ليه البنى اّدم بيذاكر ؟..!

[CrazySoraqa]

ليه البنى ادم بيذاكر


ليه البني ادم بيذاكر؟
عشان يمتحن..

وليه البني ادم يمتحن؟
عشان يدخل مرحله جديده ..ويذاكر فيها برضو ..

طب ولما يدخل المرحله الجديده يعمل ايه؟
يذاكر بقي عشان يوصل للي بعدها!!

مين اللي اخترع المذاكره؟
اكيد واحد كان بيحب يذاكر..

ومين اللي اخترع الامتحانات؟
واحد كان عايز يغيظ اللي بيحب يذاكر..

ايه الفايده من المذاكره؟
انك تخلص اقلام وورق وتشخبط ف الكتب وتعمل دواير عند الكلمات المهمه

وايه الفايده من الامتحانات؟
انك تملي ورق الحكومه وتوريهم جمال خطك

طب وهو لازم اذاكر؟
في الوقت الحالي مش لازم..بس اكيد لما تعيد السنه هتبقي عيل وترجع ف كلمتك

ليه الدكاتره بيدونا كتب ف الكليه؟
عشان نلاقي حاجه نشخبط فيها

طب وليه بيقرروا علينا مواد سخيفه؟
عشان وانت بتشخبط تشخبط بضمير

طب مهو ممكن بعد كل ده اشيل الماده؟
مانت شخبطت للدكتور ف كتابه..عايزه يسكت..قله ادب

طب اعمل ايه عشان انجح؟
امسك ورقه الاجابه وارغي

ارغي ف ايه؟
مش مهم..المهم تبقي مسطر وخطك نضيف واول سطرين كده تبع الموضوع اللي بيتكلموا فيه والباقي انت ومزاجك

طب والرغي ده مش حرام؟
يعني هو اللي بيقرروه علينا ده مش حرام



طب هو مين اللي بييجي الاول ..المذاكره ولا الامتحانات؟
يعني هو التعلب بيبيض ولا بيولد؟

لا بس التعلب مكار ممكن يعمل اي حاجه
والامتحانات كذلك..!


كانت شويه اسئله بحاول الاقي بيها سبب يخليني اذاكر

اكتشفت ان البني ادم بيقضي جزء كبير من حياته ف الشيء اللي اسمه مذاكره..
(اسمحولي اعامله بنوع من الاحتقار..)
مذاكره ايه بس وكلام فارغ ايه..هو احنا فاضيين

طب انا راضي ذمتك

يعني الواحد يصحي م النوم ع الساعه 12 ونص 3 كده
يادوب يغسل وشه ويضرب النسكافيه المتين
هوب الساعه بقت خمسه ..
وانت لسه يا عيني علي لحم بطنك..ف طبيعي تروح بصفاقه *** البحر تدور علي اكل..

غالبا هتسمع كلمتين وهتعمل عبيط وكأنك مسمعتش حاجه..
(ما انت نايم طول اليوم وصاحي المغرب وعايز الخدامين يجهزولك الاكل يا سعاده البيه..)

المهم..

بعد ما تاكل وتعمل الشويتين دول..
هوب الساعه بقت 7..
تصلي وتشوف مين رن عليك وتعمل كام مكالمه..

الساعه بقت 9..
في مسلسل دلوقتي ع التليفزيون..
(غالبا مسلسل تركي م اللي بيقعدوا 4000 حلقه دول والممثلين هم هم لا حد كبر ولا عجز ولا جراله اي حاجه)

والحلقه بتقعد ساعه.,.يعني تخلص الساعه 10

الله..مش ده معاد العاشره مساءا..لا اتفرج بقي

(اصل الثقافه حبكت..وبالذات ايام الامتحانات)

مــــــــــــــــا علينا..

تخلص البرنامج علي 11 ونص كده..
تفتكر ان دلوقتي كل اصحابك متجمعين اونلاين..

(هقعد ساعه ولا ساعتين وهقوم اذاكر علي طول..)

طبعا..هأو
ومابين شاي ونسكافيه واكل جنب الكمبيوتر ..

وطبعا نجوم اف ام علي كيفك..

تبص تلاقي الساعه بقت 3..

(اوبــــــاااااااا انا لسه مذاكرتش )

رجعنا لموضوع المذاكره

(تصدق انا كنت نسيت برضو اننا بنتكلم عليها)..

احم احم..

اذاكر ايه ولا ايه
تحط كل الكتب قدامك..

ممممممم لاياعم بلاش ابدأ بده..عايز حاجه تفتح النفس!

ولا ده ييييييييييييييه ..ده دكتور نكد

وده بقي ..
لا لا مليش مزاج..الغلاف شكله مش عاجبني

علي ما تخلص تناكه علي كتب الكليه تكون عدت بالقليل نص ساعه..

تكون اخترت الكتاب بقي اللي هتنزل عليه تاكل الورق من كتر المذاكره

الله..طب مش هتصلي الفجر؟؟؟؟!!!!

دانت حتي ف ايام امتحانات عشان ربنا يباركلك..

تروح تصلي الفجر وترجع.......

اما ابص بسرعه كده ع الفيس بوك ..يمكن حد بعتلي حاجه مهمه
(علي اساس انك عمر الشريف)..

تدخل ع الفيس بوك..وسبحان الله..متلاقيش حاجه مهمه..
شوف انت بقي..بيفتح السمكه..ههههههههههه ملقاش الخاتم..

احم احم

تقوم محترم نفسك

لا هذاكر سيبوني بقي..

لأ تؤجل عمل اليوم الي كمان شويه.
.بس المشكله ان الساعه بقت 6 الصبح..تفتكر هعرف اركز؟.....
هحاول

تقعد قدام الكتاب..



تقعد قدام الكتاب..



تقعد قدام الكتاب



(مهو كل اللي انت بتعمله انك بتفضل تقعد قدام الكتاب)..


وبعدين...

.لا انا زهقت بقي ومش عارف اركز....

الساعه دلوقتي 7ونص هدخل انام واصحي فايق بقي واخد اليوم من اوله:laughing1:

[TheEgyptian Duke]

:throb::throb:
ههههههههههههه
شكرا لك على الموضوع

[ThehoTLine]

هههههه موضوع هايل

هية كدة منظومة التعليم فاشلة :rofl:

[CrazySoraqa]

:throb::throb:
ههههههههههههه
شكرا لك على الموضوع
الشكر لله منور :kid:
هههههه موضوع هايل

هية كدة منظومة التعليم فاشلة :rofl:

اه بس نعمل ايه معندناش وقت نذاكر زى مانتا شايف :wink_smilie:

[salamo3000]

هههههههههه موضوع جميل والله تسلم ايدك

[ALEX_MOON]

مشكور ايه الصورة الجامدة دى

[CrazySoraqa]

هههههههههه موضوع جميل والله تسلم ايدك
اله يخليك يا عسل منور الموضوع والله:idiot:
مشكور ايه الصورة الجامدة دى
انهى صوره الرمزيه ولا التوقيع :cheezy:

[panto]

هههههههههههههههههههههههههه :clapping:

[mobes]

مشكور :guitar:

[Danger_B0y]

ههههههه فعلا هو ده اللى بيحصل بس انا مش فى كليه لسه فى متعسه

[CrazySoraqa]

هههههههههههههههههههههههههه :clapping:
:dog::dog::dog:
:dog::dog:
صح مش دا اللى بيحصل
مشكور :guitar:
الشكر لله منور يا عسل
ههههههه فعلا هو ده اللى بيحصل بس انا مش فى كليه لسه فى متعسه
منتا مش فى كليه بس هتخش كليه .:tongue2:

[faroky3000]

لا موضوع جامد

بس شكلك كنت قاعد معايا طول اليوم


:tv_happy:

[CrazySoraqa]

لا موضوع جامد

بس شكلك كنت قاعد معايا طول اليوم


:tv_happy:

هههههههه منور يا معلم

[Ahmed Abd AlaZiz]

مشكور روعه والله

[| - CreSpO - |]

ههههههههههه :kisss:

[☜ ĂиTaKą ☞]

هههههههه

تسلم

[CrazySoraqa]

مشكور روعه والله
الشكر لله اسعدنى مرورك
ههههههههههه :kisss:
ايوا شكلك بتعمل اللى انا كاتبو:wavetowel2:
هههههههه

تسلم
الله يخليك يا كبير منور الموضوع والله

[TUNNER§]

ههيهيههيه

شـــــــــــــكــرا

[~Soon~]

لا موضوع جامد

بس شكلك كنت قاعد معايا طول اليوم

عشان انت قولت عني كل حاجة بس انا في مدرسة مش كلية هههههههههههههههههه :gun_bandana::gun_bandana:

[CrazySoraqa]

ههيهيههيه

شـــــــــــــكــرا

الشكر لله
لا موضوع جامد

بس شكلك كنت قاعد معايا طول اليوم

عشان انت قولت عني كل حاجة بس انا في مدرسة مش كلية هههههههههههههههههه :gun_bandana::gun_bandana:

فى ايه يا جدعان كل واحد يقولى بتبقى قاعد معايا فى البيت:biggrinthumb: وبعدين متقلقش نفس الشريط هيتعاد لما تخش الجامعه :licklips:

[FightToDie]

هههههههههه موضوع جميل