المساعد الشخصي الرقمي

مشاهدة النسخة كاملة : و أنا ..!!


STRQUEEN
28-12-2010, 12:05 AM
مملوكش غير طاقتى

وحبه حاجات تانيه

عايزه تعيش لكن
...
صلاحيتها منتهيه

ده هو راى الناس

واللى معاه ساكن

فى قصور ومتهنى

واللى معوش ساكن

فى مكانه مستنى

واللى معاه الصبر

بيقينه مستغنى

واللى نصيبه الفقر

واللى عاداه الدهر

واللى غرق فى القهر

واللى شرب م النهر

ولسه مستعفى

واللى اتسقى بالمر

ربك غنى بيعفى



وانا ...

مملوكش غير طاقتى

وكمان حبه ورق

مثبوت فيهم خيبتى

والعمر اللى اتسرق

اولها شهاده ميلادى

واحد جديد اتخلق

وبطاقه التطعيم

مظلوم جديد ف السبق

منا ابويا كان عادى

انا اه اتولدت سليم

بس ده سلو البلد

هتعيش سليم كده ليه

ماينوبك الا الحسد

ما اللى فلق ف الحجر

مايقواش عليه الجسد



وانا ...

مملوكش غير طاقتى

وحبه رؤى لـ بكرة

وشويه غنا تايهين

وحيالله كام فكرة

وحبه خانات تانيين

مخطوطه فى بطاقتى

ركز هتلقى معانى

فى كل خانه فيهم

انسان رمانى زمانى

فى توهه وسطيهم

مصرىوشهم وجدع

بس النكد حصرى

وف خانه الجنس دكر

بس ده ماهوش عصرى

قالو دكر اللى يجيب الجنيه

طب واللى بيجيب الدولار

ده يبقى جنسه ايه؟؟؟

والعنوان فى اى مكان

والدين فى القلب مش بالاسم

والقلب حته فى قلب الجسم

ويا يبقى سليم سليم وتمام

ياتبقى خرده بقايا انسان



وانا...

مملوكش غير طاقتى

وحبه حاجه تانيه

محتاجه حبه كمان

علشان اكون فعلا

مالك زمام امرى


ســــيد شعبـــان

Islam Saeed
28-12-2010, 12:11 AM
صقفــه للفـــنان

بجد بجد بجد ,, أبــهرتـــنى

تــسلم يــاعم الحــج

☜ ĂиTaKą ☞
28-12-2010, 12:14 AM
المهم انت احمد ولا مين ؟

انا كده اتلخبطت

:icecream::icecream::icecream:

ღ♥_ akeml _♥ღ
28-12-2010, 12:20 AM
انت مين بقي في دول علشان اعرفك انت بتاع الورق والا بتاع الطاقة

ALEX_MOON
28-12-2010, 09:42 AM
سيد شعبان ده شكلوا بيكسب

STRQUEEN
28-12-2010, 01:44 PM
ThankZ GuyZ

L0RD_Slaiver
28-12-2010, 01:55 PM
و انا مش انا:angel_not::angel_not:

تسلم يا برنس

GC_Commander
28-12-2010, 02:43 PM
شكرااا بصراحة فنان

| - CreSpO - |
28-12-2010, 03:20 PM
Thx

TUNNER§
01-01-2011, 12:06 AM
Wow

جامده تنفع اغنيه راب