♥ ♥ ... يــوميات . عصفــور ومستكــه ... ♥ ♥

[☜ ĂиTaKą ☞]

http://img105.***********/2011/03/19/775295249.gif (http://www.***********)

http://img101.***********/2011/03/19/916489085.jpg (http://www.***********)

♥ ♥ ... يــوميات . عصفــور ومستكــه ... ♥ ♥

http://img101.***********/2011/03/19/976177715.gif (http://www.***********)

دى قصة قراتها وعجبتنى

قلت اجبها لحبايبى يقروها معايا

ان شـــا الله القصــه دى تعجبكم وتستمتعوا بيها



يلا نبـــدا ع بــركه الله


عصفور ومستكة متربيين مع بعض من زمان
وساكنين فى شارع واحد وكمان قرايب وفى مدرسة واحدة
عصفور ولد زى العسل وطيب جدا وفيه صفات حلوة كتير ومستكة بنت خالته بنوتة شقية ودمها خفيف.
عصفور ماسموش عصفور
عصفور اسمه عمر بس اصحابه بيقولوله يا عصفور لانه بيمووووت فى العصافير
اما مستكة بنت خالته اسمها الحقيقى ندى وبيقولولها مستكة لانها بتحب جدا تقف مع مامتها فى المطبخ وياما حرقت اكل
وهما دول ابطال قصتنا
ملاحظة: عصفور بيحب يرخم اوى على مستكة

[☜ ĂиTaKą ☞]

الحلقة الاولى

http://img101.***********/2011/03/19/976177715.gif (http://www.***********)

مستكة:الو

عصفور: الو , مين معايا ؟؟

مستكة: انا ندى يا عصفور مش عارف صوتى

عصفور: ندى مين (طبعا بيرخم عليها)

مستكة: اخص عليك يا عصفور انا كدة ازعل

عصفور: خلاص خلاص بهزر معاكى

مستكة: ايه الهزار ده يا عصفور انا افتكرتك مش عارفنى

عصفور: لا طبعا مقدرش معرفكيش

مستكة: بجد يا عصفور؟؟

عصفور :طبعا يا مستكة يعنى بنت خالتى ومعرفكيش

مستكة : بنت خالتك....بس ؟

عصفور : احم...آآآآ قصدى يعنى بنت خالتى وقريبتى وكدة يعنى ازاى معرفكيش

مستكة : وكدة يعنى ...ممممم ماشى يا عصفور (وهى متعصبة) ماما عزماكو بكرة على الغدا انت وخالتو وعمو.

عصفور : وانتى عيزانى اجى ؟

مستكة : لا مش عيزاك (وبتقول فى سرها يارب يجى)

عصفور : خلاص انا جى بكرة...المهم طابخين ايه بقى ؟

مستكة : تعالى كل وانت ساكت

عصفور : ماشى اى حاجة هاكلها عندكو زى العسل بس اهم حاجة بلاش انتى الى تطبخى

مستكة : ليه بقى ياسى عمر مالو طبيخى ؟؟

عصفور : احم ... ولا حاجة مالوش

مستكة : اوك يا عصفور سلام وماتنساش تقول لخالتو

عصفور : مستكة.....انتى هتقفلى؟؟

مستكة : عايز حاجة يا عصفور ؟

عصفور : احم آآآ كنت عايز اقول حاجة كدة بس بصراحة مكسوف يعنى

مستكة : قول يا عصفور ....... (ياربى اخيرا هينطق)

عصفور : لا انا مكسوف

مستكة : متتكسفش يا عصفور

عصفور: طب عشان خاطرى قولى لخالتو ماتنساش المخلل بقى عشان بحبه اوى

مستكة قفلت فى وش عصفور

وتانى يــوم ..

تررررررررررن ..

!!! (جرس الباب) !!!

[ღ♥_ akeml _♥ღ]

تسلم يا هاني علي المسلسل

ومستنين الباقي

[topgogal]

جامده

[ҳ̸Ҳ̸ҳVincentҳ̸Ҳ̸ҳ]

تسلم

[| - CreSpO - |]

حلوه يا تهانى :icecream:

مستنى الباقى

[ღ♥:: Beckham::♥ღ]

تماموووووووووووووووووووز...بس حاول تطولها شوية علشان نندمج اكتر

[كريم احمد]

جامده وكملها

[♥● White Heart ●♥]

يا واد يا واد
^^
استمـر

:icecream::icecream:

[™_King_Redsea_™]

حلوه اوي شكرا ليك بس هيا كده خلصت ؟

[☜ ĂиTaKą ☞]

تسلم يا هاني علي المسلسل

ومستنين الباقي

جامده

تسلم

حلوه يا تهانى :icecream:

مستنى الباقى

تماموووووووووووووووووووز...بس حاول تطولها شوية علشان نندمج اكتر

جامده وكملها

يا واد يا واد
^^
استمـر

:icecream::icecream:

حلوه اوي شكرا ليك بس هيا كده خلصت ؟


تؤ تؤ .. خلصت ايه لســه الباقى

شكـــرا ليكم

وجارى وضع الحلقــه التانيه

[☜ ĂиTaKą ☞]

الحلقه التانيه


http://img105.***********/2011/03/19/134413458.gif (http://www.***********)


مستكه: اهلا اهلا يا خالتو عامله ايه؟

والده عصفور : إزيك يا ندي يا حبيبتي عامله ايه يا ست البنات

مستكه: الحمد لله يا خالتو اتفضلي اتفضلي...... (وعنيها بتدور على عصفور)

والده مستكه: اهلا وسهلا يا أختي ايه النور ده أمال فين عصفور وابو عصفور

مستكه: اه صحيح يا خالتو!!!!!!!!!!...........(وهي هتجنن وتعرف)

والده عصفور: ابو عصفور عنده شغل النهارده ومش هيقدر يجي بس عصفور جاي ورايا

مستكه:هاااااااااااااااا ........ ( اتنهدت من الفرحه)

تررررررررن جرس الباب ومستكه جري على الباب عشان تفتح

مستكه: عصفور اهلا وسهلا كنت فين؟؟؟

عصفور: انتي مالك انتي امسكي ده

مستكه: ايه ده ؟؟؟؟

عصفور: دي هديه علشانك افتحيها

مستكه: بجد يا عصفور هديه عشاني!!!!

عصفور: وانا عندي كام ندي عشان اجيبلها هديه

فتحت مستكه الهديه وهي هتطير من الفرحه ..... وكانت الصدمه؟؟؟؟

مستكه: مخلل يا عصفور!!!......... ( هتفرقع من الغيظ)

عصفور: انا قولت انتوا اكيد نسيتوا تجيبوه قولت اجيبه انا

مستكه: بقي كده دي عمايل تعملها فيه

عصفور: لالالا متشكرنيش ده اقل واجب......... (بيستعبط)

مستكه : ماشي يا عصفور ملكش اكل عندنا النهارده ها والغدا بتاعك مخلل

عصفور : وانتي مالك انتي خالتو هي اللي هتأكلني اوعي تكوني مديتي ايدك في الاكل

والده مستكه: طبعا يا روح قلب خالتك عامل ايه يا عمر يا حبيبي

مستكه: ماشي يا عصفور انا هوريك........ (يا روح قلب خالتك ماشي يا ماما انقظتيه مني)

عصفور:الحمد لله يا خالتو عملتيلي الملوخيه اللي انا بحبها؟؟

مستكه: انت علطول كده همك على بطنك؟؟

والده مستكه: بس يا ندي عيب كده طبعا يا حبيبي انا عملالك كل الحاجات اللي انت بتحبها

عصفور: ربنا يخليكي ليه يا خالتو بس اوعي تكون ندي مدت اديها في حاجه من الحاجات دي

والده عصفور:هههههههههههههههه يا واد بطل شقاوه وملكش دعوه بندي حبيبه قلبي

مستكه: قوليلوا يا خالتو

عصفور: اوعي كده وسعي شويه فين التلفزيون بتاعكوا عايز اتفرج على الماتش

مستكه : ماتش التلفزيون بايظ الحمد لله........ (بتضحك عليه طبعا هو جاي عشان الماتش)

عصفور: طيب انا جعااااااااان

مستكه: طيب اصبر شويه انت علطول جعان كده

وجه وقت الغدا وعلى السفره

والده عصفور: شوفتوا اللي حصل للواد عمر هههههههههههههه


http://img102.***********/2011/03/19/45137073.png (http://www.***********)

[☜ ĂиTaKą ☞]

الحلقه الثالثه

http://img105.***********/2011/03/19/134413458.gif (http://www.***********)

عصفور : ايه يا ماما انتي هتفضحيني ولا ايه كلي كلي الاكل يجنن تسلم ايدك يا خالتو.......... (بيلغوش طبعا)

والده مستكه: عملت ايه يا واد قولي يا أختي

مستكه: اه يا خالتو قولي قولي............. (عايزه تفرح فيه شويه)

والده عصفور: مش رجعلي من صلاه الجمعه حاافي وخد الشارع كله كده

مستكه: هههههههههههههههههه.......... (فرصه اضحك عليه شويه )

عصفور: بتضحكي علي ايه منه لله الحرامي اللي خد الجزمه خلاص يا ماما فضحتيني مبسوطه

والده مستكه: معلش يا حبيبي تعيش وتاخد غيرها

عصفور: خلاص مش واكل.............. (بعد ما مسح الاطباق كلها)

مستكه: لايا عمر دي مش اكلتك دي اكلت ميه هههههههههههههههه

عصفور: مااشي يا ندي مش هديكي سي دي الاغاني اللي انا عملتهولك

مستكه: بقي كده يا عمر خلاص بقي انا بهزر معاك.........(بإستعطاف عشان هتموت وتعرف ايه هي الاغاني اللي علي السي دي)
مستكه:خلاص مش عايزه حاجه منك............(بتتقل شويه)

والده عصفور: بطلوا تناقروا في بعض كده

عصفور :قومي قومي هاتيلي الحلو بسرعه

مستكه: حاااضر......... (وجري علي المطبخ تجيب الكيك بالشيكولاته اللي بيحبه وكانت فرحانه اوي ان هي اللي عملاه)

عصفور: تسلم ايدك يا خالتو على الكيك الجااامد ده........... (مستمتع جداا بالكيك)

والده مستكه: بس دي عمايل ندي يا عمر

عصفور: وانا بقول برضه دي شيكولاته دي ولا بتنجان بس ياله هاكله اهو وجع البطن ولا...........

مستكه: شايفه يا خالتوا ابنك بيقول ايه؟؟؟

والده عصفور: تسلم ايدك يا حبيبتي يجنن طالعه لامك بس يا واد يا عمر بطل غلاسه

عصفور: ماما ايدك على عشرين جنيه عشان صحابي مستنيني

مستكه : ايه ده انت هتمشي ........... (وهي زعلانه اووي)

عصفور: اه اشوفك بكره في المدرسه

مستكه: انا قولت انت هتزاكر معايا النهارده انت نسيت اننا في ثانويه عامه ولا ايه........(محاوله عشان يقعد)

عصفور: لامنستش بس زاكري انتي سلام يا خالتو

مستكه دخلت اوضتها لقت السي دي على مكتبها عمر سابه من وراها

حطته في الكمبيوتر وهي بتفكر في الاغاني اللي عمر حطهالها وكانت المفجاءه!!!!!!

http://img102.***********/2011/03/19/45137073.png (http://www.***********)

ع فكــره الالوان مش شغاله دلوقتى فى المنتــدى عشان كده بتنزل بالاسود بس .. بس لما تشتغل هظبطها تانى

[iBorn2OwnU]

نزل الحلقة الرابع بســـــــــــــــــرعة :icecream:

[Islam Saeed]

ههههههههههههه حــلوه أوى , أكيد حاططلها بـعــرور ^-^
بــس تــسلم يـا هـانى , مـســتـنى الـباقى

[كريم احمد]

الرابعة بسرعة
ويا ريت حد يقول الالوان و احجام الخطوط مش شغالة لييه؟؟؟

[☜ ĂиTaKą ☞]

الحلــقه الرابعه

http://img101.***********/2011/03/20/507101951.gif (http://www.***********)

بعرور: العنب العنب العنب

لقت الكولكشن ده شويه اغاني لشعبولا على اغاني لبعرور

علي شويه اغاني اعياد ميلاد وافراح وهيصه

مستكه: منك لله يا عمر والله لااوريك (وراحت تنام بعد ما جالها احباط مزمن عشان مدرستها الصبح)

وتاني يوم في المدرسه

مستكه: صباح الخير يا هايدي.......(هايدي صاحبه ندي الانتيم )

هايدي: صباح الخير يا ندي عامله ايه

مستكه: عادي زي كل يوم هعمل ايه يعني ........(بتدور ما بين زمايلها على عمر)

هايدي: انا لسه شايفه عمر ابن خالتك من شويه

مستكه: بجد فين فين هو فين (اكيد وقف يدلع معاها شويه انا عارفاه)

هايدي: ده دمه زي العسل يا ندي يا بختك انه ابن خالتك

مستكه: اتفضليه يا هايدي الفهولك في ورقه....(البت دي مش هتعمر معاياعنيها منه ولا ايه؟؟؟)

هايدي: عمر تعالي ندي اهي

عصفور: صباح الخير يا ندي زاكرتي امبارح انا قولت امشي عشان اسيبك تزاكري براحتك

مستكه : والله انت بتهزر انت مشيت عشان صحابك (بيستعبطني ده ولا ايه)

هايدي : عمر عمر قولي نكته تانيه غير اللي قولتهالي الصبح كانت جااامده مووت

مستكه : عمر بيقول نكت جااامده ده حتي كل نكته بايخه

عصفور: طيب هبقي اقولك واحده بعدين عشان ندي مش بتحب نكتي (بيغظها جااامد)

مستكه: سامح عامل ايه انت فين مش باين(سامح صاحب عمر الانتيم)

سامح: ازيك يا ندي عامله ايه يا هايدي ازيك يا مان مش باين ليه

عصفور :انا اهو يا سامح دا انا حتي باجي كل يوم عشان اقول نكت بايخه

هايدي: ههههههههههههههه انت تحفه يا عمر

مستكه : عمر تحفه اوووي يا هايدي .......(ماااشي يا عمر هايدي مش جايباها لبر)

سامح: ندي لو سمحتي عايزك في موضوع كده

عصفور :في ايه يا سامح مواضيعك معايا انا ولا ايه

سامح : مالك يا عمر هقولها حاجه بس

مستكه :اوك يا سامح بس كده عايز ايه....( فرحانه اووي جتلها الفرصه)

عصفور : ندي بقولك ايه ولا حاجه نسيت اوف بقي (هيشيط من الغيظ)

مستكه : تعالي يا سامح عايز تقول ايه؟؟؟؟؟(فرصتها جت)

http://img105.***********/2011/03/20/571877939.png (http://www.***********)

[3EBC]

جامد لو في كام صوره مضحكه معاهم هتبقي اجمد

[☜ ĂиTaKą ☞]

الحلقــه الخامســه

http://img101.***********/2011/03/20/507101951.gif (http://www.***********)

سامح : بصي يا ندى انا عايز مزكرات الفلسفه بتاعت الدرس بتاعك انا سمعت انه مدرس كويس

مستكه: بس كده يا سامح حاضر انت تأمر

عصفور ( بيقاطعهم ) ياله كل واحد على فصله يابابا انت وهي ولا مش سامعين

مستكه :حاضر يا عمر(وهي فرحانه انه جه قاطعهم جداا)



وتاني يوم


مستكه: صباح الخير يا سامح اتفضل مزكرات الفلسفه اهي اي خدمه

سامح :شكرا يا ندي مش عارف اقولك ايه

مستكه: متقولش حاجه يا سامح احنا اخوات

سامح : انا اول ما اروح هزاكرهم علطول بس بعد ما اروح ازور عمر عشان عيان

مستكه: عمر عيان بجد عمر عيان؟؟؟؟؟ (وهي هتموت من القلق عليه)

سامح: اه انا عرفت من مامته في التلفون اني ازاي معرفتيش انتوا مش ولاد خاله برده

مستكه: اه (وهي سرحانه في عمر يا تري حصله ايه)



ترررررن تررررررن ترررررررن


والده مسكته: ايه يا ندي انا مش قاعده جمب الباب

مستكه :معلش يا ماما عامله ايه(هي نسيت اديها على الجرس سرحانه)

والده مستكه :الحمد لله يا حبيبتي ياله غيري هدومك واتغدي عشان نروح نزور عمر عشان عيان شويه

مستكه: طيب عندو ايه يا ماما بس قوليلي

والده مستكه:مامته بتقولي انه تقريبا اكل حاجه من بره وعملتله تسمم بس الحمد لله جت سليمه

مستكه:يا خبر معقول طيب يا ماما انا هغير هدومي بسرعه( غدا ايه وبتاع ايه ده عمر عيان)

والده مستكه: وهتتغدي الاول




ترررن تررررن


والده عصفور:اهلا وسهلا يا اختي اهلا يا ندي يا حبيبتي اتفضلوا

والده مستكه: عامله ايه يا اختي الف سلامه على عمر

مستكه : الف سلامه على عمر يا خالتو هو عامل ايه دلوقتي

عصفور : انا الحمد لله يا خالتو بخير دلوقتي منورانا

والده مستكه: كده يا عمر تخضني عليك يا حبيبي الف سلامه عليك

مستكه : الف سلامه عليك يا عمر (بتقولها برقه اوووي)

عصفور: شفتي يا ندي العصافير الجديده اللي انا جبتها في البلكونه

مستكه:لا هي فين دي؟؟؟؟؟

وفي البلكونه

عصفور : كونت لازم اموت عشان تيجي تزوريني

مستكه : بعد الشر عليك متقولش كده تاني

عصفور :خفتي عليه؟؟

مستكه :اه بقي وبعدين اييييه انت بقي انت قمت من السرير ليه ها ( متوتره ومكسوفه جداااا)

عصفور :وانا عيان كنت بفكر في حاجه واحده بس

مستكه : ايه هي يا عصفور؟؟؟؟؟؟ (يا رب يقولها بقي)

عصفور :مين هياخد باله من العصافير دي من بعدي

مستكه ( خلاص على الاخر) اعملها انت بس وانا هاخد بالي منهم

عصفور: بقي كده يا ندي عايزه تخلصي مني من قبل ما تعرفي انا عايز اقولك ايه؟؟؟


http://img105.***********/2011/03/20/571877939.png (http://www.***********)

[N_a_r_u_T_o]

حلقات جميله

[كريم احمد]

يا ريت تبقي تنزل الحلقات بسرعة :) هههههههههههههههه :icecream::icecream:

[☜ ĂиTaKą ☞]

الرابعة بسرعة
ويا ريت حد يقول الالوان و احجام الخطوط مش شغالة لييه؟؟؟

جامد لو في كام صوره مضحكه معاهم هتبقي اجمد

حلقات جميله

يا ريت تبقي تنزل الحلقات بسرعة :) هههههههههههههههه :icecream::icecream:

:mf_cupid::mf_cupid:

شكـــرا للمرور

منـــورين

وان شاء الله هيبقى كل يوم حلقتيــن

[ALEX_MOON]

حلوة اوى القصة يا هانى و اللى عاجبنى اكتر التعليقات اللى انت كاتبها بتخلى الواحد يندمج اكتر

[Holaaa]

ههههههههههههههه جميلة
keep it up

[☜ ĂиTaKą ☞]

حلوة اوى القصة يا هانى و اللى عاجبنى اكتر التعليقات اللى انت كاتبها بتخلى الواحد يندمج اكتر

ههههههههههههههه جميلة
keep it up

♥♥♥♥

شكــرا ليكــم

منورين

[Sad_Angel]

ههههههههه


استمر

[ahmed20053066]

حلقات جامده ومجهود أروع شكرا يا معلم هاني


بس حلو أوي أوي العنوان هههههههههه

( عصفور و مستكه )

حلوه دي .

[HITHAM_T3AMA]

فعلا حلقات جميله

[Volumer]

والله تعليقاتك انت بتضحكنى اكتر من القصه نفسها جامد يا هانى شكرا

[ღ♥:: Beckham::♥ღ]

اشطة طالما كل يوم حلقتين يبقى هنتابع و تسلم يامعلم على المجهود ده

[☜ ĂиTaKą ☞]

ههههههههه


استمر

حلقات جامده ومجهود أروع شكرا يا معلم هاني


بس حلو أوي أوي العنوان هههههههههه

( عصفور و مستكه )

حلوه دي .

فعلا حلقات جميله

والله تعليقاتك انت بتضحكنى اكتر من القصه نفسها جامد يا هانى شكرا

اشطة طالما كل يوم حلقتين يبقى هنتابع و تسلم يامعلم على المجهود ده



:icecream::icecream:

شكـــــرا للمــرور

وان شــاء الله لما ارجع من الكليه هنزل الحلقتين

:icecream:

[☜ ĂиTaKą ☞]

.

الحلقة السادسه

-*-*-*-*-*-*-*

مستكه:قول يا عصفور عايزنى ف ايه (يارب يكون اللى فى بالى بقى )

عصفور :بصى يا ندى انا هقولك على كل حاجه على طول

(مع نظرات بمين وشمال والى سقف البلكونه اللى هو حافظه صم )

مستكه : هاااااا ماتنطق يابنى

وفجأه عينه نزلت من السقف وبصلها بصه كله شر

عصفور : هو الكابتن سامح ده كان عايز منك اييييييييييه؟

مستكه : ماله سامح يعنى يا عمر (وهى طايرة من الفرح انه بيغير)

عصفور :انا بقولك هو عايز ايه ياريت تقولى

مستكه :عادى يا عمر ده سر ومش هقولك عليه صحيح مش قولتلى جبت العصافير دى منين جميله اوى

عصفور : سر يا ندى !!!! (واترسمت على وشه علامات الغيظ)

مستكه :اه سر يا عمر ومش ينفع اقول (وهى عامله بريئه وهموت وتضحك)

عصفور: اوك يا ندى انا هدخل انام بقى لانى تعبان تصبحى على خير

مستكه :انت بتمشينى يعنى يا عمر اوك وانت من اهله

خرجت من الاوضه بسرعه وعلى مامتها وباين انها زعلانه

مستكه :ماما يلا علشان نمشى

والده عصفور:مالك يا ندى يا حبيبتى مالك عمر زعلك

مستكه:لا يا خالتو هو عمر بيزعل حد بس لازم نمشى الوقت اتاخر

نزلو من بيت عصفور على بيتهم وهى طول السكه مش بتنطق

وفرحانه علشان حاسه بغيرته عليها

واول ما وصلو

مستكه: تصبحى على خير يا ماما

والدتها:مش هتحكيلى زعلتى من عمر ليه ولا هتخبى على ماما

مستكه :النوم بقى يا ماما علشان المدرسه

وفى المدرسه

هايدى :صباح الخير يا جماعه هو فين عمر هموت واطمن عليه

مستكه :لا متموتيش يا هايدى عمر زى القرد

هايدى :هو عامل ايه دلوقتى يا ندى يارب يجى بقى

مستكه :اهو جه اهو مش قولتلك قرد

عصفور :صباح الخير يا جماعه

هايدى :مورى الف سلامه خضتنى اوى عليك

عصفور:ميرسى يا هايدى انا بقيت احسن بجد انتى ذوق خالص

مستكه:مورى وذوق خالص (وهتفرقع من كتر الغيظ)

هايدى :مبسوطه انى اطمنت عليك ياعمر باى ندى باى عمر

عصفور: باى يا هايدى وميرسى لذوقك

مستكه :بااااااااااااااااى يا هايدى (وفى سرها بتقولها غورى)

وبيدخل سامح وهما لسه واقفين

سامح:هاى يا جماعه ازيكم عمر انت لحقت تخف يابنى

مستكه :سامح ازيك اتاخرت ليه (بتحاول تغيظ عمر)

عصفور :اهلا يا سامح ايه مش عايزانى اخف ولا ايه

سامح :صحيح يا جماعه رايحين عيد ميلاد ساندى النهارده ولالا

عصفور : وبيرخم طبعاااااا خليك فى حالك

مستكه : انا طبعاااااا رايحه كويس انك رايح يا سامح

سامح: خلاص نتقابل بليل بقى يا جماعه بااااااى

عصفور : طبعاااااا رايحه كويس ان رايح يا سامح (وبيعيب عليها )

مستكه : عمر عيب كده هيكون عيد ميلاد حلو من غيرك وبتغيظه

عصفور :بلا عمر بقى بلا مسقعه باااااااااااى

مستكه : باى يا مورى وبتضحك علشان تضايقه


وفى الحفله بليل

[☜ ĂиTaKą ☞]

الحلقه السابعه

*-*---*-*-*--*

الساعه جت 6 والحفله قربت تبدا

سامح :الو .. ازيك يا عمر ايه يابنى لبست ولا لسه

عصفور :اهلا يا سامح بقولك ماتعدى عليا اقطعك ماتشين بلاى ستيشن قب مانروح

سامح : ياعم لا هتخلينا نتاخر واغلبك تانى يابنى روح العب كونكت فور احسن

عصفور:مستنيك متتاخرش .. الليله ليلتك يا سوسو هههههههه

سامح :عمر هو ماتش واحد علشان اجيب كادو لساندى

عصفور :ياسلام من عنيا ده انا هنقيها معاك (ابقى قابلنى لو جبت حاجه)

سامح وصل والامتشات اشتغلت وعمر ولا فى دماغه يخسر ولا يكسب

سامح :عمر الساعه بقت 8 ولعبنا 18 ماتش وانت مكسبتش ولا واحد

عصفور :العب بس يا سامح لازم اكسب انت ف بيتى عيب اوى(العب انشالله يبقو 88)

والده عصفور :عمر موبايلك بيرن ندى بتتصل بيك

عصفور :ايوة يا ندى انتى فين

مستكه :انا اللى فين بردو يا عمر اتاخرت ليه الساعه عدت 8

عصفور :سامح ياستى اخرنى عايز يلعب بلاى ستيشن معندوش معلش الحرمان وحش

مستكه :طب يلا يا عمر مش وقته بقى (اووووووووف مش هيكبر ابدا ده)

عصفور :اوك باى (ابقى شوفى سى سامح ههههه)

راح بقى لسامح

عصفور :يلا يابنى بقى كفايه كده اخرتنا حرام عليك

سامح :انا بردو يا عمر اللى اخرتك.. مقولتليش هجيب كادو ايه

عصفور :يلا يابنى مفيش وقت الحفله هتخلص بس اسكت

وصلو للحفله وطبعا عمر البنات بتحبه علشان هو دمه خفيف

ساندى :هاى سامح هاى عمر كنت هزعل اوى لو مش جيت

هايدى :ازيك يا سامح عمر اى ميس يو

عصفور :كل سنه وانتى طيبه ياساندى وان مقدرش مجيش .. هايدى مي تو

مستكه :ايه يابنى التاخير ده مفيش ذوق ابدا

عصفور :متشغليش بالك انتى ... ساندى اتفضلى الكادو وعقبال ميه سنه

ساندى :ميرسى يا عمر وانت طيب يا قمر

عصفور :سامح انت ساكت ليه مش تقول لساندى كل سنه وانتى طيبه وتديها الكادو

سامح :هاااا ووشه احمر

عصفور :ها ايه يابنى متتكسفش .. ااااااه انت مجبتش هديه طب كنت قولى اسلفك(وهيموت من الضحك)

مستكه :هو ده عمر يموت ويعمل مقالب فى الناس

عصفور :ابقى خلى السر ينفعك .. ساندى انتى النهارده زى القمر

ساندى :ميرسى يا عمر طول عمرك كلامك سكر

مستكه:ساندى طنط بتندهلك علشان تطفى الشمع

ساندى :طيب يلا يا جماعه نطفى الشمع

عصفور :سامح .. خليك اللى بيطفى الشمع اللى جايب كادو بس

وبعد ما طفوا الشمع واكلو التورته وخلاص الحفله

عصفور : يلا يا ندى علشان اوصلك قبل ماروح

ندى :لا روح انت انا عارفه الطريق(هتموت من الغيظ من هزاره مع البنات )

عصفور :اوك يا ندى بلاش باى

مستكه:عمر مش ماما قالتلك تروحنى معاك

عصفور :ماكان من الاول الله (دلع مرىء)

وفى الطريق للبيت علشان يوصلها

عصفور :عارفه يا ندى رغم انك ممله واوقات بتخنقى بس كنتى زى القمر النهارده

مستكه :انا ممله يا عمر ؟؟.. (وبمنتهى الرقه)النهارده بس ياعمر ؟؟

عصفور :بصى يا ندى انا مش هخبى عليكى اكتر من كده .. وهقولك

[Volumer]

ما تقول اللى حصل فى الحفله بقى ههههههههههههه ايه المقاطعه دى انا كنت مندمج :icecream:

[HITHAM_T3AMA]

جميله يا باشا وفى انتظار حلقتا الغد

[iWannaDie]

الله عليك استمر و الله لو في ايدي اثبتو كنت عملتها ^^

[asfor4gold]

هاهاهاهاهاها ايه الكلام العسل ده مستنى التكمله :teehee:

[كريم احمد]

عاوزين الباقي هههههههههههههههههه

[brave_knight]

تسلم

[☜ ĂиTaKą ☞]

الحلقه الثامنه

http://up.7cc.com/upfiles/YNF40806.gif (http://up.7cc.com/)

مستكه :خير يا عمر اوعى يكون مقلب انا عارفاك

عصفور :لا يا نودى مش مقلب ولا حاجه

مستكه :نودى !!!!! عمر انت سخن مالك يابنى

عصفور:عايز اقولك انى بضايق اما بتكلمى حد وخصوصا الواد سامح ده

مستكه:ليه ياعمر احنا كلنا اصحاب (وهى طايرة من الفرح)

عصفور :انا بس كنت لازم اقولك انى بضايق

مستكه :اوك يا عمر.. بس مش بتكلم مع حد كتير (وفى سرها ابو الهول بدا يتحرك اخيراااا)

عصفور :ثم تعالى هنا بقىىىىىىىى ايه السر اللى بينكم ده

مستكه :مش قولتلك قبل كده سر ياعمر يوه بقى

عصفور :بقى كده يا ندى ماااشى

مستكه :عمر السر هو ..

عصفور :هااااااااا يابنتى

مستكه :انه طلب منى مذكرات الفلسفه بتاعتى علشان يذاكرها

عصفور :بس كده ؟؟؟

مستكه :اه ياعمر بس كده وانا كنت بحاول اغيظك

عصفور :تغظينى يا ندى ... لعلمك بقى بقى الواد سامح دى مش بتغاظ منه اساسا (وهو مكسوف جدا)

مستكه :واضح واضح ياعمر (وهى هتموت وتضحك علشان شكله مكسوف)

عمر ماشى ساكت خالص ومش بيتكلم

مستكه :عمر هتسكت كتير كده ..صحيح هايدى كانت هتتجنن وانت تعبان

عصفور :هايدى مالها هايدى يعنى هااااا

مستكه :لا ملهاش يعنى بس واضح انها متهمه بيك شويتين

عصفور :بس على الاقل مفيش ملازم ولا مذكرات ولا سر ياعمر يوه بقى ههههههه

مستكه :اه ملازم ومش كل حاجه لازم تعرفها

عصفور :انا يعنى ابن خالتك يا ندى وبطمن عليكى مش فيها حاجه يعنى

مستكه:ماشى ياعمر يا ابن خالتى اطمن متقلقش خالص

عصفور :مش تمدى شويه ولا ايه بقى

مستكه :بس ايه اللى انت عملته فى سامح ده مقلب بايخ كالعاده

عصفور:هههههههههه دى هايدى هتموت من الضحك لما تعرف

مستكه :اووووووووووف بردو هايدى

عصفور :هايدى والشله يعنى (ياعمر يا جاااااااامد)

مستكه : بردو بايخه بايخه بايخه

عصفور:مطلبتش رايك انا (بردو جامد)

مستكه :يلا البيت قرب اهو خلاص هترحم منك

عصفور :ال يعنى انا ماسك فيكى اوى

خلاص وصلوا عند البيت ومستكه هتطلع خلاص وطبعا متغاظه منه

مستكه :سلام يا عمر (وهى هتفرقع من الغيظ ال هايدى)

عصفور :طب افردى وشك احسن احكى لهايدى بردو هههههه

مستكه:يوووووووه سلاااااااام

عصفور :مستكه.. استنى

مستكه :نعم يا سى عمر

عصفور:حلوة سى عمر دى الاحترام حلو بردو ههههههههه

مستكه :تصدق انت رخم اوى باى

عصفور :اتفضلى يا مستكه دى علشانك

مستكه :ايه ده يا عمر وبمناسبه ايه

عصفور :ده سى دى اغانى بدل اللى فات اسمعيه النهارده

مستكه:اكيد عنب عنب ومانجه مانجه زى المرة اللى فاتت عارفاك

عصفور:خلى بالك من نفسك يا ارق ندى

مستكه :باى يا عمر (وهى مكسوفه جدا وهتموت من الفرحه )

طلعت بيتها مكلمتش حد وجرى على جهاز الكومبيوتر وحطت السى دى

ولقت الاغانى ......

http://up.7cc.com/upfiles/aBk40806.png (http://up.7cc.com/)

[☜ ĂиTaKą ☞]

الحلقه التاسعه

http://up.7cc.com/upfiles/YNF40806.gif (http://up.7cc.com/)

وجرررررررررررررى مستكه بتفتح السى دى علشان تشوف الاغانى

مستكه:يا ترى يا سى عمر المره دى حاطط ايه اياك يكون زى المرة اللى فاتت وتحط السمك السمك ههههههههههه

وشغلت الاغانى ولقيتها

الاغنيه الاولى .. اليسا متعرفش ليه

التانيه..عمرو دياب انا بقدم قلبى

التالته .. رامى صبرى اللى بحس بيه

مستكه بتكلم نفسها ايه ده كله لالا مش عمر ده غريبه خاااااااالص

مانت حلو وجميل اهو يا عمر امال مجننى ليه بس .. وحشنى الواد ده

بسسسسسسسس امسكى نفسك يا مستكه .. كل ده ولسه مروحش

انا هفتح الميل استناه اكيد هيفتح ونتكلم .

وبعد ماعمر وصل مستكه لبيتها خد طريقه ومروح على بيته

وماشى فى السكه بيسال نفسه .. مالك يا عمر بقيت رومانسى كده ؟

-لالا رومانسى مين ياعم .. ومع مين ؟

-مستكه طبعااااااا

-لالا دى بنت خالتى يعنى

-امال اتعغاظت ليه من سامح ياراجل

وفضلى على كده عمال يكلم نفسه ويسال اساله لنفسه

وبعد مازهق من كتر التفكير .. بس اسكت بقى

- بردو اتغاظت من سامح .. رززززززززل

وطلع عمر على بيته وهو متلخبط ومش عارف هو بيعمل كده ليه

فتح جهازه وقعد على النت وكلمته مستكه

مستكه :عمر ازيك انت اتاخرت ليه (طبعا هى ف منتهى السعاده ليله رومانسيه بقى)

عمر:انا تمام انتى عارفه الطريق وكده .. انتى كويسه المهم

مستكه :الحمد لله يا عمر.. وعايزة اقولك الاغانى تحفه ذوقك يجنن

عمر:اه اياك يطمر

مستكه :نعم يا عمر

عصفور :بقولك مفيش شكر بينا يعنى

مستكه :انت كنت جميل اوى يا عمر النهارده ورقيق... انت عقلت ولا ايه

عصفور :لالا ده اقل حاجه عندى ... وايه عقلت دى يا ندى

مستكه:لا يعنى كلامك كان مختلف وحسيتك خايف عليا وكده يعنى

عصفور :اااااه وكده يعنى .. ده واجب طنط كان موصيانى عليكى (وبيغيظها)

مستكه:عمر انت عايز تشلنى صح

عصفور:ندى عايز اقولك كنتى امورة اوى النهارده

مستكه: النهارده بس؟؟ وع العموم شكرا

عصفور :خلاص ولا النهارده .. ملكيش ف الطيب نصيب

مستكه :وانت كمان يا عمر كنت امور ولذيذ

عصفور :لا انا ع طول كده بس انتى اللى مكنتيش شايفه

مستكه:كفايه هايدى وساندى وسلمى وميرا بيشوفو كفايه عليك

عصفور :قولى بقى انك بتراقبينى هاااااا

مستكه :اراقبك واراقبك ليه انا (ومرتبكه ومش عارفه ترد)

عصفور :معجبين بقى ههههههههه انتى من اعداء النجاح

مستكه :ياشيخ اجرى

عصفور:مستكه عايز اقولك حاجه ومكسوف جداااااااا

مستكه:قول يا عصفور

عصفور:خايف بس لا تزعلى منى

مستكه:لا ازعل ايه قول اتنقط اتشل اتفرس .. بس متخافش

عصفور :مدام مش هتزعلى .. هقولك اللى كاتمه من بدرى

مستكه :يافرج الله.. انطق وانا كمان عايزة اقولك حاجه من بدرى

عصفور :انا مرهق ولازم انام دلوقتى

مستكه :هى دى الحاجه ياعمر اللى كاتمها

عصفور :وهو فاهم بس بيستعبط .. اه يا ندى ..كنتى عايزة تقولى ايه

مستكه :اه كنت عايز اقولك منك لله يا عمرررررررررر

عصفور :هههههههههه بس متتعصبيش طيب

مستكه :واتعصب ليه انا هاديه

عصفور :هعدى عليكى ونروح المدرسه بكرة سوا باااااااى

مستكه :متجيش احسن يا عمر بااااى (وعايزة تقوله )

واول ما شافها الصبح.........

[☜ ĂиTaKą ☞]

الحلقه العاشرة

http://up.7cc.com/upfiles/YNF40806.gif (http://up.7cc.com/)

عصفور:صباح الخير يا ندى عامله ايه .. دايما متاخرة كده ؟

مستكه:انا كويسه يا عمر ... كان ممكن تمشى يعنى لو اتاخرت

عصفور :يا فتاح يا عليم يا بنتى فكيها ايه الوش ده على الصبح

مستكه :مش عاجبك وشى على فكرة مش مجبر تمشى مع حد وشه مش عاجبك

عصفور :قولى بقى انك زعلانه من امبارح (وبيحاول يستفزها اكتر )

مستكه :وازعل ليه انا هه ماتقولى ليه (وهى متعصبه وواضح عليها)

عصفور :هههههههههههههههه لا ولا حاجه

مستكه :ايه يا ابنى انت فاكر دمك خفيف ولا ايه يعنى . وبتضحك ليه انت

عصفور :خلاص يا نودى متزعليش

مستكه :بس بس امشى وانت ساكت

عصفور:امممممممم بقى كده طب مش قايلك ماما بعتالك معايا ايه

مستكه :بايخ مش عايزه اعرف

عصفور :هتندمى

مستكه :باعته ايه هه؟؟؟

عصفور :ماتثبتى على موقفك بقى الله .. ناس متجيش الا بالعين العسلى

مستكه:وانت مالك اساسا حاجه خالتو بعتاها وانت موصلاتى بس ..ياموصلاتى

عصفور :موصلاتى مااااااااااااشى .. اتفضلى ياستى

مستكه :ايه ده !!!!!!!

عصفور:حاجه كده على ما اوسم 2 رومى وواحد امبولى ككككككلى كلى يا شيخه وانسى

مستكه بتبصله باستغراب وتسكت خلاص هاين عليها تقتله

عصفور:مستكه عايز اقولك حاجه بجد

مستكه :قول قول مخلل يا تصبحى على خير يا معرفش هيدى مالها

عصفور :ايه ده انتى حفظتى بقى .. استنى افكر ف حاجه جديده بقى هههههههههه

مستكه :انت مش حاسس انك مستفز

عصفور:ندى بجد الامتحانات قربت اوى وانا خايف .. ندى مش عارف ازاكر بشوفك فى كل صفحه بقراها

مستكه :عمر انت بتقول ايه (وهى طبعا مكسوفه جداااا)

عصفور :بقول اللى انتى سمعتيه يا ندى .. متستغربيش المهم نركز فى الامتحانات ونخلص من الثانويه وندخل الجامعه

مستكه :عمر انا كمان بحس دايما انك بتكلمنى معايا .. بس ممكن توعدنى نركز الفترة الجايه وبعدها نشوف كل ده
واترسمت على وشهم هما الاتنين علامات السعاده والخجل واحمرار الخدين

عصفور:اوعدك يا ندى

مستكه :عمر هنزاكر كويس علشان نحقق احلامنا... وانت بقى تركز ولا هايدى ولا سوسو ولا توتو

عصفور :ندى كل ده كان هزار .. وكنت بحاول اخليكى تغيرى شويه

مستكه:اغير شويه يا عمر !!! يابنى حرام عليك

عصفور :عملت ايه انا مخلل وجبتلك سى ديهات وعملتها وساندوتشات وعملتلك

مستكه :انت ايه يا مفيش احساس صح ولا شكلك ازاى يعنى

عصفور :خلاص خلاص .. داخلين على المدرسه اهو

مستكه :ماشى يا عمر اما اشوف اخرتها معاك

عصفور:اخرتها لووووووووووز بالصلاة ع النبى

مستكه :ياخراااااااااااااااااابى بييييييييييييييييئه (هينقطنى الواد ده)

عصفور : طيب يا كوكى ههههههههههه يلا باى على فصلك

مستكه :عمرررررررر استنى هنااااااااا

عصفور :نعم يا بنتى هاااا لخصى

مستكه:اعمل حسابك هنزاكر النهرده سوا ومفيش ماتشات ولا بلاى ستيشن ولا صحابك ولا نت ولو نطقت بكلمه مفيش اكل كمان

عصفور :لا بقى احنا نروح القسم ههههههههههه ده عند امه يا ادهم

مستكه :هزر هزر ده انت هتشوف الويل ..سلااااااااااام

عصفور:مش هتلاقينى لو جيتى انا مهاجر

مستكه :ابقى ورينى

ولما وصلت بليل

http://up.7cc.com/upfiles/aBk40806.png (http://up.7cc.com/)

[☜ ĂиTaKą ☞]

جميله يا باشا وفى انتظار حلقتا الغد

الله عليك استمر و الله لو في ايدي اثبتو كنت عملتها ^^

هاهاهاهاهاها ايه الكلام العسل ده مستنى التكمله :teehee:

عاوزين الباقي هههههههههههههههههه

تسلم

:mf_cupid::mf_cupid:

شكـــرا للمرور

منورين

وتم اضافه 3 حلقـــات

[HITHAM_T3AMA]

3حلقات ورا بعض لا ده كتير علينا بجد حلقات مسخره

[ღ♥:: Beckham::♥ღ]

مستنيين الباقى يامعلم

[Sky_AnGel]

جامدة اوى

[BomBom]

رائع جيدا

شكرا

[™~BlackSpeeR~™]

شكرا و بصراحة جااامد اوى

[hus317hus]

والله مبدع
تسلم ايدك

[™ Vitch« ®]

والله القصه جامده اللى بعده بسرعه

[SnipZz]

كمللللللللللللللللللللللللل

[Th3EnD]

nice:P

[☜ ĂиTaKą ☞]

3حلقات ورا بعض لا ده كتير علينا بجد حلقات مسخره

مستنيين الباقى يامعلم

جامدة اوى

:teehee::teehee:

شكـــــــرا للمرور

منـــورين

جــارى وضــع الـ 2 بتوع النهــارده

:icecream:

[☜ ĂиTaKą ☞]

رائع جيدا

شكرا

شكرا و بصراحة جااامد اوى

والله مبدع
تسلم ايدك

والله القصه جامده اللى بعده بسرعه

كمللللللللللللللللللللللللل

nice:P


شكـــــــرا للمرور

منـــورين

جــارى وضــع الـ 2 بتوع النهــارده


:icecream::icecream:

[☜ ĂиTaKą ☞]

الحلقه ا لحاديه عشر

*-*-*-*-*-*-*-*-*-*-*

تررررررررررررررن رن جرس الباب تررررررررررررن

ولده عصفور :ايوة ايوة .. مين بس اللى مستعجل ده

مستكه :انا يا خالتو ازيك .. هو فين عمر

والده عصفور:ازيك انتى يا ندى يا حبيبتى وبعدين ايه الكروته دى مستعجله ع ايه

مستكه:معلش ياخالتو ورانا مزاكرة كتييييييير خلاص مفيش وقت

والده عصفور :اهو جوا اهوه ربنا معاكم خلااااااص الامتحانات على الابواب

مستكه بتخبط على اوضه عصفور علشان يفتح تك تك تك افتح يا عمر

عصفور :مين اللى برا .. مش عايز ازعاج

مستكه :افتح يا عمر انا ندى

عصفور:ندى انا نايم على فكرة .. ولا اقولك انا مش موجود سيبى رسالتك بعد سماع لصفارة

مستكه :يلا بقى ي عمر افتح متضيعش الوقت .. علشان خاطرى يا مورى

عصفور :بيستهبل طبعااااا علشان خاطرك يا ايه

مستكه :ياخااااااااااالتو عمر بيقولى مش مذاكر

عصفور يقفز من ع السرير بسررررررررررررعه ويفتح الباب

عصفور:اتفضلى يا ندى ايه التخير ده انا منتظرك من الصبح (مدام فيها يا خالتو بقى هههه)

مستكه :عمر طمنى انت مخلص ايه من المواد علشان نبدا بالمود اللى انت مش مذاكرها

عصفور :بالنسبه للعربى والانجلش والاقتصاد واحصا ..ضعيف اوى فيهم

مستكه :هااااا نعمممممم ..طب والباقى

عصفور :اما بقى لجيولوجيا والفلسفه ومنطق ..دول بقى مش مزاكرهم خالص

مستكه :حرااااااااام عليك بجد يا عمر .. ده اول امتحان بعد اسبوع انت معندكش احساس

عصفور:ندى مش انتى هتقفى معايا وتساعدينى وننجح سوا

مستكه:لو حسيت انك مهتم وعايز تنجح ونجيب مجموع ..يلا نبدا يا عمر

فضلت مستكه مع اخينا عمر كل يوم مزاكرة سوا يوم هى عنده ويوم هو عندها

وشايات رايحه وساندوتشات جايه ومعمول معسكر مغلق وكمان فيش موبيلات كله مسحوب

وجت ليله اول امتحان خلاص صابح الامتحان الصبح .. عمر بيتصل بمستكه

عصفور :الو يا ندى

مستكه:الو ازيك يا عصفور

عصفور :ندى لحقينى مش عارف اعمل ايه كل اما اراجع على حاجه احس انى لاول مره بقراها

مستكه:عمر انت لازم تنام علشان تكون مركز بكرة اللى انت فيه ده توتر مش اكتر

عصفور :مش عارف انام انا خايف اوووووووووى

مستكه:عمر انا كده قلقت عليك .. بص ننزل بدرى نراجع شويه وصدقنى هتحل كويس

وفعلا نزلو الصبح وراجعو وعمربيه خرج من الامتحان مبسوط وحل كويس

بعد مادم مستكه نشف من الخوف عليه وهكذا على كل امتحان

يوم يقولها كويس ويوم مش بطال ويوم يقلقها محلتش لحد ما خلصوا الامتحانات

مستكه:الحمد لله يا عمر خلصنا الامتحانات ..انا تعبت اوى الفترة اللى فاتت

عصفور :اه الحمد لله ويارب ننجح يا نودى علشان ندخل الجامعه بقىىى

مستكه :ان شاء الله يا عصفور ..يارب نكون كليه واحده

عصفور :ايه يا بنتى هو انتى طلعالى ف البخت ههههههههههههه

مستكه:تصدق انا اللى غلطانه وكنت قلقانه عليك وبراجع معاك

عصفور :لالالا انا بحذرك ان محدش له جميل عليا يلا يلا شوفى مصلحتك

مستكه:مش هرد عليك علشان انا احسن منك

وبعد مرور كام اسبوع وكل يوم حد يقول النتيجه النهارده لا بكرة

وطبعا مستكه قلقانه علشانها وعلشان عمر اللى هو اساسا مقضيها خروج وفسح

ظهرت نتيجه الاوائل الصبح فى الجرايد .. وده معناه بليل النتيجه ع النت

وظهررررررررررررت النتيجه

!!!!!!!!!!!!!!!!!!!!!!!!!!!

والمجاميع .. كالتااااااااااااااااالى ..........


To Be Continue

[☜ ĂиTaKą ☞]

الحلقه الثانيه عشر

*-*-*-*-*-*-*-*-*

مستكه من ساعه ما سمعت ان الاوئل ظهرت وان نتيجتها بليل هتتجنن

وكل دقيقه تكلم عمر وصلت لحاجه يا عمر وهو يرد لا يا ندى موصلتش

تتصل بيه تانى ياعمر انا قلقانه اوى طيب يا ندى انا هعملك ايه

تتصل تالت عمر انا مرعوبه هو انت مش خايف الخوف مش هيعمل حاجه يا ندى

تتصل رابع عمر عايزة اقولك وتكت يرد هو ندى بجد كفاااااايهه بقى

واخيرااااااااااااااا ظهرت النتيجه

ندى جابت نتيجتها جابت 93.5 %

ندى طبعاااااا فرحانه وطايرة من الفرح ولناس عمله تباركلها وتهنيها

وهى عقلها مش معاها خالص عقلها مع عصفور عيزة تطمن على نتيجته

اتصلت بيه ف البيت

مستكه :الو يا خالتو عمر عمل ايه انا قلقانه عليه

والده عصفور : معرفش يا ندى لسه هو نزل يجيبها من بدرى مع صحابه

انتى عملتى ايه يا ندى

مستكه :الحمدلله يا خالتو .. 93.5

بس اول مايجى عمر خليه يكلمنى

والده عصفور:حاضر يا ندى .. والف مبروك يا حبيبتى

بعد ساعتين طلع عصفور وحاسس بخيبه وحزين ومن بدرى قافل موبايله

ولده عصفور :عمر عملت ايه يا حبيبى طمنى

عصفور :وهو حزين.. انا اسف يا ماما مش هقدر افرحك

والده عصفور: اتكلم يا عمر متقلقنيش اكتر من كده

عصفور :ودموعه بانت فى عنيه انا جبت 77% يا ماما

والده عصفور طبعا حزينه جدااااا بس لازم تحاول تخفف عنه

والده عصفور:عمر متعيطش يا حبيبى فكر فى اللى جاى ومتزعلش

عمر :كان نفسى افرحك يا ماما (وهو منهار جدااااومش عايز يكلم حد)

دخل اوضته وقفل على نفسه ومش عايز يكلم حد وزعلان

مستكه لسه متعرفش هو عمل ايه وقلقانه اوى عليه .. واتصلت تانى

مستكه :ايه يا خلتو ها طمنينى

والده عصفور : حاولت تتمالك نفسها وترد وتدارى حزنها

الحمد لله يا ندى ..جاب 77

مستكه : ايييييه يا خالتو هى اتصدمت ومش عارفه تتكلم

طب هو عامل ايه دلوقتى يا خالتو

والده عصفور :مش عايز يكلم حد يا ندى ومنهار جدا

مستكه :ممكن تديله لتليفون يا خالتو انا لازم اكلمه .. وهى كمان دموعها نزلت

عصفور رافض يكلم اى حد وخصوصاااااا ندى .. مش عايز يبان اقل منها

وبعد الحاح طويل وبعصبيه شديده وافق يكلمها

عصفور :الو ايوة يا ندى

مستكه :عمر ممكن متزعلش نفسك .. وطمنى عليك

عصفور : لا انا مش زعلان الحمد لله .. مش انتى احسن منى دلوقتى جايه تشمتى فيا

مستكه:انا اشمت فيك يا عمر انا ياعمر ده انا ندى نسيت المزاكرة بتاعتنا

عصفور:ايوة عايرينى انك كنتى بتساعدينى واهو مجاش بنتيجه استريحى بقى

مستكه : انا مش مصدقه اللى بسمعه منك ده يا عمر (وهى خلاص مش قادرة تمسك السماعه)

عصفور:خلاص يا ندى انتهت الثانويه العامه والمدرسه والمزاكرة

مستكه :يعنى هو ده اللى كان رابطنا ياعمر وانتهى؟

عصفور :مش وقت الكلام ده خلاااااااص واحنا ف النهايه ولاد خاله

مستكه :بسسسسس يا عمر اسكت

قفلت معاه التليفون وهى منهارة ومش مصدقه اللى بيحصل ده من عمر

وعمر مش عارف هو عمل كده ليه وليه قسى عليها

ويوم ما اتقابلو فى سحب الملفات من المدرسه

To Be Continue

[SnipZz]

كده مش هينفع عايزين 4 حلقات مع بعض :teehee:

[Controlled Black]

ياه يا جدع الشلل ده .حلقة كل 70 ساعة..انا قرتها لحد الحلقة حاجة و عشرين علي انوزر سايت

[Kemo__1]

بجد احب اهنيك على الموضوع الحلو دا و فى انتظار المزيد:character38:

[ღ♥_ Abdo _♥ღ]

جامدة :icecream: :icecream: :icecream:

[Ahmed Abd AlaZiz]

موضوع اكثر من رائع والله

استمر

[HITHAM_T3AMA]

:confused::confused::confused:

[iWannaDie]

كنت مستنيها

[Islam Saeed]

جامده يا هانى
بس ابقى حط كل يوم 3 حلقات عشان تخلص لانها طولت اوى :icecream:

[MOHAMED GAMA]

هههههههههههههههههههههههه

[MOHAMED GAMA]

هههههههه تسلم

[River Of Tears]

ههههههههههههه جامدة أووووى

[hus317hus]

شباب بعد اذن مقدم الموضوع تفضلوا

[hus317hus]

الحلقه الثالثه عشر

فى المدرسه الصبح كل الطلبه رايحين المدرسه يسحبوا ملفاتهم

عصفور واقف مع مجموعه من اصحابه وطبعا حزين جدااااااا

اول ما شاف ندى جايه عليهم استاذنهم ومشى وهى راحتله


مستكه :عمر ازيك .. عامل ايه

عمر ماشى بردو ومش بيرد عليها

مستكه :عمر ممكن تقف وتكلمنى .. انت بتعاقبنى ليه بس

عمر انا ندى اللى تعبنا وسهرنا ووعدنا نفسنا نفرح اهلنا ونكمل مشوارنا سوا

مستكه :ياعمر كده كتير اوى عليا انا مهمنيش فرحتى ولا اى حاجه كنت اتمنى اجيب زيك وابقى معاك دايما

عصفور :وبعد سكوت طويل ... الف مبروك يا ندى انتى استحقيتى

وانا المجموع ده مكنتش استحقه كمان لولا تعبك معايا

مستكه: ياعمر متقولش كده انت متعرفش انت ايه بالنسبالى انت اهم عندى منى

عصفور :مش عارف اقولك ايه يا ندى .. بس انتى احسن انسانه شوفتها ف حياتى

مستكه :دى ازمه وعدت خلاص لازم نفكر فى اللى جاى الثانويه مرحله وانتهت يا عمر وعايزين نفكر هندخل كليه ايه

عصفور :ايوة يا نودى نفكر حضرتك ياقمر هتدخلى ايه .. ونفكر انا هدخل ايه

مستكه :تؤتؤتؤ يا عمر هنفكر انا وانت هندخل سوا ايه

عصفور: مش عايز عند يا ندى .. ثم هى فين حلاوة النجاح ولا هتاكليها عليا

مستكه :ايه يابنى هو مين فينا اللى هيجيب حلاوة انت الراجل يا كابتن

عصفور .. حاااااضر يا ست الناجحه من عنيا

مستكه : وانت كمان ناجح يا عمر واحسن ناجح كمااااااااان

عصفور: طب تعالى يا لماضه اعزمك على الغدا بره

مستكه : لالا اتكسف يا عمر

عصفور : تعالى يلا اانتى هتمثلى

واتغدو سوا وكمان خرجو وقضوا يوم جميل وندى قدرت تخرج عمر من الزعل

واتفقو يملو الرغبات مع بعض .. مع اختلافهم

مستكه عايزة يدخلو كليه واحده وتضحى بالمجموع

وعمر عايزها تدخل كليه تناسب مجموعها ومش تضحى بيه


وقعدو يلزقوا الطوابع ويملو الرغبااااااااات

عصفور : نودى انا نفسى تدخلى حاجه من كليات القمه علشان افرح بيكى

مستكه : عمر انا نفسى نكمل سوا من اول حضانه ومفارقناش بعض

عصفور: وبردو مش هنتفارق ابدا فى حياتنا .. خلينى اتشرف بيكى بقى

مستكه : اللى تشوفه يا عمر .. رغم كان انى نفسى نفضل سوا

عصفو : انا بحلم انك تدخلى سياسه واقتصاد يا ندى .. مش ده كان حلمك

مستكه : كان بقى يا عصفور .. لكن دلوقتى حلمى ابقى معاك فى اى كليه

عصفور : ان شاء الله يجيلك سياسه واقتصاد .. وانا ادخل تجاره

مستكه : بردو يارب نبقى سوا معرفش ازاى بس االتنسيق بقى

عصفور : ندىىى انا قولت كلمه بقى وخلاااااااااااااااص



ومع ظهور نتيجه التنسيق

مستكه اقتصاد وعلوم سياسيه

عصفور تجارة انتساب موجه


عصفور اول ما جاب نتيجه التنسيق من النت بيتصل ب مستكه


عصفور : مستكه ازيك .. الف مبروك

مستكه : ميرسى يا عمر .. استريحت لما عملت اللى ف دماغك؟

عصفور : نودى انتى تعبتى كتير ومستحقيش اقل من كده

مستكه: كنت هبقى اسعد وانا معاااااااك

عصفور : خلاص فات اوان الكلام ده .. عايز اشوفك دبلوماسيه كبيرة

مستكه: ميرسى يا عصفور .. وانت ان شاء الله تكون حاجه كبيرة اوى

عصفور : بقولك ايه بقىىىىى فى تعليمااااااات لدخولك الجامعه

الاول كانت عينى عليكى ليل ونهار دلوقتى هتغيبى عن عينى

مستكه : الله الله ماقولنا اخلينى معااااااااك

عصفور : اولا ممنوع لبس قصير ولا محزق

ثانيا قعاد مع ولد لوحدك نووو لو جروب افكر

ثالثا متعرفيش ومتكلميش اى ولد خارج اسوار الجامعه

ثالثا رقمك ميبقاش مع كل واحد

رابعا مش فاكرها لما افتكر هبقى اقولك


مستكه : ايه ده كله يا سى عصفور هى من اولها تحكم

عصفور : انا قولت والكلام لازم يتنفذ

مستكه : حاااااااااضر .. بس ده كمان ينطبق عليك



ومع اول يوم لدخولهم الجامعه .....


انتظرونا ف الحلقه القادمه