المساعد الشخصي الرقمي

مشاهدة النسخة كاملة : تهويش ,,,


STRQUEEN
06-04-2011, 11:57 PM
وبيعلنوا القصف
واول مدينه هتتقصف
ذاتنا
كوباية القهوه
اللي مابين صوابعي بتترعش حزن
هيوحشها التماسي
ترجي الشفايف
تديها كام ساعه
قبل انفصال الواقع المحسوس
عن الحياه
وبيبتدي ذهولي
واستعارتي للنواح
من بين شفايف الامهات
لحظة وداعهم للامل
وبيرتجف ضوء القمر
ويشك في امانه المفتعل
ف يفرق المراسيل
للعاشقين حضن الحياه
الحقوا لموا
كل المشاعر في الالم
صدقوني هتحتاجوها
في الساعه دي
كان وقوفي للمشاهده
هو ده الشيء الطبيعي
وانتظاري للحدث
معرفش ايه نوع الحدث
بس متأكد
ان فيه زنقة حياه
هتبعتر الاحياء
هتخلي كل الكائنات
تبقي بشر
يتخانقوا علي البيع
بيع الخطاوي الطيبه ف حضن الوطن
بيع الحكاوي الاغنيه بين الضلوع
بيع مش بكام
ولا مين بيدفع التمن
بيع للتخلص منهم
واحشاهم اللذه
القدره علي القرارات
جايز غلط جايز غلط
بس احتمال
ان دي اخر نهايه بيكتبوها بخطرهم
كل البشر بعض البشر
فاتحين ضلوعهم للذخيره الاتيه
علي قد شوقهم للحقيقه
الكامنه خلف الستار
جهل منهم
فين يكون مهد الدمار
مين يكون اول وداع
بس الغموض
بين سطور الاحجيه
لساه مقالش ولا بيان
فاتخيلوا المشهد
ناس تدهوس علي الغيطان
وبيخلعوا ضل النبات
يسقيهم الضلمه
اللي احيانا تساعد
انهم يتسرسبوا
وناس تعري ضهرها
لاجل الوشوش متتكشفش
وناس بخوفها وعجزها
بيجمعوا الانفاس
وبينبشوا القبر
في محاوله منهم للحياه
واللي يتبرع بروحه
لاجل اما تنبت صخره
هتساعد الجنس الرقيق
يبني بيوت يتداري فيها
لاجل يبقي همه واحد
وبيبتدي سيناريو
منافي للواقع
منافي للاعلان
كان السيناريو فكرته
انه يجرب طعمنا
بعد انتظارنا للفراق
او بعد موت الابريه
لحظة خناق

ღ♥_ akeml _♥ღ
07-04-2011, 12:05 AM
روعة روعة

brave_knight
07-04-2011, 12:09 AM
روعة :flag_italy:

VietGuyZ
07-04-2011, 01:29 AM
جميل :(

Solitaires
07-04-2011, 01:51 AM
كلام جميل يا واد
بس محتاج شوية تنسيق :laughing1:

Controlled Black
07-04-2011, 03:20 AM
والله شديده اوي اوي..بس نصيحه:المره الجايه حطلي ترجمه :mf_rudolph::mf_rudolph:

بس بجد جامده

☜ ĂиTaKą ☞
07-04-2011, 05:55 AM
:rm_fish::rm_fish:

جامد الكلام يا واد

تسلم

BomBom
07-04-2011, 06:00 AM
كلام جميل

تسلم

| - CreSpO - |
07-04-2011, 10:23 AM
أحبك و انت بالتوبيكات دى :icecream:

شكـراً يا معلم

steerforth
07-04-2011, 10:30 AM
شكلك فاهم يانصة:icecream:
جامد بس مش فاهم دة شعر ولا نثر:flex:

STRQUEEN
07-04-2011, 11:38 AM
نثــر

مشكــورين يـا شبــاب ^_^

Mr.D3MO
07-04-2011, 01:05 PM
شكرا للكلام ده

Solitaires
07-04-2011, 01:06 PM
روعة يا واد
بس و حيات عنيك تنسقة عشان شكلة يبقى حلو

SeifElkomy
07-04-2011, 01:07 PM
روعة :)

Sad_Angel
07-04-2011, 01:40 PM
تسلم

Fire_Snake
07-04-2011, 02:52 PM
روعه

!_ToGoO_MorY_!
07-04-2011, 02:56 PM
كلام جميل

بس الحمد لله مفهمتش ولا حاجه ^^

netm0
07-04-2011, 02:57 PM
شكرا

Mr.V.I.P
07-04-2011, 03:15 PM
كلام جميل تسلم