المساعد الشخصي الرقمي

مشاهدة النسخة كاملة : موعدنا 27 مايو

koka
21-05-2011, 03:04 AM
http://im3.gulfup.com/2011-05-21/1305935702911.gif (http://www.anavip.net/vb/)

حرصاً على عدم ضياع الثوره

هل تفتخر بهذه الآراء ؟؟

http://im3.gulfup.com/2011-05-21/1305935702353.jpg (http://www.anavip.net/vb/)

و هل تستهين بقوه هؤلاء ؟؟

http://im3.gulfup.com/2011-05-21/1305935702914.jpg (http://www.anavip.net/vb/)

نعم نحن المصريين

موعدنا

http://im3.gulfup.com/2011-05-21/1305934177861.jpg (http://www.anavip.net/vb/)

http://im3.gulfup.com/2011-05-21/1305935703915.jpg (http://www.anavip.net/vb/)

ان شاء الرحمن

ان اردت ان تحس بالقوه المصريه
و تعرف اسباب قيام هذه الثوره

http://www.youtube.com/watch?v=ySXotIVfsy8
http://www.youtube.com/watch?v=hfbuo8rmjtw&feature=related
http://www.youtube.com/watch?v=5UM3QFq3KSY&feature=channel_video_title
http://www.youtube.com/watch?v=AQwkkIDRP_o&feature=relmfu
شاهد قبل ابداء رأيك

و ناقشنى

فأهم ما يميزنا اننا قادرين على فهم بعضنا البعض
و مناقشه امور بلدنا و مصلحتنا العامه





يا ريت يا شباب علشان نفهم قبل ما نقول رأينا

و ده ملخص الكلام



على الاقل محدش يضحك على العقول المصريه
بس بعد ما دخلو السجن واحد واحد يخرج

و يقولو سوزان تركت ممتلكاتها

بقا معقوله يا جماعه سوزان مبارك
معاها 24 مليون جنيه فقط

جنيه يعنى مش دولار

و قبل الثوره الاولى كان فى مكتبه اسكندريه بس
156 مليون جنيه

فاهمين ولا محتاجين توضيح

فى تواطأ من الجيش

لسه محدش خد باله

بوصو ياجماعه اولن الثوره التانيه ديه لازم تحصل لكذا سبب منهوم

1_ المجلس العسكري بداء يلعب على المكشوف والمظاهره الي حصلت لتائيد المجلس العسكري للحكم ديهالتق

2_ يعني ايه سوزان تطلع بكفاله 24 مليون وهيا فيه اكيد حسبات باسمها بمليارات

3_ يعني ايه التقعاص والتخاذل في التحقيقات ده

4_ يعني ايه الناس الي تموت ديه ومحدش يجبلهوم حقهوم ويتكسلو في التحقيقات وشويه يقولك ده شارك في موقعة الجمل ده لا يقولك مشركش ده شارك في قتل المتظاهرين لا تصدق ده مشركش

5_ يعني ايه فتحي سرور وي وزير التقافه السابق يطلع براءه هوا وكام واحد من اعوان النظام السابق

6_ يعني ايه الاعلام ميتغيرش ويفضل زي مهوا ؟

7_ يعني ايه ناس تموت وناس تفقد عينها وفي الاخر يقولك هات الفلوس واخلع لو انتا ميتلك حد في الثوره هتعرف يعني ايه الي بيعملو المجلس العسكري وبتعملو النيابه ده

واللعب بقا واضح اوي وعلى المكشوف والله اعلم بردو بحتت اني نبيل العرابي بقا امين جامعه الدول العربيه فاجئه بعد مكان وزير خارجيه يقوم بعملو على اكمل وجه


ولسا فيه حاجات متكلمناش فيها كتير وربنا يستر على البلد من الفاسدين ويرت نفوق ونشوف الي بيحصل حولينا

مع احترامي ليك .. مافيش ثورة تانية اصلاً .. احنا بنكمل الثورة .

معك فى كل كلامك وياريت اقدار اكون معك فى التحرير

من اقول الحبيب صلي الله عليه وسلم

((إذا فتح الله عليكم مصر بعدي، فاتخذوا فيها جنداً كثيفاً، فذلك الجند خير أجناد الأرض" قال أبو بكر: ولم ذاك يا رسول الله؟ قال: " إنهم في رباط إلى يوم القيامة" . ))

واخر دعوان ان الحمدلله رب العالمين

واندعوا الله عز وجل أن يدوم الامن والامان فى بلادنا الحبيبه

مفيش دولة خسرت من الثورة قد اسرائيل

عارف لية ؟

عشان كنا نايميين

الغاز لما اتصدر لاسرائيل وجمال مبارك والشغل الى بيعملة فى مصر

والتمويل بتاعة اسرائيلى

تخيل ؟ ابن رئيس الجمهورية الى حارب فى 73

اكتر اصدقاءة خارج مصر اسرائليين

عاوز اية تانى نعمل خط ميترو بينا وبين تل ابيب ؟

شفت ازاى كانوا بيضحكوا علينا ؟

فاهم يعنى اية اسرائيل مهددين بالدمار لمجرد ان رموز الفساد دخلوا السجن ؟

يعنى اسرائيل كانت عايشة جوا بلدك وخير بلدك كان بيروحلهم بشكل او باخر ؟

شهداء 73 خلينا بعيد عن الثورة وشهداء الثورة

لو عرفوا ان ابن رئيس الجمهورية ولائة لآسرائيل اكتر من مصر ؟ تفتكر هيقولوا اية ؟

عاوزك تتخيل كدة لو انت واحد منهم هتقول جوا نفسك اية

انا كنت بتضايق لما واحد فلسطينى يقولى حسنى دة عميل

اقوم شاتمة واقولة يابن كذا وكذا

تصدق طلع عندة حق والله طلع عندهم حق

لما احنا كنا بنقول احنا قلبنا معاهم ورئيس جمهوريتنا طلع فى الاخر صاحب نتنياهو

كنا بنقول تسقط اسرائيل واحنا اكتر دولة بتساعد اسرائيل

مش مكسوف من نفسك ؟ انا عن نفسى مكسوف من نفسى

ولو شفت واحد فلسطينى هبوس راسة واقولة حقك عليا

لان احنا بدل مانساعدهم ضد اسرائيل كنا بنساعد اسرائيل مش فلسطين

عاوز تغير الى كان بيحصل فـ 30 سنة ف 5 شهور ؟ ولما تيجى تغيروا

تلاقى ناس واقفة ضد التغيير بآسم وبيقولوا على نفسهم مرحلة انتقالية ؟

عاوزين يحكموا البلد ويخلهوا ليبيا وتبص تلاقى معمر قذافى جوا مصر

شفت معمر القذافى عمل اية فـ الشعب الليبى ؟ نفسك يحصل دة فـ مصر ؟

بجد لازم نفوق قبل فوات الاوان

انا نازل يوم 27 عشان بجد حرام سوزان تطلع

ويجى بعد كدة يقولك حسنى هيتنازل ونعفوا عنة

احيييييييييييييييييييييييييييييييييييييييييييييية

30 سنة مطلعين عين ابونا

وبعد كدة يتنازلوا ونعفوا عنهم

بجد هم نفسهم الثورة المضادة

شوية شوية هيقولولنا نعتذر لمبارك

خلاص اانا اقتنعت

لأن فعلا فى كتير متغيرش

ونازل يوم 27


اسمحولى ان اقتبس هذا الخبر من زميلنا

http://im3.gulfup.com/2011-05-21/1305943193661.jpg (http://www.anavip.net/vb/)

و ده اللينك للى حابب يتأكد
http://www.youm7.com/News.asp?NewsID=417037

تفتكرو هنستنا ايه تانى
و هل ده كافى لإثبات كلامى السابق

و لو لسه فى اى حد مش مقتنع
ان شاء الله و بفضل الله هيقتنع

بعد مناقشه محترمه

مش هتنزل ؟

ياريت تقول اسبابك عشان نقدر نقنعك انك تنزل

لأن انا واحد من الناس كنت بقول

البلد كدة هتخرب لو عملنا ثورة تانية

تفتكر هى لسة مخربتش ؟

فى حاجة حصلت من ساعت 25 يناير ؟

هتقولى الناس اتحبسوا

اتحبسوا اة بس جارى الافراج عنهم سوزان - زكريا عزمى خدوا اول تأشرتين وخرجوا

مينفعش الى بيحصل الناس دي بتاخدنا على قد عقلنا

فاكرينا هنهدى لما نشوفهم محبسوين شوية وبعد كدة يخرجوا ولا اكنهم عملوا حاجة

30 سنة بناخد بالجزمة وفى الاخر بيقولوا الى بيتنازل عن اموالة بيخرج

يا حلاووووووووووة يا ولالالالالالالالاد

ماكنت الناس كلها سرقت ونهبت وفى الاخر قالت هتنازل واخرج

فكر ف الموضوع تانى

مصر امانة ف ايدينا ومن حقها علينا اننا نفكر فيها اكتر من كدة شوية


هو ده شباب مصر
و هي دى المناقشه المفيده

يا جماعه هما فعلا بيضحكو علينا

لازم نفهم انهم بيستعبطونا
و الجيش عايز يقعد حاكمنا كتير

و مبارك هيطلع براءه

و دم الشهداء اللى يا ريتنى كنت منهم
هيروووووووووووووووووووووح على الفاضى

الناس دى ماتت علشان احنا نعيش صح

يا ريت كلنا نبقى ايد واحده


كلامكو على عينى و راسى

بس يا جماعه انتو شايفين ايه اللى بيحصل فى البلد ولا مش واخدين بالكو

تمن الكفاله فى مصر بقا 24 مليون جنيه فقط

يعنى سوزان طلعت براءه ده رقم واحد

ثانيا : المجلس العسكرى كان عارف بأحداث امبابه قبل ما تحصل
ثالثا : اللواء مختار الملا اعترف ان الفوضى و الطائفيه سببهم النظام و هما اللى روجو للفكره دى
رابعا : الاعلام لسه زى ما هو
خامسا : عرفتو ايه اللى حصل لرامى عصام مطرب الثوره او اللى غنى فيها يعنى
سادسا : المظاهره يوم الجمعه يعنى مش هتأثر على البلد ولا على الاقتصاد ولا على اى حاجه

يا جماعه مفيش حلاوه من غير نار

حسنى هيطلع براءه كده
و هتقولو احمد قال

عايزكو تسيبوكو من اللعبه شويه و اقروا و شوفو النت و الاخبار

ناس كتير بتقول ان ده مخطط عالمى علشان نبعد عن الانتفاضه الفلسطينيه




اولا بشكرك شكرا جزيلا على كلامك الموضوعى

و اسمحلى بالرد عليه

اول نقطه بتاعه المجلس العسكرى
تفسر بأيه البيان اللى طلع قبل الاحداث بتاعه امبابه بيومين

ثانيا انهم بيتحاسبو

ده الكلام اللى احنا سمعناه و بس
يعنى احنا ممكن نشك فى الكلام ده
و تفسر بايه ان سوزان تطلع براءه كامله
و غيره كتير طلع برائه
و لحد دلوقتى رشيد مختفى بره مصر

و بعدين احنا بقالنا 4 شهور
تقدر تقولى لمصلحه مين

عرفت ان الجيش بتاعنا بيجمع توقيعات من الشعب علشان يجدد فتره حكمه للبلاد
على كل مواقع النت منشوره

غير كده و كده

انت عارف انهم اشترو 65 جهاز تكييف جديد لسجن طره

و تفسر بأيه انهم هيتحاكمو محاكمه مدنيه و اللى اتمسك فى التحرير من الشباب هيتحاكم محاكمه عسكريه
طيب تفسر بأيه ان اللواء منصور العيسوى لحد النهارده لم يقيل القيادات الكبرى فى وزاره الداخليه مع انهم بيتحاكمو

يعنى بالعربى كده بيروحو المحكمه الصبح يتحقق معاهم و يرجعو على شغلهم تانى






هو ممكن حد يشرحلنا ازاي فتحي سرور خد براءه من تهمه الكسب الغير مشروع !!!

و سوزان مبارك تطلع براءه

و زكريا عزمى يطلع براءه

و هل يا ترى حسنى مبارك هيرجع رئيس لمصر امتى

لأنه وحشنا اوى اوى

مش كده بردو يا رجاله ولا ليكو رأى تانى



انا مش عارف ليه منزلتش 25 يناير كنت فاكر ان الحكومة هتولع في المتظهرين وامي اما قلتلها اروح اغمي عليها في يوم 28 يناير انا كنت رايح اني قلاقي عجلة اركبها ولا عربية كرو حتا مفيش زعلت اوي قولت كل الناس عملت وجبها الا انا انا هنزل 26 مايو لأني فعلا مش حاسس بي التغيير خالصصصصصص غير ان الشرطة اتعدلت فين الفقرة الي بيقولو هيدهم شقق فين انابيب بوتجاز الي مكفية ربع الناس الي محتاجة انابيب وفين رعيف العيش الي الناس لسا بتقف طوابير علشانو هو ده التغيير ؟

انا بقولها من بيتي في شارع خاتم المرسلين عمرانية هرم
انا مش حاسس بي التغيير ونازل التحرير
ونفسي اشوف بلطجي واحد علشان هتكون امو دعية عليه وي ابوه متبرة منه

هننزل تانى و تالت و رابع

احنا زهقنا و عايزين البلد تنضف بقا

و دى اول التعليمات للى حابب يعرف اكتر عن الموضوع

http://www.youtube.com/watch?v=5UM3QFq3KSY&feature=channel_video_title

http://www.youtube.com/watch?v=AQwkkIDRP_o&feature=relmfu
و الله معك يا مصر





الحمد لله عددنا فى الفيس بوك فى اذدياد مستمر

وصلنا 678 الف

صفحتى فقط


قررت محكمة جنايات القاهرة فى جلستها المنعقدة، السبت، تأجيل محاكمة رئيس الوزراء الأسبق أحمد نظيف ووزير الداخلية الأسبق حبيب العادلى ووزير المالية السابق يوسف بطرس غالى (هارب) إلى جلسة 25 يونيو المقبل،
وذلك فى قضية اتهامهم بإهدار المال العام والإضرار العمدى به بما قيمته 92 مليون جنيه وهى القضية المعروفة إعلاميا بقضية "اللوحات المعدنية".

http://www.masrawy.com/News/Egypt/Politics/2011/may/21/nazif_adly.aspx

ناقص ايه ؟؟؟؟

حسنى يطلع براءه
Diabien
21-05-2011, 03:16 AM
الصـــــــــــــــــــــبـــــــــــــــــــــــــ ـــر

يا جماعه مصر مش مستحمله أي مظاهرات فالوقت الحالي بجد مينفعش كده و علي فكره محدش هينزل عشان اللي بيحبوا مصر عارفين الثوره التانيه ديه ممكن تعمل ايه فالبلد و علي فكره انا من مؤيدين ثوره 25 يناير جدااااا
و فخووور جدا بالانجازات اللي حققتها بس بصراحه انا مش من مؤيدين الثوره التانيه ديه :confused:
!_ToGoO_MorY_!
21-05-2011, 03:21 AM
الـــــــــــــــــصــــــــبر يا عالم الصبر

احيه احيه على البلد احيه

بزمتك هينفع الى بيحصل ده ؟!!

كل شويه ام مظاهره لحد ما البلد تتخرب ومحدش هينزل معاك محدش هينزل خالص

بسبب حاجه بسيطه جدا ان كله خايف على البلد

معايا فى الكلام ولا لأ يا شباب ؟
SŦorm
21-05-2011, 03:22 AM
انتا مش هتحس بتغير غير لما رئيس جديد يمسك البلد علشان دى زى فترة نقاهة بلنسبة للحكومة كلو عايز الوضع يفضل كدا ويمسك رؤؤس الفساد وتتم محكمتهم مش فى يوم ولا شهر ممكن لحد مارئيسك الجديد يمسك كمان



وكلو يتغير علشان الشعب مش بيعجبة حاجة يكون رئيس بختيار الشعب والى هيعملوة اكيد كلو هيتقبلوة كل الشعب

تقولى مفيش حاجة اتغيرت بردة من ساعة الثورة اقولك بقى انتا اقعدت 30 سنة مزلول وجى مش قادر تصبر شهور :confused:
Diabien
21-05-2011, 03:27 AM
الـــــــــــــــــصــــــــبر يا عالم الصبر

احيه احيه على البلد احيه

بزمتك هينفع الى بيحصل ده ؟!!

كل شويه ام مظاهره لحد ما البلد تتخرب ومحدش هينزل معاك محدش هينزل خالص

بسبب حاجه بسيطه جدا ان كله خايف على البلد

معايا فى الكلام ولا لأ يا شباب ؟
مـــعـــاك جـــدا ربنا يستر ع البلد :confused:
™~BlackSpeeR~™
21-05-2011, 03:31 AM
الصـــــــــــــــــــــبـــــــــــــــــــــــــ ـــر

يا جماعه مصر مش مستحمله أي مظاهرات فالوقت الحالي بجد مينفعش كده و علي فكره محدش هينزل عشان اللي بيحبوا مصر عارفين الثوره التانيه ديه ممكن تعمل ايه فالبلد و علي فكره انا من مؤيدين ثوره 25 يناير جدااااا
و فخووور جدا بالانجازات اللي حققتها بس بصراحه انا مش من مؤيدين الثوره التانيه ديه :confused:





+1
koka
21-05-2011, 03:34 AM
الصـــــــــــــــــــــبـــــــــــــــــــــــــ ـــر

يا جماعه مصر مش مستحمله أي مظاهرات فالوقت الحالي بجد مينفعش كده و علي فكره محدش هينزل عشان اللي بيحبوا مصر عارفين الثوره التانيه ديه ممكن تعمل ايه فالبلد و علي فكره انا من مؤيدين ثوره 25 يناير جدااااا
و فخووور جدا بالانجازات اللي حققتها بس بصراحه انا مش من مؤيدين الثوره التانيه ديه :confused:

الـــــــــــــــــصــــــــبر يا عالم الصبر

احيه احيه على البلد احيه

بزمتك هينفع الى بيحصل ده ؟!!

كل شويه ام مظاهره لحد ما البلد تتخرب ومحدش هينزل معاك محدش هينزل خالص

بسبب حاجه بسيطه جدا ان كله خايف على البلد

معايا فى الكلام ولا لأ يا شباب ؟

انتا مش هتحس بتغير غير لما رئيس جديد يمسك البلد علشان دى زى فترة نقاهة بلنسبة للحكومة كلو عايز الوضع يفضل كدا ويمسك رؤؤس الفساد وتتم محكمتهم مش فى يوم ولا شهر ممكن لحد مارئيسك الجديد يمسك كمان



وكلو يتغير علشان الشعب مش بيعجبة حاجة يكون رئيس بختيار الشعب والى هيعملوة اكيد كلو هيتقبلوة كل الشعب

تقولى مفيش حاجة اتغيرت بردة من ساعة الثورة اقولك بقى انتا اقعدت 30 سنة مزلول وجى مش قادر تصبر شهور :confused:

كلامكو على عينى و راسى

بس يا جماعه انتو شايفين ايه اللى بيحصل فى البلد ولا مش واخدين بالكو

تمن الكفاله فى مصر بقا 24 مليون جنيه فقط

يعنى سوزان طلعت براءه ده رقم واحد

ثانيا : المجلس العسكرى كان عارف بأحداث امبابه قبل ما تحصل
ثالثا : اللواء مختار الملا اعترف ان الفوضى و الطائفيه سببهم النظام و هما اللى روجو للفكره دى
رابعا : الاعلام لسه زى ما هو
خامسا : عرفتو ايه اللى حصل لرامى عصام مطرب الثوره او اللى غنى فيها يعنى
سادسا : المظاهره يوم الجمعه يعنى مش هتأثر على البلد ولا على الاقتصاد ولا على اى حاجه

يا جماعه مفيش حلاوه من غير نار

حسنى هيطلع براءه كده
و هتقولو احمد قال

عايزكو تسيبوكو من اللعبه شويه و اقروا و شوفو النت و الاخبار

ناس كتير بتقول ان ده مخطط عالمى علشان نبعد عن الانتفاضه الفلسطينيه
koka
21-05-2011, 03:36 AM
مـــعـــاك جـــدا ربنا يستر ع البلد :confused:

+1



طيب ما تيجو نشوف الفيديو الاول
Diabien
21-05-2011, 03:40 AM
أولا أتأكدت منين أن المجلس العسكرى كان عارف بأحداث امبابه قبل ما تحصل

ثانيا اللواء مختار الملا اعترف ان الفوضى و الطائفيه سببهم النظام السابق
يعني كل النظام السابق بيتحاكم و ان شاء الله هياخدو جزائهم علي عملوه في البلد

المظاهره يوم الجمعه يعنى مش هتأثر على البلد ولا على الاقتصاد ولا على اى حاجه
هيا ديه لوجدها مصيبه أنا عارف أن الشباب المحترم اللي بيختار يوم الجمعه علي أساس أنو أجــازه و دول علي عيني و علي راسي المشكله في اللي ممكن يدخلو بينهم و يقلولك مش هنمشي غير لما يجبولنا رئيس بالكيس بتااعوو بوص من الاخر محدش هينزل ان شاء الله لان ده مش هيكون في مصلحه البلد

علي فكره انا مش بهاجمك أنا بس نفسي كل واحد قبل مايفكر ينزل مظاهره يفكر الاول ايه اللي ممكن يحصل مش أكتر
rob1n_hero
21-05-2011, 03:41 AM
الصـــــــــــــــــــــبـــــــــــــــــــــــــ ـــر

يا جماعه مصر مش مستحمله أي مظاهرات فالوقت الحالي بجد مينفعش كده و علي فكره محدش هينزل عشان اللي بيحبوا مصر عارفين الثوره التانيه ديه ممكن تعمل ايه فالبلد و علي فكره انا من مؤيدين ثوره 25 يناير جدااااا
و فخووور جدا بالانجازات اللي حققتها بس بصراحه انا مش من مؤيدين الثوره التانيه ديه :confused:

+1
Mohamed1163
21-05-2011, 03:42 AM
ايه انت عامله ده يا جدع
حرام عليك

عايزين نهدا شويه

الله يرحم الشعراوي لما قال

الثائر الحق يزل ثائرا حتي يهدم الفساد ثم يهدا ليحقق الامجاد
SŦorm
21-05-2011, 03:42 AM
رجعونا تانى للتحرير يعنى ضد المجلس الاعلى وش كدا



وكدا تبقى خرااااااااااااااااااااااااااااااااااااب يامصر
rob1n_hero
21-05-2011, 03:42 AM
الـــــــــــــــــصــــــــبر يا عالم الصبر

احيه احيه على البلد احيه

بزمتك هينفع الى بيحصل ده ؟!!

كل شويه ام مظاهره لحد ما البلد تتخرب ومحدش هينزل معاك محدش هينزل خالص

بسبب حاجه بسيطه جدا ان كله خايف على البلد

معايا فى الكلام ولا لأ يا شباب ؟

+1
koka
21-05-2011, 03:53 AM
أولا أتأكدت منين أن المجلس العسكرى كان عارف بأحداث امبابه قبل ما تحصل

ثانيا اللواء مختار الملا اعترف ان الفوضى و الطائفيه سببهم النظام السابق
يعني كل النظام السابق بيتحاكم و ان شاء الله هياخدو جزائهم علي عملوه في البلد

المظاهره يوم الجمعه يعنى مش هتأثر على البلد ولا على الاقتصاد ولا على اى حاجه
هيا ديه لوجدها مصيبه أنا عارف أن الشباب المحترم اللي بيختار يوم الجمعه علي أساس أنو أجــازه و دول علي عيني و علي راسي المشكله في اللي ممكن يدخلو بينهم و يقلولك مش هنمشي غير لما يجبولنا رئيس بالكيس بتااعوو بوص من الاخر محدش هينزل ان شاء الله لان ده مش هيكون في مصلحه البلد

اولا بشكرك شكرا جزيلا على كلامك الموضوعى

و اسمحلى بالرد عليه

اول نقطه بتاعه المجلس العسكرى
تفسر بأيه البيان اللى طلع قبل الاحداث بتاعه امبابه بيومين

ثانيا انهم بيتحاسبو

ده الكلام اللى احنا سمعناه و بس
يعنى احنا ممكن نشك فى الكلام ده
و تفسر بايه ان سوزان تطلع براءه كامله
و غيره كتير طلع برائه
و لحد دلوقتى رشيد مختفى بره مصر

و بعدين احنا بقالنا 4 شهور
تقدر تقولى لمصلحه مين

عرفت ان الجيش بتاعنا بيجمع توقيعات من الشعب علشان يجدد فتره حكمه للبلاد
على كل مواقع النت منشوره

غير كده و كده

انت عارف انهم اشترو 65 جهاز تكييف جديد لسجن طره

و تفسر بأيه انهم هيتحاكمو محاكمه مدنيه و اللى اتمسك فى التحرير من الشباب هيتحاكم محاكمه عسكريه
طيب تفسر بأيه ان اللواء منصور العيسوى لحد النهارده لم يقيل القيادات الكبرى فى وزاره الداخليه مع انهم بيتحاكمو

يعنى بالعربى كده بيروحو المحكمه الصبح يتحقق معاهم و يرجعو على شغلهم تانى
koka
21-05-2011, 03:57 AM
الحمد لله عددنا فى صفحتى على الفيس بوك وصل 27 الف

طبعا لعدم مخالفه قوانين منتدانا الغالى

مش هنحط اللينك هنا
Maikoo
21-05-2011, 04:06 AM
انا معاك يا احمد فى كلامك وقولت كتير بس محدش كان مصدقنى بس دلوقتى هيصدقونى غصب عنهم
كان نفسى ابقى من مصر ع شان اروح التحرير
ربنا يحمى مصر
koka
21-05-2011, 04:09 AM
انا معاك يا احمد فى كلامك وقولت كتير بس محدش كان مصدقنى بس دلوقتى هيصدقونى غصب عنهم
كان نفسى ابقى من مصر ع شان اروح التحرير
ربنا يحمى مصر

ربنا يكرمك و ترجعلنا بألف سلامه

و ان شاء الله هتكون مصر احسن بكتير مما سبتها

عدد شبابنا الواعى كتير و لله الحمد
_BlackHorse_
21-05-2011, 04:18 AM
انا نازل يوم 27 عشان بجد حرام سوزان تطلع

ويجى بعد كدة يقولك حسنى هيتنازل ونعفوا عنة

احيييييييييييييييييييييييييييييييييييييييييييييية

30 سنة مطلعين عين ابونا

وبعد كدة يتنازلوا ونعفوا عنهم

بجد هم نفسهم الثورة المضادة

شوية شوية هيقولولنا نعتذر لمبارك
koka
21-05-2011, 04:34 AM
انا نازل يوم 27 عشان بجد حرام سوزان تطلع

ويجى بعد كدة يقولك حسنى هيتنازل ونعفوا عنة

احيييييييييييييييييييييييييييييييييييييييييييييية

30 سنة مطلعين عين ابونا

وبعد كدة يتنازلوا ونعفوا عنهم

بجد هم نفسهم الثورة المضادة

شوية شوية هيقولولنا نعتذر لمبارك

انا مش اسف يا ريس

صح كده
!_ToGoO_MorY_!
21-05-2011, 04:38 AM
خلاص اانا اقتنعت

لأن فعلا فى كتير متغيرش

ونازل يوم 27
koka
21-05-2011, 04:52 AM
خلاص اانا اقتنعت

لأن فعلا فى كتير متغيرش

ونازل يوم 27

احيك جدا جدا

و بنحبك يا مصر
mizo82
21-05-2011, 04:54 AM
يلا و انا معاكو يا رجاله

ثوره ثوره الى الامام

بس بالله عليكو بدل كنتاكى هتولنا القذافى
koka
21-05-2011, 05:04 AM
اسمحولى ان اقتبس هذا الخبر من زميلنا

http://im3.gulfup.com/2011-05-21/1305943193661.jpg (http://www.anavip.net/vb/)

و ده اللينك للى حابب يتأكد
http://www.youm7.com/News.asp?NewsID=417037

تفتكرو هنستنا ايه تانى
و هل ده كافى لإثبات كلامى السابق

و لو لسه فى اى حد مش مقتنع
ان شاء الله و بفضل الله هيقتنع

بعد مناقشه محترمه
_BlackHorse_
21-05-2011, 06:33 AM
يلا و انا معاكو يا رجاله

ثوره ثوره الى الامام

بس بالله عليكو بدل كنتاكى هتولنا القذافى

كنتاكى مات :bicycle:

والقذافى هرب :bicycle:
Anac0nda
21-05-2011, 06:48 AM
لا تعليق
☜ ĂиTaKą ☞
21-05-2011, 06:50 AM
لا ... انا مش هنزل
_BlackHorse_
21-05-2011, 07:05 AM
لا ... انا مش هنزل

مش هتنزل ؟

ياريت تقول اسبابك عشان نقدر نقنعك انك تنزل

لأن انا واحد من الناس كنت بقول

البلد كدة هتخرب لو عملنا ثورة تانية

تفتكر هى لسة مخربتش ؟

فى حاجة حصلت من ساعت 25 يناير ؟

هتقولى الناس اتحبسوا

اتحبسوا اة بس جارى الافراج عنهم سوزان - زكريا عزمى خدوا اول تأشرتين وخرجوا

مينفعش الى بيحصل الناس دي بتاخدنا على قد عقلنا

فاكرينا هنهدى لما نشوفهم محبسوين شوية وبعد كدة يخرجوا ولا اكنهم عملوا حاجة

30 سنة بناخد بالجزمة وفى الاخر بيقولوا الى بيتنازل عن اموالة بيخرج

يا حلاووووووووووة يا ولالالالالالالالاد

ماكنت الناس كلها سرقت ونهبت وفى الاخر قالت هتنازل واخرج

فكر ف الموضوع تانى

مصر امانة ف ايدينا ومن حقها علينا اننا نفكر فيها اكتر من كدة شوية
koka
21-05-2011, 07:21 AM
لا تعليق


لا ... انا مش هنزل

مش هتنزل ؟

ياريت تقول اسبابك عشان نقدر نقنعك انك تنزل

لأن انا واحد من الناس كنت بقول

البلد كدة هتخرب لو عملنا ثورة تانية

تفتكر هى لسة مخربتش ؟

فى حاجة حصلت من ساعت 25 يناير ؟

هتقولى الناس اتحبسوا

اتحبسوا اة بس جارى الافراج عنهم سوزان - زكريا عزمى خدوا اول تأشرتين وخرجوا

مينفعش الى بيحصل الناس دي بتاخدنا على قد عقلنا

فاكرينا هنهدى لما نشوفهم محبسوين شوية وبعد كدة يخرجوا ولا اكنهم عملوا حاجة

30 سنة بناخد بالجزمة وفى الاخر بيقولوا الى بيتنازل عن اموالة بيخرج

يا حلاووووووووووة يا ولالالالالالالالاد

ماكنت الناس كلها سرقت ونهبت وفى الاخر قالت هتنازل واخرج

فكر ف الموضوع تانى

مصر امانة ف ايدينا ومن حقها علينا اننا نفكر فيها اكتر من كدة شوية



هو ده شباب مصر
و هي دى المناقشه المفيده

يا جماعه هما فعلا بيضحكو علينا

لازم نفهم انهم بيستعبطونا
و الجيش عايز يقعد حاكمنا كتير

و مبارك هيطلع براءه

و دم الشهداء اللى يا ريتنى كنت منهم
هيروووووووووووووووووووووح على الفاضى

الناس دى ماتت علشان احنا نعيش صح

يا ريت كلنا نبقى ايد واحده
3EBC
21-05-2011, 08:28 AM
معاكوا ان شاء الله بس انا من اسكندريه فا هبقي في ميدان سيدي جابر ان شاء الله

وياريت يتم النشر علي الفيس بوك عشان نجمع اكتر عدد ممكن
ღ♥_ Abdo _♥ღ
21-05-2011, 08:35 AM
يا ناس البلد مدبهدلة

والاقتصاد متبهدل وكل حاجة

هتعمل مظاهرات

مش هيبقى فى مصر !!
HandSome
21-05-2011, 08:52 AM
بس يا جماعه انتو شايفين ايه اللى بيحصل فى البلد ولا مش واخدين بالكو

تمن الكفاله فى مصر بقا 24 مليون جنيه فقط

يعنى سوزان طلعت براءه ده رقم واحد

ثانيا : المجلس العسكرى كان عارف بأحداث امبابه قبل ما تحصل
ثالثا : اللواء مختار الملا اعترف ان الفوضى و الطائفيه سببهم النظام و هما اللى روجو للفكره دى
رابعا : الاعلام لسه زى ما هو
خامسا : عرفتو ايه اللى حصل لرامى عصام مطرب الثوره او اللى غنى فيها يعنى
سادسا : المظاهره يوم الجمعه يعنى مش هتأثر على البلد ولا على الاقتصاد ولا على اى حاجه

انا معاك فى الكلام ده
و ثورة 25 يناير مكنتش ثورة
I_Am_Legend
21-05-2011, 09:16 AM
يا جماعة في بلد بتعمل فيها ثورتين في 5 شهور و بلد اصلا اقتصادها ضعيف من غير اي ثورات ولا حاجة ولو فعلا ناس كتير نزلت اليوم ده في ناس هتفضل لعدة في التحرير تاني و البلد هتقف تاني و محدش يقول ده ملهوش دعوة بالطريق انا هناك علي طول و عارف ان ساعة الاعتصامات و المظهارات البلد بتقف مش التحرير بس علشان التحرير بيودي علي اماكن كتير جدا
_BlackHorse_
21-05-2011, 09:33 AM
يا جماعة في بلد بتعمل فيها ثورتين في 5 شهور و بلد اصلا اقتصادها ضعيف من غير اي ثورات ولا حاجة ولو فعلا ناس كتير نزلت اليوم ده في ناس هتفضل لعدة في التحرير تاني و البلد هتقف تاني و محدش يقول ده ملهوش دعوة بالطريق انا هناك علي طول و عارف ان ساعة الاعتصامات و المظهارات البلد بتقف مش التحرير بس علشان التحرير بيودي علي اماكن كتير جدا

مفيش دولة خسرت من الثورة قد اسرائيل

عارف لية ؟

عشان كنا نايميين

الغاز لما اتصدر لاسرائيل وجمال مبارك والشغل الى بيعملة فى مصر

والتمويل بتاعة اسرائيلى

تخيل ؟ ابن رئيس الجمهورية الى حارب فى 73

اكتر اصدقاءة خارج مصر اسرائليين

عاوز اية تانى نعمل خط ميترو بينا وبين تل ابيب ؟

شفت ازاى كانوا بيضحكوا علينا ؟

فاهم يعنى اية اسرائيل مهددين بالدمار لمجرد ان رموز الفساد دخلوا السجن ؟

يعنى اسرائيل كانت عايشة جوا بلدك وخير بلدك كان بيروحلهم بشكل او باخر ؟

شهداء 73 خلينا بعيد عن الثورة وشهداء الثورة

لو عرفوا ان ابن رئيس الجمهورية ولائة لآسرائيل اكتر من مصر ؟ تفتكر هيقولوا اية ؟

عاوزك تتخيل كدة لو انت واحد منهم هتقول جوا نفسك اية

انا كنت بتضايق لما واحد فلسطينى يقولى حسنى دة عميل

اقوم شاتمة واقولة يابن كذا وكذا

تصدق طلع عندة حق والله طلع عندهم حق

لما احنا كنا بنقول احنا قلبنا معاهم ورئيس جمهوريتنا طلع فى الاخر صاحب نتنياهو

كنا بنقول تسقط اسرائيل واحنا اكتر دولة بتساعد اسرائيل

مش مكسوف من نفسك ؟ انا عن نفسى مكسوف من نفسى

ولو شفت واحد فلسطينى هبوس راسة واقولة حقك عليا

لان احنا بدل مانساعدهم ضد اسرائيل كنا بنساعد اسرائيل مش فلسطين

عاوز تغير الى كان بيحصل فـ 30 سنة ف 5 شهور ؟ ولما تيجى تغيروا

تلاقى ناس واقفة ضد التغيير بآسم وبيقولوا على نفسهم مرحلة انتقالية ؟

عاوزين يحكموا البلد ويخلهوا ليبيا وتبص تلاقى معمر قذافى جوا مصر

شفت معمر القذافى عمل اية فـ الشعب الليبى ؟ نفسك يحصل دة فـ مصر ؟

بجد لازم نفوق قبل فوات الاوان
BaD SaD
21-05-2011, 09:48 AM
الـــــــــــــــــصــــــــبر يا عالم الصبر

احيه احيه على البلد احيه

بزمتك هينفع الى بيحصل ده ؟!!

كل شويه ام مظاهره لحد ما البلد تتخرب ومحدش هينزل معاك محدش هينزل خالص

بسبب حاجه بسيطه جدا ان كله خايف على البلد

معايا فى الكلام ولا لأ يا شباب ؟

+1
ii_MaTRiX_ii
21-05-2011, 10:39 AM
كلمه واحده . تعرف لو المجلس العسكري سابنا هيحصل ايه ؟ كفايه علينا الانفلات الامني .
DeviL BrotheR
21-05-2011, 10:55 AM
يا جدعان الصبر اول لما رئيس جديد يجي كل حاجه هبقي احسن الصبر بسسسسسسسسسسسسسسسسس
والله البد مش ناقصه المخزون الي عندنا هايخلص لو استمرت الاعصمات و بردو انتو بتعملو اعتصامات
شعب غريب بيخرب نفسه بنفسه
hoba
21-05-2011, 11:12 AM
بص أنا مبفهمش فالسياسة تمام بس إنت عايز تغير بعد أربع شهور طب تيجي ازاي
إنت عندك ميت مشكلة من أزمة أكل لفتنة لمشاكل مع الدول طب وبعدين
طب أصبرو شوية يمكن نشوف حاجة حلوة

مش نصبر أربع شهور ونقول محسانش بالتغير إنت عايز مثلاً سنة ولو محستش بالتغير يبقى إنزل كسر البلد وحيبقى عندك حق لو ولعت فيها

أخر كلمة الثورة ديه لو حصلت حيبقى فيه مجزرة وربنا يستر
Rayan lover
21-05-2011, 11:39 AM
معك فى كل كلامك وياريت اقدار اكون معك فى التحرير

من اقول الحبيب صلي الله عليه وسلم

((إذا فتح الله عليكم مصر بعدي، فاتخذوا فيها جنداً كثيفاً، فذلك الجند خير أجناد الأرض" قال أبو بكر: ولم ذاك يا رسول الله؟ قال: " إنهم في رباط إلى يوم القيامة" . ))

واخر دعوان ان الحمدلله رب العالمين

واندعوا الله عز وجل أن يدوم الامن والامان فى بلادنا الحبيبه
Solitaires
21-05-2011, 12:29 PM
يا رب
koka
21-05-2011, 12:39 PM
بص أنا مبفهمش فالسياسة تمام بس إنت عايز تغير بعد أربع شهور طب تيجي ازاي
إنت عندك ميت مشكلة من أزمة أكل لفتنة لمشاكل مع الدول طب وبعدين
طب أصبرو شوية يمكن نشوف حاجة حلوة

مش نصبر أربع شهور ونقول محسانش بالتغير إنت عايز مثلاً سنة ولو محستش بالتغير يبقى إنزل كسر البلد وحيبقى عندك حق لو ولعت فيها

أخر كلمة الثورة ديه لو حصلت حيبقى فيه مجزرة وربنا يستر

على الاقل محدش يضحك على العقول المصريه
بس بعد ما دخلو السجن واحد واحد يخرج

و يقولو سوزان تركت ممتلكاتها

بقا معقوله يا جماعه سوزان مبارك
معاها 24 مليون جنيه فقط

جنيه يعنى مش دولار

و قبل الثوره الاولى كان فى مكتبه اسكندريه بس
156 مليون جنيه

فاهمين ولا محتاجين توضيح

فى تواطأ من الجيش

لسه محدش خد باله
alshareef200
21-05-2011, 12:44 PM
يا شباب والله البلد مش مستحملة مش اكتر

يعنى الاقتصاد كل يوم فى النازل والدنيا خربانة والحال واقف

ممكن المظاهرة دى تفضل كام يوم = عطلة = وقف حال = اقتصاد فى النازل اكتر ماهو نازل

واللى فيه الخير يقدمه ربنا

وشكرا على موضوعك
ღ♥_ Abdo _♥ღ
21-05-2011, 12:45 PM
لا اله الا الله منكم لله

البلد بايزة والناس مش لقية تاكل حرام عليكم

البلد بازت من الثورة الاولى

وانتم لو عملتم ثورة تانية والله هنشحت منكم لله منكم لله !!
MaxGame
21-05-2011, 12:46 PM
طب إحنا نعمل إيه
عندنا إمتحانات ثانويه عامه يوم 11/6 والمظاهرات ديه لو إمتدت شكل الإمتحانات هتتلغى لإن الإنفلات الأمنى هيزيد أكثر و أكثر
ده إيه السنه اللى مش عايزه تعدى ديه:confused:
Never Lose
21-05-2011, 01:37 PM
بوصو ياجماعه اولن الثوره التانيه ديه لازم تحصل لكذا سبب منهوم

1_ المجلس العسكري بداء يلعب على المكشوف والمظاهره الي حصلت لتائيد المجلس العسكري للحكم ديهالتق

2_ يعني ايه سوزان تطلع بكفاله 24 مليون وهيا فيه اكيد حسبات باسمها بمليارات

3_ يعني ايه التقعاص والتخاذل في التحقيقات ده

4_ يعني ايه الناس الي تموت ديه ومحدش يجبلهوم حقهوم ويتكسلو في التحقيقات وشويه يقولك ده شارك في موقعة الجمل ده لا يقولك مشركش ده شارك في قتل المتظاهرين لا تصدق ده مشركش

5_ يعني ايه فتحي سرور وي وزير التقافه السابق يطلع براءه هوا وكام واحد من اعوان النظام السابق

6_ يعني ايه الاعلام ميتغيرش ويفضل زي مهوا ؟

7_ يعني ايه ناس تموت وناس تفقد عينها وفي الاخر يقولك هات الفلوس واخلع لو انتا ميتلك حد في الثوره هتعرف يعني ايه الي بيعملو المجلس العسكري وبتعملو النيابه ده

واللعب بقا واضح اوي وعلى المكشوف والله اعلم بردو بحتت اني نبيل العرابي بقا امين جامعه الدول العربيه فاجئه بعد مكان وزير خارجيه يقوم بعملو على اكمل وجه


ولسا فيه حاجات متكلمناش فيها كتير وربنا يستر على البلد من الفاسدين ويرت نفوق ونشوف الي بيحصل حولينا
_D34D_
21-05-2011, 01:56 PM
الصـــــــــــــــــــــبـــــــــــــــــــــــــ ـــر

يا جماعه مصر مش مستحمله أي مظاهرات فالوقت الحالي بجد مينفعش كده و علي فكره محدش هينزل عشان اللي بيحبوا مصر عارفين الثوره التانيه ديه ممكن تعمل ايه فالبلد و علي فكره انا من مؤيدين ثوره 25 يناير جدااااا
و فخووور جدا بالانجازات اللي حققتها بس بصراحه انا مش من مؤيدين الثوره التانيه ديه :confused:


مع احترامي ليك .. مافيش ثورة تانية اصلاً .. احنا بنكمل الثورة .
LoseAngeL
21-05-2011, 02:06 PM
ايه انت عامله ده يا جدع
حرام عليك

عايزين نهدا شويه

الله يرحم الشعراوي لما قال

الثائر الحق يزل ثائرا حتي يهدم الفساد ثم يهدا ليحقق الامجاد

+1
3EBC
21-05-2011, 02:10 PM
لا اله الا الله منكم لله

البلد بايزة والناس مش لقية تاكل حرام عليكم

البلد بازت من الثورة الاولى

وانتم لو عملتم ثورة تانية والله هنشحت منكم لله منكم لله !!



اول تحذير ليك .. اتكلم مع الاعضاء بطريقه احسن للحفاظ علي عضويتك

الناس دي مش حاسه ان حقها رجعلها وفعلا كل يوم واحد ورا التاني يخلع بكفاله 100 الف جنيه .. تمام

انا حذرتك .. واللهم ما بلغت اللهم ما فشهد :nono2:
D3MoN
21-05-2011, 02:27 PM
أن شاء اللة مش هينزل واحد
U Are Mine
21-05-2011, 02:46 PM
اول تحذير ليك .. اتكلم مع الاعضاء بطريقه احسن للحفاظ علي عضويتك

الناس دي مش حاسه ان حقها رجعلها وفعلا كل يوم واحد ورا التاني يخلع بكفاله 100 الف جنيه .. تمام

انا حذرتك .. واللهم ما بلغت اللهم ما فشهد :nono2:

ع فــكــره أنــا مــش شــايــف فــى رده أى حــاجــه غــلــط و هــو بــيــعـبــر عــن رأيــه ....

....

الــبــلـــد كــانــت لــســا بــتــوقــف ع رجــلــيــهــا و أنــتــوا هـتــكــســروهــا ...


و ع فــكــره الـلـى هـيـنـزل قـلـيـل أوى عـشـان الـكـل خـايـف ع الـبـلـد ....
xTHE_Draagon
21-05-2011, 02:56 PM
اللي عاملين الموضوع دة
شوية ناس جهلة محدش قرأ فيهم عن ثورة قبل كدة
في في التاريخ ثورة ضد حاكم اتعملت و حد حس بالتغير بعدها باربع شهور ؟

دة حتي في ثورة 19 الدستور نزل بعدها بكام سنة ...سنة 23
مش بعدها بـ4شهور -.-
I_Am_Legend
21-05-2011, 03:05 PM
مفيش دولة خسرت من الثورة قد اسرائيل

عارف لية ؟

عشان كنا نايميين

الغاز لما اتصدر لاسرائيل وجمال مبارك والشغل الى بيعملة فى مصر

والتمويل بتاعة اسرائيلى

تخيل ؟ ابن رئيس الجمهورية الى حارب فى 73

اكتر اصدقاءة خارج مصر اسرائليين

عاوز اية تانى نعمل خط ميترو بينا وبين تل ابيب ؟

شفت ازاى كانوا بيضحكوا علينا ؟

فاهم يعنى اية اسرائيل مهددين بالدمار لمجرد ان رموز الفساد دخلوا السجن ؟

يعنى اسرائيل كانت عايشة جوا بلدك وخير بلدك كان بيروحلهم بشكل او باخر ؟

شهداء 73 خلينا بعيد عن الثورة وشهداء الثورة

لو عرفوا ان ابن رئيس الجمهورية ولائة لآسرائيل اكتر من مصر ؟ تفتكر هيقولوا اية ؟

عاوزك تتخيل كدة لو انت واحد منهم هتقول جوا نفسك اية

انا كنت بتضايق لما واحد فلسطينى يقولى حسنى دة عميل

اقوم شاتمة واقولة يابن كذا وكذا

تصدق طلع عندة حق والله طلع عندهم حق

لما احنا كنا بنقول احنا قلبنا معاهم ورئيس جمهوريتنا طلع فى الاخر صاحب نتنياهو

كنا بنقول تسقط اسرائيل واحنا اكتر دولة بتساعد اسرائيل

مش مكسوف من نفسك ؟ انا عن نفسى مكسوف من نفسى

ولو شفت واحد فلسطينى هبوس راسة واقولة حقك عليا

لان احنا بدل مانساعدهم ضد اسرائيل كنا بنساعد اسرائيل مش فلسطين

عاوز تغير الى كان بيحصل فـ 30 سنة ف 5 شهور ؟ ولما تيجى تغيروا

تلاقى ناس واقفة ضد التغيير بآسم وبيقولوا على نفسهم مرحلة انتقالية ؟

عاوزين يحكموا البلد ويخلهوا ليبيا وتبص تلاقى معمر قذافى جوا مصر

شفت معمر القذافى عمل اية فـ الشعب الليبى ؟ نفسك يحصل دة فـ مصر ؟

بجد لازم نفوق قبل فوات الاوان

انا كنت بقول حاجة و حضرتك اتكلمت في حاجة تانية خالص اسرائيل ده جنب لوحدوا و موضوع لوحدة انا بتكلم عن مصر دلوقتي ثورتين في 5 شهور ! دي مش كتير و لو فعلا ناس كتير نزلت الجمعة الجاية في ناس هتفضل معتصمة و موقفة الطرق في ميدان التحرير و مناطق كتير اللي لازم ترولحها من ميدان التحرير و كمان خد امتحانات الثانوية و الجامعات دول هيكون عندهم مشكلة بردو لو الامتحانات اتأجلت او حاجة و محدش يفتكر ان انا ضد ثورة 25 يناير لا والله انا نزلت التحرير بس ايام متقطعة علشان كنت من اللجان الشعبية اللي بتحمي المنطق اللي انا ساكن فيها و كنت يوم الانتفاضة الفلسطينية عند سفارة الصهاينة ف والله انا كل المشكلة اني خايف من مشاكل كتير ممكن تحصل لمصر في المستقبل و الاعتصامات بقت كتير جدا لو مش مصدقني انزل طريق صلاح سالم و شوف هناك علي سبيل المثال و ليس الحصر
™Exclusive™
21-05-2011, 03:30 PM
استغفر الله العظيم اقسم بالله الشعب المصري دا مش هيهدا غير ام تلاقي مصر ادمرت و مفيش فلوس و كمان تلاقي
امريكا جي و اسرئيل و الحكاية تخلص علي كدا و انا واثق من كدا ازي تغير في 4 شهور ازييييييييييييييييييييييييي
حديقولي انت عايز بلد تتغير في اربع شهور دا عشان مصر تراجع مصر زي زمان (مش زمان حسني مبارك ) محتاجه
5 سنين يا جدعان دي بلد مش مصنع ارحمون با ارحمون
ღ♥_ Abdo _♥ღ
21-05-2011, 03:48 PM
اول تحذير ليك .. اتكلم مع الاعضاء بطريقه احسن للحفاظ علي عضويتك

الناس دي مش حاسه ان حقها رجعلها وفعلا كل يوم واحد ورا التاني يخلع بكفاله 100 الف جنيه .. تمام

انا حذرتك .. واللهم ما بلغت اللهم ما فشهد :nono2:

انا بتكلم مع الاعضاء بطريقة كويسة على فكرة دى اوب حاجة

تانى حاجة كل واحد ليه وجهة نظر وانا وجهت نظرى ان البلد هتضيع مننا

تالت حاجة انت زعلان علشان بقول منكم لله منا منى لله برضوا

كل واحد منه لله

وانا مش بتكلم كدة علشان يحصل مشاكل انا بعبر عن وجهة نظرى !
كركر نت
21-05-2011, 03:54 PM
شكرا على الموضوع
™_King_Redsea_™
21-05-2011, 04:05 PM
ب الطريقه دي البلد دي هتخرب اقتصاد البلد هيخرب مينفع اكيد

لا :weeping:
™King0FCream™
21-05-2011, 04:12 PM
للاسف الناس فاكره ان كل لما نعمل ثوره هتكون حاجه حلوه

وفاكره كمان ان كل حاجه هتتنفذ فى يوم وليله !!

يعنى الى خلانا نصبر 30 سنه مش هنصبر 9 شهور او حتى سنه على بال ما البلد تستقر !!
xTHE_Draagon
21-05-2011, 04:21 PM
للاسف الناس فاكره ان كل لما نعمل ثوره هتكون حاجه حلوه

وفاكره كمان ان كل حاجه هتتنفذ فى يوم وليله !!

يعنى الى خلانا نصبر 30 سنه مش هنصبر 9 شهور او حتى سنه على بال ما البلد تستقر !!


مش عارف انا بصراحة !!!
حاجة عجيبة !
koka
21-05-2011, 07:45 PM
اللي عاملين الموضوع دة
شوية ناس جهلة محدش قرأ فيهم عن ثورة قبل كدة
في في التاريخ ثورة ضد حاكم اتعملت و حد حس بالتغير بعدها باربع شهور ؟

دة حتي في ثورة 19 الدستور نزل بعدها بكام سنة ...سنة 23
مش بعدها بـ4شهور -.-


على فكره كده عيب
لأنك لا تعرفنى ولا انا اعرفك

عايز تقول رأيك فى الموضوع ده

يبقى تقوله و انت انسان محترم

و مفيش اى داعى لقله الادب

و حتى مش هتناقش معاك لأنى مش متعود اتناقش مع ناس مش محترمه
™_PLasma_ ™
21-05-2011, 07:51 PM
الـــــــــــــــــصــــــــبر يا عالم الصبر

احيه احيه على البلد احيه

بزمتك هينفع الى بيحصل ده ؟!!

كل شويه ام مظاهره لحد ما البلد تتخرب ومحدش هينزل معاك محدش هينزل خالص

بسبب حاجه بسيطه جدا ان كله خايف على البلد

معايا فى الكلام ولا لأ يا شباب ؟


معااااااااااااااااااااااااك !
koka
21-05-2011, 07:52 PM
انا كنت بقول حاجة و حضرتك اتكلمت في حاجة تانية خالص اسرائيل ده جنب لوحدوا و موضوع لوحدة انا بتكلم عن مصر دلوقتي ثورتين في 5 شهور ! دي مش كتير و لو فعلا ناس كتير نزلت الجمعة الجاية في ناس هتفضل معتصمة و موقفة الطرق في ميدان التحرير و مناطق كتير اللي لازم ترولحها من ميدان التحرير و كمان خد امتحانات الثانوية و الجامعات دول هيكون عندهم مشكلة بردو لو الامتحانات اتأجلت او حاجة و محدش يفتكر ان انا ضد ثورة 25 يناير لا والله انا نزلت التحرير بس ايام متقطعة علشان كنت من اللجان الشعبية اللي بتحمي المنطق اللي انا ساكن فيها و كنت يوم الانتفاضة الفلسطينية عند سفارة الصهاينة ف والله انا كل المشكلة اني خايف من مشاكل كتير ممكن تحصل لمصر في المستقبل و الاعتصامات بقت كتير جدا لو مش مصدقني انزل طريق صلاح سالم و شوف هناك علي سبيل المثال و ليس الحصر

استغفر الله العظيم اقسم بالله الشعب المصري دا مش هيهدا غير ام تلاقي مصر ادمرت و مفيش فلوس و كمان تلاقي
امريكا جي و اسرئيل و الحكاية تخلص علي كدا و انا واثق من كدا ازي تغير في 4 شهور ازييييييييييييييييييييييييي
حديقولي انت عايز بلد تتغير في اربع شهور دا عشان مصر تراجع مصر زي زمان (مش زمان حسني مبارك ) محتاجه
5 سنين يا جدعان دي بلد مش مصنع ارحمون با ارحمون

ب الطريقه دي البلد دي هتخرب اقتصاد البلد هيخرب مينفع اكيد

لا :weeping:

للاسف الناس فاكره ان كل لما نعمل ثوره هتكون حاجه حلوه

وفاكره كمان ان كل حاجه هتتنفذ فى يوم وليله !!

يعنى الى خلانا نصبر 30 سنه مش هنصبر 9 شهور او حتى سنه على بال ما البلد تستقر !!



مش عارف انا بصراحة !!!
حاجة عجيبة !




السلام عليكم

يا جماعه مفيش اى داعى اننا نغلط فى بعض
المشرف اللى مش عارف ازاى بقا مشرف

xTHE_Draagon

المهم انا رديت خلاص عليه
و يا ريت الاعضاء الباقيه ملهاش دعوه مش عايزين سبام هنا لو سمحتم

نرجع لموضوعنا بقا

اعتقد انا قلت اسباب مقنعه جدا فى الصفحه التانيه

و حاطط فيديوهات فى التوبك الرئيسى

ارجوك علشان تقدر تتناقش لازم تفهم الاول
انا اسف يا جماعه مقصدش حد بعينه

بس لازم اللى مش فاهم يفهم الاول و بعدين يوافق او يعترض
Danger_B0y
21-05-2011, 07:53 PM
انا مووش مؤيد الثورة التانيه دى

لسه مصر فيها فساد و مفسدين اصبروا شوويه وبعدين اعملوا اللى انتوا عايزين تعملووه على الأقل لما الرئيس الجديد يمسك الحكم


طب لو طلعتوا تتظاهروا عن ايه هيكون عن الجيش يتنازل عن قيادة مصر ؟! و لا ايش
koka
21-05-2011, 07:56 PM
انا مووش مؤيد الثورة التانيه دى

لسه مصر فيها فساد و مفسدين اصبروا شوويه وبعدين اعملوا اللى انتوا عايزين تعملووه على الأقل لما الرئيس الجديد يمسك الحكم

طب لو طلعتوا تتظاهروا عن ايه هيكون عن الجيش يتنازل عن قيادة مصر ؟! ة لا ايش

لا مش هنجيب سيره الجيش

احنا هنطالب بالمحاكمه السريعه العادله
و انها تبقى علنيه

ببساطه كده علشان منلاقيش واحد واحد خارج من السجن بكفاله
koka
21-05-2011, 08:41 PM
قررت محكمة جنايات القاهرة فى جلستها المنعقدة، السبت، تأجيل محاكمة رئيس الوزراء الأسبق أحمد نظيف ووزير الداخلية الأسبق حبيب العادلى ووزير المالية السابق يوسف بطرس غالى (هارب) إلى جلسة 25 يونيو المقبل،
وذلك فى قضية اتهامهم بإهدار المال العام والإضرار العمدى به بما قيمته 92 مليون جنيه وهى القضية المعروفة إعلاميا بقضية "اللوحات المعدنية".

http://www.masrawy.com/News/Egypt/Politics/2011/may/21/nazif_adly.aspx

و عن قريب سوف نسمع انه تم الافراج عن حسنى مبارك
و سيتم الاعتذار له و تكريمه

و هتقولو احمد قال
MoSTaFa_Pop
22-05-2011, 01:02 AM
انا معاكه بس اوعى حد يقرب من الجيش لانى لو حد قرب هتبقى ضربه جامده لى مصر
koka
22-05-2011, 01:55 AM
انا معاكه بس اوعى حد يقرب من الجيش لانى لو حد قرب هتبقى ضربه جامده لى مصر

لا لا مش هيجى سيره الجيش ان شاء الله

و اكيد هبلغكم بتحركات المسيره علشان نتفادى الصدامات مع الشرطه الى ان نصل ميدان التحرير

بس قبلها بيوم واحد بس علشان نكون فى السليم يعنى ^^
I_Am_Legend
22-05-2011, 09:28 AM
لا مش هنجيب سيره الجيش

احنا هنطالب بالمحاكمه السريعه العادله
و انها تبقى علنيه

ببساطه كده علشان منلاقيش واحد واحد خارج من السجن بكفاله

لا يبقي حضرتك يا اما مش فاهم الثورة التانية دي بتدعوا لايه او حد قالك كلام خطأ الثورة التانية دي ضد الجيش علشان الجيش يسيب الحكم و يتم عمل مجلش رئاسي مدني و ده علشان الانتخابات تتأجل و كل ده حصل علشان الانتخابات تتأجل و ده اللي بيدعو ليه بعض النشطاء السياسيين الان و بيستخدموا ضرورة حساب النظام السابق بسرعة علشان يجذبوا معاهم الناس و يوم الجمعة جي و هتشوف ان كلامي صح
xTHE_Draagon
22-05-2011, 11:23 AM
على فكره كده عيب
لأنك لا تعرفنى ولا انا اعرفك

عايز تقول رأيك فى الموضوع ده

يبقى تقوله و انت انسان محترم

و مفيش اى داعى لقله الادب

و حتى مش هتناقش معاك لأنى مش متعود اتناقش مع ناس مش محترمه



السلام عليكم

يا جماعه مفيش اى داعى اننا نغلط فى بعض
المشرف اللى مش عارف ازاى بقا مشرف

xthe_draagon

المهم انا رديت خلاص عليه
و يا ريت الاعضاء الباقيه ملهاش دعوه مش عايزين سبام هنا لو سمحتم

نرجع لموضوعنا بقا

اعتقد انا قلت اسباب مقنعه جدا فى الصفحه التانيه

و حاطط فيديوهات فى التوبك الرئيسى

ارجوك علشان تقدر تتناقش لازم تفهم الاول
انا اسف يا جماعه مقصدش حد بعينه

بس لازم اللى مش فاهم يفهم الاول و بعدين يوافق او يعترض




ايه دة ؟...دنا طلعت بتهان وانا مش واخد بالي علشان مش بدخل الموضوع !

بص يا حبيبي...لو اللي مزعلك اني بقول ناس جهلة ...لازم تعرف اني موجهتلكش كلام
والله انا نيتي فعلاً الناس صحاب الموضوع دة في الاساس
مش صاحب الموضوع اللي هو انت !
وانا هقلك انت كدة بردو ؟ -.-

و بعدين ايه المشرف اللي مينفعش يبقا مشرف دي !
افهم الكلام الاول و بعدين تعالا اتكلم ...و في الحالتين سواء فهمت او مفهمتش مينفعش تتكلم كدة
انا بأيدي دلوقتي اطردلك العضوية بتعتك علي الكلام دة و الاهانة دي !
بس هستنا ردك اللي جي !
kitokid
22-05-2011, 02:00 PM
الصبر مفتاح الفرج
xTHE_Draagon
22-05-2011, 05:28 PM
up
علشان انا عاوز صاحب الموضوع يشوفو
koka
22-05-2011, 08:58 PM
ايه دة ؟...دنا طلعت بتهان وانا مش واخد بالي علشان مش بدخل الموضوع !

بص يا حبيبي...لو اللي مزعلك اني بقول ناس جهلة ...لازم تعرف اني موجهتلكش كلام
والله انا نيتي فعلاً الناس صحاب الموضوع دة في الاساس
مش صاحب الموضوع اللي هو انت !
وانا هقلك انت كدة بردو ؟ -.-

و بعدين ايه المشرف اللي مينفعش يبقا مشرف دي !
افهم الكلام الاول و بعدين تعالا اتكلم ...و في الحالتين سواء فهمت او مفهمتش مينفعش تتكلم كدة
انا بأيدي دلوقتي اطردلك العضوية بتعتك علي الكلام دة و الاهانة دي !
بس هستنا ردك اللي جي !

up
علشان انا عاوز صاحب الموضوع يشوفو


السلام عليكم

سياده المشرف

كلامى معاك كان بمنتهى الرقى و الاحترام
فأذا كان فى سوء تفاهم
فأنك قد اوضحته

ولكن اخشى ان تصاب بالغرور فى الصلاحيات المخوله اليك

فى انتظار ردك فى اقرب وقت
koka
22-05-2011, 09:03 PM
لا يبقي حضرتك يا اما مش فاهم الثورة التانية دي بتدعوا لايه او حد قالك كلام خطأ الثورة التانية دي ضد الجيش علشان الجيش يسيب الحكم و يتم عمل مجلش رئاسي مدني و ده علشان الانتخابات تتأجل و كل ده حصل علشان الانتخابات تتأجل و ده اللي بيدعو ليه بعض النشطاء السياسيين الان و بيستخدموا ضرورة حساب النظام السابق بسرعة علشان يجذبوا معاهم الناس و يوم الجمعة جي و هتشوف ان كلامي صح

اخويا و حبيبي

احيك على كلامك
بس يمكن انت متعرفنيش كويس

انا مش مجرد ناقل للكلام ده

انا فى غنّى عن نقل الكلام و مجردد ترديده
انا الحمد لله من احد مؤسسي هذه الفكره

و مستعد للنقاش

لأنى اعتقد اننا لنا نفس المصلحه
xTHE_Draagon
22-05-2011, 10:01 PM
السلام عليكم

سياده المشرف

كلامى معاك كان بمنتهى الرقى و الاحترام
فأذا كان فى سوء تفاهم
فأنك قد اوضحته

ولكن اخشى ان تصاب بالغرور فى الصلاحيات المخوله اليك

فى انتظار ردك فى اقرب وقت


هو مكنش بمنتهي الرقة و الاحترام اوي يعني ^^
و علي فكرة انا معنديش صلحيات اصلاً غير في قسمي بس ..و دة مش قسمي
يعني لو انا عضو عادي و ادخلت لقيت واحد بيتكلم عليا كدة...كنت هعرف اخد حقي بردو


عموما خلاص...انا فهمتك اقصد ايه ^^
koka
22-05-2011, 10:19 PM
هو مكنش بمنتهي الرقة و الاحترام اوي يعني ^^
و علي فكرة انا معنديش صلحيات اصلاً غير في قسمي بس ..و دة مش قسمي
يعني لو انا عضو عادي و ادخلت لقيت واحد بيتكلم عليا كدة...كنت هعرف اخد حقي بردو


عموما خلاص...انا فهمتك اقصد ايه ^^


الخلاف فى الرأى لا يفسد فى الود قضيه

و سبب انشاء هذا الموضوع
هو بحث طرق افضل و معيشه يسودها الحب و الديموقراطيه

من اجل مصر

و عموما انا بحب جدا النقاش

و بتقبله بصدر رحب

و حصل خير و كلنا اخوه و مفيش اى مشاكل
cronton
23-05-2011, 12:10 AM
ربنا معاك بس انا من مؤيدى الثورة ولاكن سدائونى يا جماعة مصر هتنهار فى كل ثورة فى ضعف فى الميزانية ودا حرام لما نقطع عيش الناس
لازم نبنى مصر


عاشت الثورة
DarkM@n
23-05-2011, 12:14 AM
انا مقراتش الموضوع


بس ياريت يكون في ثوره
علشان امتحانات الثانويه العماه تتاجل :icecream::icecream:
™_Beso_™
23-05-2011, 01:21 AM
مش وقتها خالص
طب لما مصر تمسك نفسها الاول
xTHE_Draagon
23-05-2011, 01:41 AM
ماشي ^^
Just_Warrior
23-05-2011, 02:12 AM
الـــــــــــــــــصــــــــبر يا عالم الصبر

احيه احيه على البلد احيه

بزمتك هينفع الى بيحصل ده ؟!!

كل شويه ام مظاهره لحد ما البلد تتخرب ومحدش هينزل معاك محدش هينزل خالص

بسبب حاجه بسيطه جدا ان كله خايف على البلد

معايا فى الكلام ولا لأ يا شباب ؟

+1111111111111111111111111111111111111111111111111 1111111111
Sun_tears
23-05-2011, 05:02 AM
الـــــــــــــــــصــــــــبر يا عالم الصبر

احيه احيه على البلد احيه

بزمتك هينفع الى بيحصل ده ؟!!

كل شويه ام مظاهره لحد ما البلد تتخرب ومحدش هينزل معاك محدش هينزل خالص

بسبب حاجه بسيطه جدا ان كله خايف على البلد

معايا فى الكلام ولا لأ يا شباب ؟




مين قالك محدش هينزل ؟

طب انا بأزن الله نازل

لانى شايف طواطؤ من المجلس العسكرى فى الحكم على السفله دول

لو فضلنا على كدا بكه يقولك مبارك معاه هوا كمان 25 مليون و يتنازل عنهم و براءة صح ؟

انتم مستنين كدا ؟

طب انا هقولك حاجه هوا ساعت الثوره الاولى كنا بنسمع كلام يشل من الكل عن الثوره و الثوار

و بعد ما نجحت بقت اسمها الثوره الباسله و و و و و

بردو دلوقتى هنسمع الكلاو المعتاد ان ديه ثوره مضاده و الكام كلمه اللى حفظناها ديه ؟

و لو نجحت ان شاء الله .... انتو عارفين

انا هقول اخر حاجه ان شاء اله هنزل علشان انا مش شايف اى جديد فى البلد

ولا حتى شايف اى خطط لمستقبل محترم ولا بشاير المستقبل اللى جاى و لا و لا و لا ..
koka
23-05-2011, 05:07 AM
مين قالك محدش هينزل ؟

طب انا بأزن الله نازل

لانى شايف طواطؤ من المجلس العسكرى فى الحكم على السفله دول

لو فضلنا على كدا بكه يقولك مبارك معاه هوا كمان 25 مليون و يتنازل عنهم و براءة صح ؟

انتم مستنين كدا ؟

طب انا هقولك حاجه هوا ساعت الثوره الاولى كنا بنسمع كلام يشل من الكل عن الثوره و الثوار

و بعد ما نجحت بقت اسمها الثوره الباسله و و و و و

بردو دلوقتى هنسمع الكلاو المعتاد ان ديه ثوره مضاده و الكام كلمه اللى حفظناها ديه ؟

و لو نجحت ان شاء الله .... انتو عارفين

انا هقول اخر حاجه ان شاء اله هنزل علشان انا مش شايف اى جديد فى البلد

ولا حتى شايف اى خطط لمستقبل محترم ولا بشاير المستقبل اللى جاى و لا و لا و لا ..



هو ده شباب مصر الواعى

و ان شاء الله هنكون كلنا ايد واحده ضد اعداء مصر
Sun_tears
23-05-2011, 05:11 AM
بقى نظيف و الشله بتاعتو اهدرو 92 مليون بس ؟
ولا الحاجه سوزان معهاش غير 25 مليون بس ؟
بكره حسنى يتنازلكو عن 25 مليون و متشفوش وش اومو تانى..


طب و اخرتها ؟
طب فى سؤال محيرنى اوى ياريت الىى يعرفوا يجاوبنى

هوا ازاى عم طنطاوى فضل فى منصبوا المده ديه كلها ؟
اكيد اكيد كان شايف شغلو على اكمل وجه
ده انتيم حسنى الروح بالروح
انا مبتهموش بحاجه لاسمح الله
بس الدين يقولك المرء على دين خليله
يعنى انا ليا حق لما اظن فيه ظن وحش
بس انا لو مكانو واكيد منت هعرف ان حسنى ماشى فى الطرق الغلط كنت مش هكمل معاه
ولا انتم شايفين انو كان لازم يكمل ؟


معلش على الاسبام
koka
23-05-2011, 11:02 PM
يالا يا شباب هانت
Kazabianka
24-05-2011, 12:23 AM
لو حصلت الثوره دى يبقى سلام يا مصر
يا استاذى انت بتقول الثوره يوم الجمعه و مش هيحصل حاجه فى اقتصاد البلد
انت فاكر ثوره 25 يناير كانت يوم خميس شفت الاقتصاد فى البلد ضاع ازاى ال 18 يوم؟
ولا عشان 25 يناير نجحت يبقى دى كمان هتنجح ولا هتعمل حاجه انتوا كده بتقولوا للجيش اضربوا فينا
على رأى سعيد صالح (مهى ظاااااتت بقي)
بجد حرام يا مصريين
Just_Warrior
24-05-2011, 12:50 AM
http://im3.gulfup.com/2011-05-21/1305935702911.gif (http://www.anavip.net/vb/)

حرصاً على عدم ضياع الثوره

هل تفتخر بهذه الآراء ؟؟

http://im3.gulfup.com/2011-05-21/1305935702353.jpg (http://www.anavip.net/vb/)

و هل تستهين بقوه هؤلاء ؟؟

http://im3.gulfup.com/2011-05-21/1305935702914.jpg (http://www.anavip.net/vb/)

نعم نحن المصريين

موعدنا

http://im3.gulfup.com/2011-05-21/1305934177861.jpg (http://www.anavip.net/vb/)

http://im3.gulfup.com/2011-05-21/1305935703915.jpg (http://www.anavip.net/vb/)

ان شاء الرحمن

ان اردت ان تحس بالقوه المصريه

http://www.youtube.com/watch?v=ysxotivfsy8
http://www.youtube.com/watch?v=hfbuo8rmjtw&feature=related
شاهد قبل ابداء رأيك

و ناقشنى

فأهم ما يميزنا اننا قادرين على فهم بعضنا البعض
و مناقشه امور بلدنا و مصلحتنا العامه





يا ريت يا شباب علشان نفهم قبل ما نقول رأينا

و ده ملخص الكلام































الحمد لله عددنا فى الفيس بوك فى اذدياد مستمر

وصلنا 148 الف

صفحتى فقط


قررت محكمة جنايات القاهرة فى جلستها المنعقدة، السبت، تأجيل محاكمة رئيس الوزراء الأسبق أحمد نظيف ووزير الداخلية الأسبق حبيب العادلى ووزير المالية السابق يوسف بطرس غالى (هارب) إلى جلسة 25 يونيو المقبل،
وذلك فى قضية اتهامهم بإهدار المال العام والإضرار العمدى به بما قيمته 92 مليون جنيه وهى القضية المعروفة إعلاميا بقضية "اللوحات المعدنية".

http://www.masrawy.com/news/egypt/politics/2011/may/21/nazif_adly.aspx

ناقص ايه ؟؟؟؟

حسنى يطلع براءه


انت عاوز تقنعنى ان حتى بعد الكلام اللى انت قلتة دا ولو عملت اللى انت بتقول علية ...هتحس بالتغيير؟؟؟؟؟
والله عمرنا ما هنحس بأى تغيير إلا لما نغير من نفسنا الاول
لو انت بدأت بنفسك هتغير من اللى حواليك كمان
MAX EGYPT
24-05-2011, 01:45 PM
لو المظاهرة سلمية و هنمشي من الميدان بليل بعد ما نخلص 100% هنزل
koka
24-05-2011, 03:01 PM
لو حصلت الثوره دى يبقى سلام يا مصر
يا استاذى انت بتقول الثوره يوم الجمعه و مش هيحصل حاجه فى اقتصاد البلد
انت فاكر ثوره 25 يناير كانت يوم خميس شفت الاقتصاد فى البلد ضاع ازاى ال 18 يوم؟
ولا عشان 25 يناير نجحت يبقى دى كمان هتنجح ولا هتعمل حاجه انتوا كده بتقولوا للجيش اضربوا فينا
على رأى سعيد صالح (مهى ظاااااتت بقي)
بجد حرام يا مصريين

انت عاوز تقنعنى ان حتى بعد الكلام اللى انت قلتة دا ولو عملت اللى انت بتقول علية ...هتحس بالتغيير؟؟؟؟؟
والله عمرنا ما هنحس بأى تغيير إلا لما نغير من نفسنا الاول
لو انت بدأت بنفسك هتغير من اللى حواليك كمان

لو المظاهرة سلمية و هنمشي من الميدان بليل بعد ما نخلص 100% هنزل

ربنا مع مصر
™_Raidestrike_™
24-05-2011, 03:23 PM
شكراً
:worthy::worthy:
koka
25-05-2011, 12:01 AM
شكراً
:worthy::worthy:

اموت و اعرف انت بتشكرنى على ايه بس

ده انتى عضو ذهبى اهو

مش عايزين اسبام كتير لو سمحت

انت عضو ذهبى و فاهم
koka
25-05-2011, 12:06 AM
هو ممكن حد يشرحلنا ازاي فتحي سرور خد براءه من تهمه الكسب الغير مشروع !!!

و سوزان مبارك تطلع براءه

و زكريا عزمى يطلع براءه

و هل يا ترى حسنى مبارك هيرجع رئيس لمصر امتى

لأنه وحشنا اوى اوى

مش كده بردو يا رجاله ولا ليكو رأى تانى
tigergirl156
25-05-2011, 02:20 AM
انا مش عارف ليه منزلتش 25 يناير كنت فاكر ان الحكومة هتولع في المتظهرين وامي اما قلتلها اروح اغمي عليها في يوم 28 يناير انا كنت رايح اني قلاقي عجلة اركبها ولا عربية كرو حتا مفيش زعلت اوي قولت كل الناس عملت وجبها الا انا انا هنزل 26 مايو لأني فعلا مش حاسس بي التغيير خالصصصصصص غير ان الشرطة اتعدلت فين الفقرة الي بيقولو هيدهم شقق فين انابيب بوتجاز الي مكفية ربع الناس الي محتاجة انابيب وفين رعيف العيش الي الناس لسا بتقف طوابير علشانو هو ده التغيير ؟

انا بقولها من بيتي في شارع خاتم المرسلين عمرانية هرم
انا مش حاسس بي التغيير ونازل التحرير
ونفسي اشوف بلطجي واحد علشان هتكون امو دعية عليه وي ابوه متبرة منه
STRQUEEN
25-05-2011, 02:35 AM
لــكى الله يـــا مصــر
:s
koka
25-05-2011, 09:28 PM
انا مش عارف ليه منزلتش 25 يناير كنت فاكر ان الحكومة هتولع في المتظهرين وامي اما قلتلها اروح اغمي عليها في يوم 28 يناير انا كنت رايح اني قلاقي عجلة اركبها ولا عربية كرو حتا مفيش زعلت اوي قولت كل الناس عملت وجبها الا انا انا هنزل 26 مايو لأني فعلا مش حاسس بي التغيير خالصصصصصص غير ان الشرطة اتعدلت فين الفقرة الي بيقولو هيدهم شقق فين انابيب بوتجاز الي مكفية ربع الناس الي محتاجة انابيب وفين رعيف العيش الي الناس لسا بتقف طوابير علشانو هو ده التغيير ؟

انا بقولها من بيتي في شارع خاتم المرسلين عمرانية هرم
انا مش حاسس بي التغيير ونازل التحرير
ونفسي اشوف بلطجي واحد علشان هتكون امو دعية عليه وي ابوه متبرة منه

لــكى الله يـــا مصــر
:s

هننزل تانى و تالت و رابع

احنا زهقنا و عايزين البلد تنضف بقا

و دى اول التعليمات للى حابب يعرف اكتر عن الموضوع

http://www.youtube.com/watch?v=5UM3QFq3KSY&feature=channel_video_title

http://www.youtube.com/watch?v=AQwkkIDRP_o&feature=relmfu
و الله معك يا مصر
koka
28-05-2011, 01:24 AM
سوزان ثابت.. أفندم.. إخلاء سبيل
زكريا عزمي.. أفندم.. إخلاء سبيل
فتحي سرور.. أفندم.. إخلاء سبيل
مفيد شهاب.. أفندم.. إخلاء سبيل
إبراهيم كامل.. أفندم.. إخلاء سبيل
مرتضى منصور.. أفندم.. إخلاء سبيل

.
.
.
.
.
.
.
الشعب المصري.. أفندم.. 15 يوم بتهمة البلاغ الكاذب



الحمد لله انا رجعت
حبيت اطمن كل اخوانى اللى هنا

كانت الامور هناك زى الفل و اكيد كلكم هتتابعو الاخبار فى التلفاز
و الحمد لله كل الميدان كان عاقل جدا زى ما توقعنا

و بعض اصدقائنا فى اسكندريه هتفوا ضد طنطاوى
ولكن نحن رأينا ان نتريث للجمعه القادمه

ان لم يتم شيئأ فى مطالب الثوره
فمن الطبيعى ان يكون هناك تواطئ

خصوصا بعد انتشار اخبار تفيد ان عائله مبارك
فى جده الان

و الله اعلى و اعلم
MR.TIfa
28-05-2011, 05:36 AM
بص لزم نهدا شويه عشان الاستقرار يرجع بعد الانتخبات
koka
28-05-2011, 08:01 AM
بص لزم نهدا شويه عشان الاستقرار يرجع بعد الانتخبات

اولا شكرا على رأيك الجميل ده

و فعلا احنا نزلنا بس علشان نجس نبض الشارع المصرى

و الحمد لله الشعب كله على درجه من الوعى كبيره جدا جدا

و ان شاء الله زى ما قلت قبل كده

لو المطالب متحققتش هننزل تانى بمشيئه الرحمن

بس بجد يا رب نخلص من جو الثورات ده

عايزين نركز فى شغلنا و حياتنا بس هيا دى فرصه مصر علشان تنضف

و اكيد مش هنضيع الفرصه دى من ايدينا

و الشعب الحمد لله فاهم كويس و يمكن اكتر منى كمان