المساعد الشخصي الرقمي

مشاهدة النسخة كاملة : >>>>>^^<<<<<


XTRQUEEN
06-05-2011, 03:08 AM
http://a8.sphotos.ak.fbcdn.net/hphotos-ak-ash4/208558_179266585458834_174919845893508_445465_4278 444_n.jpg

شوفت زهير والكلـــب جرانة

واحمد عز بحزب امانة
...
حزب التسليح والخرسانة
...
للسياسات سرقات نهبانا

وتموت الناس الغلبانة

ويعيش هو الكلـــب الواطى

بأسم الحزب الواطيقراطى

ويقولك مجهودى الذاتى

والعادلى اللى اسمه حبيب

اللى هجين بين كلـــــب وديب

والنياشين وصف التعذيب

صعران ديما على الأنسان

باسم طوارىء وبتنجااااان

بس عشان الامن امااان

والبلد ملك لاحكامهم

وانت مجرد من السكان

ولا قوانين تحكم بنى أدم

ولا حتى تنفع لفيران

ايوا فيران

والدستور ده كان عنوان

القوانين ازاى تتهان

فكر تسرق مالغلبان

فكر تبقى وزير اسكان

تنهب كم مليون فداااان

زى المغربى كلـــب جبان

فكر تبقى عميل اركان

وتخون بلدك كل أوان

تبقى جاسوس ومالكش أمان

ولا تكون تبع الشيطان

تقتل ملايين مالشبان

اشى بانجو واشى سم فران

تانى فران

شكلى ظلمت الفار ده كمان

يمكن فار بس انظف منهم

ممكن يسرق بس ده فااااار

مش يسرق 70 ملياااار

ويقولك طب ده اسمه شريف

ورئيس وزاراء واسمه نظيف

وعبيد قبله حرامى الريف

عاطف هو من الحلاليف

بيقوله ياريس برغيف

شعبك راضى ده شعب ضعيف

واحنا هناكل برجر بيف

ونكمل اجدع تزييف

عايز مجلس حزب مغارة

عايز تبنى جنينة فـ حارة

قولى ياريس اى امارة

واحنا ننفذ شغل خفيف

نسرق كم مليون ياظريف

وانت ياريس انت عفيف

والصدقة ياريس مظاريف

بس ياريس اجيب تكييف

واركب بس موديل الصيف

والفيلا محتاجة تنظيف

وهاغيرها كل خريف

وولادى عايزين مصاريف

ابنى راح يدرس فـ جنيف

واخته ياريس جسم نحيف

بقى شكلها دبلان ومخيف

علشان سهرات التخاريف

يلا ياريس بكرا تشلنى

وتجيب غيرى وابقى قابلنى

وانا خلصت الشعر ألمنى

بس سؤالى اللى محيرنى

مين فيكوا الكلـــب اللى وكلنى

مين فـ الدنيا ياما زليللنى

انت ياريس ولا الحاشية

انت ولا ده حالها وماشية

لسه دى معدن من غير أشية

y0y0elGeN
06-05-2011, 03:44 AM
باسم طوارىء وبتنجااااان



مش عارف اعمل اقتباس لى ايه بجد ارتجال و كلام موزون و قافيه عال العال

SeifElkomy
06-05-2011, 03:54 AM
تمام تسلم

☜ ĂиTaKą ☞
06-05-2011, 04:36 AM
:icecream::icecream:

فله .. شمعه .. منــوره

:icecream:

Mr.V.I.P
06-05-2011, 10:06 AM
لا عجباني

Sad_Angel
06-05-2011, 01:22 PM
مين فيكوا الكلـــب اللى وكلنى

مين فـ الدنيا ياما زليللنى

لا دول فران تالت مره

_ReDEv1L_
06-05-2011, 01:42 PM
جامد يا برنس والله تسلم..

mizo82
06-05-2011, 01:43 PM
تسلم

XTRQUEEN
06-05-2011, 03:18 PM
باسم طوارىء وبتنجااااان



مش عارف اعمل اقتباس لى ايه بجد ارتجال و كلام موزون و قافيه عال العال

تمام تسلم

:icecream::icecream:

فله .. شمعه .. منــوره

:icecream:

لا دول فران تالت مره

جامد يا برنس والله تسلم..

تسلم

شكرا ليكم كلكم يا شباب :)