المساعد الشخصي الرقمي

مشاهدة النسخة كاملة : اسلامية ام علمانية


Be Cool
20-12-2010, 12:07 AM
مصر فى الواقت الحالى متخبطة ما بين اسلامية وعلمانية فهى لا اسلامية ولا علمانية, وعلشان كيدا انا حبيت اعرف رأى الاعضاء ايهما تفضلون اسلامية ام علمانية !

فى البداية احب اعرفكم على العلمانية لأنة معظم المصريين ميعرفوش اية يعنى العلمانية

العلمانية ببساطة هى فصل الدين عن الدولة يعنى من الاخر تخلى الدين حاجة خاصة بيك حاجة بينك وبين ربنا وبس ومتربطش مابين السياسة والدين..

اما الاسلامية فهى تطبيق الشريعة الاسلامية والسنة زاى السعودية كيدا اللى يسرق تنقطع ايدة الزانى يجلد الزانية ترجم.... إلخ

ღ♥_ akeml _♥ღ
20-12-2010, 12:11 AM
هي ديمقرطية

super_man619
20-12-2010, 02:12 AM
هي ديمقرطية

انت معلم
اسطوره
قدوه
مثال
انت يا ابني مفخره الوطن العربي

AbdElLatif
20-12-2010, 02:39 AM
إسلامية طبعاً

لأن العلمانية مع الوقت هتسبب إنتشار حوار البوي فريند و الجيرل فريند

و بعد كده هيظهر حرية الرأي في إن اللواط و السحاقيات يبقى ليهم الحق في اللي بيعملوه

و هتلاقي بعد كده إتنين عايشين مع بعض من غير جواز

و هتبقى حياة قذرة

ما الدين في القلب بقى و اللي في القلب في القلب

أكيد إسلامية

OneDaY
20-12-2010, 03:32 AM
اسلامية طبعا

ALEX_MOON
20-12-2010, 05:19 AM
هى ملوخية

The Mad Angel
20-12-2010, 05:59 AM
علمانية طبعا


و انا جاهز لأي نقاش



تحياتي



t.m.a

I_Am_Legend
20-12-2010, 11:09 AM
اتمني مصر تكون دولة اسلامية كما قال سيدنا عمر بن الخطاب رضي الله عنه ( نحن قوم اعزنا الله بالاسلام فاذا ابتغينا العزة بغيره اذلنا الله )

mig25
20-12-2010, 02:00 PM
بص الاجابة على السؤال دا محتاجة كوباية نسكافية


تعالى يا استاذ ناخد ركن و نحلل الوضع الراهن فى مصر

مصر لو دولة اسلامية ايه المفروض يحصل

1- مصدر التشريع الاساسى هو القرات الكريم (( موجود فى الدستور بس زى قلته ))

2- تطبيق الشريعة الاسلامية بحذافيراها (( بيطبق 10% بس))

3- تطبيق الحدود يعنى لو سرق ايده تتقطع و لو قتل يقتل و لو زنى و هو مثلا مش متجوز 100 جلده ولو متجوز يموت بالرجم و غيرها طبعا

4- طبعا فى حاجات متاكد لو كتبتها و حياتك ما حستمر فى المنتدى بس منها الالتزام بالعهود و المواثيق الاسلامية و لا تقولى امم متحدة ولا قلل متحدة و التعامل مع اهل الذمة حسب النصوص الموجود فى العهود ولو ما التزموش بيها فى كلام تانى

5- المسلمين كان عاشوا براحتهم مش اول ما المسلم يصلى و يربى لحيته شوية يروح على عقرب ولا يطلع مفتى يحرم ما حلله الله و يحلل ما حرمه الله طبعا فاهمنى

6- الى يدخل الاسلام مثلا يبقى امن مش يتخطف و يتحبس فى دير ولا معبد لغاية ما يرجع عن دينه او يموت من التعذيب (( بسبب المسلمين اللى بيموتوا فى سبيل كلمة اشهد ان لا اله الا الله حنترمى فى النار حدف عشان وافقين نتفرج بس دا مش موضوعنا ))

7- مكنش واحد زى اللى اسمه مرقص ابن فهيمة عمل فيلم مسئ للرسول و انا و انت قاعدين نسئل السؤال دا

د جزئ لو مصر اسلامية

تعالى بقى لو مصر علمانية

1- كان ظهرت بلاوى كتير غير البوى فريند و الجيرل فريند

2- كان كل واحد قال رائيه فى اى حاجة

3- زى امريكا و اوروبا كدا كلوا على بعضوا مفيش حاجة اسمها عيب ولا حاجة اسمها حرام ولا فى حاجة اسمها انساب

و لو قصدك ديموقراطية تعريفها هى حكم الشعب للشعب من الشعب يعنى طريقة غير اسلامية و بعيدة عن المنهج الاسلامى

تعالى بقى نعرف نتائج العلمانية فى الدول الغربية ايه

1- انتشار الجهل الفكري

2- البعد عن الله سبحانه وتعالى

3-المادية

4- الديكتاتورية وأخواتها

طبعا لو عايز شرح اشرحلك بس طبعا كلنا فاهمين ولا ايه




و بكدا تعرف ان مصر لا اسلامية ولا علمانية ولا ديموقراطية

مصر بالظبت و اسف فى اللى حقوله

زى اللى رقصت على السلم لا اللى فوق شافوها ولا الى تحت سمعوها

اما t.m.a

مش محتاجة نقاش خالص اما لو عايز نقاش انا موجود بس حيبقى صوت يا استاذ و فيه تسجيل كمان

انا موجود كل يوم 3 ساعات حدد ميعاد و انا موجود على طول عايز تناقش علمانية ديكتاتورية ملوخية اى حاجة قول من الاول عشان اجهزلك الصواريخ قصدى الادلة