حصرياً :- ◄◄ حكاوي الثوره علي القهوه مع المعلم ღ♥_ akeml _♥ღ ►►

[™_PLasma_ ™]

!.بسم الله الرحمن الرحيم .!




http://img809.imageshack.us/img809/1552/aaaaaaaaak.png





حكاوي الثوره علي القهوه هو موضوع انا فكرت فيه , قولت نجيب كل يوم عضو و يحكي عن الثوره و قصصه عن الثوره و حكاوايه الكتيييييييييره













هنستضيف ღ♥_ akeml _♥ღ
عشان يحكلنا عن الثوره و اخباره في الأتي :



....................... ◄افكاره اول مابدئت المظاهرات يوم 25 يناير و كان شايفه ليها لزمه و هتغير ولا لأ .

........................ ◄حكاوي يوم صلاه الجمعه و لما شوفت المظاهرت عندك في الشراع او فريبه منك عملت اه ؟

........................ ◄يوم الغضب الساعه 4-7 كدا لماا البلطجيه طلعت , حصن نفسو ازاي طلع السطور و السنجه او ابوه طلع الطبنجه اللي كان محبيه !

........................ ◄ حكاااوي اللجان الشعبيه !

........................ ◄اول صوت رصاصه سمعتها عملت اه ؟؟

........................ ◄بعد ما حسني اتنحي عملت اه ؟ انا عن نفسي لفيت الناس كلها في الشارع فارحانه و الستات بتزغرط في الشارع !



















http://img192.imageshack.us/img192/6509/unled1ka.jpg

قوانين الموضوع :-



........................ ◄ممنوع الرد , اله للعضو المستضاف عشان يبقي الموضوع ظاهر وواضح !














القصه :

لصاحبها :




ღ♥_ akeml _♥ღ























http://img28.imageshack.us/img28/564/14454692largecopy.png

[D3MoN]

ايوة كدة هى دى المواضيع الى هتصحى المنتدى ثانى

ارجو التفاعل^^

[!_ToGoO_MorY_!]

....................... ◄افكاره اول مابدئت المظاهرات يوم 25 يناير و كان شايفه ليها لزمه و هتغير ولا لأ .

انا الصراحه اول ما بدأت المظاهرات قلت

اهى زى كل مره المظاهره هتنضرب وكله هيروح بعديها وانت اكيد شفت الأعلان كانوا مكتمين اوى ومتكلموش فيه كتير وهنا فى المنتدى بردوا قالوا لينا منتكلمش فى حاجه زى دى يعنى كانت من اولها بايظه


........................ ◄حكاوي يوم صلاه الجمعه و لما شوفت المظاهرت عندك في الشراع او فريبه منك عملت اه ؟


انا رحت معاهم من عند الجمعيه الشرعيه الى عندنا الى هيا تعتبر نص البلد عشان كان فى دعايه جامده اننا نطلع من هناك بس اول لما العصر اذن لقينا البلطجيه ناطه علينا وبيضربوا فقمت فلسعت على البيت اتابع من هنا

........................ ◄يوم الغضب الساعه 4-7 كدا لماا البلطجيه طلعت , حصن نفسو ازاي طلع السطور و السنجه او ابوه طلع الطبنجه اللي كان محبيه !

ده مش من 7 الى 4 ده بدأت عندنا لما بتوع سجن القناطر طلعوا من هناك واحنا قريبين من القناطر مسافه نص ساعه بالعربيه حوالى الساعه 12 بليل

المهم اول لما سمعنا كده نص رجاله البلد طلعت عند ميدان عندنا فى اول البلد عشان لو فى اى حد جاى ولا حاجه

وعندنا هنا انا طلعت ادام بيتنا انا وزمايلى الى هنا وفضلنا قاعدين طول الليل نحكى والله مش هتصدق لو قلت ليك بما انها كانت ايام نيله بس بالنسبه ليا والله كانت حلوه بسبب اننا كنا بنقعد طول الليل بره



........................ ◄ حكاااوي اللجان الشعبيه !

ههههههه انا لسه فاكر لحد دلوقتى يوم الأحد الى بعد يوم الغضب كنت نازل اصلى الفجر انا وزمايلى واحنا كنا ماشين كان فى عربيه الناس الى رايحه مصر بتشترك مع بعضها وتخلى السواق يوصلها هناك العربيه معديه من ادام الشارع بتاعنا فا هيا معديه قام واحد من الناس الى فى اللجنه رما نفسه على الأزاز والعربيه مهديه والتانى حط على الازاز السنجه وبقية الناس اتلفوا حوليها السواق نزل من العربيه وركبه بتخبط فى بعض هما والى معاهم والله صعبوا على الواحد ^^

ومره واحنا رايحين نجيب خشب عشان نولع ندفا بيها رحنا نجيب خشب من جنب المنشر بتاع الخشب فقام ناس بتوع لجنه قريبه قفشونا وانتوا بتعملوا ايه هنا ومش عارف ايه بقى لحد فين وفين لما صدقوا احنا جايين ناخد خشب عشان نولع ^^

........................ ◄اول صوت رصاصه سمعتها عملت اه ؟؟

كان رصاص فشنك كنا بنضربه بليل عشان نخوف الحراميه


........................ ◄بعد ما حسني اتنحي عملت اه ؟ انا عن نفسي لفيت الناس كلها في الشارع فارحانه و الستات بتزغرط في الشارع !

انا كنت فى البيت وكنت سامع ان فيه بيان مهم هيتذاع وكنت قاعد على النت واول لما قال كلمة تنحى والله بأعلى صوتى وقلت هههههههههههههههههه قامت امى نازله من فوق جرى وبتقول ليا فى ايه يا ابن المجنونه قلت ليها مبارك تنحى ويالهوى بقى على الأصوات الى كانت فى الشوارع باره مقولش ليك كانت فارحه عارمه

[™_PLasma_ ™]

انا الصراحه اول ما بدأت المظاهرات قلت

اهى زى كل مره المظاهره هتنضرب وكله هيروح بعديها وانت اكيد شفت الأعلان كانوا مكتمين اوى ومتكلموش فيه كتير وهنا فى المنتدى بردوا قالوا لينا منتكلمش فى حاجه زى دى يعنى كانت من اولها بايظه



انا رحت معاهم من عند الجمعيه الشرعيه الى عندنا الى هيا تعتبر نص البلد عشان كان فى دعايه جامده اننا نطلع من هناك بس اول لما العصر اذن لقينا البلطجيه ناطه علينا وبيضربوا فقمت فلسعت على البيت اتابع من هنا



ده مش من 7 الى 4 ده بدأت عندنا لما بتوع سجن القناطر طلعوا من هناك واحنا قريبين من القناطر مسافه نص ساعه بالعربيه حوالى الساعه 12 بليل

المهم اول لما سمعنا كده نص رجاله البلد طلعت عند ميدان عندنا فى اول البلد عشان لو فى اى حد جاى ولا حاجه

وعندنا هنا انا طلعت ادام بيتنا انا وزمايلى الى هنا وفضلنا قاعدين طول الليل نحكى والله مش هتصدق لو قلت ليك بما انها كانت ايام نيله بس بالنسبه ليا والله كانت حلوه بسبب اننا كنا بنقعد طول الليل بره




ههههههه انا لسه فاكر لحد دلوقتى يوم الأحد الى بعد يوم الغضب كنت نازل اصلى الفجر انا وزمايلى واحنا كنا ماشين كان فى عربيه الناس الى رايحه مصر بتشترك مع بعضها وتخلى السواق يوصلها هناك العربيه معديه من ادام الشارع بتاعنا فا هيا معديه قام واحد من الناس الى فى اللجنه رما نفسه على الأزاز والعربيه مهديه والتانى حط على الازاز السنجه وبقية الناس اتلفوا حوليها السواق نزل من العربيه وركبه بتخبط فى بعض هما والى معاهم والله صعبوا على الواحد ^^

ومره واحنا رايحين نجيب خشب عشان نولع ندفا بيها رحنا نجيب خشب من جنب المنشر بتاع الخشب فقام ناس بتوع لجنه قريبه قفشونا وانتوا بتعملوا ايه هنا ومش عارف ايه بقى لحد فين وفين لما صدقوا احنا جايين ناخد خشب عشان نولع ^^



كان رصاص فشنك كنا بنضربه بليل عشان نخوف الحراميه



انا كنت فى البيت وكنت سامع ان فيه بيان مهم هيتذاع وكنت قاعد على النت واول لما قال كلمة تنحى والله بأعلى صوتى وقلت هههههههههههههههههه قامت امى نازله من فوق جرى وبتقول ليا فى ايه يا ابن المجنونه قلت ليها مبارك تنحى ويالهوى بقى على الأصوات الى كانت فى الشوارع باره مقولش ليك كانت فارحه عارمه




زي الفل يا معلم , احلي حته لم حسني اتنحي ,

[D3MoN]

انت ربع ناشط يا توجو^^

بس بصراحة اختصارك للاحداث عنب:icecream:

[°•.♥ Black_Knight ♥.•°]

موضوع جميل يا ابو حميد

[ahmedmazin]

طيب يا احمد ايها خرتها ما اللي اخنا فيها دلوقتي من وقف حال بسبب الثوره الحاجات مرخستش دي غليت اكتر من الاول اديني حل اللي بيحصل دا حرام ولا حلال

[!_ToGoO_MorY_!]

طيب يا احمد ايها خرتها ما اللي اخنا فيها دلوقتي من وقف حال بسبب الثوره الحاجات مرخستش دي غليت اكتر من الاول اديني حل اللي بيحصل دا حرام ولا حلال

طيب يا احمد انا هرد عليك مع ان المفروض محدش يرد فى الموضوع

وعلى فكره احمد يعتبر اخويا الكبير وساكن هنا فى اشمون برده معايا

بص يا احمد

زمان ايام مبارك واقل حاجه خالص كان ممنوع المنتدى بتاعنا ده ولا اى منتدى مصرى يتكلم فى السياسه

واول ما الثوره قامت كانوا عاملين ضغط رهيب على المواقع وومنوع وضع اى لينك تبع الفيس

يعنى من الاخر ممتتكلمش يا جـذمه فى السياسه ده كان الكلام

شوف كل الى كان بيحصل فى السجون من ضرب وكان مثلا لو والدك يا لهوى لو شاف لجنه فى الطريق وهو ماشى

سنه زرقه لو مش معاه بطاقه صح ولا لأ ؟


كان من الأخر بدون كلام كتير كان ذل وذل رهييييب اوى وانت اكتر واحد عارف


اقول ليك بقى ليه الحاجات غليت

يا معلم كان المفروض دلوقتى فى خرانة الدوله 11 مليار جنيه الى هو الأحتياطى عشان لو حصلت حاجه

تصدق ان فى الخزانه دى 60 مليون جنيه بس !!!

فا مفيش اى احتايطى ومفيش اى حاجه خالص بسبب الحراميه سيبنها خربانه

والبترول كان سامح سرقه عشان كده فى ازمة سولار وازمة سولار = ازمه فى كل حاجه

وارقرىء اى كاتب فى نتائج الثورات يا احمد وهتلاقى ان احنا اقل امه بالى حصلها

[ahmedmazin]

شكرا يا احمد علي المعلومات دي بس انتا عارف ان الناس تعبت ففا انا حبيت اعرف واجهت نظرك في الموضوع دا بس و بجد انتا شاب ممتاز و جدع و كل حاجه و انتا فعلا اكتر من اخ يا واد و كل سنه و انتا طيب و بالتوفيق و النجاح
ان شاء الله
و كل سنه و انتا طيب و كل الموجودين في سيلك رود فور عرب بخير
شكرا

[!_ToGoO_MorY_!]

شكرا يا احمد علي المعلومات دي بس انتا عارف ان الناس تعبت ففا انا حبيت اعرف واجهت نظرك في الموضوع دا بس و بجد انتا شاب ممتاز و جدع و كل حاجه و انتا فعلا اكتر من اخ يا واد و كل سنه و انتا طيب و بالتوفيق و النجاح
ان شاء الله
و كل سنه و انتا طيب و كل الموجودين في سيلك رود فور عرب بخير
شكرا

شكرا يا احمد على زوقك وانت والله اجدع واحد شفته

ممنوع بقى الردود يا جدعان فى الموضوع

[ღ♥_ akeml _♥ღ]

افكاره اول مابدئت المظاهرات يوم 25 يناير و كان شايفه ليها لزمه و هتغير ولا لأ .


الصراحة انا قولت هتبقي زي بتاعت المحلة يعني تكسير وخراب ومفيش حاجة هتحصل بس ام لقيت في نتائج الحرامية بيتسجنو فرحت جدا وكونت برودح ساعات التحرير

حكاوي يوم صلاه الجمعه و لما شوفت المظاهرت عندك في الشراع او فريبه منك عملت اه ؟


كانت في صلاة الجمعة بعد الصلاة لقيت ناس رايحة عند ميدان الشون اكبر ميدان في المحلة ولقتهم كتير جدا لقيت نفسي بمشي معاهم لحد ما لقيت الحكومة جيت فجاة كونت تحت السرير نش عارف ازاي

يوم الغضب الساعه 4-7 كدا لماا البلطجيه طلعت , حصن نفسو ازاي طلع السطور و السنجه او ابوه طلع الطبنجه اللي كان محبيه !

بالنسية للمحلة كانت اكتر المجرمين فيها بس محدش يفكر يجي المنطقة بتعتنا علشان عرفين انا عندنا المنطقة كلها مجرمين في مجرمين هيضربو مجرمين دة حتي الناس كانت بتيجي تركن العربيات في المطقة عندنا عشلان عرفين انا مفيش حد هيجي هنا دة اقل واحد كان معاة رشاش وكمان مفيش حد من عندنا في المطقة نزل الشارع علشان محدش هيفكر يجي

حكاااوي اللجان الشعبيه !

اول مرة شوفتهم كانو عند بيت جدي بيجرو وراي بلطجية كتير وكانو معاهم مسدسات
قاعدو يضربو علي بعض نار لحد ام بتوع اللجان مسكوهم بس يرات ما كانو مسكوهم كانو يموتو نفسهم احسن دول خادو ضرب بالسككين كل واحد معدي كان يطلع السكينة ويضربو في جنبة وفي رجلة دول مشيو زي المصفة كل حتة منهم بطلع دم

ومرة كمان كونت انا واتنين اصحاب خرجين علي الكافيتيرة وجين بليل ع الساعة 1 وواحد صاحبي ضربني بالقلم وطلع يجري وانا وراة لحد ما روحنا عند الجانة الشعبية مسكونا احنا الاتنين وفين وفين لحد ما عرفو نا احنا كونا بنهزر دول كانو هيعلقونا في العوميد

اول صوت رصاصه سمعتها عملت اه ؟؟

اول رصاصة سمعتها كانت من الجيش لم مسكو بلطجي في المنطقة الا جنبنا وكانت الناس بتضرب في البلطجية الظابط بتاع الجيش يقول للناس سبوهم خلاص انا مسكناهم وبردو الناس تضرب فيهم قام الطابط مطلع الرشاش وضرب 5 طلقات في الهوا

بعد ما حسني اتنحي عملت اه ؟ انا عن نفسي لفيت الناس كلها في الشارع فارحانه و الستات بتزغرط في الشارع !

انا كونت قاعد قدام التلفزيون ولم لقيت عمر سليمان بيقول الخطاب عرفت ان فية حاجة

ام قال التنحي انا مش هقولك ان في حد فرح العيلة بتعتنا محدش اتكلم علشان قالو ان في حاجة في الموضوع وعرفو ان عمر سليمان كان هيغتيلو مرتين ونجا منهم وكمان مش العيلة بتاعتنا بس دي المحلة كلها والا اكن حاجة حصلت كل متكلمش في الموضوع دة
بالعربي كان زعلنين

[White Angel]

تـمـام .. كـفـايـة كـدة عـلـى الـتـوبـيـك

:icecream: