عليه ؟

يوم موقعة الجمل

وتنحي الرئيس

بس كدا تفتكرو كلامي عمي صح تفتكو ان فعلا هو ده الي بيحصل ؟

انا اعت مع عمي فعلا مش بئلف وخلاص واللهي العظيم

قولو رئيكو انتو شيفين البلد كويسة دلوقتي

انتو شيفين ان فيه ضمير في التحقيقات ولمحاكمات

قول رئيك ومدريش علي الحقيقة
!_ToGoO_MorY_!
31-07-2011, 06:37 AM
هو مفيش حل فى المحاكمات دى الا لو اتعملت محاكم ثوريه

عشان كله يمشى وانا من رأى ان كله ان شاء الله هيتحل لو كل واحد من الفاسدين اتعاقب
SinGo
31-07-2011, 06:45 AM
انا مش متاكد انه ممكن ده حل يرضى الطرفين

ياريت برده تسال عمك

قوله لو مبارك مات موتت ربنا

اى الى يحصل انا بفترض

؟؟؟؟

(بقيت اعارف فى السياسيه شويه )
_D34D_
31-07-2011, 07:21 AM
هه ، قالولنا عايزين محاكمات مدنيه عشان نعرف نرجع الفلوس ، اهي الفلوس راحت يبقا لازم محاكمات عسكرية عشان ما يضيعش كمان حقنا في الدم :mf_crackegg:
---
قولو رئيكو انتو شيفين البلد كويسة دلوقتي

انتو شيفين ان فيه ضمير في التحقيقات ولمحاكمات

في مؤامرة ، و مع المؤامرة ما تستناش الضمير

انا مش متاكد انه ممكن ده حل يرضى الطرفين

ياريت برده تسال عمك

قوله لو مبارك مات موتت ربنا

اى الى يحصل انا بفترض

؟؟؟؟

(بقيت اعارف فى السياسيه شويه )

مش هايحصل حاجة هيتعملله جنازة عسكرية ،، و 80% ده اللي بيتخططله بعد الاشاعات الغريبة عن تدهور حالته او وفاته ايا كان :ranting:
tigergirl156
31-07-2011, 07:43 AM
شكرا علي الردود يا جماعة يارب تكون مصر احسن ماردونا لو مبارك مات يا الدنيا هتهدا يا هتولع اكتر
DEVILxXxSUN
31-07-2011, 07:47 AM
واللة انا مش مقتنع بى المشيير طنطاوى دة اساسا اولاهوة من النظام السابق ثانيا حبيب حسنى الروح بالروح ثالثا حسنى علشان يتحاكم ......يبقا موت ياحمااار ..
_D34D_
31-07-2011, 07:51 AM
شكرا علي الردود يا جماعة يارب تكون مصر احسن ماردونا لو مبارك مات يا الدنيا هتهدا يا هتولع اكتر

هتهدا بس مع الشعب الهندي اللي هايصدق انو مات

واللة انا مش مقتنع بى المشيير طنطاوى دة اساسا اولاهوة من النظام السابق ثانيا حبيب حسنى الروح بالروح ثالثا حسنى علشان يتحاكم ......يبقا موت ياحمااار ..

بقالي 7 شهور في المنتدي و دي اول مرة احس اني مش لوحدي ،، بس بعد ما رميت الطوبة :dots:

و انا لسة طالع من الويكيبيديا و اكتشفت حالا ان المشير طنطاوك وزير الحربية من 1993 ،، يعني 18 سنه مع مبارك و سبحان الله هو الوحيد اللي لسه شريف

و رغم كل شرفه ده عمر سليمان في خطاب التنحي قال ان مبارك كفه بادارة شؤون البلاد
DEVILxXxSUN
31-07-2011, 07:58 AM
والله ربنا يسطرها على البلد محدش لسة عارف هيا رايحة لفيين
Fighter Cool
31-07-2011, 08:11 AM
محدش فاهم حاجه
mykanasr
31-07-2011, 08:12 AM
البلد هتتصلح بجد لو قعدنا في البيت و استنا كل و احد الرئيس الجديد طب الرئيس الجديد لو ماسك و انت مش عاوزه هيحصل حروب بين مؤيدين و معارضيين :751: و ثورة كل جمعة لكن لو الواحد يفكر ازاي يخلي البلد تتقدم و بعدين دلوقتي مفيش كوسة و في شغل جرب بقي تشتغل و تبدع مش تعمل نفسك بتاع ثورة و تروح كل جمعة التحرير عشان تهيص

وانا اري محاكمة الرئيس حسني مبارك لو مسرقش حاجة امل البلد ليه فيها فقر 30 سنة او ليه وزراء ب الفساد ده ده لوحدها هيتحاكم عليها و شكرا :glasses-smiley02:
iZexo
31-07-2011, 08:28 AM
يعني البلد كلها دلوقتي وقفة على بني آدم و ياريتو بني آدم نضيف:sleeping:
Evil_Bro
31-07-2011, 10:16 AM
ربنا ياخذو ونرتاح منو بقي :raygun:
ii_MaTRiX_ii
31-07-2011, 10:42 AM
محدش يعرف سبب حب الخليجيين لحسنى مبارك ؟ على الرغم من كرههم الشديد للشعب المصرى !!!
DEAD_OR_LIFE
31-07-2011, 11:21 AM
هو مفيش حل فى المحاكمات دى الا لو اتعملت محاكم ثوريه

عشان كله يمشى وانا من رأى ان كله ان شاء الله هيتحل لو كل واحد من الفاسدين اتعاقب
انا مع الراى دة لازم كل اللي عمل حاجة يتعاقب عليها:mf_plasmawhore::mf_plasmawhore:
احمد نصر
31-07-2011, 12:18 PM
ربنا يستر :stitchfacesmiley:
Z O O M
31-07-2011, 12:20 PM
محدش يعرف سبب حب الخليجيين لحسنى مبارك ؟ على الرغم من كرههم الشديد للشعب المصرى !!!

على ما اعتقــد :

لانـه ساعـدهم فى حرب الخليــج
Hu0
31-07-2011, 01:07 PM
الموضوع بقي سبام


يا جماعة بلاش نفتي في الكلام ده دلوقتي لما مبارك يبقي ياخد براءة

نبقي نكلم بقي
! FiRe !
31-07-2011, 01:20 PM
يا جماعة اتعصبو بس بشويش ، اتنرفزو بس براحة :sun::sun:
كلام عمك مظبوط
بس للاسف ناقص ، يعنى هو زى اللى قالك فيه حفرة قدامك وسابك ومشى ،مقلكش ارجع ولا قال تعمل ايه ،ولا ازا كان فيه طريق تانى
lion heart
31-07-2011, 01:49 PM
ربنا يسترها على البلد دى انا خايف عليها اوى
DJ.FIGO
31-07-2011, 02:01 PM
مجدش عارف بكرة مخبى لينا ايه :medio:
SinGo
31-07-2011, 02:12 PM
مش هايحصل حاجة هيتعملله جنازة عسكرية ،، و 80% ده اللي بيتخططله بعد الاشاعات الغريبة عن تدهور حالته او وفاته ايا كان :ranting:

ده هيحصل حاجات الجيش هيعمل جنازه عسكريه

هتلقى الشعب هيقول مش عايزين جنازه عسكريه

و ممكن تحصل فتنه بين الشعب و الجيش ساعاته

و انا قولت لو مبارك مات مش لو مبارك فلسع :D:jump:
emadkaka
31-07-2011, 02:18 PM
بصو يا جماعه الحساب يوم الحساب

و الحكايه دى و الله و المحاكمات ما هيكونش فيها العدل علشان حاله الخوف و الرهبه لسه موجوده لحد دلوقتى

يعنى الحاله فيها لف ودوران على عقول الناس هما فاكرين انهم بيهدو الناس على كدا ؟

و ان شاء الله هاتتقلب فوق راسهم واحد واحد و بنا هايخدلنا حقنا بإذن الله
Hell Soon
31-07-2011, 02:22 PM
أحنا مش عيزين الفلوس المتهربة برة لازم كل النظام السابق يخدو أعدام
_D34D_
31-07-2011, 02:31 PM
ده هيحصل حاجات الجيش هيعمل جنازه عسكريه

هتلقى الشعب هيقول مش عايزين جنازه عسكريه

و ممكن تحصل فتنه بين الشعب و الجيش ساعاته

و انا قولت لو مبارك مات مش لو مبارك فلسع :d:jump:

و الله كويس جدا انك واخد بالك من الفرق ،،
poiu
31-07-2011, 04:36 PM
كلام عمك صح الصح