خبر هام بخصوص سيلك رود ارجو الدخول للأهميه

[totolay007]

اصدرات دار الافتاء امس فتوه بتحريم لعبة سيلك رود لما فيه من اضرار ذهنيه وجسمانية على الانسان واهدار للوقت والمال وسلب عقول الأطفال

وكما اعلنت حركة كفاية بعد رسوب معظم الطلاب بجميع الصفوف الدراسية وزيادة نسبة الرسوب الى اعلى مستواياتها الامتناع عن استخدام اى برنامج له صله من قريب او بعيد بلعبة سيلك رود

كما طرح الموضوع بمجلس الشعب وناقشه اعضاء المجلس وتم اصدار قرار بمنع شركات الانترنت فائق السرعه والانترنت المجانى بمنع دعم اى بيانات

مرسله عن طريق شركة joymax بطريقة مباشرة او غير مباشرة ومن يخالف اللوائح يعرض نفسه للمسائله القانونية

ومن جانبه اعرب السيد / فاروق حسنى وزير الثقافه - بأن هذه المواد مدسوسه من قبل الكيان الصهيونى لتدمير الفكر العربى وتشتشيت العقول عند قضاياهم الرئيسية

وقد اكد السيد / حبيب العدل وزير الداخليه بتشديد الرقابة والقبض على جميع تجار موزعيين كروت السيلك والبوت والقضاء عليهم فى اقرب فرصه ممكنه

وفى ما يلى نعرض عليكم كلمة السيد / حبيب العدل التى القاها ببرنامج صباح الخير يا مصر

الشباب دلوقتى عندهم حالة ادمان تام واللعبه اثرة على عقلهم الولد يصحه الصبح يفطر وياخود مصروفه وبدل ما يروح المدرسة ينزل على اقرب نت كافى يفتح اوبن تايم

ويدخل على اللعبة ويبتدى خبط ورزع على الكيبورد والماوس من الساعه سبعه الصبح لغاية انتهاء الفتره الدراسية يرحع البيت مامته تسأله خات ايه النهارده يحبيبى فى المدرسة

يقلها اسكتى دا انا وصلت النهاره لفل 60 وجبت السلاح الجديد وفتحت سكلتين جداد وان شاء الله على اخر السنة هجيب مجموع يوصلنى لفل 90

فده شىء غريب فعلا اللعبه دى بقيت ذى المخدرات بس المخدرات عرفيبن عالجه ولكن للاسف ما توصلناش لعلاج لى لعبة سيلك رود

برغم انا اننا كثفنا الرقابه على موزعيين وتجار كروت السيلك والبوت وقبضنه على كميه كبيره منهم انا انهم لسه بيبعه الكروت بطرق سريه عن طريق العربيات الكررو او اكشاش السجائر

والاغرب من كده انا احنا لاحظنا ان فى بعض من تجار المخدرات غيره نشطهم من الحشيش والبانجو لى كروت السيلك والبوت وده بسبب الارباح الكبيره اللى الناتجه من بيع كروت السيلك والبوت واللتى تفوقت على تجارة الكييف

فدى مأساه ولازم الكل يتعاون مع بعضه عشان نقدر نقضى على الظاهره دى .

نلقاكم فى نشرة التاسعة وشكرا لحسن استماعكم والسلام عليكم ورحمة الله وبركاته

[HESOCA]

هههههههههههههههههههههههه
مستنيك فى نشرة التاسعه على القناه الرابعة

[amrdiabfirst]

عايز تحس ان مفيش سيلك روت؟
متدخلش هنا تانى ولا هتسمع عن سيلك روت :)
انا مفيش اى مره سمعت عن سيلك روت قبل لما العبها على الرغم انى عرفت بعد لما لعبتها انها لعبه مشهوره وناس كتير بيلعبوها ولما عرفت الموقع هنا حسيت ان الشعب كله بيعرف اللعبه بس بالعكس
ابعد عن هنا وفكر شويه فى اى حاجه تانيه بعيد عن اللعبه هتحس ان الحياة طبيعية خالص

[amrdiabfirst]

سورى نسيت اقولك حاجه موضوعك معاجبنيش

[_M_E_D_O_]

ههههههههههه
انا ماعاك لحد الساعه 11 وموجز الانباء

[WOLF 757]

هههههه ماشي ياصحافة :D

[_M_E_D_O_]

سورى نسيت اقولك حاجه موضوعك معاجبنيش


ليه؟؟؟...ز:confused:
ده موضوع جامد واللهى

[vito88]

عايز تحس ان مفيش سيلك روت؟
متدخلش هنا تانى ولا هتسمع عن سيلك روت :)
انا مفيش اى مره سمعت عن سيلك روت قبل لما العبها على الرغم انى عرفت بعد لما لعبتها انها لعبه مشهوره وناس كتير بيلعبوها ولما عرفت الموقع هنا حسيت ان الشعب كله بيعرف اللعبه بس بالعكس
ابعد عن هنا وفكر شويه فى اى حاجه تانيه بعيد عن اللعبه هتحس ان الحياة طبيعية خالص


اسمها سيلك روت

شربت اللبن يا حبيبى

[mando2005007]

بص يا باشا
انت الصراحة عندك حق سيلك رود اكلت دماغ الناس كلها وفي ناس بقت محترفة في النصب بسبب اللعبة دي
وطبعا العيال الصغيرة سابت الدنيا و سيلك دور بقت كل حاجة عندهوم
بس هيا لعبة جامدة وتشد بس هنا في مصر مش بنعرف ننظم حياتنا
ربنا يستر علينا الله اعلم هيحصل ايه للعيال الصغيرة الي بتاخد دروس سيلكرودية دول
وبجد بجد موضوعك جميل وفكك من الناس ال........... الي بيتكلموا وبيقولوا الموضوع ميش عاجبهوم دول:d

[HESOCA]

بص يا باشا
انت الصراحة عندك حق سيلك رود اكلت دماغ الناس كلها وفي ناس بقت محترفة في النصب بسبب اللعبة دي
وطبعا العيال الصغيرة سابت الدنيا و سيلك دور بقت كل حاجة عندهوم
بس هيا لعبة جامدة وتشد بس هنا في مصر مش بنعرف ننظم حياتنا
ربنا يستر علينا الله اعلم هيحصل ايه للعيال الصغيرة الي بتاخد دروس سيلكرودية دول
وبجد بجد موضوعك جميل وفكك من الناس ال........... الي بيتكلموا وبيقولوا الموضوع ميش عاجبهوم دول:d

معظم النصابين الى فى العبه اكبرهم ميكملش ال 11 سنه يعنى عيييييييييييال

[emperor_hell]

ههههههههههههههههههههه انا مستني منك احداث 24 ساعه

[dar_rouge]

eshta ya man cya fy nshret el sa3a 9

[ابوسيف2007]

ههههههههههههههههههه نايس يامان وموضوع ظريف

[mostlast]

ده الي مفروض يحصل بجد
يا رب يزول الهم

[zanglony]

wallahy modo3 gamed gdan w en sha2 allah nt2bl fe el nshra 9 msa2an

[ابوسيف2007]

شكرا يمان

[hany_tiger]

ههههههههههههههه

[Golden_Chief]

طيب
No Comment

[CoMManDa]

:( عندى 10 اكونتات ما بين لفل 67 الى 89 شوفلى حد يشتريهم وانا اوعدك انى ملعبهاش تانى:D
مشكور يا غالى والله موضوع ظريف

[___MEMO___]

100 100 walahy da 7aga ms5ara

[totas]

we ana kman mwdo3ak m3gbnesh la2n mfsh ay 7aga 7slat man al anta oltha ay 7ad 3awz ystzraf yege yfse 3alena fe a3da2 al mwk3 y5rgo al m3lam dah mwdo3 v.v.v.v.v.v.v.v.v.v.vv..v.v.v.v.v.v.v.v.v.v.v.v.BA D yrga 7zaf al mwdo3:mad:

[miro_07]

اكيد موجز ال24 ساعة بس اقولوا حاجة متقلش ان سيلك رود واكلة الدماغ انا بلعب سيلك رود و جبت 95% فى الدراسة فا ياريت متجمعش الكل

[zanglony]

ana gbt fe 2 e3dady 99.6% w bl3b silkroad aktr ma kont bzakr
dah l drga en baba fkrny 5shet el emt7an

[bigboss_215]

No Comment

[_moon_]

شكرآ على الموجز ياباشا

[hellman]

هههههههه

جامدة يا مان

شكرا ليك يا عسل

[lord0fcrime]

هههههههههههههههههههههههه

[_nor]

begad ya shabab elgame de bawzt dma3' elnas kolha :S

[_nor]

ana now lama ba3od ma3a as7aby fe ay makan mosh bytklmo 3'er 3ala elgame :S this Game now belnsbaly = Eggs

[ahedo]

والله عندك حق فى كل الكلام ده ,,, اللعبه دى اكلت عقول الناس,,,, حتى الى عمرهم فوق ال 40 سنه تلاقيهم بيلعبوها و مبيفكروش فى اى حاجه غيرها ...... no comment

[ahedo]

ana now lama ba3od ma3a as7aby fe ay makan mosh bytklmo 3'er 3ala elgame :s this game now belnsbaly = eggs

mee t00

[silkspider]

موضوع جااااااااااااااااااااااااااااااااااااااااااااااااا ااااااامد هاهاهاهاهاهاهاهاهاهاها0

[totolay007]

up

[mazagangy]

نشرة أخبار 25 تنفع بدل سيد أبو حفيظة

[OHishamO]

بلاش الكلام اللى بتقوله وبس ده أنتا مش عارف عواقبه لانك لسه صغير.
ده ممكن يوديك انتا واهلك فى 60 مصيبه
أرجو من الساده المشرفين التدخل لان بكده دخلنا فى موضوع سياسى خارج عن مستوانا

[OHishamO]

أو لو عايز تكتب بلاش تكتب اسامى وزراء ولا مسؤلين لانك هتدخل نفسك فى حوارات مانتاش قدها

[semse000]

عوزين حللللللللللللللللللللللللللللللللللل

[™Por‏™]

انت هتعرف

[Dream1]

و مش هتيجى فى نشره اخبار ( الخامسه والعشرين ) مع سيد ابو حفيظه

[Dream1]

المهم انا فى انتظارك يا سيد د بيه -_^

[ياسرعبدالعال]

وطبعا دي كانت حلقة اخبار الخامسة والعشرون

[Helen2050]

والاغرب من كده انا احنا لاحظنا ان فى بعض من تجار المخدرات غيره نشطهم من الحشيش والبانجو لى كروت السيلك والبوت وده بسبب الارباح الكبيره اللى الناتجه من بيع كروت السيلك والبوت واللتى تفوقت على تجارة الكييف

فدى مأساه ولازم الكل يتعاون مع بعضه عشان نقدر نقضى على الظاهره دى .

نلقاكم فى نشرة التاسعة وشكرا لحسن استماعكم والسلام عليكم ورحمة الله وبركاته


جامد جامد يا مان
خلتنى اسداء بجد تجار المخدرات غيرو مسرهم لسلك رود
بائو يبيعوو كروت سلك طب
هواا مفيش بايبل ولا شحن فيزا

[elbashabasha]

عمر ما فى واحد بتاع حشيش بطل علشان سيلك رود ده كيس الحشيش 800 ج و اعلى لو حته الحشيشه جامده ازى يفكرو فى لعبه انا من اسكندريه :p

[sokar3030]

eh el kalam el fady dah argo 7azf el mawdo3 la2no malosh ay lazma we 98% meen el kalam kadb

[RomY]

ماتحلمش كتير خليك على ارض الواقع