المساعد الشخصي الرقمي

مشاهدة النسخة كاملة : شاعر هلفوتــــ

xlegendx
30-08-2010, 09:47 PM
أمك مش عاوزانى أحبك
ولا عاوزنى أقرب منك

رحت اقابلها عشان اتقدم
ويادوبك قبل ما أتكلم
قامت فقعت كام زغروتة
وأنا واقف مذهول ومبلم

قالت أهلاً يابنى يا مرحب
أهلاً بيك
شكلك من عيلة ومتربى
والاخلاق باينة فى عنيك

قلت أنا عايز اتجوز بنتك
والنبى وافقى وجوزيهالى
وأنا راح اشيلها فى ننى عيونى
وح تبقى أمى وام عيالى

قالت يعنى بتكسب حلو؟
عندك شقة ؟
ولا معاك كام ألف ح تدفهم فى خلو ؟

قلتلها أنا شاعر جامد
زى المتنبى ونزار
وقصايدى فى أعظمها صحيفة
ديماً تنزل بأستمرار
خبطت على صدرها بأيديها
وقالتلى كلام م المتنقى خيار

أشعار أيه ال بتكتبها
أدلعدى ح تطفح بنتى قصايد شعر
النبى بعد سنيت لو أشوفك
ح ألاقيك برضه محلك سر

:glasses-smiley02::glasses-smiley02:
omar007
30-08-2010, 09:55 PM
وهو انت صحيح عايز تتجوز من غير شقه ؟؟؟
مافيش مانع انك تبقى شاعر ياعم بس يبقى معاك لالى يعرف يعشكم مع بعض ^^

بس بجد انت ليك مستقبل والله
SilverFox
30-08-2010, 10:32 PM
والله جامد فكرتنى بعمو المتنبى كان شاعر جامد كيك..&
xlegendx
30-08-2010, 10:49 PM
وهو انت صحيح عايز تتجوز من غير شقه ؟؟؟
مافيش مانع انك تبقى شاعر ياعم بس يبقى معاك لالى يعرف يعشكم مع بعض ^^

بس بجد انت ليك مستقبل والله

ههههههههههههههه

شكراً ليك ولردك يا عمرو

بس مش المفروض يساعدونااا ^_^


والله جامد فكرتنى بعمو المتنبى كان شاعر جامد كيك..&

شكراً ليك يا بوب
dondosh
30-08-2010, 10:51 PM
اي الحلاوة دي يا عم....
мόћάmєđ Gάmάl
31-08-2010, 12:25 AM
جامده والله
شكراا لمجهودكـ:bounce: