شرح كامل وحصري لأبديت الهانتر والثيف

[d0nm0d3l]

دا شرح احسن من شرحي للأبديت ومشروح فيه السوكت ستون وكيفية عملها وكيفية عمل البلو علي الايتمز وكل حاجة
http://www.silkroad4arab.com/vb/showthread.php?p=3237569&posted=1#post3237569



السلام عليكم ورحمة الله ،،،
بعد التشجيع اللى شفته في موضوعي بتاع الفورجتن ورلد ... قلت اعمل شرح زية للأبديت الجديد لان فيه ناس كتير جدا مايعرفوش ايه المطلوب ولازمة الابديت دا ايه

يلا نبــــــــــــدأ
بعد الأبديت ظهر حاجة جديده بعد مابتكتب اليوزر والباسورد تحت بيانات الكراكتر بتاعتك قبل ماتدوس استارت
بندوس عليها وبتختار الوظيفة اللى انت حاببها ... وحاجة من 2
1- هانتر (صياد) :lightsabre:
2- ثيف (حرامي) :queenie:

اول حاجة بتعملها اول ماتفتح الجيم
تروح للراجل بتاع الوظايف تشتري منه أفاتار الوظيفة
ودي اماكنهم
1- جانجان (هانتر) : جنب الميرشنت اللى هناك
2- جانجان (ثيف) : ورا البلاك سميث ( افتح الخريطة هتلاقي ايقونة جديده روح عندها)
3- دونوانج (هانتر) : جنب بتاع الجواهر ( بص في الخريطة )
4- دونوانج ( ثيف ) : ورا الست بتاعت الارمور ( بص في الخريطة )
5- هوتان ( هانتر ) : ادام الاسطبل
6- هوتان ( ثيف ) : جنب البوابة الجنوبية ( بص في الخريطة )
7- سمرقند ( هانتر ) : جنب بتاع الاتش بي والام بي
8- سمرقند ( ثيف ) : جنب البوابة الجنوبية ( بص في الخريطة )
9- اسطنبول ( هانتر ) : جنب الراجل بتاع الارمور
10- اسطنبول ( ثيف ) : جنب البوابة الغربية ( بص في الخريطة )

بتروح تشتري أفاتار الوظيفة وبتعمل لك اسم ( Creat Alias ) تانى إختيار في القايمة اللى بتظهرلك لما تكلم الراجل بتاع الوظيفة

كدا انت جاهز ...... إلبس الأفاتار ( لازم ماتكونش في بارتي عشان يتلبس )
هتبص تلاقي نفسك ليفل 1 :flex::teehee:
عادي .. دا الليفل بتاع الوظيفة ماتقلقش
افتح صفحة الاسكيلات بتاعتك هتلاقي حاجة اسمها JOB
دوس عليها وافتح الاسكيلين الجداد
الأولاني بينزل لك ترانسبورت (حمار ولموأخذه)
التاني بيفتحلك شنطة بتلم فيها حاجة اسمها اسبشيال جودز ( بتقعلك وانت بتلفل )
http://i1219.photobucket.com/albums/dd432/d0nm0d3l/2.jpg
بتدوس كليك يمين علي الاسكيل الى بينزل لك حمار
وكلم نفس الراجل تانى وإختار تاني واحده اللى اسمها Begin Job Activities
وتختار أول كويست ( مافيش غيره اساسا :queenie: )
وأدامك إختيار من 2
Safe mode الوضع الآمن ( ودا مابيخليش اي حرامي/هانتر يضربك ) بيدي اكسبرينس قليلة
Danger mode الوضع الخطر (دا بيخلي اي حد ممكن يلطش فيك ) بيدي اكسبرينس الضعف

بعد كدا اطلع عند مونسترات ليفل 1-9 تضرب فيهم ، بيقعلك منهم كويست ايتم .. لما بتخلص الكويست بتروح تسلمها وتزود الليفل وهكذا لحد ماتجيب ليفل 10 وبيتفتحلك كويستات تانيه وشغال بقي .. دي الطريقة الوحيده عشان تلفل نفسك
سؤال هنا : إيه فايده الليفل ؟
زيه زي الليفل العادي ... وله لبس معين بيتلبس مع اللبس اللى انت لابسه
بمعنى ان فيه مكان جديد اتفتح ممكن يتحط فيه اللبس الجديد
http://i1219.photobucket.com/albums/dd432/d0nm0d3l/1.jpg
واللبس اللي بيجيلك .. بيزودك زيه زي اللبس العادي ...
هتيجي تتفاجئ كمان شهرين تلاته هتلاقي واحد ليفل 50 وانت ليفل 70 وانت قاعد تضربه ب300 و 400 !!!!!
ليه ؟ لأنه لابس اللبس الجديد ومديلة ديفنس أعلى
عايز تعرف اللبس دا بيجي ازاي ؟
خليك معايا

كل ساعة بيطلع تريد من أي بلد (إختيار البلد عشوائي) لحد الوقتي لسه ماحدش جاب الجدول الزمني بتاع التريد
والتريد دا بيطلع عشان انت بتكون حاطط بضاعة .. وهقولك ازاي تجيب البضاعة
وانت بتلفل بتلاقي ايتم بيقعلك اسمه Special goods
بتلمها طبعا .. بيجيلك في الشنطة الجديده اللي انت فتحتها ....
تمام كدا ؟
بتروح تكلم الراجل بتاع الهانتر/الثيف حسب وظيفتك
وبتختار رابع إختيار إسمه
Begin Consignment trading
هتظهرلك رسالة ... دوس علي YES
لحد كدا مافيش مشاكل ، هتبص في الشنطة الجديده بتاعتك هتلاقي البضاعة راحت !
بعد شوية هتلاقي ظهر رسالة زي بتاعت الجي ام بتقول ان التريد هيبدأ كمان شوية
بتكون كدا
Hunters/ Thiefs consignment trade will start shortly
اول ماتشوف الرسالة دي ظاهرة ... البس افاتار الوظيفة وأقف استني 10 دقايق بالظبط هتلاقي رسالة تانيه ظهرت بتقولك
مثلا : Hunters/ Thiefs trade consignment will start shortly at jangan
بتبص علي آخر الجملة تشوف اسم البلد الى هيبدأ فيها التريد
إسم البلد ظهر ؟ اجري بقي علي البلد دي واطلع برة المدينة هتلاقي التريد

ملحوظة :
التريد بيمشي ديما من علي الطريق الرئيسي (المدق المرسوم علي الأرض)
كل التريدات بتتحرك من أي مدينة عدا هوتان وبتتوجه لهوتان فقط
التريد بيظهر خارج المدينة

يعنى لو مثلا التريد طالعة من سمركند انا اعرف مكانها منين دي برة المدينة ياعم
هقولك سهله ياباشا انا هكتبلك تروح عند أنهي بوابة
1- جانجان : البوابة الجنوبية South
2- دونوانج : البوابة الجنوبية South
3- سمرقند : البوابة الجنوبية South
4- اسطنبول : البوابة الغربية West

وديما خليك ماشي علي الطريق
هنا سؤال :
ليه امشي مع التريد اساسا ؟ انا مالى ياعم !
هو مش إجباري انك تمشي مع التريد بس دا عشان بضاعتك اللى انت حطيتها لو انت مثلا ثيف .. الهنترز هيطلعو يخربئو التريد ويوقعوها لان مافيش ان بي سي ثيف بتنزل تحمي التريد ولا ان بي سي هنتر بينزل يحمي التريد
ولما التريد يقع ... شكرا كدا هتروح للراجل تقوله فين اللي طلعلي من التريده يقولك غور ياض مالكش تريد عندي ماهي اتسرقت ..

طيب انت مشيت مع التريد ووصلت بالسلامه ، هتعمل ايه بعد كدا ؟
التريد وصلت ؟؟ المفروض بقي الوقتي تروح للراجل نفسه اللى انت بتكلمه كل مرة وتدوس علي الإختيار رقم 5
اللى هو Settle Consignment trade
الراجل هيديلك التالي :
لو انت هانتر : هتاخد Blue Stones + 1 Ticket
لو انت ثيف : هتاخد Black Stones + 1 Ticket
التكت دا بتروح تبدله من عند الراجل العجوز اللى اسمه Magic pop Guide
بتكلمه وتدوس علي اول اختيار بيبدل لك التكت بحاجة كدا انت ممكن تصنع بيها ارمور جديد او سلاح او اكسيسوري
طيب لنفترض انت Thief .. معاك التكت وبدلته وجالك حاجة تعمل فيها شيست مثلا ومعاك بلاك ستون ؟
هقولك ... لازم بلو ستون وتحطها علي البلاك ستون هيديلك حاجة اسمها Shining Stone
الشايننج ستون دي بتحطها علي البتاع اللى جتلك من عند الماجيك بوب جايد تروح مديالك الشيست الجديده
تروح علي طول لابسها

والعكس طبعا للهنتر .. لازم بلاك استون عشان يقدر يعمل الشايننج ستون ويتعامل

هتسئل بتتعمل ازاي !!
هتدوس علي حرف A
هتلاقي حاجة جديده متضافة اسمها Craft اخر واحده هيا ......
ثاني اختيار في القايمة دي عشان تعمل الشايننج ستون
وباقي الاختيارات بتبقي حسب الوظيفة وحسب التكت اللى جالك بتختار من القايمة اللى ظهرتلك
يعنى مثلا لو انت هانتر ومعاك تكت للخاتم مثلا ... هتختار craft accessory وهكذا ..

ملحوظة :
لو انت ثيف وبتقتل هانتر او العكس ... مش بتستفاد اي اكسبرينس ولا بتاخد اي حاجة
لو انت ثيف وبتقتل هانتر اعلي منك في اليفل او العكس ... بتستفاد
بيتحط جنب اسمك كلمة Rank 10 وكل ماتموت هنتر او ثيف اعلي منك في الليفل كل مالرانك بيزيك ويبقي 9 و8 لحد مايبقي 1

بالنسبة للثيف والهانتر : انت لما بتوقع التريد مش بتستفاد حاجة غير انك بتملي الشنطة الجديده بضاعة ممكن تروح توديها للراجل بتاع الوظيفة بتاعك
بالنسبالى انا ، دي طريقة أسهل بدل ماروح ألم بضاعة زي النوب من عند البوت
بالنسبة للقايمة بتاعت الكرافت دي ... انت ممكن تزود فيها .. بتروح للراجل بتاع الجواهر الى في جانجان
بتكلمة بيظهرلك حاجة جديده اسمها Learn بتدوس عليها بيقولك اختار عايز تتعلم ايه ... كل اللى موجود حاليا هو انك ازاي تتعلم تعمل السوكت ستون .. بتختار حسب ليفلك هتتعلم انهي واحده وبياخد منك 10ك وبتلاقيها زادت في قايمة الكرافت

الموضوع مش منقول .. ولا مسروق .. ولا محروق ... دا مجهودي الخاص ... ولسه لما اللعبه تفتح هظبطه صور :angel_not:
بس زي مانتو عارفين السيرفرات زحمه (ربنا ينتقم من شركات الجولد بوت ، يارب النور عندهم يقطع )

وأي أسئلة انا موجوووووووود ياشباب

[SnipZz]

انت كده تمام و المشرف اللي هيمسحه هرفع علية قضية تحرش... !!! :bicycle::bicycle:

[Alex_ua]

انا هعمل مع ال gm حكايه جامده

[ShehaB]

مشكور يا نجم :icecream:

[Ahmed Abd AlaZiz]

بانتظار موضوعك

[I-SpY]

تمام اوي فى الانتظار ..

[d0nm0d3l]

تم التحديث
بجد شكراً علي الردود ... القسم دا محترم ... فيه ناس كلاس
ردود تشجيع قبل ماخلص الموضوع ... ربنا يخليكم

[m7mad mahdi]

تسلم ايدك على هالموضوع الراائع :teehee:

[d0nm0d3l]

تسلم ايدك على هالموضوع الراائع
يسلم بوقك علي الكلام الحلو :icecream:

[prines]

مشكورر على الشرح الجميل ائوى دة يا جميل بس عندى استفسار هوة مش استفسار واحد بس علشان مبئاش خنيئ هئول واحد بس انتا شرحت الهنتر المفروض يعمل اية تمام طب بى النسبة للسيف يعمل اية يوئعة ولا اية وى غير كدة ممكن يلمها وى لو لمها يعمل بيها اية اة وى معلش انا طولت عليك بس انا بشوف ناس بتئبة تريدر مش هنتر دة ازاى وى بيعملو اية وى مبئاش فى جولد من التريدة ولا اية اكيد فهمنى وى التريدة بتمشى لوحديها وحنا جنبيها وى علشان مطول كفاية كدة بئة وى عندى اسئلة تانية لو متخنئتش ابئة اول اسئل هههههههه وى مشكور على الشرح الجميل

[احمد حمدى]

الف شكر على الموضوع الجامد ده
بس انا عندى مشكله جامده اوووووووووى
المفروض اول اما اجى ادخل اللعبه و اختار الشخصيه يجيلى كلمه سلكت جوب
صح ؟
انا بقا الكلمه دى مش بتجيلى خاااااااااااااالص
بس البفات موجوده الى هم اول 2
نزلتهم و طلعت و من اللعبه و دخلت تانى بردو نفس الحكايه
و بردو عند الراجل بتاع الثيف او بتاع الهنتر مش بلاقى كلام خاااااااالص
انا لفل 72 بس الحكايه دى على الاكونت دا بس
اما على باقى الاكونتات تمام و جربت كذا واحد مفيش غير دا بس
يا ريت لو تشرفنى على
[email protected]
حضرتك او اى حد ليه فى الحكايه دى يكلمنى
:lightsabre::confused::confused::confused:

[mohmedalazez]

يعنى كلها بتروح هوتان ؟
طب كل لما بيكون معايا بضايع اكتر يكون احسن

[d0nm0d3l]

مشكورر على الشرح الجميل ائوى دة يا جميل بس عندى استفسار هوة مش استفسار واحد بس علشان مبئاش خنيئ هئول واحد بس انتا شرحت الهنتر المفروض يعمل اية تمام طب بى النسبة للسيف يعمل اية يوئعة ولا اية وى غير كدة ممكن يلمها وى لو لمها يعمل بيها اية اة وى معلش انا طولت عليك بس انا بشوف ناس بتئبة تريدر مش هنتر دة ازاى وى بيعملو اية وى مبئاش فى جولد من التريدة ولا اية اكيد فهمنى وى التريدة بتمشى لوحديها وحنا جنبيها وى علشان مطول كفاية كدة بئة وى عندى اسئلة تانية لو متخنئتش ابئة اول اسئل هههههههه وى مشكور على الشرح الجميل
أولا : لو قعدت تسئل من هنا للصبح انا هنبسط اكتر لاني عايز ألم كل الأسئلة عشان أخلي الموضوع كامل من مجاميعووو
ثانياً : احب اوضحلك ان الشغل بتاع الثيف بتاع زمان اتغير خالص
واللى الهنتر بيعمله هو اللي الثيف بيعمله بالظبط
ولما الثيف بيوقع التريد بتاع الهنتر مابيستفيدش حاجة غير انه بياخد شوية بضاعة يحطهم عند الراجل بتاع الثيف زي الهنتر مابيعمل
هتقولي طب كدا مالهاش لازمة .. هيا فعلا مالهاش لازمه انك توقع التريدات بس هقولك علي شيئ ظريف اوي
انا كنت في بارتي كلها ليفل 110 وكلهم ويزارد و 6 من البارتي ماسكين ستاف ايجي نوفا +9 و 10 و 12
فضلو يضربو في التريد من اسطنبول لحد هوتان ... وقعو كل حاجة عدا الحيوان اللى في النص ... مابيموتش اساسا
دم الحيوان اللى في النص دا 3 بليون ....
الأمور أساسا بدأت تاخد مجراها الطبيعي ان هيا مسئلة رد إعتبار ...
الحرامية وقعولنا تريد ... احنا نروح نوقعلهم التريد بتاعهم ... بس دا اللى انا شايفة لان مافيش أي استفادة
وكمان معلومة افتكرتها ... لما بتموت اي هنتر او اي هنتر يموتك مابتاخدش اكسبرينس ولا بتستفاد شيئ
إلا في حالة واحده ... انك موت هانتر ليفل الوظيفة بتاعته أعلي من ليفل الوظيفة بتاعتك .. في الحالة دي بيتحط جنب اسمك كلمة Rank 10 وكل ماتموت حد ليفله أعلي منك كل مابتبقي رانك اعلي يعنى تبقي رانك 9 و8 وانت نازل لحد رانك 1
وبالنسبة لو عايز تطلع تريد ... عادي الثيف او الهنتر ممكن يطلع تريد لوحده بس الكلام دا في ليفل 71 وحلني لما نجيب ليفل 71 :queenie:
عايزك تغرقني اسئلة :teehee:

الف شكر على الموضوع الجامد ده
بس انا عندى مشكله جامده اوووووووووى
المفروض اول اما اجى ادخل اللعبه و اختار الشخصيه يجيلى كلمه سلكت جوب
صح ؟
انا بقا الكلمه دى مش بتجيلى خاااااااااااااالص
بس البفات موجوده الى هم اول 2
نزلتهم و طلعت و من اللعبه و دخلت تانى بردو نفس الحكايه
و بردو عند الراجل بتاع الثيف او بتاع الهنتر مش بلاقى كلام خاااااااالص
انا لفل 72 بس الحكايه دى على الاكونت دا بس
اما على باقى الاكونتات تمام و جربت كذا واحد مفيش غير دا بس
يا ريت لو تشرفنى على
[email protected]
حضرتك او اى حد ليه فى الحكايه دى يكلمنى
بص ياحاج
طلاما البفات ظهرت يبقي انت اخترت الوظيفة ... دوس علي حرف C وشوف وظيفتك ايه
يمكن حد اختارهالك من غير مانت تعرف

يعنى كلها بتروح هوتان ؟
طب كل لما بيكون معايا بضايع اكتر يكون احسن
اكيد طبعا ... بتاخد ستون اكتر والاستون الوقتي ماسكة سعر يعنى حاول تظبط نفسك اليومين دول

[™_King_Redsea_™]

موضوع تمام تسلم ايدك بجد ^^

[ellol_a]

تمام اوى بس متنساش تبقا تشرح (السوكت)

[d0nm0d3l]

تمام اوى بس متنساش تبقا تشرح (السوكت)
السوكت مالوش دعوة بالوظايف الجديده ... اساسا السوكت بيتباع في الاسكندرية بكوبر كوين وجولد عند الراجل بتاع الجواهر
الموضوع دا عن الوظايف الجديده وكيفية التعامل معاها
شكرا لمرورك ...

[HELL_ANGEL]

Thx Alot ^^ :character38:

[ع البركه]

بجد موضوع فوق الروعه كالعاده :angel_not::angel_not:
موضيعك كلها روعه:) اتعلموها بقى:)
يا جدع سبونا ناكل عيش:mexicano::mexicano::mexicano: donmodel مستنين الموضوع الجى
انا خلاص اعتزلت اعمل مواضيع بعد ايللى شيفوا منكوا:P

[alsa7eroooz]

طيب انا عندى سؤال
انا جمعت حجات من البتقع من الوحوش وسلمتها لراجل بتاع الثيف الفى المدينه واعطانى التكت و البلاك استون
يبقا ايه لازمة انى اطلع مع التريد ؟
ما انا اسلم االاسبشيل جوب ليه

[d0nm0d3l]

بجد موضوع فوق الروعه كالعاده
موضيعك كلها روعه:) اتعلموها بقى:)
يا جدع سبونا ناكل عيش donmodel مستنين الموضوع الجى
انا خلاص اعتزلت اعمل مواضيع بعد ايللى شيفوا منكوا:P


ههههههههههههههههههه بتحرجني جامد
يابكاااااااااااااااااااااش :teehee::teehee:
الحاجات الكويسة مابتطلعش الا لما الناس الكويسة الى زيك تشجع الواحد
وبرضو لما تكون الدماغ متظبطه :mexicano:

[d0nm0d3l]

طيب انا عندى سؤال
انا جمعت حجات من البتقع من الوحوش وسلمتها لراجل بتاع الثيف الفى المدينه واعطانى التكت و البلاك استون
يبقا ايه لازمة انى اطلع مع التريد ؟
ما انا اسلم االاسبشيل جوب ليه
هقولك ليه
عشان الهنترز يقدرو يوقعو التريد كلها وتروح تستلم الحاجة بتاعتك يروح الراجل بتاع الثيف قايلك مافيش حاجة جت
علي فكرة انا كاتب الكلام دا في الموضوع :angel_not:

[lord_of_lords]

مش عارف ليه حاسس اني حمار

[lord_of_lords]

انا الشنطه بتاعتي مليانه يعني فيها 40 SPECIAL GOODS كل لما أروح لأختار الاختيار الرابع اللي هو BEGIN consignment trading يضهرللي تحت في المكان الي بيظهر فيه ال exp اللي انت يتاخدوه الجمله اللزيزه دي please try again after the settlement completed

[lily]

مشكور على الموضوع الجميل دة :angel_not::angel_not:

[d0nm0d3l]

مش عارف ليه حاسس اني حمار
لا ماتقولش كدا ... انت اكيد مش مرتاح في الابديت عشان كدا مش عايز تستوعبة .. انا اقدر اساعدك لو تحب ... اسئلني وانا تحت امرك ولو عايز تكلمني علي الياهو اوضحلك اكتر سيبلي ايميلك

انا الشنطه بتاعتي مليانه يعني فيها 40 SPECIAL GOODS كل لما أروح لأختار الاختيار الرابع اللي هو BEGIN consignment trading يضهرللي تحت في المكان الي بيظهر فيه ال exp اللي انت يتاخدوه الجمله اللزيزه دي please try again after the settlement completed
بص ياباشا ... الرسالة دي معناها ان التريد طلع بالفعل وبيقولك استنى لما التريد يخلص وهياخد منك البضاعة
استنى لما يظهرلك الرسالة دي
the consignment trade has been closed
وحط البضاعة ... وسلمني الشنطة .. اسلمك الجولد ورا جانجان الساعة 5 :mexicano::teehee::teehee:

مشكور على الموضوع الجميل دة
والنبي انت اللى جميل ... انا اتشرفت بمرورك

[X_A_N_D_E_R]

و الله 10/10

[River Of Tears]

شكرا

[7amody]

تسلم ايدك على الشرح

[bogey]

ربنا يخلييييييييييييييييييييييييييييييييييييييييييييييي ييييييييييييييك عليا النعمه انتا فله والموضوع يستاهل التثبيت مع العلم ان انا بحاول ادخل اللعبه من الساعه 5 دى بقة عامبه زى طابور العيش

[elordkromr55]

طب ازاى احط بلوهات فى الايتم الى انا جبته وانا بدعى معاك ان النور يتقطع عند الجولد بوت

[مصطفى كمال أبو المجد]

انت كده تمام و المشرف اللي هيمسحه هرفع علية قضية تحرش... !!! :bicycle::bicycle:

ههههههههههه ايه الى انت بتقوله ده

[lord_of_lords]

انا سبتلك الياهو في رساله أرجو منك الاضافه وتفهمني حتا حتا وي واحده واحده

[emadkiller]

اولا الف شكر علي الشرح الروعة
لكن في مشكلة انا جالي اول مرة البلاك ستون بس و مجاليش تكت
و تاني مرة جالي التكت و بدلتوا و اداني زي تكت تاني .. ازاي احطوا علي البلاك ستون علشان احولوا بلو ستون ؟
انا معايا اكتر من 40 بلاك ستون و تكت واحد بس !!!!!!!!!!!!!
thxxxxxxxxxxxxxxxxxxxxxxxxxxxxxxxxxxxxxxxxx

[ahmed_asem]

استاذ يا وديع

[d0nm0d3l]

اولا الف شكر علي الشرح الروعة
لكن في مشكلة انا جالي اول مرة البلاك ستون بس و مجاليش تكت
و تاني مرة جالي التكت و بدلتوا و اداني زي تكت تاني .. ازاي احطوا علي البلاك ستون علشان احولوا بلو ستون ؟
انا معايا اكتر من 40 بلاك ستون و تكت واحد بس !!!!!!!!!!!!!
thxxxxxxxxxxxxxxxxxxxxxxxxxxxxxxxxxxxxxxxxx


انت مابتحولش البلاك ستون لبلو ستون ^^
انت بتجيب بلو ستون من اي حد هنتر صحبك وتحطها علي البلاك ستون بيديلك حاجة اسمها شايننج ستون
بتحطها علي التكت بيطلعلك ايتم تلبسه في المكان الجديد
بص ... فيه لينك انا حطيته في اول الموضوع .... دا بتاع شرح اجمد من الشرح بتاعي وبيقولك بالتفصيل هتعمل ايه عشان تعمل ايتم ، اللى عامله واد جامد بصراحة ... ابقي بص عليه

استاذ يا وديع
نورت الموضوع توهامي باشا :mf_laurelandhardy:
يامرحبا يامرحبا نورك غطى عالكهربا ... غني ورايا ياض منك له :teehee:

[hamde2001]

تسلم

[كركر نت]

tyyy

[TheHunterOne]

مشكوررررررررررررر

[DJ.FIGO]

مشكووووووووووور

[elkanaas]

الشرح جميل جدا تسلم ايدك بس فى حاجة وقفت معيا فى النقطه دى
بتكلمه وتدوس علي اول اختيار بيبدل لك التكت بحاجة كدا انت ممكن تصنع بيها ارمور جديد او سلاح او اكسيسوري
طيب لنفترض انت Thief .. معاك التكت وبدلته وجالك حاجة تعمل فيها شيست مثلا ومعاك بلاك ستون ؟
هقولك ... لازم بلو ستون وتحطها علي البلاك ستون هيديلك حاجة اسمها Shining Stone
الشايننج ستون دي بتحطها علي البتاع اللى جتلك من عند الماجيك بوب جايد تروح مديالك الشيست الجديده
تروح علي طول لابسها
انا سيف وكل اللى معيى بلاك ستون اجيب البلو ستون من فين؟

[chevablack]

السلام عليكم
انا محتار و مش عارف اختار ثيف ولا هانتر , انا عندي سوأل هو لو انا هانتر ينفع اطلع بترادر و اصحابي الهنترز ييجوا معايا و ادخلهم البارتي ؟ ولا مبقاش في حاجة اسمها ترايدر اصلا والا اية علشان انا اتلخبط خالص بعد ما شالوا الترايدر :queenie:

[_War_Knight_]

شكراً يا باشا علي الموضوع الرائع ده

[elkanaas]

السلام عليكم
انا محتار و مش عارف اختار ثيف ولا هانتر , انا عندي سوأل هو لو انا هانتر ينفع اطلع بترادر و اصحابي الهنترز ييجوا معايا و ادخلهم البارتي ؟ ولا مبقاش في حاجة اسمها ترايدر اصلا والا اية علشان انا اتلخبط خالص بعد ما شالوا الترايدر :queenie:


للاسف مفيش تريدر زى زمان خلاص انتا بتختار اللى انتا عايزة وبتلفل نفسك عن طريق مهمات بتخلصها

[Boody1337]

مشكووور

[medoxmedo]

تسلم و الله موضوع جميل

:bicycle:

[Sad_Bird_]

تسلم ايدك وعنيك علي الشرح الجامد ده عندي استفسار احنا ممكن نصنع اللبس عن طريق النظام الحرفي ويريد تشرحو كلوه

[!! Prince World !!]

تسلم اديك

شرح تمام :icecream:

[ScAry_MAN]

شكرا على الشرح

[!Dawsha!]

شكــرـأ

[hamada_w]

thanks

[hamada_w]

Thank You

[!! Prince World !!]

شكرا

ممنوع الفرانكو

[Bot-KingDom]

شكرا على الشرح

[hamada_w]

ty

[!(Black Jack)!]

شكرا ع الشرح الوافي

تحياتي ^^

[mohamedlove47]

انا عايز اعرف هو انا هفضل الم كوستات الهانتر لغايه لفل كام انا لفل 11 فى الهانتر واتخنقت بصراحه ومش بستفاد حاجه ط بايه لزمتها بقى انا كل الى عملته ليت بضاعه من الارض ودخلت عملت زى منتا قولت خد تيكت طيب دى اووكى طيب الهانتر اخر كااااااام لفل وامته هاخد فلوس منه او عمل تريده ازى زى مناس بتقووووول انا لفل 44 سيف طويل يعنى لللسه نوووب وياااااااااريت حد يقولى لو مبقاش ليها لزمه الهانتر يبقا خلاص افكنى منها احسن
وشكرررررررررررررررا ليك وشررررح اكترررر من ممتااااااااااااااز

[!! Prince World !!]

تمام :icecream:

[salim ghanem]

شكرا للمعلومات

[salim ghanem]

مشكووووووووووور على المجهود الرائع