و الحرام أنت عيل ابن ...

[WELFA]

واحد قال لصاحبه: تيت يابن التــــــيـــــــت مجتش ليه امبارح؟
رد عليه صاحبه: أصل الواد التــــــيـــــــت صحبنا مجاش فمعاده.. فتأخرت.. وأبويا لما روحت
قالي يا تــــيــت والله مانت نازل تاني!

ده حوار طبيعي جدًا بين أي اتنين صحاب وطبعا "التــــــيـــــــت" دي مش بتبقى "تــيـــت"
ممكن تبقى "تــيــت" بس في وجود بنات!.. وياما اتعملت حملات من الشباب "يلا نبطل شتيمة" و"مش هشتم تاني" و حاجات كتير اتعملت عشان يوقفوا شتيمة بس
هيوقفوها ليه؟!..

مهو لازم يكون في سبب عشان
الواحد يبطل حاجة بيعملها ومتعود
عليها.. ويبطل لييه!؟.. إذا كان لما بيروح البيت أبوه بيقوله" يا تــيــت يابن التــيــت"..إزاي
بقى تبقى حاجه غلط؟!!


واللي يضايق بجد لما تسمع حد بيقول "مش كفايا ياعم مش بشتم فالبيت ..دانا ببقى هتخنق وأبويا وأمي قاعدين جانبي".. للدرجة دي الساعتين اللي قاعدهم فالبيت خنقينه ومش واخد راحته.


والغريبة أن البنت كمان بقيت تستخدم الكلام التــيــت ده فى كلامها العادي الطبيعي ولا بقى في كسوف من بنات ولا ولاد.


مش عارف أقول السبب مين ولا إيه لما أشوف ولد عنده أربع سنين بيشتم بثقة وفوسط الشارع!..
ممكن أقول الأهل اللي بيسمعوه الكلام ده منهم وكأنها حاجة عادية
وأقول الأفلام والسنيما اللي الرقابة عليها شكلية..


بس أكيد في مليون سبب ومليون حاجة تخليهم يبطلوا شتيمة وتخليك أنت كمان تبطل كلمة" تــــــيـــــــت"

و ماظنش إن حملات.."مش هنشتم الأسبوع الجاي" و"مش هشتم النهاردة لمدة نصف ساعة".. هي دي الحل و من غير سخرية منها طبعًا بس الحل أن الواحد يقتنع من جواه إنها حاجة غلط وادام بتتكسف تشتم قدام أهلك وأساتذتك والناس المهمة ده فحد ذاته اعتراف منك أنها حاجة غلط.. و زي مابتحترم الناس دي.. صحابك كمان يستحقوا الاحترام ولو رديت و قولت ميستحقوش يبقى ميستحقوش برضه صحبيتك..
و قبل ده كله لازم تحترم نفسك وتحترم لسانك.. ممكن كل الكلام ده ميأثرش فيك بس لو بطلت تشتم بجد هتحس بالفرق وباحترام نفسك لنفسك.
ولما يبقى في خناقة مش لازم يعني تقول "يا تــــــيـــــــت يابن التــــــيـــــــت " مش هقولك المسامح كريم.. بس لو أنت فاكر أن شكله هو اللي بيبقى وحش لما بتشتمه تبقى غلطان!..
من الآخر الواحد ممكن يبقى أحسن كتير بحاجات هو مش واخد باله إنها بتخلي منظره "تــــــيـــــــت".

[BonBony]

وحـــشنا رغيــك يــا عمــر يا ابــن الــ - - -
هقـــرأ الرغــى دة و اكمــل شتيــمة
:naughty:

[BonBony]

وحـــشنا رغيــك يــا عمــر يا ابــن الــ تيــــــــت
هقـــرأ الرغــى دة و اكمــل شتيــمة
:naughty:


فعـــلا المـــوضوع دة مهــم جــدا ، و ولا بقــى فــى كســوف مــن ولاد او بنـــات ، اللبــس و النـــت بعــدونا عــن ديــنا ، بـــس انا كنـــت عــامل نظــام علشــان ابطــل الشــتيمة انا و صحــابى ، و ان اليشـــتم . . الكــل ينــط فيــه ضــرب زى Nexus كــدة
:surprise:

[White Angel]

راقـى بـأخـلاقـى ..

Welcome Back WELFA

iMissed You

[DeViL_MaSTeR]

عندك حق والله بشوف عيل طوله مكملش نص متر والشنب مخطش في وشوا يتخانق معاك ويقولك شتايم انت نفسك تتحرج تقولها كدا بصوت عالى في الشارع والناس تقول ده واد مش محترم ولا متربي والكلام ده كولوا عالعموم شكرا عالموضوع بس اتمنى فعلا الموضوع ده يحصل انا واحد صاحبي قاللي الواحد نفسوا يبقى محترم زيك كدا

[Fighter Cool]

كلام زي الفل والله

بس مش كل الناس بتشتم .....

شكرا يا معلم

[ahmedmazin]

التعليق: ------------------ تـــــــيـــــــت-----------------------

[poiu]

كلام جميل مش شخص حبوب

فينك يبني و حشنا أويييييييييييييي

[Hanamontana]

انا الحمد لله مبهزرش مع حد صاحبى بشتايم و لو حد بتعارك معاه و شتمنى مبشتمهوش بس بمسكوا بفشخوا و انا نفسى والله الناس تبطل شتيمة :rm_pig:

[super_man619]

مش كنت عاملو قبل كده الموضوع ده ياض :)) , و انا عملت حاجه زيه برده و مافيش فايده :))

[WELFA]

مش كنت عاملو قبل كده الموضوع ده ياض :)) , و انا عملت حاجه زيه برده و مافيش فايده :))

نعمل ايه يا شيرى بئا
الكيف بيذل

[!_ToGoO_MorY_!]

انا فاكر الموضوع ده

وربنا انت كنت عامله قبل كده ^^ بس من سنه ونص تقريبا ايام ما كنت مشرف ^^


بس الصراحه انا بتغم لما بنزل الشارع

عيل قد ركبتى وبيشتم لول

[!! Prince World !!]

جميل اووي


:mf_lustslow:

[haloma100]

جميل :toot::mf_lustslow:

[☜ ĂиTaKą ☞]

:thumbup::thumbup:

زى الفـل والله

[DJ.FIGO]

الله نايس :lol3:

[WELFA]

و الحرام انتم عيال تيت
على فكرة الموضوع كان نفس الفكرة
بس مش نفس الكلام

[! FiRe !]

Roll back BrO ^_~
ايوا بقا اشتغل وشغلنا معاك ^^

[hoba]

كلامك صح بس مش حشتم ازاي وأنا كل يوم وأنا فالشارع بسمع شتايم
حتى فالأفلام بقى فيه شتايم :cheezy:

[OkaFLaG]

موضوع جميل والله بس بيبقى فى ناس بتجبرك انك تقولهم يا ولاد التيييييييت

:toot: :toot:

[khaledfaraj]

كلمتبن فى التيت بصحيح:111 (16):

[.a7la-smile.]

Welcome Back WELFA

[steerforth]

اة الموضوع التيت دة !! :mf_w00t1:

[°•.♥ AhmeD ♥.•°]

فــ كل كلمه عندك حق
بس نعمل ايه بقى ايه الحل:hmmsmiley02:

[Volumer]

كلام زي الفل والله

بس مش كل الناس بتشتم .....

شكرا يا معلم

متجمعش ياض يا ابن التيت

[ONE_NUKER]

عندك حق ف كل كلمه قلتها و باشوفها كل يوم تبقى ماشى و تلاقى واد قد شفاطة العصير و بيشتم و بيسحب على جوه (طبعا انت فاهم ) و البنات بيشتموا بعض عادى و الحياه ايزى فى السكلنس ربنا يستر على الاجيال اللى جايه و ميطلعوش ا*** من الجيل ده

[WELFA]

تموتوا فى الاباحة
:toot:

[getready]

مشكـــــــــــــــــــــــــــــــــــــــــــــــ ــــــوووووووور ودائما لامام

[Zero Angel]

Welcome Back
و شكرا على الرغى الجميل ده :cloud9::cloud9::cloud9:

[WELFA]

thnx all
^^

[Sad_Angel]

والله انتا عسل

[احمد نصر]

كلام جميل :clap:

[WELFA]

thnx :hands:

[SinGo]

الرجل ده بيقول كلام زى الفل

[U Are Mine]

تـوبـيك تــيــت

حـمد الله ع السـلامه

[AcOsha]

والله عندك حق بس بيرجع بردو على التربية فى البيت ياعنى متقنعنيش الواحد يبقى ابوه وامة بيصلوا على السجادة ومابيفوتوش فرد وربوا الولد او البنت على كدة وربوة فىه الخوف من ربنا فى كل حاجة يعملها والواد يطلع موزع مخدرات معتمد بس تسلم والله مواضيعك كلها جامد جدى:hands::hands::hands::hands::hands::hands:

[Evil_Bro]

توبيك روعة تسلم

[DEAD_OR_LIFE]

زى الفل والله
بس مش كل الناس بتشتم
:confused::confused:

[Hurricane]

جميلـ جميلـ =))

[WELFA]

thnx

[THe_game01]

اشط اشط من اليوم لن اشطم احد ها ها ها من اليوم سوف اكوف عن شطم اصحابى قولى لية عشان رمضان :serenade::serenade::serenade: