ازاى تاكل وتشرب اثناء صيامك وتفضل صايم؟؟؟؟

[! FiRe !]

معلومات بسيطة خالص هتساعدك فى صيامك جدا

اولا : ازاى تاكل اثناء صيامك؟؟؟
الحل : دى امرها سهل جدا ، كلنا عارفين ان عملية الهضم بتاخد ست ساعات على الاكثر ، دا لو اكل متوازن ، انما لو الاكل المصرى اللزيز بتاعنا ، لو كل واحد هبد طبقين فول عالسحور ، مش هيخلص هضم غير بعد سبع ساعات ، وبعد كده ساعة ونص امتصاص للاكل دا ، يبقا العملية حوالى 8 ساعات ونص ، وبعدها يبدأ الجسم يستفيد من الاكل ويستخلص الطاقة ، يعنى على الساعة 12 الظهر ، يعنى لو سيادتك زى حالاتى بتصحى الظهر او بعد الظهر كمان ، هتصحى نشيط وكلك حيوية ومستعد للعمل ( المسلسلات يعنى ).

هذا الموضوع منقول من العضو Fire33 من منتدي silkroad4arab

ثانيا : ازاى اشرب وانا صايم وافضل صايم؟؟؟
الحل : دى اسهل من الاولانية ، للعلم بس كل المياه اللى هتشربها فى السحور هتنزل مع اول نداء للطبيعة تانى يوم الصبح ، فملهاش لازمة ، الزكاء فى ايه ، فى انك تستغل المعلومة السابقة بتاعت فترة هضم وامتصاص الاكل ، الحل الرائع هو انك تاكل مأكولات بجانب الفول غنية بالمياه ، زى الخس والجرجير والطماطم والخيار ، يعنى بالبلدى طبق سلطة وتبقا زى الفل ، وعقبال ما يتهضم الاكل هتنزل البواقى فى الامعاء الغليظة ، اللى بتمتص المياة من الغذاء المهضوم ، وهنا اللعب كلو ، طبعا السلطة فيها مياه ، وهتنزل مع باقى الغذاء ، تقوم تاخد المياه اللى فيها على الضهر بردو ، وتبقا صحيت من النوم واكل شارب صايم والحالة فلة

واى خدعة ^_*

[WELFA]

ههههههههههههههه
جامدة يا عبدو و الله
بس انا مش بتسحر
انا بتسحر الساعة 12
:sun::sun:

[! FiRe !]

ههههههههههههههه
جامدة يا عبدو و الله
بس انا مش بتسحر
انا بتسحر الساعة 12
:sun::sun:

شكرا لمرورك يا عمر
بس وصية النبى
اخروا السحور ، وقدموا الافطار

[walid54]

هههههههههههه شكراااااااااا

[Omar_El*POP]

والله موضوع جامد شكرا

[ii_MaTRiX_ii]

افكار حلوه :lightning: احب انا الدماغ الشغاله :ok:

[Controlled Black]

لالالا انا مليش في الكلام ده انا بتسحر 3

وبتنام 9 و بصحي قبل الفطار بي 5 دقايق بظبط

[poiu]

هههههههههه لأ بجد فكرة

[Cup]

اذا كان كدة ماشى

[STRQUEEN]

هههههههههه
لأ نبيه يا برنس :glasses-smiley02:

[~Soon~]

افكار حلوه احب انا الدماغ الشغاله :band:

[BonBony]

فكــرة حلوة اوى
و بحــب النــاس الرايــقة

[GoldPhoenix]

مش لازم كل الكلام دا
هى الحكايه مش صعبه يعنى
انا بصحى 12 او 12.30
استنى لحد الساعه 4 و انزل الدرس اجى
على الفطار عدل وكمان مش بتصحر
هى شويه مية وتبقى زى الفل:queenie:
بس شكرا على المعلومه

[Ahmed_Nagy]

أنا كنت بحسبك هتكتب دعاء أو هنسبح و كدا و أحنا صايمين بجد أنا طول ما أنا صايم دايما أقول

سبحان الله و الحمد لله و لا إله إلا الله و لا حول ولا قوة إلا بالله العلي العظيم و الله أكبر لحد لما ريقي ينشف والله بلاقيني
مش عطشان و طول ما أنا قاعد باخد ثواب

[D3MoN]

:thumbup:

[kareem_]

فكراااا HHHHHHH:specool:

[egysika]

عليا الطلاق الراجل دا بيقول كلام زى الفل

[super_man619]

لالالا انا مليش في الكلام ده انا بتسحر 3

وبتنام 9 و بصحي قبل الفطار بي 5 دقايق بظبط

انا

انا اتعلم حكايه انام 9 ديه من اخويا الصغير

ما شاء الله بتضيع صيام اليوم كله

و ثانكس يا عبدو علي الكفته الكتير ديه

[omarhamad]

أيه الدماخ الجامده دي :111 (11): ميه ميه

[King_Cribo]

الراجل ده عامل موضوع ميه ميه
يثبت يا ابني
^^

[! FiRe !]

شكرا يا اشباب عالمرور
بس اكتر رد عجبنى الراجل اللى بيقضى صيامه ذكر
والله راجل محترم
وشكرا للجميع على المرور

[NoMercY]

حلوه المعلومات ديه بس ديه كلام بس
فين الفعل :)

[Iam_Muslam]

:thumb_yello::thumb_yello::thumb_yello:

[!_Secotrr_!]

لالالا انا مليش في الكلام ده انا بتسحر 3

وبتنام 9 و بصحي قبل الفطار بي 5 دقايق بظبط

ميحسبلكش صيام والله اعلم..


عـلى فكـره يا Fire
موضوعك مفيـد و عجبـنى جـدا

[RaaMaaH]

حلوة منك يا عمونا :d:d

[_NeRo_]

انا اصلاً بعمل كده بس في السلطة و الجرجير بس
شكــــــــــراً

[QeRa]

مـــــــــــــــــــــــــــــــــــــــشـــــــــ ــــــــــــــــكـــــــــــور
ولله حاجه مفيـــــــــده بجد
:winner_first_h4h::winner_first_h4h:

[amr159951]

ههههههههههه شكرا للنصيحة

[m_mm622]

:eat::biggrinthumb:

[omar007]

طب ينفع حوواشى ؟؟
بس انا واحد بنام الساعه 11 صباحا (الظهر )
اصحى على المدفع :111 (3):

[Hell Knight2]

قشطة عليك

[™ThePuppet™]

كانت فين كل المعلومات دى ؟؟؟!!:cheezy:

[احمد حبيب]

ههههههههههههههههههه

تصدق صح

[! FiRe !]

اى خدمات يا شباب
وبالنسبة للناس اللى بتنام وتصحى عالفطار
هو عيب وسوء ادب مع ربنا
لكنه مش حرام
النبى قال ينفع اللى يضيع الصيام بالنوم
لكن من غير ما تسوق فيها ياخويا انتا وهو

[!_Secotrr_!]

اى خدمات يا شباب
وبالنسبة للناس اللى بتنام وتصحى عالفطار
هو عيب وسوء ادب مع ربنا
لكنه مش حرام
النبى قال ينفع اللى يضيع الصيام بالنوم
لكن من غير ما تسوق فيها ياخويا انتا وهو

صدقنى لسه سامع شيخ بيقول
ان الصيام بيكون باطل لو صحيت بعد الظهـر..
والله اعلم بردو :mellow:

[dondosh]

لالالا انا مليش في الكلام ده انا بتسحر 3

وبتنام 9 و بصحي قبل الفطار بي 5 دقايق بظبط


لا لا لا لا
اي الكلام دة يا عم انت؟؟
انا بنام علي الساعة 6 الصبح و بصحي علي الساعة 6 بردة,,,
يعني مش قبل الفطار ب 5 دقاااااااايق...
خليها قبل الفطار بنص ساعة علي الاقل علشان تعرف ان انت صايم
هههههههههههههههههههههه

[мόћάmєđ Gάmάl]

شكرا على المعلومه :icon5:

[! FiRe !]

شكرا لمرور الجميع

[White Angel]

:+:+:+:+:+:+: لا فكرة بردوا :+:+:+:+:+:+:
:fishing_h4h:
يــــــا عــــبـــــدو يـــــــا رايــــــــق

[BL@CK W@TER]

ههههههههههههه جمدا

[! FiRe !]

شكرا ليكم
يارب تكونو استفدتو بس

[Notorious]

سيبك من الفول ومن الحوارات ديه:thumbdown: وخليك معايا

انا ببتدي اتسحر على الساعة 3:30:soccer_h4h:
اخلص سحور على 3:40 وبجيب ازازة ميه ام لتر ونص من الثلاجة واشرب نصها
اقوم اتوضأ وارجع اكمل نص الإزازة على 3:49 ده لو الاذان على 3:50 لكن لما يمشي امشي النظام معاه
يخلص اذان اقوم اصلي

الساعة 8:30 اروح انام واصحى على 6:15 اصلي الظهر والعصر عقبال مروح اسئل "الفطار ايه النهارده؟" تلاقي قال "الله أكبر" اشرب كوب ميه واروح اصلي وبعدين افطر براحتي :)

وده احسن نظام:icon2: بتخلص الصيام وبتفوتك صلاة وحدة بس وعموما في زمنا ده لازم تفوتك صلاة عشان في الايام العادية الفجر بتكون ضايعة

وانا بنام 8:30 وبكون جعان ومبعرفش انام على طول........يعني لو حفضل صاحي في الصيام عالساعة 5 اكون اكلت الكيبورد :drool:

[HemaElMaYsTrO]

شكرا للافاده الجميله يا باشا