للكوسة فى بلادى شئون(شعر)

[™~Mc®mÒra~™]

للكوسه في بلادي شئون



بتخلي المسنود فرعون



يتفرعن فين مهما يكون



وتخلي الجاهل أستاذ



والأعرج لاعب جمباز



وتخلي الأحول هداف



والكوره الآوت ف الجون



للكوسه ف بلادي شئون



لو تعرف واحد ف الشرطه



راح تخرج من أجدع ورطه



والراجل اللي انت ظلمته



تلاقيه متلقح مسجون



أو تعرف شخصيه كبيره



شغاله ف البنك مديره



راح تاخد من غير ضمانات



كام قرض بمليون مليون



وهروبك طبعا مضمون



ويا عيني لو تعرف نايب



ف المجلس مش نايب خايب



راح تبني أبراج وهميه



أوراقها مظبوطه أكيد



وفلوس الناس المهريه



حتجيلك م الجيب للإيد



بعديها تروح المستشفى



وتقيد نفسك مجنون



أحكامك تسقط ف ساعتها



بعديها ترجع موزون



ويا عيني لو تعرف شيخ



فجنابك طاهر علطول



وصيامك طبعا مقبول



وإذا فرضا حبيت تتجوز



تتجوز من غير مأذون



وإذا ساكن ف عماره جديده



وحبيبك راجل مسئول



فسيادتك من غير ما تقول



يركب لك فورا تليفون



ولو انت عندك عربيه



ونمرها سوده بنسرين



حتعدي أجدعها كمين



وحتكسر أوضحها إشاره



ماهو نمرك سوده جباره



ولا تعرف أيتها قانون



ولو انت بتعرف فرّان



أو واحد بياع جرنان



راح تاخد طلبك وحتمشي



من غير ولا دوشه ولا دور



والناس الغلبانه حتاخد



طلباتها بعدك وتغور



ماهو كله غيرك بيهون



ولو انت زميل الحلاق



راح تحلق اولها زبون



وإذا كنت بتعرف دكتور



حتعيش متطمن مسرور



وحتسلك ف لجان الشفوي



ومجال تعيينك موفور



وحتطلع فالتليفزيون



بالبدله وفيها الببيون



تتكلم وبكل بساطه



عن شرف المهنه المدفون



لكن لو شاعر غلبان



قلت اللي ف نفسك علطول



حيقولو مين قال لك قول



ويهاجمك مليون إنسان
:woot_jump:

[☜ ĂиTaKą ☞]

:soccer::soccer:

يا عينى ع الكــلام

حلوه والله

[Sad_Angel]

بجد شعر ملوش حل


شكرا ليــــكـ

[SmartMad]

لا جميله الصراحه:weight_lift2:

[™~Mc®mÒra~™]

:soccer::soccer:

يا عينى ع الكــلام
هههههههههه
شكرا
حلوه والله
وأنتى أحلى
[color="darkorchid"]بجد شعر ملوش حل


شكرا ليــــكـ[/
color]
العفو
لا جميله الصراحه:weight_lift2:
و إنتا أجمل
أسف مش مضبط الموضوع حاكل و أجى أظبطة

[Mysterious_Man]

جامد كيك
تسلمــــ

[احمد نصر]

يا عيني يا عيني :essen::smoke:

[FightToDie]

الله عليك كلام جميل

[poiu]

جميل جميل جميل