... انا قاعد فى بيتنا يوم 25 وانت ؟ .... !!!

[ToxiCity]

مشكلة بعض الشباب المصري المتحمس انه مقتنع أنه ممكن يقوّم ثوره من على فيس بوك وتويتر.

كل واحد بيغير صورة البروفايل بتاعته حاسس إنه قدم خدمه للوطن..وكل واحد عمل شير لـ فيديو، حاسس أنه وجه ضربه قاسيه للنظام المستبد، وكل واحد دخل على جروب بيشتم في الحزب الوطني والسلطه حاسس انه مناضل هارب من العداله.

أنا عندي خبر وحش للناس دي وهو إنه لأ.

صوتك مش واصل يا معلم.

والله أنا مش جاي أحبط حد، ولا جاي أقول إعملوا كده وماتعملوش كده، ولا أنا من النوع اللي بيعمل نفسه حكيم وفاهم وكل الناس اللي حواليه هم اللي مش فاهمين.

وبردو بنقعد نكتب على الفيس بوك المكان ألى بنقول انه ملهوش لازمه

بس أعمل إيه يعني؟..هو أنا حد عرض عليا توك شو وأنا قلت لأ؟...

هل الأهرام والأخبار بيتحايلوا عليا إني أكتب عمود آخر صفحه..بس أنا اللي بتنك عليهم؟

ما علينا..

لما الشعوب بتقوم بثورات ، الطبقه اللي بتثور عادة في رأيي الشخصي المتواضع،مابتبقاش الطبقه اللي عندها
Connection DSL.
:nono2:

عمري ماسمعت عن قائد ثوره عنده
account
على
Twitter
أو بيعمل إجتماعات مجلس قيادة الثوره على
Group
في
Facebook.


أنا أسمع انهم بيوزعوا منشورات للتحريض على الثوره، إنما الثورات اللي بتقوم بال
BBM
دي..أنا لسه ماسمعتش عنها.


لكل أصحاب ال
Broad Band
و ال
Wi-Fi
وال
BlackBerries
، بليز يا جماعه إعملوا
Abort
للثوره دي.


أي واحد عنده
PlayStation
أو
Wii
أو
Ipad
أو
Ipod
أو
Imac
أو أي
I
خلقها ربنا..أرجوكم..
Stay at home .

أي واحد ساكن على النيل، أو في
Compound
أو في فيلا أو حتى شقه في أكتوبر أو الربوه أو الصفوه أو الهفوه ..عشان خاطري..
Take Care.

أي حد بيخرج في
Sequoia
أو بياكل من عند الحاج
Mori
بتاع ال
Sushi
أو بيروح
Sangria
أو
Cairo Jazz Club
أو
Club 35
أو
Cairo Capital Club
إنشالله حتى نادي الشمس...أرجوك ماتنزلش من بيتكم يوم عيد الشرطه...إنت تنزل في ال
New Year
في ال
Valentine
أو في عيد ميلاد ملكة هولندا...يا عسل انت...مالك ومال الكلام ده؟

الإخوه بتوع مدارس ال
AIS
وال
CAC
وال
BISC
أو بتوع جامعات ال
AUC
وال
MIU
وال
MSA

أو أي حد كان في مدرسه أو جامعه إسمها عباره عن تلات أربع حروف إنجليزي لازقين في بعض، ده مش يومك يامعلم.. سيب الطلعه دي لبتوع معهد تعاون ومدرسة أحمد لطفي السيد...أنت أقعد في البيت وإعمله
Movie Night.

البهوات اللي بيستعملوا كلمات من نوع
Oh my God
و Bitch
و Duh
و Talk to the hand
و بيقول
I’m going to pee
بدل أنا رايح أتسيّر..
Dude
...أرجوك..ٍ
Stay Put.

أي حد بيتفرج على
So you think you can dance
أو Dancing with the stars
أو Glee
أو حتى
Grey’s Anatomy
...يوم 25 يناير
MBC4
هايجيبوا ماراثون
Desperate House Wives
..إوعى تتحرك من مكانك.


أي بني آدم يعرف مين هي
Hanna Montana
أو يعرف مين همّ
Rachel و Chandler و Joey
..وإسم
Mr. Big
مش بيفكره بمحل جزم في الوايلي...إضرب حد وإتنين أجازه..وخليه
Long weekend
وإطلع ع الجونه.

الثورات يبدأها الجياع والمطحونين...الثورات يشعلها الكادحين والفقراء...الثورات يقوم بها من ليس لديهم ما يخافوا عليه.


لو خايف روح..
ولو مش مظلوم روّح..
ولو ماحدش عندك مات من ضرب العساكر في الأقسام ماتنزلش..
ولو ماحدش في عيلتكم بلع لفافة بانجو وإتخنق عشات المخبر مالحقوش بكوباية ميه...خليك في البيت..
لو مش مضايقك التزوير..ولا الجوع..ولا الجهل..ولا الفقر..ولا التعليم..ولا المواصلات..ولا الواسطه..ولا الظلم..ولا الكهربا..ولا الميه..ولا الأسعار..هتنزل من بيتكم ليه؟


إعمل زيي وخليك قاعد في البيت

[Omar.Khaled]

Iagree with u 100%
so
i will stay at home ..

[mazagangy]

هههههههههههههههههههههههههههههههههههه
ههههههههههههههههههههههههههههههههههه
هههههههههههههههههههههههههههههههههههههه

لالالالالالالالالالالالالالالا
والله انتا طلعت مشكلة يا اندرو

مش قادر امسك نفسي من الضحك

ههههههههههههههههههههههههههههههههههههههههههه

فعلا الناس محتاجة دي اس ال

واكونت علي الفيس
هههههههههههههههههههههههههههههههههههههههههههههه


انا والله اقنعت انا في بيتنا بكرة

[White Angel]

طـيـب أنـا نـازل الـعـب كـورة فـى مـركـز شـبـاب الـكـوم الأخـضـر فـيـه مـشـكـلـة ولا اقـعـد فـى بـيـتـنـا ؟

:icecream:

يـثـبـتـ .. لـحـد بـكـرة
هههههههههههههههههههههه

[a7mad63]

ههههههههههههه
وانا معاكو

[^^divo^^]

هههههههههه على فكره كلامك يضحك بس انا عندى حاجه بردو عايز اقولها مش كل الى عندو نت او دي اس ال يبقى من اثرياء مصر ومش فى دماغو لا النت بقى حاجه عاديه خالص ممكن الباقى انا معاك فيه بس طول ما فى ناس بتقول وانا مالى زيك كده يبق ى عمرنا ما هنكون ايد واحده ونتقدم وتقبل مرورى :confused:

[™King0FCream™]

هههههه

دوس و انا دايس معاك :p

[!_ToGoO_MorY_!]

كله اكيد قاعد

وأرهنك ان الى عاملين الجروبات على الفيس بوك هما هيقعدوا

اه كلام بيقلوه هو الكلام ببلاش

[Mr.V.I.P]

والله موضوع خيالي

وتفكير عالي :)

وانا من مكاني

اقوالك انا مش متحرك من هنا تاني :d :d

[love44love]

و بعدين لا مواخذه هو ليه احنا شعب بيحب التقليد هو عشان تونس عملت مظاهرات يبقي احنا نعمل ؟؟؟

اظن حســــنـــ ي عمرو ما هيسيب مصر و يخلع بطياره

ده يطلعنه احنا بره البلد خالص و يوادين الصومال





ممكن سوال اخير انا النت بيقطع عندي عادي لو رحت السيبر :icecream::icecream::icecream:

[netm0]

مهو اللي هايروح المظاهرات دي و مجهز نافسو لليوم دا واحد عندو مبدا

[ღ♥_ akeml _♥ღ]

هههههههههههههه

والله مشكالة

[MoST_WanTeD]

انا كنت عاوز انزل احلق بكره بس كده مش هنزل ههههههههههههه

[Wally]

You are right
!!

[☜ ĂиTaKą ☞]

يا لهــــــــــــــــــوى


يعنى مش هينفع اخرج مع الحته بكره


كده هتقول اكيد انى بخيل ومش هعزمها بكره



:icecream::icecream::icecream::icecream:


ههههههههههههههه

[ZeRo-CoOl]

لالالالالالالالالالالا
انا نازل احنا رجاله اووى و لامواخزه

انا عندى درس فى الحته الى هاتقوم فيها المظاهره
:lightsabre: ازاى Stay at home بقى

[elbasha07]

هههههههههههههههههههههههههههههههههههههههههههههههههه ههه
هههههههههههههههههههههههههههههههههههههههههههههههههه ههه
مش قادر
مع ان الموضوع مهم بس طريقه الكتابه ملهاش حل

[Gl4Di4ToR]

-هو كلام انو مش هيعمل حاجة علي أساس انو يغير في البلد .. دي صح ,, بس الواحد لما بيحط صوره كدا أو كدا بيخرج من الي في نفسو .. غير كدا في ناس غيري و غيرك مش لاقي يــأكل و الي بينام علي الرصيف تعتقد أنو لو فيه فرصه يفرغ من الي هو فــيه .. فكر كدا لو انتا بتنام علي الرصيف و مش لاقي تأكل و كل يوم تشحت عشان تأكل هيبقي نظرتك للـ موضوع نفس نظرك للموضوع وانتا الحمد لله مستريح ؟ أنا عن نفسي مش هتحرك من البيت لأني مش في مصر حتي لو في مصر معتقدش أني هنزل

[| - CreSpO - |]

انا اصلاً مش كنت اعرف ان فى مظاهره http://img441.imageshack.us/img441/8085/hehel.gif

[steerforth]

انا عجبونى الكلمتين دول
بس عايز اقوللك
محدش بقى مفيش عندو حاجة يخاف عليها
و الناس اللى انت اصدك عليهم دول من كتر الجوع مابقاش عندهم صحة يهرشو فى دمغاهم
اذا انا شايف ان المظاهرة ولا الثورة دية كلام فى الهوا
عشان كدا كدا مافيش حاجة هاتتغير بل ممكن يتغابو اكتر
واللى فاكر ان مصر زى تونس
اقولو اغسل رجلك الشمال و اتكلفت فى لحافك و اديها الحنان
و معدتش تفرق سينا من سنويا

[! FiRe !]

يااااااااااااااااااااااااااااااااااه يا اندرو
بجد انتا عملت اللى مجاش فى بالى
انا قاعد اقنع كل الناس ان اللى بيعمل ثورة مش بيعملها عالفيس ولا تويتر
وقاعد اقول شباب مين اللى يعملو ثورة ، شباب اقصى آمالهم ان الموزة تحن عليهم
ولو شباب كويسين اوى ونضاف ، الطبقة دى مش حاسة بحاجة اصلا
ولو حاسين بحاجة ، ومحروقين عليها اوى ، كبيرهم يوزعوا منشورات
لكن ثورة
واحتمالية موت
وبعدها ( دى لو نجحت يعنى )
حكم دولة
والحساب يوم القيامة عن 85 مليون شخص فى ذمتى.............!!!!!!!!!!!!!














انا أرفض

[a7lashabab]

كـــلامـــــــــك 1000000000% غـــــــــــــــــــــــــــــــــــــــــــــــــ ـــلط
الثوره مش تقوم من الراجل الفقير اللى مش لاقى ياكل بس
الثوره بتقوم من جميع فئات الشعب وطوائفه
وكل واحد فينا بيبقا ليــــه دور
ولو عملنا زي حضرتك وعدنا ف البيــــــت يبقا نستاهل اللى بيجرلنا دا والله
ويبقا مفيش امــل نوصل صوتنا ونحقق حوريتنا دى وهنفضل ناخد على قفانا وخلاص

[ALEX_MOON]

مالها القعدة فى البيت

[ii_MaTRiX_ii]

يعنى يا شباب انتوا عاجبكم حال مصر ؟؟؟؟

الجبان والسلبى هو اللى يفضل قاعد فى بيته ويقول انا مالى

واللى مش هيروح وبيضحك مش علشان هو مقتنع بالكلام ده لالالا علشان هو من جواه اصلا خايف بس بيحاول يضحك على نفسه وبيدور على اى حجه وخلاص

[a7lashabab]

يعنى يا شباب انتوا عاجبكم حال مصر ؟؟؟؟

الجبان والسلبى هو اللى يفضل قاعد فى بيته ويقول انا مالى

واللى مش هيروح وبيضحك مش علشان هو مقتنع بالكلام ده لالالا علشان هو من جواه اصلا خايف بس بيحاول يضحك على نفسه وبيدور على اى حجه وخلاص
الله عليك
هو دا الكلام المظبوط مش اللى يقولك نعد فى البيت
تمام كدا
الوطن لسه بخير والله طول ما فى امثالك يبنى ^^

[ToxiCity]

كـــلامـــــــــك 1000000000% غـــــــــــــــــــــــــــــــــــــــــــــــــ ـــلط
الثوره مش تقوم من الراجل الفقير اللى مش لاقى ياكل بس
الثوره بتقوم من جميع فئات الشعب وطوائفه
وكل واحد فينا بيبقا ليــــه دور
ولو عملنا زي حضرتك وعدنا ف البيــــــت يبقا نستاهل اللى بيجرلنا دا والله
ويبقا مفيش امــل نوصل صوتنا ونحقق حوريتنا دى وهنفضل ناخد على قفانا وخلاص



انت نزلت المظاهره ؟ ...
اعتقد كلامى واضح بس انت ألى مش فاهم وبترد بكلمتيين حافظهم
وطول ماحنا حافظين مش فاهمين هنرجع 100 خطوة لورا
روح الله يرضى عنك افهم معنى الكلام

[blackice_007]

ههههه عندك حق والله

[netm0]

انت نزلت المظاهره ؟ ...
اعتقد كلامى واضح بس انت ألى مش فاهم وبترد بكلمتيين حافظهم
وطول ماحنا حافظين مش فاهمين هنرجع 100 خطوة لورا
روح الله يرضى عنك افهم معنى الكلام
و ‏
بعدين انتا جي طحبت الناس؟
مش نازل اوك بس خلي رايك لنفسك مش تعمل موضوع كامل
و بعدين اللي بينزل المظاهرات دا واحد عندو مبدا و اللي بيعد في بيتهم دا له مبدا تاني خالص

[_BaD_BoooY_]

كـــلامـــــــــك 1000000000% غـــــــــــــــــــــــــــــــــــــــــــــــــ ـــلط
الثوره مش تقوم من الراجل الفقير اللى مش لاقى ياكل بس
الثوره بتقوم من جميع فئات الشعب وطوائفه
وكل واحد فينا بيبقا ليــــه دور
ولو عملنا زي حضرتك وعدنا ف البيــــــت يبقا نستاهل اللى بيجرلنا دا والله
ويبقا مفيش امــل نوصل صوتنا ونحقق حوريتنا دى وهنفضل ناخد على قفانا وخلاص



و انا معاك فى الكلام ده ولله

[alberns]

بوصو اقول لكم اخرة المظاهرات دي ان مفيش حاجه هاتتغير خالص حتي لو عملنا ايه البلد دي مشيا علي مزاج الحكومة مش علي مزاج الشعب فياريت الناس تعرف ان مفيش حاجة هاتتغير غير لما نعمل زي تونس فعلا مش مظاهرات وكلام بيتقال في الهوا وخلاص احنا هانفضل كده طول عمرنا

[magotshy]

وانتا نسيت اهم حاجه اى حد بيلعب سيلكرد ماينزلش من بيتهم لأن زى مانتا شايف سيلكرود منيمه العيال خلص

[a7lashabab]

انت نزلت المظاهره ؟ ...
اعتقد كلامى واضح بس انت ألى مش فاهم وبترد بكلمتيين حافظهم
وطول ماحنا حافظين مش فاهمين هنرجع 100 خطوة لورا
روح الله يرضى عنك افهم معنى الكلام
انا فاهم كل كلمه
والحمدلله نزلت بس مكملتش كتير معاهم
والكلمتين دول مش حافظهم دا من اللى جوايا واللى انت بتعمله دا اسمه احبااااااااااااااااااااااااااط

[a7lashabab]

بوصو اقول لكم اخرة المظاهرات دي ان مفيش حاجه هاتتغير خالص حتي لو عملنا ايه البلد دي مشيا علي مزاج الحكومة مش علي مزاج الشعب فياريت الناس تعرف ان مفيش حاجة هاتتغير غير لما نعمل زي تونس فعلا مش مظاهرات وكلام بيتقال في الهوا وخلاص احنا هانفضل كده طول عمرنا
تونس كانت اكتر من كدا
وشوف حصل ايه فيها.؟
عارف حصل ليه كل دا علشان الشعب مستسلمش
الشعب قعد فى الشارع 3 شهور من نار
مفيش فيهم واحد اسمه خايف ولا محبط وكلهم عندهم امل انهم يرجعو حريتهم والمفروض ان المصرين يعملو كدا مش يقولو نقعد فى البيت

[Gl4Di4ToR]

يا جدعان أحنا بنتكلم بدون تعصب عشان الموضوع ميتقفلش ^^
فعلا a7lashabab عندو نقطة مهمه جدا
لان لو في ثوره بجد لازم كلنا نعملها مش المحتاج أو الي خسران من القضيه .. طيب ما انتا بلادك بتتبهدل و بنتمرمط اهو أنتا عاجبك حال مصر ؟ دا سؤال عايز ردك فيه , تاني حاجة هو عشان أحنا أتعودنا علي كدا فـ نسينا أزاي لما واحد بيحصلو حاجة بنبقي كلنا معاه ... و الأتحاد قوة و الفرقه ضعف يعني لما انتا مضرر بنسبة 20% بس ماشي حالك الحمد لله و غيرك مضرر 90% مش قادر يعيش دا الي هيكافح بس انتا هتقول وانا مالي انا قادر اعيش كدا الحمد لله يتحرق الباقي انا مالي ؟ انتا بتقول كدا زي واحد صــاحبك شويه عيال ضربوه و جاي يطلب مساعدتك انتا تقولوا وانا مالي هو عملولي حاجة عشان اضربهم مش حتي علي الأقل تحاول تحل الموضوع بشكل هادي علي العموم هيا شكلها فكرة في دماغك وانتا مش عايز تسمع غيرها :nono2:
خلينا نناقش و نتفاهم عشان نوصل لـ حل أفضل ولا ايه :unsure:

[MoSTaFa_Pop]

كـــلامـــــــــك 1000000000% غـــــــــــــــــــــــــــــــــــــــــــــــــ ـــلط
الثوره مش تقوم من الراجل الفقير اللى مش لاقى ياكل بس
الثوره بتقوم من جميع فئات الشعب وطوائفه
وكل واحد فينا بيبقا ليــــه دور
ولو عملنا زي حضرتك وعدنا ف البيــــــت يبقا نستاهل اللى بيجرلنا دا والله
ويبقا مفيش امــل نوصل صوتنا ونحقق حوريتنا دى وهنفضل ناخد على قفانا وخلاص



والله صح كلامك وكله 100/100
وانا والله لو كنت كبير كنت هروح بس انا لسه عندى 15 سنه

[a7lashabab]

يا جدعان أحنا بنتكلم بدون تعصب عشان الموضوع ميتقفلش ^^
فعلا a7lashabab عندو نقطة مهمه جدا
لان لو في ثوره بجد لازم كلنا نعملها مش المحتاج أو الي خسران من القضيه .. طيب ما انتا بلادك بتتبهدل و بنتمرمط اهو أنتا عاجبك حال مصر ؟ دا سؤال عايز ردك فيه , تاني حاجة هو عشان أحنا أتعودنا علي كدا فـ نسينا أزاي لما واحد بيحصلو حاجة بنبقي كلنا معاه ... و الأتحاد قوة و الفرقه ضعف يعني لما انتا مضرر بنسبة 20% بس ماشي حالك الحمد لله و غيرك مضرر 90% مش قادر يعيش دا الي هيكافح بس انتا هتقول وانا مالي انا قادر اعيش كدا الحمد لله يتحرق الباقي انا مالي ؟ انتا بتقول كدا زي واحد صــاحبك شويه عيال ضربوه و جاي يطلب مساعدتك انتا تقولوا وانا مالي هو عملولي حاجة عشان اضربهم مش حتي علي الأقل تحاول تحل الموضوع بشكل هادي علي العموم هيا شكلها فكرة في دماغك وانتا مش عايز تسمع غيرها :nono2:
خلينا نناقش و نتفاهم عشان نوصل لـ حل أفضل ولا ايه :unsure:


تمام كدا بارك الله فيك
كلنا حاسين بالظلم بس مش بنفس الدرجه
حضرتك مستواك المادى كويس وعايش حلو غيرك مش لاقى مكان ينام فيه
لا دا غيرك مش لاقى حاجا يتغطى بالليل وهو نايم فى الشارع على الرصيف والدنيا بتشتى شفت وصلت لدرجه ايه ؟
يبقى نعد فى البيت دا القرار الصح؟

والله صح كلامك وكله 100/100
وانا والله لو كنت كبير كنت هروح بس انا لسه عندى 15 سنه
ربنا يخليك بس السن مش مهم المهم تعرف تجيب حقك ازاى

[magotshy]

ياجماعه اصلا الكلام دا المفروض مايتقالش فى الموضوع دا لو لاحظتو ان اصلا الموضوع يدعو الى الاحباط المفروض نعمل موضوع تانى اسمو ( لازم تنزل المظاهرة حتى لو عندك dsl ) ماهو انا مثلا عندى اشتراك نت لوحدى وعندى فيس بوك وكنت فى مدرسه خاصه وبينى وبينكو انا مش حاسس ان حسنى مبارك ظلمنى فى حاجه شخصيا منا عايش اهوه باكول وبشربو وبتفسح وبروح الجيم وعشرة على عشرة يبقى المفروض اعمل زى ما المراقب العام قال ومفكرش اصلا فى مظاهرات واسيب الكلام الفاضى دا للناس الشقيانه اللى نصهم مكملش تعليمهم واللى يوم المظاهرة دا ممكن يفرق معاه فى اليوميه اللى بيبقضها من شغلو ماهو اكيد شغال باليوميه ويعينى يمكن لو طلع المظاهرة صاحب الشغل يطردو او الفلوس تقصر معاه لان يادوبك اللى جاى على قد اللى رايح انا مش بهاجم حد بس ياريت يبقى فى نظرة امل وطول ماحنا كدا عمرنا ماهنشوف يوم عدل فى الايام اللى جايه دى

[tiuy2110]

انا جهزت الحصان والزاد والزواد والاسلحه وطالع خلاص هل من مرافق لى فى الطريق ؟؟؟؟؟؟:mf_swordfight::mf_swordfight::mf_swordfight :

يا صاحبى انت كده بتسخر بأسلوب حلو فى نظر البعض بس انا عندى انترنت 4 ميجا // عندى بلاى استيشن 2 و 3 كمان

عندى عربيه /ما فيش حد ماتلى فى الاقسام بس هنزل لانى راجل لانى مصرى واشدد على راجل لان الرجاله هم الى

بيقفوا وقت الشده وبيقفوا وقت الجد احنا فراعنه مش عبيد احنا الى علمنا العالم كله يعمل ثورات مش مقلدين

اما الاخوات النايتى والفرافير الى بيخافوا من عصاية المقشه دول يقدوا فى البيت وعلى رأى هشام الجخ

الشاعر المعروف دول هم المتعولمين ههههههههههه افهموها انتم بقى

[°•.♥ Manas ♥.•°]

معاك يا معلم فى البيت انشاء الله

[a7lashabab]

انا جهزت الحصان والزاد والزواد والاسلحه وطالع خلاص هل من مرافق لى فى الطريق ؟؟؟؟؟؟:mf_swordfight::mf_swordfight::mf_swordfight :

يا صاحبى انت كده بتسخر بأسلوب حلو فى نظر البعض بس انا عندى انترنت 4 ميجا // عندى بلاى استيشن 2 و 3 كمان

عندى عربيه /ما فيش حد ماتلى فى الاقسام بس هنزل لانى راجل لانى مصرى واشدد على راجل لان الرجاله هم الى

بيقفوا وقت الشده وبيقفوا وقت الجد احنا فراعنه مش عبيد احنا الى علمنا العالم كله يعمل ثورات مش مقلدين

اما الاخوات النايتى والفرافير الى بيخافوا من عصاية المقشه دول يقدوا فى البيت وعلى رأى هشام الجخ

الشاعر المعروف دول هم المتعولمين ههههههههههه افهموها انتم بقى

ههههههههههههههههههههههههه
اها جايه من العولمه علشان محدش يفهم غلـــــــــط ^^

[ToxiCity]

يا جماعة والله انا مش بحبط حد وولا عاجبنى حال البلد وولا المظاهرات هتعمل اى حاجة حتى لو نزلو ال 80 مليون عارفين ليه ؟ ...

لأن مصر غير تونس

حسنى مبارك لو نزل الجيش والعادلى نزل الشرطة مش هيخلوا واحد من ال 80 مليون ينزل من بيتهم

والايام بيننا لو المظاهرات دى غيرت حاجة

[moha1a]

اكيد انا و انتا هنعد فى البيت
مش عندنا انتر نت واحد و اتنين ميجا
و مصروف 3 ~ 7 جـ
و كل يومين بناكل لحمه و فراخ
و كل اسبوعين يا فـCarefour يا City Starts
يا بتاكل عند مؤمن يا البرنس (بتاع الكشرى)
لاكن فى ناس بتاخد مرتبتها 150 ~ 200 جـ
ويمكن اتصرفلو كمان 20 جـ موكفأه
يعنى لو حسبت مصروفك فى الشهر اكتر منو
ليه بقى مترضاش بحال البلد
شوف بقى هوا راضى و صابر بقالو اد ايه .....
و مفيش اى تغير ليه حق انو يعمل احتجاج ولا ملوش !
ولا الشباب الى معاها شهدات و مش عرفا تشتغل ليها حق ولا..؟
فهما مبيعملوش حاجه عيب ولا حرام و دا حقهم و حقنا
لازم نبقى معاهم
و مش دى بس المشكله دا غير مشاكل تانيه كتير ...
انا كان نفسى اروح بس عشان الدراسه مش هقدر
اكيد عشان مش حاسين بألناس دى فهنعد فى البيت ...
!

[moha1a]

بس هنزل لانى راجل لانى مصرى واشدد على راجل لان الرجاله هم الى

بيقفوا وقت الشده وبيقفوا وقت الجد احنا فراعنه مش عبيد احنا الى علمنا العالم كله يعمل ثورات مش مقلدين





انا موافق على كلامك تماماً

[StarWars]

U Are Right Androw
انا منزلتش امبارح
بس بردوا ده ميمنعش اننا لازم نطالب بحققونا
:queenie::queenie:

[THE_VIPER1]

اكيد قاعد

[EcW0]

ايه لاى بيحصل ده بجد اتخنقت