القائمة السوداء لمن قالوا (لا) للدستور

[فارس الاسلام]

السلام عليكم ورحمة الله وبركاته

أظن وصل الجميع آراء مشايخنا وكل التيارات الاسلامية بالتصويت على الدستور بنعم

وعلى الجانب الآخر من يرفضون الدستور ويريدون التصويت بلا



فهل ستكون معهم وتصوت بلا؟؟؟؟

أم تنقذ مصر منهم وتصوت
بنعم

[matrex_zoro_1]

نعم للإستقرار وبداية عهد جديد من العدالة والحرية .

يا شباب مصر مهددة بالإفلاس خلال 3 شهور إذا إستمر الوضع علي ما هو علية .

[Black_Bird]

منين بتحترمهم و منين بتعملهم قائمة سوداء ؟

[lil romeo]

حتى فى ديه بقى فيه قائمة سوداء مش كفاية القائمة اللى كانت للناس اللى ضد الثورة
احنا مش محتاجين تعديلات ولا تغيير الدستور
احنا محتاجين مستشفيات علشان تعالج الشعب المصرى من القوائم السوداء

[ҳ̸Ҳ̸ҳTOMҳ̸Ҳ̸ҳ]

ليه انت بتقول عليهم القائمه السوداء
مع احترامى ليك كل واحد وحر
فى رائيه انت بتقول نعم انت حر
هم بيقول لا للتغير بردوا هما احراررر
تقبل مرورى

[كريم احمد]

اولا كل واحد حر برأيه
ثانيا انا بقول نعـــــــــم عن اقتناع مش عشان حد عاوزني اقول نعم حتي لو كان مين
ويا جماعة اي حد مقتنع انه يقول لأ يقول لأ وكل واحد حر في رأيه وهي دي الديمقراطية
واللي هيمشي هو رأي الاغلبية
يعني انا هقول نعم بكره ولو الاغلبية كانت لي لأ كلنا لازم نمشي ورا قرار الاغلبية
وهي دي الديمقراطية
تـــــقـــــــبــــــــــل مــــــــــروري

[ahmed hero]

حط صوتى معاهم

لا لترقيع الدستور

[فارس الاسلام]

يا شباب الحكايه مش كدا خالص انا قصدى الناس اللى خايفه على مصلحت لازم تقول نعم مع الاحترام للجميع مع انى مش مقتنع بالتعديلات ولكن يا شباب كلنا يعرف ايه اللى يحصل لو قولنا لا

[ahmed hero]

وبعدين بلاش تتكلم ع اكن الجانب اللى انتا بتمثله هو الجانب اللى هينقذ مصر من الضياااااااااع و اللى هينتشلها من الخراااااااااب
و الجانب الاخر جانب زباله عميل صاحب قائمه سوداء زى ما بتقول
لو انتا عايز مصلحه مصر اقفل موضوعك و امسحه لانك بتعمل فتنه بين المصريين ده لو كنت فارس الاسلام زى ما هو مكتوب بين قوسين

[WadCool]

هو الشيخ محمد حسان بقي بطل قومي واحنا منعرفش مثلا ...

هل نسيتم من هو الشيخ محمد حسان ^^

مش هخوض في النقطه دي لان بردوا هو عالم وانا ما ذال عندي له من الاحترام

لكن تعالوا بقي نتكلم عن الاخوان عشان الناس تفهم بس انتوا مين

الاخوان اللي مخرجوش غير يوم 29 يناير سابونا نضرب ونستشهد وبعد كده خرجوا

الاخوان اللي اول شئ فكروا في هو نفسهم واول حاجه فكروا انهم يعملوها انهم ازاي يستفيديوا من الوضع القائم

تعالوا نشوف لافتات الاخوان الجميله والرائعه ^^

((الشعب يريد تحكيم شرع الله ))

يا سلام عل اعتبار ان مضر كانت دوله فاسقه ودوله ظلم وفساد خلاص الكفر والالحاد واخد بعضه معانا

فا محتاجيين الاخوان عشان يمشون طبقا لشرع الله :happy:

تعالوا بقي نشوف نوايا الاخوان ايه من نعم للدستور :)

التعديلات انظروا جيمعا للماده 189 ... ايه هي بتقول ايه دي

اه بتقول ان الدستور هيتغير فعلا مع اول جلسه منعقده لمجلس الشعب

المفروض الخطوه الجايه بعد نعم للدستور ( المهرج) اننا نعمل دستور

طبعا الجاهزيه الكبري للاخوان انهم يدخلوا مجلس الشعب هتلاقي من ال 600 عضو 500 اخوان :happy:

وهما يعملوا الدستور علي كيف كيفهم

اخي الكريم لم يعد الشعب المصري بغبي ولم نكن اغبياء ابدا مطلقا لكن هذا رايكم فينا

قولوا نعم فقط لنصحح الحال وللاستقرارا

اي استقرارا؟؟

فلتقل خيرا او فلتصمت ولا تجبرنا علي رايك ...

دستور جديد يحمي لنا كرامتنا وميكونش لاي جهه يد في تعديل الدستور او تغييره

ليه نستني لما يتم انتخابات مجلس شعب وبعدها يتم التعديل

احنا عايزين التعديل اللي هيقوم عليه كل انتخاباتنا الجايه وعمرنا الجاي

شهدائنا دمهم غالي عندنا ان كان رخيص عند البعض

لا للتعديلات ......

[L.U.B]

تشكر

[فارس الاسلام]

والله العظيم انا مش عاوز اخوان يحكمو بس wadcool حكايه انا بنظرها من ناحيه اخرى انا مع التعديلات ولكن هل تعلم اذا تم التعديلات سوف يتغير الدستور وبالتالى سوف يتغير المادة الثانيه التى تقول مصر دوله اسلاميه هى المادة التى يردون ان يلغوها ودى طبعا لما دستور ييتغير غير كدا (شعب هيحكم نفسو) وحط تحتيها 100 خط

[WadCool]

ألماده الثانيه تبعا لنزظام لا مساس

اشاعه تغييرها اطلقها الجهاز الفاسد امن الدوله

اخي الكريم لا مساس مع الماده الثانيه

مصر عايشه علي نظام المواطنه ... والمواطنه تعني ان كلنا مصريين لا فرق بيني وبينك

كلنا ماشيين تباعا للدستور والقانون والماده دي مش هتتغير

وده كلام القوات المسلحه والدستوريين اللي فاهمين الامر اكتر مني ومنكم

يبقي منروحش بكره عشان خايفين علي الماده التانيه وننسي باقي المواد

[فارس الاسلام]

بوص احنا كلنا عارفين الناس معندهمش معلومات كافيه عن التعديلات ولكن تعتقد ان فيه وقت كافي لعمل دستور جديد ياريت الاجابه ومصلحه البلادة ننسى المادة االثانيه مصلحه البلاد دلوقتى انا علي يقين ان اسرائيل لو حبت تدخل بكره هتدخل ولا هتلاقي اللي يقولها ازيك


بأعلى الصوت


وبكل قوة


نعم للتعديلات الدستورية


نعم للتعديلات الدستورية؛ لتثبيت المادة التي تقول: "إن الإسلام هو دين الدولة الرسمي".
نعم للتعديلات الدستورية؛ لتثبيت أن الشريعة هي المصدر الرئيسي للتشريع.
نعم للتعديلات الدستورية؛ لمنع مزدوج الجنسية مِن قيادة البلاد في وقت تتربص فيه دول العالم بنا، وتريد أن تقودنا عن طريق وكلائها.
نعم للتعديلات الدستورية التي نزعت مِن الرئيس أهم ما يغرى حكام زماننا بالطغيان؛ وهو طول فترة حكمهم.
نعم للتعديلات الدستورية؛ ليتفرغ الجيش لحماية الحدود، ونسارع بعجلة العودة إلى الحياة الطبيعية.
ولنعود فندعو قومَنا إلى مزيدٍ مِن العودة نحو الإسلام؛ حكامًا ومحكومين.
إخواننا:
التعديلات الدستورية خطوة على الطريق الصحيح نخشى إن ضاعت؛ أن يلتف أعداء الأمة عليها، ويقفزوا فوق مكتسبات أبنائها المخلصين؛ لذلك تدعوكم الدعوة السلفية جميعًا إلى المشاركة في الاستفتاء "السبت 19-3-2011"، والتصويت: بـ (نعم) على التعديلات الدستورية.

[Islam Saeed]

كــل واحد ورأيــه , وحـتـى لـو الـى مـش مـعاك فـى رأيـك مـينـفعش تـقول عـليهم قـائمـه سـوداء
كـان يـبقى أحـسن لمـا تـكـتـب المـعارضـين للتـعديلات الدستـوريـه !!

[فارس الاسلام]

تم KnighT DReaMs

[ahmed hero]

مصر دوله اسلاميه !
يا حبيبى مصر دوله علمانيه مدنيه دينها الاسلام و هى كلمه رمزيه لا اكثر !
انا كان نفسى تقام دوله اسلاميه فى مصر ولكننا ليس لدينا ذلك الخيار امامنا
و اذا كانت اسلاميه كما تقول فلماذا لانرى التشريع الاسلامى فى احكام القضاء

[ҳ̸Ҳ̸ҳVincentҳ̸Ҳ̸ҳ]

يامعلم ديه حرية شخصية ..مينفعش تلغيهم وتقول قائمة سوداء ...

الأختلاف فى الرأى لا يفسد للود قضية

[فارس الاسلام]

مصر دوله اسلاميه !
يا حبيبى مصر دوله علمانيه مدنيه دينها الاسلام و هى كلمه رمزيه لا اكثر !
انا كان نفسى تقام دوله اسلاميه فى مصر ولكننا ليس لدينا ذلك الخيار امامنا
و اذا كانت اسلاميه كما تقول فلماذا لانرى التشريع الاسلامى فى احكام القضاء



انت لا تفهم شى مع كامل احترامى هل تعلم انت هذة المادة بسبها تم رفض الاعتراف بالشواذ**


هل تعلم بهذة المادة انى فى موتمر السكان العالمى كانو يريدون الاعتراف ان الزنه مش جريمه

مثلا انت لو شوفت واحد بيعمل حاجه غلط ** انت مش محققك انك تبلغ اظنى كفايه كدة اوى يبنى (لو تلغت ) شعب هيكم نفسو بنفسو ) زاى اوربا كدا يعنى خرب يا زعيم والحكايه مش كوبى وبست عشان ندور على ردود

[ALEX_MOON]

انا احترت بصراحة

[a7lashabab]

انا مش عارف اللى بيقولو نعــم دول على اســـاس دى ؟
على اساس ان الماده التانيه هتتغير ؟
طيب ما الماده 189 مكرر
بتقول انه هيتم وضع دستور جديد يعنى ممكن تتغير برضوا
واحب اعرفكو ان الماده التانيه من ثوابت الدستووووووووووووووووووووووووووووووووور

[فارس الاسلام]

طيب ما الماده 189 مكرر
بتقول انه هيتم وضع دستور جديد يعنى ممكن تتغير برضوا
واحب اعرفكو ان الماده التانيه من ثوابت الدستووووووووووووووووووووووووووووووووور هههههههه يبنى طب ناس كلها بتقول نعدى الفترة دى طلما انى اول لما هتيم انتخاب رئيس بمادة دى الدستور هيتعدل افهم ياريس قبل ما تكتب

عشان كدا لازم نقول نعم

[a7lashabab]

منين بتحترمهم و منين بتعملهم قائمة سوداء ؟

حتى فى ديه بقى فيه قائمة سوداء مش كفاية القائمة اللى كانت للناس اللى ضد الثورة
احنا مش محتاجين تعديلات ولا تغيير الدستور
احنا محتاجين مستشفيات علشان تعالج الشعب المصرى من القوائم السوداء

هههههههه يبنى طب ناس كلها بتقول نعدى الفترة دى طلما انى اول لما هتيم انتخاب رئيس بمادة دى الدستور هيتعدل افهم ياريس قبل ما تكتب

عشان كدا لازم نقول نعم
لا للدستور لانه هيخلق ظــــــــــالم ديكتاتور تاااااانى حــتى لو عدلو 6/5 مــواد يظل الدستور دكتاتورى

[ღ♥_ akeml _♥ღ]

لالالالالالا

لتعديل

[salen4ever]

والنبى حطنى فى القائمة ديه
علشان هروح اقول لالالالالالالالالالا

[Uchiha_Dante]

لا - أنا معترض -ده رأيي
ومينفعش قائمه سوداء عشان رأيهم لخالف لرأيك

[♥● White Heart ●♥]

شكـرا
:icecream:

[^^divo^^]

انا بقول رأى الشخصى وهقول لا عشان انا اعرف ان النظام كلو المفروض يتغير مش ناس ماتت وناس راحت وعايزين نفضل زى ما احنا وانا مش اعرف ايه دخل الاستفتاء على الدستور على ان الدنيا تهدى والكلام ده وعلى فكره انا مسلم والحمد لله بس الى اعرفو انك مدام بدأت حاجه اعملها للاخر ومترجعش عنها عشان ناس عايزه مصلحتها وبس وكل واحد حر فى رائيه ولو انت شايف ان دى قائمه سوداء حطنى انا كمان معاهم وتقبل مرورى

[ToxiCity]

بأعلى الصوت


وبكل قوة


نعم للتعديلات الدستورية


.

محسسنى أنك واقف فى طابور المدرسه .. هدى أعصابك
ولا لتعديل الدستور

[Omar_El*POP]

نعم للتعديلات الدستورية

[I_Am_Legend]

انا يوم السبت مع رأيي و يوم الحد مع رأي مصر

[magotshy]

نعم للتعديلات لا للفتنة نعم للديموقراطية لا للتشدد نعم للأسلامية لا للعلمانية وسواء كان رأيك بنعم أو لا فهذا حق خالص لك واختلاف الاراء هو قمة الديموقراطية

[SoOHisokaOoS]

انتا من الاخوان عشان كدا عاوز نعم وانا بقول لا والف لا
وماتخفش ياعم البلد زى ما اتشال منها الفساد هاتتصلح وياريت توضح انتا بتقول نعم ليه بدل ما انتو بتقولو نعم والسلام

[salen4ever]

انتا من الاخوان عشان كدا عاوز نعم وانا بقول لا والف لا
وماتخفش ياعم البلد زى ما اتشال منها الفساد هاتتصلح وياريت توضح انتا بتقول نعم ليه بدل ما انتو بتقولو نعم والسلام

+1

[ahmed hero]

انت لا تفهم شى مع كامل احترامى هل تعلم انت هذة المادة بسبها تم رفض الاعتراف بالشواذ**


هل تعلم بهذة المادة انى فى موتمر السكان العالمى كانو يريدون الاعتراف ان الزنه مش جريمه

مثلا انت لو شوفت واحد بيعمل حاجه غلط ** انت مش محققك انك تبلغ اظنى كفايه كدة اوى يبنى (لو تلغت ) شعب هيكم نفسو بنفسو ) زاى اوربا كدا يعنى خرب يا زعيم والحكايه مش كوبى وبست عشان ندور على ردود

ما شاء الله لا انتا اللى بتفهم ما شاء الله عليك افحمتنى

طب ليه ميروحوش و يدمرو كايزونهات و الخمر و المنكر اللى بيحصل فى حفلات السهر !

ليه مازلنا بنحكم فى القضاء بأحكام القانون الفرنسى ليه مش بيستعملو التشريع الاسلامى اللى شرع بيه ربنا

بلاش تصدق كل اللى بيتقال وبلاش تتهم الناس اللى قدامك انهم اجهل منك يمكن يكون اعلم منك

[#3mr]

الدول الاجنيه عايزانه نقول لا


احنا عايزين نقول نعم للتغير
احنا عملنا ده كله علشان نتغير
و نعم للتعديلات الدستوريه

[D3MoN]

القائمة السوداء لمن يقولو لا؟

لو عشرة فى المئة من شعب بلدى مصر عقليتة زيك يبك يبقى البلد دى متخلفة عقليا

طبعا كلة هيقول لية؟..... هقولكم

لان كدة مش دموقراطية لانك بتفرض رايك .....

مش بالعقل بالتخلف
و بجد انا كنت واخد فكرة حلوة عن الاخوان بعد الثورة لكنلو انتا واحد منهم و هما قبلوك يبقة ربنا يلعنكم

و كل واحد مش هيقول راية النهار دة

يبقة بيكدب على نفسو و فاكر انو بيحب مصر

على فكرة انا سنى 14 سنة

و ارجو من الادمن طردك لان عقليتك المريضة