۞░▒▓◄النصائح الذهبية لبتوع الثانوية العامة ۩ علشان تجيب مجموع►▓▒░۞ [الأرشيف] - الموقع العربي الاول للعبة Silkroad Online

مشاهدة النسخة كاملة : ۞░▒▓◄النصائح الذهبية لبتوع الثانوية العامة ۩ علشان تجيب مجموع►▓▒░۞

AbdElLatif

13-08-2010, 08:38 PM

http://img33.imageshack.us/img33/9369/2458637283db9d5c5cc5ot.gif

النهاردة إن شاء الله هنقولكم على أسلوب مذاكرة لطالب الثانوية العامة (علمي - أدبي) يخليك تجيب مجموع "ممتاز" بدل ما تيجي آخر السنة تغني ظلموه

http://www2.0zz0.com/2010/05/08/11/327619324.gif

أولاً : الدروس الخصوصية

*طبعاً الكل عارف إن الدروس سلاح ذو حدين .... بمعنى ..... قد توديك في داهية و في نفس الوقت مش هتجيب مجموع من غيرها :mf_bookread:

طيب و العمل :mad2:

* الدروس كلها تبقى في يومين ــ نأخذ الرياضة كمثال علشان كله بياخدها ــ درس الرياضة بيبقى يومين في الأسوع و لنفترض السبت و الثلاثاء
* يبقى باقي دروسك كلها يتوزعوا على السبت و الثلاثاء
* و متقوليش مش هفهم حاجة و ههيس لأ هتفهم و مش هتهيس ... شيل الفكرة المتخلفة دي من دماغك
* يبقى يوم السبت و الثلاثاء مش هتروح المدرسة .... و تاخد شنطتك على ظهرك و تحط فيها الملازم و الكتب الخاصة بالدروس اللي عليك في اليوم ده سواء السبت أو الثلاثاء و أكنك في المدرسة بتاخد حصص
*هتتطلع من درس كذا على كذا و تراعي إن يبقى في فرق توقيت بين الإتنين علشان و أنت في الطريق تضربلك طبق كشري ولا كباية قصب و تروح بدري
* مفيش حاجة إسمها مش هعرف أوفق دروسي كلها في يومين ... لأ هتعرف .... مدرسين الثانوية اللي بيدوا في سنتر شغالين 24 ساعة و لو مدرس هيجيلك البيت مثلاً أو عند صاحبك في بيته تتفقوا معاه
* إوعى تبوظ مواعيدك و هنعرف ليه في الملاحظات الهامة في نهاية الموضوع.

* اليومين اللي فيهم الدروس متذاكرش فيهم حاجة علشان هتبقى بتضحك على نفسك ... ما ينفعش 3 دروس مثلاً في اليوم و تروح تذاكر كمان .... عند أمه يا أدهم

http://www2.0zz0.com/2010/05/08/11/327619324.gif

ثانياً : نظام المذاكرة

* هتجيب فرخ جلاد من اللي كان الخطاط بيعمل عليه لوح الفصل
* هتقسمه أربع أرباع
* كل ربع تقسمه سبع أجزاء

* بمعنى ... الشهر في أربعة أسابيع كل ربع يساوي أسبوع
* و كل أسبوع فيه سبعة أيام اللي هما السبع أجزاء اللي حوا كل ربع

http://img340.imageshack.us/img340/8809/95061652.jpg

* طيب ... قلنا إن الدروس كلها في يومين ( السبت و الثلاثاء ) .... يبقى يوم السبت و الثلاثاء في الجدول تكتب فيهم ( دروس )
* باقي الأيام بقى ــ ناخد الأحد كمثال ــ تكتب في خانة يوم الأحد مثلاً ( واجب العربي + إمتحان إنجليزي + نصف واجب الرياضة + أي حاجة على حسب دماغك ).... و إوعى تنام قبل ما تخلص اللي عليك في اليوم
* مش شرط تكتب من الساعة كذا للساعة كذا هذاكر عربي و من الساعة كذا للساعة كذا هذاكر إنجليزي ..... لأ ده نظام فاشل .... أنت عيش براحتك بس أهم حاجة قبل ما تنام تكون مخلص اللي عليك في اليوم ده.

http://www2.0zz0.com/2010/05/08/11/327619324.gif

ثالثاً : الترفيه يا توتو :afro:

*طبعاً مش معقول مش هنرفه عن نفسنا .... مستحيل

* إبتعد كل البعد عن ألعاب الكمبيوتر و السايبر ..... خراب ديار ياباااا
* و بالنسبة لسيلك رود متقوليش بوت و مش بوت .... اللعبة في دماغك برضه و شغلاك
* عاوز تستمتع بجد إنزل إلعب حاجة بدنية .... يعني كورة .. إضرب أخوك و غلس عليه .. كده يعني
* لو متابع حاجة في التلفزيون زي برنامج مثلاً أو مسلسل على الـ MBC Action مفيش مانع بس متكملش بعديها و تقول إيه ده ده الفيلم الفلاني جاي النهاردة :shuriken:

http://www2.0zz0.com/2010/05/08/11/327619324.gif

رابعاً : ملاحظات هامة كيييك

* إوعى تفرش دروسك على مدار الأسبوع علشان لو عندك درس فرنساوي مثلاً يبقى مش هتذاكر حاجة قبليه غير الفرنساوي و ده طبيعي و غير كده أنت بعد الدرس فيها ساعة وقت ضايع عقبال ما تروح أو توصل صاحبك مثلاً و هتروح البيت منهك و هتاخد وقت علشان تعرف تفوق و تبدأ تكمل مذاكرة

* إحنا فرضنا إن الدروس هتبقى السبت و الثلاثاء .... يبقى أنت تيجي يوم الجمعة و الإثنين تراجع علشان لو عندك تسنيع كلمات أو إمتحان حصة

* لو مدرس قالك عاوزين نغير ميعاد الدرس نخليه يوم خميس مثلاً ( و أنت الخميس عندك فاضي مفهوش دروس تانية ) قولوا لأ و إوعى توافق ... و إذا أصر متروحش و روح حصة تانية .... صدقني لو وافقته هتخسر أكتر ما هتكسب

* الكت من الدروس .... إحذر إحذر إحذر إحذر إحذر ....ليه 5 إحذر؟؟ ... علشان لو كتيت حصة و قلت هعوضها بعدين هيحصل كالآتي
- هتتسحب تاني و هتكت مرة و إتنين و تلاتة بعد كده .... هو الموضوع واقف على مرة و صدقوني في دي بالذات أنا إختبرتها
- هتضطر تنزل في يوم مخصوص علشان تعوض الحصة اللي فاتتك فبالتالي هتبوظ يوم من الجدول علشان دلع سعادتك
- هييجي واحد يقولك ده كان يوم جامد و فلان و فلان و فلان جايين معانا يابني تعالى معانا دي حصة ملهاش لزمة
أهو ده بقى كده لو سمعت كلامه هتبقى ــ على رأي هاني رمزي ــ لبست خاذوق كبيييييييير و مغري
هيبقى كسرلك حاجز البداية و هتكت بعدها تاني و تالت و عيش

* إحذر إحذر إحذر برضه العادة السرية .... دي بقى أُس كل المصايب .... علشان دي بتعمل إحساس شديد بالملل و ده هيخليك تكت من الدروس علشان تفرفش و برضه هتروح كاتت بعديها تاني و تفتح معاك

* ما تفكرش نفسك سوبرمان .... بمعنى متجيش تقول أنا النهاردة تعبان و تبوط يوم في الجدول و تقول هدوس على نفسي و أعوضه مع اليوم اللي بعده .... مش هتعرف

* مش علشان مدرس قالك إن أنت ذكي و دماغك نضيفة تفتكر برضه نفسك سوبرمان .... هع هع هع كان ملايين غيرك أشطر .... برضه متفوتش يوم في الجدول ..... أو تعمل العادة السرية و تقول لأ مش هتأئر بيها و هذاكر بعدها .... لأ هتتأثر و مش هتذاكر

* و لعلمكم العادة السرية دي زي الكت .... المرة الأولى هتكحورك خالص و تجرجرك لمرة تانية و تالتة

* سواء كنت مسلم أو مسيحي صلي و إدعي .... الصلاة بتفصل البني آدم و تهديه نفسيأً و تعمل حاجز بينه و بين المشتتات ( العادة السرية ) و بتخش تاني على المذاكرة تلاقي نفسك مفتوحة

http://www2.0zz0.com/2010/05/08/11/327619324.gif

ملخص الملاحظات الهامة

1- حافظ على مواعيد دروسك في اليومين اللي أنت ضبطهم فيهم ( مهما حصل )

2- تراجع في اليوم اللي قبل يوم الدروس ( يعني تكتب في خانة اليوم اللي قبل يوم الدروس " مراجعة الدروس " ) علشان لما تراجع و تكون مخلص الواجب أنت هتبقى نفسك تروح الدرس و لو جه واحد قالك نزوغ أنت هترفض علشان هتبقى عاوز تسلم الواجب و المدرس يعرفك أكتر و أكتر

3- إوعى تكت أو تزوغ من الدروس حتى لو أتفه حصة في الوجود

4- إبتعد عن العادة السرية لأنها تؤدي إلى إحساس شديد بالملل

5- متفتكرش نفسك سوبرمان و عبقري زمانك و تقول لأ أنا هعرف أذاكر الحاجات بتاعة يومين في يوم واحد

6- كل أول شهر تجيب فرخ جلاد و تقسمه و ده شئ أساسي

7- لما تكون في درس إوعى ترغى مع صاحبك أو اللي جنبك .... هتفصل نفسك و دماغك و هتحس إن الحصة وقعت منك

8- إوعى تعمل عكس أي حاجة من الـ 7 قواعد اللي فاتوا.

http://www2.0zz0.com/2010/05/08/11/327619324.gif

ملخص الموضوع

1- تنظيم مواعيد دروسك بحيث تكون في يومين بس مثلاً (السبت : عربي و رياضة و كيمياء و إنجليزي) .... (الثلاثاء : فرنساوي و كيمياء و رياضة ) و طبعاً بتوع أدبي هيكون عندهم مكان الكيمياء تاريخ أو زي ما هو مختار

2- فرخ الجلاد تجيبه و تقسمه و تمشي على اللي أنت كاتبه و إوعى يقع منك يوم

3- إوعى تزوغ من الدروس

4- إبتعد عن الألعاب ( الأون لاين و السايبر ) علشان بتشد أووي و مش بيتشبع منها بسهولة

5- إبتعد عن العادة السرية

6- ما تفتكرش نفسك سوبرمان

7- حاول ما تكلمش أي حد جنبك في الدرس و تفكك من العيال اللي بيقعدوا يعلقوا على كل كلمة ( إبقى أقعد قدام علشان العيال اللي بيعلقوا دول بيقعدوا ورا دايماً )

8- خليك راجل مع نفسك و حافظ على الـ 7 قواعد دول و أضمنلك بشرفي والله والله والله لتجيب فوق الـ 98%

http://www2.0zz0.com/2010/05/08/11/327619324.gif

حاجة أخيرة

لو حسبتوا إن الشهر في أربع أسابيع و كل أسبوع في 7 أيام

يعني الشهر فيه كده كام يوم

4x7=28

مش 30

يعني أنت لو مشيت على الجدول هتلاقي نفسك خلصت اللي مطلوب منك في الشهر و لسة فاضل يومين أو تلاتة عقبال اشهر الجديد ما يبدأ

اليومين دول بقى يا معلم عيييييييييييييييييييييييييييش فيهم زي ما أنت عاوز

روح دريم بارك في يوم منهم و دي نصيحة ممتازة

و اليوم التاني شوف بقى أنت عاوز تعمل فيه إيه

بس حاول ما تروحش فيهم سايبر أو كده أو تلعب فيهم أي لعبة من تاني علشان ما تتشدش تاني

http://img268.imageshack.us/img268/6066/245869399777a0e1a122oy.gif

http://www.samysoft.net/forumim/nehaya/99087634.gif

http://www2.0zz0.com/2010/05/08/11/327619324.gif

الموضوع ده مش منقول من أي حتة الحمد لله و حصري لسيلك رود فور عرب و على الناقل ذكر المصدر ( اللي هو سيلك رود فور عرب ) و بالتوفيق جميعاً

AbdElLatif

13-08-2010, 08:47 PM

بصوا يا شباب

واحد يسألني و يقول إشمعنى كل الدروس مكبوسة في يومين

أقوله علشان يبقى عندك باقي أيام الأسبوع فاضيين و تذاكر بمزاج .... أنت لما تبقى قاعد وراك حاجة عاوز تذاكرها بس عارف إنك عندك درس كمان شوية بتكسل تعملها و تقول جوا نفسك يا عم هبقى أعملها بعدين..... و بعدين إحنا قلنا الدروس بتاكل اليوم لكن لما نحطهم كلهم ورا بعض مش هياكلوا حاجة لأن كده كده قلنا إن إحنا مش هنذاكر في اليوم بتاع الدروس ده

http://www2.0zz0.com/2010/05/08/11/327619324.gif

واحد تاني ييجي يقولي طيب يا ترى هفهم و أنا عندي بتاع 3 أو 4 دروس في يوم واحد

أقوله ما إحنا إتفقنا إنك تشيل الفكرة المتخلفة دي من دماغك ..... المخ البشري عنده مقدرة لا نهائية على التعلم .... و إحنا قلنا مش هنروح المدرسة في الييوم بتاع الدروس ده

http://www2.0zz0.com/2010/05/08/11/327619324.gif

واحد كمان ييجي يقولي طيب ينفع أمارس رياضة مثلاً يعني لو أنا بلعب في نادي مثلاً و عندي تدريب

أقوله آه عادي تيجي يوم التدريب تكتب في الجدول ( تدريب ) بس تخليه في الآخر بعد ما تخلص باقي الحاجات اللي في اليوم .... و يستحسن بلاش رياضة في الثانوية علشان ما تأثرش عليك ..... دول هما سنتين لا راحوا ولا جم و صدقني الجامعات الخاصة بنت جزمــة و مملة أوي

http://www2.0zz0.com/2010/05/08/11/327619324.gif

واحد يقولي طيب سؤال أخير معلش تقلنا عليك ... ينفع اليومين أو التلاتة اللي فاضلين في آخر الشهر دول ( بتوع الأجازة ) يعني أبدل يوم فيهم مع يوم في نص الشهر بحيث لو صحابي خارجين أو طالعين رحلة مثلاً في اليوم ده أطلع معاهم؟

أقوله عادي لا تقلت ولا حاجة .... و بالنسبة لموضوعك عادي ممكن آه تعمل الموضوع ده بس مش في أول ولا تاني شهر علشان مش هتكون لسة إتعودت على النظام .... يعني إستنى شوية عقبال ما تكون خدت على النظام و ساعتها بدل بس بحكمة

http://www2.0zz0.com/2010/05/08/11/327619324.gif

http://img695.imageshack.us/img695/7632/2459528122a9599736e4o.gif

و ألف شكر للحاج DarK_AnGeL اللي سمحلي بإضافة الرد الإضافي ده

Jiraya Sama

13-08-2010, 08:58 PM

تحفه والله ياتيفا
مكنتش عارف تعمله من سنه .؟ :111:

DarkM@n

13-08-2010, 08:59 PM

والله شكرا يا سيدي

AbdElLatif

13-08-2010, 09:08 PM

شكرا جدا دة فعلان موضوع يهمنى اوى و هينفعنى جدا شكراا يا واد ( معن فى حاجات كتير عايز اقراها تانى عشان افهم بس بعدين بقا )

لو في حاجة مش فاهمها قول متتكسفش

أنت عارف :111 (8):

تحفه والله ياتيفا
مكنتش عارف تعمله من سنه .؟ :111:

و حياتك لو كنت طلبته كنت عملته

و بعدين الموضوع ده كان الفروض يتعمل في أول اسنة

و أنا مبدأتش أدخل هنا غير تقريباً قبل أجازة نص السنة اللي فاتت بأسبوعين

و لعلمك اللي قالي على نظام المذاكرة ده عرفته متأخر بعد ما الفاس وقعت في الراس

بس بسم الله ما شاء الله هو جاب 99%

آه لو كنت أعرفه قبليها آه

والله شكرا يا سيدي

عفواً يا رب بس الناس تشتغل بيه و مش تعتبره موضوع و السلام

ellboss2002

13-08-2010, 09:09 PM

:woot_jump:

Anac0nda

14-08-2010, 12:41 AM

استاااااذ من يومك يا تيفا
والله ده لو فى بعيد هيتثبت يا ف المواضيع المميزه
:original:

o0NEVER0o

14-08-2010, 01:30 AM

و اللة اشطة عليك انا قريت الموضوع تانى و فهمتة كويس بس انا عندى مشكلة ان اخلى الدروس فى يومين بس عشان انا خلا ابتدايت فى كلى معادة الرياضة و العربى

Mr-Matrix

14-08-2010, 01:44 AM

Eslam_Tiger

14-08-2010, 02:12 AM

شكرا نص الى انتا كاتبوا ده كان فى دماغى
وى مشكور على مجهودك ده

AbdElLatif

14-08-2010, 03:34 AM

تمااااااااااااام يا مان والله

انا طالع تالتة ثانوي وواضح اني هشوف ايام سودا

فيه حاجات كتير من اللي انت قولتها انا ناوي اعملها فعلا بس فيه حاجات فعلا لازم ابطلها وربنا يسهل ويوفق الجميع باذن الله

شكرا نص الى انتا كاتبوا ده كان فى دماغى
وى مشكور على مجهودك ده

هو للأسف الكل بيبقى ناوي بس قليل اللي بينفذ ^^

شكراً للمرور يا شباب

AbdElLatif

14-08-2010, 04:10 AM

تمت إضافة جزئية جديدة في الرد رقم 2 بعد الموضوع على طول

و يا دوكا يا مسايطنا :plane:

DarK_AnGeL

14-08-2010, 04:12 AM

اى خدمة يا جميل
مش اى حد يعملها اصلا
:gathering:

Mr.V.I.P

14-08-2010, 04:12 AM

موضوع رائع

mohammed233

14-08-2010, 04:25 AM

هو الموضوع في غاية الروعة و مقدرش اقول حاجة بس الكلام اللي جاي دا من تجربتي انا الشخصيه

* الدروس كلها تبقى في يومين
بجد صعبة اوي لو 3 ايام او 4 اوك انما 2 دي صعبه شويه
* يبقى يوم السبت و الثلاثاء مش هتروح المدرسة
مفيش مدارس في ثانوي اصلا :clap: و يمكن الموضوع بتاع اليومين دا يبقي كويس لو ناوي تروح المدرسة :mushy:
ثانياً : نطام المذاكرة
و دا بجد و عن تجربة اللي مش متعود علي نظام الجدول ميحاولش يعملو انا كنت بعمل بتاع 100 جدول و غير كدا مفيش حاجة تاني :innocent:
ثالثاً : الترفيه يا توتو
في الحته دي :thumbsup:
- هييجي واحد يقولك ده كان يوم جامد و فلان و فلان و فلان جايين معانا يابني تعالى معانا دي حصة ملهاش لزمة
أهو ده بقى كده لو سمعت كلامه هتبقى ــ على رأي هاني رمزي ــ لبست خاذوق كبيييييييير و مغري
هيهيهي الخاذوق دا واحد صاحبي خدو و دلوقتي بيقول يا ريت اللي جري ما كان
* إحذر إحذر إحذر برضه العادة السرية
طبعا مفهاش كلام دي
* ما تفكرش نفسك سوبرمان .... بمعنى متجيش تقول أنا النهاردة تعبان و تبوط يوم في الجدول و تقول هدوس على نفسي و أعوضه مع اليوم اللي بعده .... مش هتعرف
* سواء كنت مسلم أو مسيحي صلي و إدعي .... الصلاة بتفصل البني آدم و تهديه نفسيأً و تعمل حاجز بينه و بين المشتتات ( العادة السرية ) و بتخش تاني على المذاكرة تلاقي نفسك مفتوحة
+1
4- إبتعد عن الألعاب ( الأون لاين و السايبر ) علشان بتشد أووي و مش بيتشبع منها بسهولة
اسأل مجرب و متسألش طبيب :teehee:
روح دريم بارك في يوم منهم و دي نصيحة ممتازة
و اليوم التاني شوف بقى أنت عاوز تعمل فيه إيه
و دي طبعا اجمد حته في الموضوع بس دا لو ابوك سابك :giljotiini:

و طبعا دا كان مجرد تعقيب بسيط علي شوية الحاجات دي و اختلاف الرأي لا يفسد للود قضيه :clap:
و بالتوفيق للجميع

DarK_AnGeL

14-08-2010, 04:30 AM

مين اللى جاب مدحت شلبى هنا
ايه التعليق الجامد ده يابنى

معلش يا شباب
انا بقالى بتاع 5 سنين بعيد عن الثانوية
مش فى الفورمة يعنى
الحمد لله مكنش فى سيلك رود اياميها
بس كان فى red alret we counter we half life
وحاجات تانية كدة

المهم يا عبده زود حاجة مهمة جدا جنب العادة السرية
اكتب البنات ثم البنات ثم البنات وبالأخص الموزززززززز
وكمان اكتب الموبايل
الموبايل ده مشكلة عوووووووويصة

:thumbs_up::thumbs_up:
وهتابع انا اول باول

AbdElLatif

14-08-2010, 04:45 AM

هو الموضوع في غاية الروعة و مقدرش اقول حاجة بس الكلام اللي جاي دا من تجربتي انا الشخصيه

ألف شكر و رأيك على عيني و على رأسي طبعاً

بجد صعبة اوي لو 3 ايام او 4 اوك انما 2 دي صعبه شويه

كده أنا أقولك صعبة علشان أنت كنت بتروح البيت و بعدين تنزل الدرس التاني ... أو حاطط الإتنين ورا بعض على طول .... أو مقتنع في صميمك إنها صعبة ..... لكن والله ما صعبة والله والله والله و النقطة دي أهم حاجة علشان كده كاتبها أول حاجة

لا تتخيل تنظيم الوقت ده بينفع أد إيـــــــــــــــــــــــه

مفيش مدارس في ثانوي اصلا :clap: و يمكن الموضوع بتاع اليومين دا يبقي كويس لو ناوي تروح المدرسة :mushy:

الكلام ده على أيامنا أنا و أنت لكن يا عيني الدفع بتاعة اليومين دول جايلهم وزير لوووووز نافخهم ههههههه مش عارف فرحان فيكم ليه هههههههههه

و دا بجد و عن تجربة اللي مش متعود علي نظام الجدول ميحاولش يعملو انا كنت بعمل بتاع 100 جدول و غير كدا مفيش حاجة تاني :innocent:

إحم .... بص ..... الواد صاحبي اللي قالي على النظام ده كان جايب في الإعدادية مجموع خايب و كان هيطلع بملاحق في أولى ثانوي و جه في تانية ثانوي جاب 99% و كسر الدنيا و كان طالع الأول على المدرسة لدرجة إن المدرسين ذات نفسهم كانوا متنحين ..... فده واحد عمره ما مشي على أي نظام و جه في ثانوية عامة و شرب بريل و عمل عملته البذيئة :holiday:

هيهيهي الخاذوق دا واحد صاحبي خدو و دلوقتي بيقول يا ريت اللي جري ما كان

و هنروح بعيد ليه .... العبد اللي قدامك ده لبسه صح الصح و اللي لبسهولي دلوقتي في هندسة القاهرة والله

و دي طبعا اجمد حته في الموضوع بس دا لو ابوك سابك :giljotiini:

لو عملت اللي في الجدول كله و ما سابكش روح هات فرد 9 مللي و طلقتين و إخطفه ^^

و طبعا دا كان مجرد تعقيب بسيط علي شوية الحاجات دي و اختلاف الرأي لا يفسد للود قضيه :clap:

والله العظيم أنت راجل محترم جداً

AbdElLatif

14-08-2010, 04:56 AM

مين اللى جاب مدحت شلبى هنا
ايه التعليق الجامد ده يابنى

ده محمود بكر ^^ مش بتحب الكورة أنت هههههه والله جدع بلا وجع دماغ

معلش يا شباب
انا بقالى بتاع 5 سنين بعيد عن الثانوية
مش فى الفورمة يعنى
الحمد لله مكنش فى سيلك رود اياميها
بس كان فى red alret we counter we half life
وحاجات تانية كدة

على أيامي كان في StrongHold Crusader - RuneScape - Medal Of Honor - Call Of Duty - Silkroad

المهم يا عبده زود حاجة مهمة جدا جنب العادة السرية
اكتب البنات ثم البنات ثم البنات وبالأخص الموزززززززز
وكمان اكتب الموبايل
الموبايل ده مشكلة عوووووووويصة

بلاش تحرجني قدام الشباب بقى ^^

أنا شاب مليش في البنات خالص ..... ده أنا لما بتكلم مع بنت خالتي وشي بيحمر

إحكي أنت عن مغامراتك مع الحريم شكلهم هما كانوا الخاذوق بتاعك ( إذا سمحتلي في اللفظ أنا غرضي شريف والله ^^)

حط رد رقم 3 و إذكر فيه موضوع الحريم ده و حله علشان أنا بجد والله لا أفقه شيئاً فيه خااااااااالص

pop_spider

14-08-2010, 05:06 AM

ههههه بالنسبه للكلام دارك ......فا فعلاً المدرسين دللوقتى بقوا يحطوا فى اى مجموعه بنات على ولاد علشان .. العيال متتسوحش من اصحابها .. ازاى يعنى عيل يقولو الاستاذ الى معاك دا اى كلام يقولو .. ياعم عادى فيها ايه بس فى شويه موزز مصاحبهم فى الدرس مش اقولك يعنى ... ودا الغلط
2_ التسويح فى الدروس الواد ياخد كام درس عند واحد وبعد كده يجى عيل يقولو دا وحش يقعد بعديها يحس بمللل ويغير المدرس ويفضل يلاقى نفسوا بيتحدف
3_العاده السريه ... هى طبعاً مرفوضهه .. والتلفيزيون شبه مرفوض لان فى شباب بتستغلوا فى الطريق الغلط .....
4_ انت يا تيفا زنقت الدروس فى يوم واحد ودا غلط .. المعلومات هتدخل في بعضيها .. يعنى خد المانى يجى بعدها رياضه ولا انجليزى .. وبعدها كيمياء هيبقى مهيس .. ومش مركز ولو اتسأل ممكن يكون عارف الاجابات بس المعلومات عندو مشوشه بسبب الضغط
5_ ودى من خبرتى كا طالب متفوقين ... ودا طبعاً مش لوحدى الاخ ..
Mohamed1163 اسمو محمد خالد
Pop- اسمى بردوا محمد خالد انا وهو كنا فى الاعداديه متفوقين وسبحان الله انا وهو موهبين فى الرسم بس هو كمل فى مسابقه وطلع الرابع على الجمهوريه .. وانا مدخلتش المسابقه:sneaktongue:...
اتعلمت ان لازم يبقى فى كشكول اسمو ... الكشكول السحرى او كشكول التعليمات .. ودا بضيف في اوقات الدروس والاماكن بتاعتها وتوقيتها
وبضيف فى جدول المزاكره وبضيف فى كمان والله ساعات اوقات الحموم وبضيف في جدول الغياب لما بغيب بكتب في انى غبت وبضيف فى جدول المواد التى تم انجاذها بحمد الله والعكس وبضيف جدول اوقات الترفيه او الايام ... وبضيف فى حاجات كتيييييييييير ممكن تكون بالنسبه ليكم حاجه تافهه بس دى كانو بيعملوها زمايلى فى المتفوقين وماشاء الله كلهم فوق ال98.......
6_ ودى الاهم الحســد اصحابى الاوائل كانو دايما ... مش بيحبوا يقولو هما زاكرو ايه ولو قالك يقولك انا مش فاهم والل اى حاجه وتلاقى من كتر الجبروت فى الدروس ... مش بيجاوب .. بس ماشاء الله فى الامتحان
كلوا 50 من 50 .. ودا الى بيفرق بين الطالب المجتهد والطالب المتفوق او الفائق ... لان معظم الناس الى بتزاكر بغباء تيجى ادام اصحابها وتقولك انا خلصت المنهج يابنى وبراجع ويفضل يحسد نفسه والنهايه بيبقى مجموعه فى النازل ...

7_ المفروض فى جدول المزاكره ان المواد الصعبه تتزاكر ضعف المواد السهله فى جدول المزاكره ... لان فى ناس بتلاقى المواد سهله حلوه فا تلاقيها مهتمه بيها اوى وتلاقيها فى الدروس احسن واحد وكل البنات مستغربه على شطارته وتيجى فى مواد صعبه زى الرياضه او الكيميا تلاقيه فى النازل ....
8_النت دا الفشل الفشل الفشل ... بس هقولك نصيحه انت ممكن تقعد كل يوم على الكمبيوتر ومتتأسرش بي بس دا بيرجع لضميرك وارادتك فى انك تخصص تركيزك للمزاكره بس .. بس مش معنى كده كل يوم تقعد عليه لا خصص يوم فى الاسبوع تقعد ساعتين مثلاً ...
9_ يوم الخميس من زمان يوم الخميس دا بيبقى مراجعه على ماسبق او اجازه ... وساعات يوم الجمعه اجازه بردوا

10_ فى كل درس بخلصوا .. او وحده بكتب فوقيها .. تم بحمد الله ..
11_ الصلاه الصلاه الصلاه .. وقرأه القرأن الحاجات دى بتديك روح تانيه تحس انك بتزاكر وواثق من نفسك وتحس ان ربنا راضى عنك وهتحس بحاجات كتير بجد عكس الى مش بيصلى مش بيبقى واثق من نفسه
12_ الملل اثناء المزاكره او التهنيج زاكرت كتير وهنجت ..
يبقى عليك وعلى دشششش ساقع او ساخن وكمل تانى ..
ولازم اثناء المزاكره باللييل تستخدم القهوه دى الى بتكيفنى وبتخلينى اركز مش عارف ليه

بسسسسسس خلص كلامى

Mr-Matrix

14-08-2010, 06:10 AM

صحيح يا مان انت في سنة كام؟؟

عشان نعرف انت خبرة كام سنة ^^

AbdElLatif

14-08-2010, 07:16 AM

بص

بالنسبة لموضوع الدروس مع بعضها والله قلنا نشيل فكرة إن المعلومات هتخش في بعضها

بقولك صاحبي ده كان في الضياع و جه طبق النظام ده و ما شاء الله دلوقتي حاجة تاني

و بعدين الحسد ده يا جدعان المصريين كلهم فاهمينه غلط

أفففففف

الحسد هو تمني نعمة الغير مع تمني زوالها من عنده و ده حرام

الغبطة هي تمني نعمة الغير مع تمني بقائها عنده و ده حلال

لكن مش لما ييجي واحد يقولك يابــن اللعيبة خلصت منهم الكيمياء يبقى كده بيحسدك

لو مؤاخذة في الكلمة دي فكرة متخلفة

مش ده الجسد إطلاقاً

يا رب أكون أفدتك

و في الأول و الآخر أنت اللي طلبت النصائح

ii_MaTRiX_ii

14-08-2010, 11:31 AM

طيب لو واحد بيتخنق من المذاكره بسرعه اووى يعمل ايه :sad::sad:

mohammed233

14-08-2010, 03:46 PM

AbdElLatif
الكلام ده على أيامنا أنا و أنت لكن يا عيني الدفع بتاعة اليومين دول جايلهم وزير لوووووز نافخهم ههههههه مش عارف فرحان فيكم ليه هههههههههه
دا حتا لغا الشهادات المرضيه نيهاهاهاهاها
و بالنسبة لموضوع الجدول دا اللي هيرتاح فيه يعملو و لك ان تتخيل ان السنة دي مخلص كشكول 100 ورقة كبير علي الجداول و مفيش ولا واحد اتطبق !!! :rofl:
StrongHold Crusader
فكرتوني بالذي مضي :triggerhappysmiley:
والله العظيم أنت راجل محترم جداً
thx thx و الله دا من زوقك بس
و كان فيه حاجة عايزك تزودها و عيا ساعات النوم و يا ريت يكون النوم منتظم من 6-8 ساعات في الايام العادية و من 5-6 ساعات في ايام الامتحانات و دي نقطة مهمة جدا عشان التركيز

pop_spider
فا فعلاً المدرسين دللوقتى بقوا يحطوا فى اى مجموعه بنات على ولاد
دي بتبقا جامده جدا للطالب المتفوق عشان بيذاكر غصب عنو و ميقدرش يروح يوم مش مذاكر و الا هيكون شكلو وحش اوي اوي اوي :pokey:
الحســد
ولا تحط في دماغك الكلام دا .... لو واحد جه و قالك ياااه انت خلصت دا كولو ؟؟ قولو بكل برود اه خلصتو :nonono:

ماتريكس نت
لا مفيش الكلام دا انت في ثانويه و كدا كدا انت المصابره عندك هتزيد يوم بعد يوم و برضه لازم يكون عندك اصرار و غير كدا انت مثلا مش هتقعد 10 ساعات متواصله بتذاكر انت هتذاكر علي حسب طاقتك و تقوم تريح مدة معينه علي اساس المدة اللي ذاكرتها "بس مش تذاكري نص ساعة و تقول هريح 10 دقايق !"
و حاجة حلوة برضو لو في البيت حد بيتابعك قولو انت المفروض هتذاكر ايه و خليه كل ساعه كدا يدخل يشوف تقدمك و يشجعك

mmk2max

14-08-2010, 05:35 PM

علي فكره الموضوع مهم جدا بس فيه مشكله لمه ترجع للبيت وتلائي ست الكل بتئولك راجع الي النتا خده هتعمل اه ؟؟؟ وبعد كل الدروس ادي دائني ان فهمت حاجه

AbdElLatif

14-08-2010, 08:05 PM

صحيح يا مان انت في سنة كام؟؟

عشان نعرف انت خبرة كام سنة ^^

أنا ثانوية عامة 2008

طيب لو واحد بيتخنق من المذاكره بسرعه اووى يعمل ايه :sad::sad:

من الآخر كده و بدون لف ولا دوران يبطل العادة السرية

علي فكره الموضوع مهم جدا بس فيه مشكله لمه ترجع للبيت وتلائي ست الكل بتئولك راجع الي النتا خده هتعمل اه ؟؟؟ وبعد كل الدروس ادي دائني ان فهمت حاجه

مستحيل ست الحبايب هتقولك بعد يوم فيه 3 أو 4 دروس راجع اللي أنت خدته .... أنت في آخر اليوم أصلاً هيبقى باين عليك الإرهاق

ii_MaTRiX_ii

14-08-2010, 08:14 PM

من الآخر كده و بدون لف ولا دوران يبطل العادة السرية

:rule: يا عمونا انا غلبان مش بتاع الكلام دا والله ههههههههههه

:soccer_h4h: ماشى يا محمد وشكراا يا تيفا على الافاده :soccer_h4h: هنحاول نركز ام السنتين دوول ربنا يعديها على خيير :pipe1:

AbdElLatif

14-08-2010, 08:27 PM

بالنسبة لموضوع الجدول دا اللي هيرتاح فيه يعملو و لك ان تتخيل ان السنة دي مخلص كشكول 100 ورقة كبير علي الجداول و مفيش ولا واحد اتطبق !!! :rofl:

ما علشان كنت أنت مش بتلتزم بيه .... ليه ؟؟ ... علشان حاطط فيه كل حاجة بتفاصيل الممل أوووي .... أنا مركز على المذاكرة بس و بتقول من الساعة كذا للساعة كذا هعمل كذا ..... و ده طبعاً مش هينفع لأن أنا برضه كنت بعمل كده .... من الساعة 1 إلى 4 عربي طبعا عمرها ما حصلت كنت دايما بذاكرها بعدين أو أخلص أقل من الوقت ..... لكن أنا قايل أنت هتكتب في اخانة يوم الإثنين مثلاً ( مذاكرة درس العربي + حل واجد الإنجليزي + واجب الكيمياء )

شوف دول 3 حاجات بس و مقولناش من إمتى لحد إمتى بس المهم قبل ما تخش تنام تكون مخلصهم

و صدقني لو مشيت على النظام ده هتيجي في آخر الأسبوع تلاقي نفسك أنجزت حاجات بالهبولي و عندك وقت تخرج مع صحابك لو خارجين :hug:

كان فيه حاجة عايزك تزودها و عيا ساعات النوم و يا ريت يكون النوم منتظم من 6-8 ساعات في الايام العادية و من 5-6 ساعات في ايام الامتحانات و دي نقطة مهمة جدا عشان التركيز

مش قلتلك ..... أهه ..... هههههههه...... الجدول ده إحنا بنكتب فيه هنعمل إيه النهاردة لكن الباقي مع نفسك بقى ...... حاول تخلي الجدول بسيط قدر الإمكان علشان تعرف تمشي عليه و مش تزهق منه ..... في الأول و الآخر أنت مش روبوت علشان تكتب مواعيد و تمشي عليها بالسحتوت

ولا تحط في دماغك الكلام دا .... لو واحد جه و قالك ياااه انت خلصت دا كولو ؟؟ قولو بكل برود اه خلصتو :nonono:

+25 و العيال اللي يوصولوا إنهم في الدرس مش يجاوبوا دول ...... أقولك دول ناس معقدة عندهم فوبيا الحسد زي كتير من المصريين .... صاحبي اللي قالي على النظام ده كان بيقولي إنه بيذاكر و خلص كذا و كذا ..... صدقني اللي بيعمل حوار الحسد اللي في دماغكم ده صحابه بتكرهه لما تعرف ..... واحد مش مآمنا على أسراره يبقى لزمته إيه يبقى صاحبنا .... فهمت..... و بعدين بتوع فوبيا الحسد دول بيبقى أسوأ ناس في الشغل ...... بيبقى منغلق جداً كده على شغله و عمره ما يعرف يشتغل ضمن فريق عمل

ماتريكس نت
لا مفيش الكلام دا انت في ثانويه و كدا كدا انت المصابره عندك هتزيد يوم بعد يوم و برضه لازم يكون عندك اصرار و غير كدا انت مثلا مش هتقعد 10 ساعات متواصله بتذاكر انت هتذاكر علي حسب طاقتك و تقوم تريح مدة معينه علي اساس المدة اللي ذاكرتها "بس مش تذاكري نص ساعة و تقول هريح 10 دقايق !"
و حاجة حلوة برضو لو في البيت حد بيتابعك قولو انت المفروض هتذاكر ايه و خليه كل ساعه كدا يدخل يشوف تقدمك و يشجعك

+25 ........ليه ؟؟ ...... علشان محدش بيبدأ في الثانوية العامة يقولك أنا هذاكر 10 ساعات .... الكلام ده فكسان خالص ..... الواحد في الأول بيبقى متحمس و لما يلاقي الدنيا ماشية طبيعي و مش مجارية حماسه بيهمد و يبدأ ينفض ...... و كمان أنت في الأول مش هتاخد المحتوى اللي هو يخليك تذاكر لمدة 10 ساعات

متقولش هتذاكر في اليوم عدد كذا من الساعات ...... قول هخلص اللي إتفقت عليه مع نفسي في جدولي النهاردة سواء هياخد ساعتين ولا عشرين

up3r^Fla$h$

14-08-2010, 09:16 PM

DarK_AnGeL

14-08-2010, 09:57 PM

الموضوع سخن يا ردالة
والمناقشة بقت نااار
والنصايح زى الرز
هههههههههه

الله ينور
:111 (27):

AbdElLatif

14-08-2010, 10:35 PM

بصوا بقى

أنا عملت اللي عليا

و جبتلكم نظام مذاكرة خلى الطالب المتوسط يجيب 99% والله من غير كذب ولا بحور عليكم

يبقى اللي ييجي السنة الجاية و يتدلع

يروح يعمل عملية و يقلب و يتجوز و يقعد في بيته يربي عياله

غيركم كان بيتمنى حاجة زي كده و أولهم أنا

:wolverine2:

AbdElLatif

14-08-2010, 10:38 PM

موضوع جميل
بس مش سهل انك تخلى دروسك كلها فى يوم واحد

انا دروسى كلها متقسمة الاسبوع كل يوم درس واحد ساعة واحدة بس الدرس

واقدر اذاكر بمزاج كدة عندى طول الليل وانهار
وكل واحد ولية طريقة يذاكر بيها

طيب هات ورقة و قلم و إقعد إحسب أنت بتضيع كام ساعة في الأسبوع في مشوار ما قبل الدرس و ما بعده

هتذهل :ph34r:

لكن في النظام بتاعنا ده

إحنا كل الوقت الضايع ده ضربناه في يومين بس

و عندك باقي الأسبوع تذاكر فيه بمزاج رايق

و بعدين مفيش حاجة إسمها مذاكرة بمزاج و أنت عارف إن أنت عندك درس بعد ساعة نص

أراهنك إنك بتذاكر المادة بتاعة الدرس

ما تضحكش على نفسك :blush2:

AbdElLatif

14-08-2010, 10:43 PM

الموضوع سخن يا ردالة
والمناقشة بقت نااار
والنصايح زى الرز
هههههههههه

الله ينور
:111 (27):

أظن كده يا بوب عدينا الـ 50 نصيحة بكتيييير :smoke:

يا دوكا إحكيلنا عن غلطتك في الثانوية مع الموززززز

mohammed233

15-08-2010, 03:05 AM

انا هقولك علي حاجة من الاخر انا اصلا مش بذاكر لما بتزنق :jumpon: و دا من اكبر العيوب اللي فيا و كل المدرسين في ثانوي كانو بيقوليلي لو ذاكرت زي ما ناس كتير بتذاكر هتتلع من الاوائل علي الجمهوريه :111 (17): بس اللي فيه داء مبيبطلوس عشان كدا حوار الجدول دا مبينفعش معايا خالص
بس انا مش بحب اقول كدا عشان ممكن لو قولت كدا الناس تريح و متذكرش :retard: و برضو عشان في واحد صاحبنا كدا جالو احباط بسببي انا و واحد تاني لما كان بيسمعنا نتكلم علي المذاكره فهو مجهوده كان كبير و بيحصل قليل فجالو اكتئاب بقا و الكلام دا فروحنا قولنالو اننا بنذاكر كتير و مش بنام و كنا بنشتغلك و كدا عشان بس منحسش بالذنب :vertag:
و بعدين يا عم دارك انت متقول كلمتين يفيدو احسن من اللي انت عمال تقولو دا :goof:

pop_spider

15-08-2010, 08:48 AM

:flag_italy: تحيــــــــا مصر امبارح كنت فى درس الالمانى والله ياجماعه كل العيال تحس انها هطله وكل عيل يقولك هو مفيش بنات ؟
والتانى شكلها كده مجموعه ناشفه هه .. عيال تعبانه .. دول الى بيبقوا فى النازل:smokeing:

mohammed233

15-08-2010, 03:45 PM

DarK_AnGeL

17-08-2010, 05:57 AM

AbdElLatif

17-08-2010, 07:02 PM

طويب مش نعالج نقاط الضعف فى الموضوع
بتاعت كل الدروس فى يوم واحد دى
عشان الموضوع يروح بعيدا كدة
متظبط ومتروق
ومفيهوش غلطه
:band:

يعنى لنفترض مثلا ان المدرس مصمم على يومين تانين غير اللى انا اختارتهم
والمدرس ده كويس
اروح اغيره عشان خاطر االمواعيد مش تمام معاه ؟؟
:eat:

طيب هقولكوا مثال علشان تفهموا قصدي

مثلاً عندك درس رياضة يوم الأحد و الأربعاء عند مدرس بيدي في البيت

المدرس بتاع البيت مرن جداً تقدر تغير المواعيد معاه بسهولة

طيب جيت تروح تحجز عند مدرس الكيمياء ( بيدي في سنتر أو جامع )

طبعا ده عنده مواعيد كتييييييييييييير و تقدر تختار الميعاد اللي يناسبك

تروح تحجز عنده حصة معادها الأحد و الأربعاء برضه و تراعي توقيت الدرس التاني اللي هيبقى عندك في اليوم ده فهمت كده؟؟

يعني لو مدرس بيت و مدرس سنتر هتعرف تظبطها عشان الأول ممكن تغير ميعادك معاه و التاني عنده مواعيد كتير تختار منها

و لو 2 مدرسين بيوت يبقى لوووز هتعرف برضه .... تتفق مع واحد على الساعة 6 مثلاً و التاني على الساعة 8.30 أو 9

و لو 2 مدرسين بتوع سنتر و أنت رايح تحجز قوله أنا عاوز مجموعة اليوم الفلاني بس يا ريت متكونش الساعة ( 5.30 مثلاً ) عشان بيبقى عندي درس ساعتها

هيروح الساعد قايلك : طيب بص في مجموعة بعد كده الساعة 8 يناسبك الميعاد ده ....... تقوله بيس توكلنا على الله

و بكده نكون وفرنا الوقت اللي بين الدروس و عندنا باقي الأسبوع نذاكر فيه بمزاج عالي أوووووووووووي

pop_spider

17-08-2010, 07:06 PM

:clap:ملخص حوار تيفا ا:gunsmilie::751: انت بتقول الى بيمشى بالقواعد دى واحد جايب 98 ... واكيد صوابعك كلها زى بعضــها ما انت ممكن تلاقى غيرو جايب 99% وماشى بقاعده انه لازم ياخد كل يوم درس واحد وتلاقى واحد تانى جايب 100% ومش بياخد دروس فى مواد معينه .. والخ الخ الخ ... كل دماغ وليها الطريقه الى تريحها ... يارب تكون فهمتنى :mf_swordfight: وشكرا يا دوكا على التصحيح

AbdElLatif

17-08-2010, 07:22 PM

هقول تاني :fisch:

ده نظام للطالب المتوسط مش للمتميز عشان محدش يقل من نفسه و يقول أنا عمري ما هبقى كده

اللي قايلي على النظام ده أصلاً طالب متوسط المستوى و جه في الثانوية جاب 99 % علشان مشي على النظام ده

و في الأول و الآخر

أنت و دماغك بقى

It's Always Up To YOU

mohammed233

17-08-2010, 08:31 PM

هو دا اللي عايز اقولو كل واحد يمشي علي النظام اللي عاجبه و اللي يريحة و برضو لازم تتعلم من اخطاء الاخرين

DarK_AnGeL

20-08-2010, 04:48 AM

ينقل لبعيدا

باى باى

QeRa

20-08-2010, 05:01 AM

برنس ولله

dondosh

20-08-2010, 05:20 AM

مضووع بجد ممتاز

dondosh

20-08-2010, 06:30 AM

الحمد لله ان الواحد دخل كلية تجارة و ساب ام الثانوية العامة دي

kareem_

20-08-2010, 11:45 AM

الحمد الله خلصتها وي دخلت سياحا وي فنادق:usaflag:

kareem_

20-08-2010, 11:46 AM

بس بصراحا كانت هم كبير اوي:baby:

kareem_

20-08-2010, 11:47 AM

:angel1: الحرية

GoldPhoenix

20-08-2010, 03:37 PM

جاى تقول بعد ما بدات كل الدروس وظبت المواعيد:bangin:
خلاص بقى تبقى السنه الجايه ان شاء الله

far_cry

20-08-2010, 03:39 PM

tnx ....very good

المتمكن

20-08-2010, 04:03 PM

موضوع عشره على عشره
بس انا الدروس عندى فى 4 ايام
و لسه حجرب موضوع الجدول ده
والف شكر

هتلر

20-08-2010, 04:39 PM

مشكورررررررررررر

™King0FCream™

20-08-2010, 05:02 PM

و تراعي إن يبقى في فرق توقيت بين الإتنين علشان و أنت في الطريق تضربلك طبق كشري ولا كباية قصب و تروح بدري

ههههه انتا كل همك على بطنك : D

شكراا على النصائح

SoOHisokaOoS

20-08-2010, 10:18 PM

شكراااااااااااااااااا

amr159951

20-08-2010, 11:28 PM

100 100 يا برنس هوا إللي هعملو لما أكون في الثانوي إن شاء الله

DarK_AnGeL

20-08-2010, 11:59 PM

ولعت يا تيفة
:mf_bookread::mf_bookread:

medo10

21-08-2010, 04:59 AM

ماتفكرنيش بالثانوية الزفت :rip:

AbdElLatif

21-08-2010, 08:51 AM

موضوع عشره على عشره
بس انا الدروس عندى فى 4 ايام
و لسه حجرب موضوع الجدول ده
والف شكر

حاول تقلل أيام الدروس علشان كده أنت عندك 3 أيام بس فاضيين في الأسبوع

و ده ماينفعش خالص

و الجدول ده أضمنلك بيه ( لو مشيت عليه ) حوالي 95%

ههههه انتا كل همك على بطنك : D

شكراا على النصائح

همي على بطني؟؟

يا راجل قول كلام غير ده

أنا حطيت كل حاجة علشان محدش يقولي أصل أنا عندي كذا و أنا بتعب و الكلام النص كم ده

شكراً لمرورك يا جميل

100 100 يا برنس هوا إللي هعملو لما أكون في الثانوي إن شاء الله

98% و أنت طالع بشرفي

بس لو إسترجلت و مشيت على النظام ده

ولعت يا تيفة
:mf_bookread::mf_bookread:

نورت يا دوكا

بس بقولك صحيح

ما تحكيلنا عن المغامرات البناتية علشان أنا بدون تجارب سابقة

أهه علشان الناس تتعلم

:graduated:

ماتفكرنيش بالثانوية الزفت :rip:

:mfr_lol:

iZexo

21-08-2010, 10:35 AM

Osc@r

21-08-2010, 12:24 PM

الموضوع ده جوهرة والله

شكرا ليك

حطبق معظم النصايح

kareem_

21-08-2010, 02:14 PM

Thx bro

kareem_

21-08-2010, 02:14 PM

:stupid:

kareem_

21-08-2010, 02:14 PM

:character69:

Sean Paul

21-08-2010, 05:25 PM

بجد روعه روعه
ان شاء الله اعمل زى ما بتقول كدا

AbdElLatif

22-08-2010, 12:45 AM

موضوع بـصراحة مش عارف اوصفو اقول فيه ايه من كتر جماله

فــعلا حكاية انك تقول هذاكر من كذا لي كذا ديه بتقفل البتذكرو و تزهق و تحس انك محبوس و مزنوق بين الوقتين

فالدروس حاول اصلا تقلل منها يعني لو حاجة انتا كويس جدا فيها مش لازملها درس ممكن تذاكرها فالبيت او كدا زي الفرنساوي مثلا ما كنت باخدو من اولى ابتدائي لما طلعت ثانوي لسة بيبتدو فيه و بكون انا مخلصو فبتبقى جميلة ان عندك مدا مريحاك

البنات بقا دي مصيبة

انا كنت زمان لما كنت في 6 ابتدائي كان في بنتين انا و واحد صاحبي هنموت و نتعرف عليهم من نوص السنة جبنا 95 % عارف بقا اخر السنة لما اتعرفنا عليهم و بقينا نحكي معاهم كتير و كدا و عايشين حياتنا جبنا كام بي نفس المجهود بتاع المذاكرة

أنا و الله و الله جبت ساعتها 99.8% منقصتش كان غير نوص درجة تقريبا

علشان في وقت المذاكرة كل شوية مش هتكون شاغل بالك هتعمل ايه بكرة معاها هتتعرف عليها ازاي و تنفض لي دروسك و تركز معاها

ديه خبرتي زمان ايام الطفولة :111 (5): دلوقتي بقا عادي بنت كلمتك اكلمها عادي و متوهمش نفسك اني بحب كذا و لازم اتعرف عليها و كدا و فالأخر لو مجبتهاش هتلعن اليوم الشوفت فيه البنت ديه و هتجيلك عقدة من البنات

ربنا يوستر على السنة الداخل عليها هجرب طريقتك:terafin-grin:

المفروض يا جماعة بعد ما يخلص الموضوع الموضوع يتنقل للمميز و يتثبت كمان هناك بجد

أولاً الله يكرمك على ردك الجميل

ثانياً هو بالنسبة لموضوع البنات

البنات في الثانوية بيودوا في داهية

علشان بيبقوا معاك في الدروس

هتفضل شاغلاك في الدرس و كل ما المدرس يقول حاجة تضحك مثلاً هتبص تشوفها بتضحك ولا لأ

و كل ما يعمل حاجة هتبص تشوف رد فعلها إيه

و ده طبيعي جداً

علاج الموضوع ده إيه؟؟

تروح دروس في مجموعات مفيهاش بنات و مش شرط كل الدروس علشان مش هتعرف تخلي كل دروسك مفيهاش بنات ( يعني اللي تقدر عليه )

و يا ريت في مجموعات الأولاد برضه متروحش مع صحابك علشان هتقعدوا ترغوا مع بعض ( و دي أضمنهالك 100% )

إلا بقى لو صحابك اللي هما بيركزوا في الدروس و دحيحة

دول روح معاهم علشان هتتنافسوا و ده هيخليك تنجز أكتر في المذاكرة

بالنسبة لموضوع الدروس : لازم في الثانوية تاخد دروس

أنا باخد إنجليزي من أولى حضانة ..... و الحمد لله كويس فيه

بس برضه أخدت درس ....... المدرس عارف حاجات أنت متعرفهاش أكييييد

و بالنسبة لتثبيت الموضوع .... أنا أتمنى تثبيته للإفادة ( فقط ) مش عشان موضوع مميز و الكلام ده

بس أنا مش هطلب التثبيت

الموضوع ده جوهرة والله

شكرا ليك

حطبق معظم النصايح

الأهم من النية هو التنفيييييذ

التنفيذ التنفيذ التنفيذ

و متخفش على مستقبلك :wink1:

بجد روعه روعه
ان شاء الله اعمل زى ما بتقول كدا

يا ريت

و هقول تاني

التنفيذ أهم من النية ....... كتير بيبقى ناوي ( و من ضمنهم أنا ) و بيهمد و يفكس بعد كده

نفذ و حط في بطنك بطيخة صيفي

:hug:

Solitaires

22-08-2010, 03:00 AM

thanks

mohamed20

22-08-2010, 03:12 AM

الف شكر ليك يا باشا و انا طالع تانية ثانوى و حاول انفذ الكلام ده و ان شاء الله تعدى معانا بقى

MelodyTrix

22-08-2010, 03:22 AM

موضوع أكتر من ممتاز !

мόћάmєđ Gάmάl

22-08-2010, 03:58 AM

almsry

22-08-2010, 07:30 PM

شكرا اخى

AbdElLatif

23-08-2010, 02:42 AM

مع كل احترامى لك
انا اعترض مع كلامك بس فى نقطه
ممكن اااااه ناس تتحمل وتاخد الدروس كلها فى يومين بس
ودا بنسبه 1% واللى مش هيتحمل بنسبه 99%
وبعدين انت هتقدر ، غيرك مش هيقدر
وغير كده فى ناس بتقضيها عادى وبتنجح وبمجموع
اهم حاجه المذاكره وتنظيم الوقت
بغض النظر عن عدد الايام المشغوله بالدروس

اتمنى اشوف تعليقك على كلامى
وانشاء الله انا متابع للموضوع
مع العلم: انا خلصت ثانوى ، يعنى مررت بالتجربه دى سابقا

شكرا ، لمجهودك
وأسف كل الاسف للاطاله

أولاً أشكرك جداً على رأيك الجميل

و بالنسبة للناس اللي تقدر و اللي مش هتقدر

إحنا ممكن نعمل حاجة جميلة أوي

إيه هي؟؟

بدل ما نخلي الدروس على يومين نخليها على 3 أيام

و 3 أيام كويس أوي برضه

بس الواحد ( يسترجل ) في المذاكرة

بس صدقني الواحد لما يبقى صاحي من النوم الصبح و قايل في نفسه ( ياااااه معنديش دروس النهاردة .... إن شاء الله أخلص النهاردة كذا و كذا و كذا )

يعني الدروس بتكسرك نفسياً من أول اليوم لأنك عارف إن الدرس مش هياخد الساعة و نص أو الساعتين دول

الدرس بياخد بتاع 4 ساعات في المشوار و الترييحة اللي الواحد بيريحها بعد الدرس لما يوصل بيته

فعلشان كده ضربنا كل الوقت الضايع ده بالنظام بتاعنا

فهمت وجهة نظري ؟؟

:fez:

golden_spear

23-08-2010, 03:34 AM

انا ولله كنمت فكروا موضوع هزار و ضحك بس طلع جامد ولله انا داخل 1 ثانوى و هعملوه لنشاء الله الف شكر ولله :):thumbup:

мόћάmєđ Gάmάl

23-08-2010, 04:07 AM

أولاً أشكرك جداً على رأيك الجميل

و بالنسبة للناس اللي تقدر و اللي مش هتقدر

إحنا ممكن نعمل حاجة جميلة أوي

إيه هي؟؟

بدل ما نخلي الدروس على يومين نخليها على 3 أيام

و 3 أيام كويس أوي برضه

بس الواحد ( يسترجل ) في المذاكرة

بس صدقني الواحد لما يبقى صاحي من النوم الصبح و قايل في نفسه ( ياااااه معنديش دروس النهاردة .... إن شاء الله أخلص النهاردة كذا و كذا و كذا )

يعني الدروس بتكسرك نفسياً من أول اليوم لأنك عارف إن الدرس مش هياخد الساعة و نص أو الساعتين دول

الدرس بياخد بتاع 4 ساعات في المشوار و الترييحة اللي الواحد بيريحها بعد الدرس لما يوصل بيته

فعلشان كده ضربنا كل الوقت الضايع ده بالنظام بتاعنا

فهمت وجهة نظري ؟؟

:fez:

فهمت :31:
فى المعقول تبقى كل الدروس فى 4 ايام
وبردو صدقنى مش الكل هيقدر على كده
كتير اوى ، وطبعا اغلب الناس عندها كسل رهيب :sleepysmileyanim:
انا كنت باخد دروسى فى الاسبوع كله
الا يوم الجمعه
علشان بيكونوا قافلين :nosweat:

شكرا للمتابعه
تحياتى ،

AbdElLatif

24-08-2010, 02:36 AM

فهمت :31:
فى المعقول تبقى كل الدروس فى 4 ايام
وبردو صدقنى مش الكل هيقدر على كده
كتير اوى ، وطبعا اغلب الناس عندها كسل رهيب :sleepysmileyanim:
انا كنت باخد دروسى فى الاسبوع كله
الا يوم الجمعه
علشان بيكونوا قافلين :nosweat:

شكرا للمتابعه
تحياتى ،

لأ أنا قلت 3 أيام للي مش هيقدروا على اليومين

4 أيام دروس معناه إن عندك 3 أيام فاضلة في الأسبوع مذاكرة

و ما ينفعش تبقى أيام الدروس أكتر من أيام المذاكرة الصافي

و بالنسبة للكسل

الكسول في الثانوية هيلبس جااااامد .... فنصيحة للكسول يبطل كسل في الثانوية علشان ما يجيش يعيط لما يخش الكلية

انا كنت باخد دروسى فى الاسبوع كله
الا يوم الجمعه

طيب بدون إحراج كده

بأمانة

جبت كام في الثانوية ؟؟

:vertag:

alex_staf

24-08-2010, 05:13 AM

نصائح ميه ميه
و جات في وقتها ليه

AbdElLatif

24-08-2010, 10:34 AM

شكراً ليك

يا شباب عاوز مناقشة

إحنا فرتكنا الموضوع في سيرفر ألكسندر و طلعنا من نصايح بالهبل

محدش فيكم عاوز يناقش كده؟؟

dondosh

24-08-2010, 11:05 PM

استاااااذ من يومك يا تيفا
والله ده لو فى بعيد هيتثبت يا ف المواضيع المميزه
:original:

+1

SilverFox

25-08-2010, 12:09 AM

والله انت خدمتنى خدمه العمر جزاك الله كل خير

AbdElLatif

25-08-2010, 05:50 AM

مشكورين يا رجالة

أنا عملت كده علشان للأسف أنا عرفت النظام ده في الآخر و كانت الفاس وقعت في الراس

يا ريت تتعلموا من تجربتي علشان مترجعش تقول يا ريتني عملت كذا و سويت كذا

blackice_007

25-08-2010, 01:56 PM

مشكور و بالتوفيق لينا كلنا انشاء الله

AbdElLatif

27-08-2010, 07:11 AM

مناقشات مناقشات

عيب الموضوع يخلص على كده

عاوز حد ياخد و يدي معايا في الكلام

الهمة

:character051:

AbdElLatif

18-09-2010, 11:16 PM

UP

:boxing:

كنت أتمنى التثبيت للفائدة عشان الدراسة خلاص بدأت و شدت بالنسبة لبتوع الثانوي

بس لم يتم الرد من المشرفين القدامى

| - CreSpO - |

18-09-2010, 11:24 PM

جزاك الله خيرا

_KING_GAME_

19-09-2010, 05:21 AM

انا اسف بس انا ليه و جخت نظر مختلفه حبتين
النظام بسيط جدا و متعقدهاش علي نفسك و صعب جدا تقول هاخد كل الدروس في يومين
او من السبت للتلات ذي ماحضرتك بتقول
النظام بسيط جدا
الدرس بدرسه
يعني انت دلوقتي لسه و اخد رياضه مثلا عندك الدرس الساعه كان الساعه 5 خلصتوا الساعه 7
بالله عليك روح او كبيرك تلفلف 10 دقايق روح شوف ايه الي انت ممكن تعملوا بس ماتهدرش اكتر من ساعه
حرام
وابدا ذاكر
اهم حاجه في الليله ديه
الواجب
الواجب
home work
Compito
Домашнее задание
Hausaufgaben
宿題
Κατ 'οίκον εργασία
होमवर्क
Tarea
شوفت جبتهالك بكام لغه
الواجب حلوا بضمير
بعد كده هاتيجي فالاخر
تقول لما اراجع الدرس ده
اه انت حليت الواجب الي عليه
عمرك شوفت الرياضه حد بيأراها
هاتعدي علي الامثله مرور الكرام و بسهوله لان انت الحاجات ديه انت حليت عليها
و بعدين تحل امتحانات
امتحانات
الامتحانات برضوا
مهم
و ده في كل المواد
المعذره
فكك من حوار يومين و تلت تيام ده و اربعه
مابيجبش اي فايده
يعني اسف
عاوز تفهمني ان انت جي من يوم دراسي
عندك درس مثلا الساعه 3 جيت 5 رايح درس 6
ولاهي دماغك تخبط تقلب تروح تيجي مانتا فاهم اي حاجه
طب فهمني انت واحد جاي من درس انجليزي و من المدرسه
انا اديتك مثال بسيط الانجليزي
يفهم كيمياء ازاي
ماتجيش اسف

xTHE_Draagon

19-09-2010, 06:26 AM

بسم الله الرحمن الرحيم
بص ...في الاول الموضوع اكثر من رائع
بس بصراحه انت كده معقدها علي نفسك اوي ....اوي ...اوي
اولا مفيش حاجه اسمها هتاخد 4 دروس في يوم واحد من من غير ماشيل الفكره من دماغي او اسبها ....فعلا مينفش انت هتاخد في علم النفس حاجه اسمها الذاكره قصيره الامد و بعيده الامد...(و قصيره الامد ديه ليها عدد معين من المعلومات (مش عدد لا نهائي :no2:) اكتر من كده بتنسا كتير منها او بتنهار خالص)
(اقرا ده كويس)
http://www.silkroad4arab.com/vb/showthread.php?t=268338
......في الدرس بتاعك انت بتسجل معلوماتك في الذاكره قصيره الامد
يعني عاوز تفهمني انك هتطلع من حصه نحو>رياضيات>انجليزي>الماني :yawn:
(منتا قلت بنفسك ...انت مش super man وهتزاكر حاجات يومين في يوم واحد)
كده هتطلع مش مدي لكل ماده حقها في التركيز
وبما انك مسجل دروسك في الذاكره قصيره الامد (الهي اصلا تعبت جدا بسبب الدروس الكتير الختها في نفس اليوم)
هنفترض انك ذاكرت حصه النحو ( اول حصه في اليوم)
هتيجي تاني يوم تبص للرياضه صدقني مش هتفهم حاجه ...
تيجي للانجليزي :yawn: " ايه الكلام الغريب ده "
تيجي للالماني ( كده ده رابع يوم من وقت ماخدت الدرس بتاع الالماني )
فعلاً مش هتفتكر كلمه المدرس قالها في الحصه
المفروض بقا تعمل الاتي .... (اهم حاجه اقرا الموضوع الانا عملو ده هيفيدك كتيير )
من هنا (http://www.silkroad4arab.com/vb/showthread.php?t=268338)
اليوم ميكنش فيه اكتر من درس واحد ....عشان تفهم من المدرس تروح في نفس اليوم وتروح تحل علي الكلام و تحفظ لو مديك حفظ ...كده المعلومات هتتنقل من الذاكره قصيره الامد الي الذاكره بعيده الامد (كده عمرك ما هتنسا الاخته في الحصه دي )
و اعمل لنفسك يوم في الاسبوع Free انت مش داخل حرب
في شهر 2 كده خلي اليوم الFree ده كل اسبوعين
و في شهر 4 خليه كل 3 اسابيع
بس متدخلش علي المذاكره كده سخن علي طول عشان متملش

ياريت اكون وصلتلك الفكره وشلت من دماغك شويه حجات غريبه كده
زي ال4 دروس في يوم واحد:biggrinthumb:

شكرا...

منتساش تقرا الموضوع ده
http://www.silkroad4arab.com/vb/showthread.php?t=268338

xTHE_Draagon

19-09-2010, 06:26 AM

Black_Bird

19-09-2010, 06:32 AM

من احسن مواضيع المنتدى و اقولها بالفوم المليان

بجد موضوع رائع رائع رائع و تنظيم روووووووووووعة و فعلا نصائح مفيده جدا

و نصائح بتتقال عن تجربة مش اى كلام

فقط مش متفق معاك فى جزئية الدروس لأن اصلا المدرسين بيقى مثلا واحد منهم عنده ميعاد واحد اللى هوا اثنين و خميس وواحد تانى عنده ميعاد واحد اللى هوا احد و اربعاء و كدة فاللاسف مش هايحصل توفيق

خصوصا ان موضوع كله فى يوم واحد دة لو فى سنتر او كدة لكن غير كدة مش هاينفع

و برضة جزئية الجدول مش عارف افهمها اوى .. التقسيمة غريبة بس ان شاء الله اشوفها

و فعلا موضوع روعة و بكررهالك تانى من احسن المواضيع فى المنتدى

Mr.V.I.P

19-09-2010, 06:33 AM

طــيب

يــثــبت (يومين فقــط)

لمصلحة العامة

مع ان الموضوع دة قديم ولزم يغلق بس يلا معلش الثانوية تستحق دة كلوا :cigar:

#

ecsroman

19-09-2010, 03:03 PM

شكرا بجد و موضوع هيفدنى جدا

!_ToGoO_MorY_!

19-09-2010, 04:37 PM

AbdElLatif

19-09-2010, 07:27 PM

شكراً للرجالة على المرور

انا اسف بس انا ليه و جخت نظر مختلفه حبتين
النظام بسيط جدا و متعقدهاش علي نفسك و صعب جدا تقول هاخد كل الدروس في يومين
او من السبت للتلات ذي ماحضرتك بتقول
النظام بسيط جدا
الدرس بدرسه
يعني انت دلوقتي لسه و اخد رياضه مثلا عندك الدرس الساعه كان الساعه 5 خلصتوا الساعه 7
بالله عليك روح او كبيرك تلفلف 10 دقايق روح شوف ايه الي انت ممكن تعملوا بس ماتهدرش اكتر من ساعه
حرام
وابدا ذاكر
اهم حاجه في الليله ديه
الواجب
الواجب
home work
Compito
Домашнее задание
Hausaufgaben
宿題
Κατ 'οίκον εργασία
होमवर्क
Tarea
شوفت جبتهالك بكام لغه
الواجب حلوا بضمير
بعد كده هاتيجي فالاخر
تقول لما اراجع الدرس ده
اه انت حليت الواجب الي عليه
عمرك شوفت الرياضه حد بيأراها
هاتعدي علي الامثله مرور الكرام و بسهوله لان انت الحاجات ديه انت حليت عليها
و بعدين تحل امتحانات
امتحانات
الامتحانات برضوا
مهم
و ده في كل المواد
المعذره
فكك من حوار يومين و تلت تيام ده و اربعه
مابيجبش اي فايده
يعني اسف
عاوز تفهمني ان انت جي من يوم دراسي
عندك درس مثلا الساعه 3 جيت 5 رايح درس 6
ولاهي دماغك تخبط تقلب تروح تيجي مانتا فاهم اي حاجه
طب فهمني انت واحد جاي من درس انجليزي و من المدرسه
انا اديتك مثال بسيط الانجليزي
يفهم كيمياء ازاي
ماتجيش اسف

بص يا جميل

أنا دلوقتي جايب نظام شامل

الواجب ده حاجة تعملها جوا النظام

يعني كإن الواجب ده لاعب كرة

و النظام اللي معمول ده هو الفريق

و لاعب الكرة بيلعب لمصلحة الفريق كله

مش معقولة يعني واحد هيعمل النظام ده و مش هيعمل الواجد

و بعدين أنا إتكلمت على الواجب برضه ^^

النقطة رقم 2 في ملخص الملاحظات الهامة

http://www2.0zz0.com/2010/05/08/11/327619324.gif

بسم الله الرحمن الرحيم
بص ...في الاول الموضوع اكثر من رائع
بس بصراحه انت كده معقدها علي نفسك اوي ....اوي ...اوي
اولا مفيش حاجه اسمها هتاخد 4 دروس في يوم واحد من من غير ماشيل الفكره من دماغي او اسبها ....فعلا مينفش انت هتاخد في علم النفس حاجه اسمها الذاكره قصيره الامد و بعيده الامد...(و قصيره الامد ديه ليها عدد معين من المعلومات (مش عدد لا نهائي :no2:) اكتر من كده بتنسا كتير منها او بتنهار خالص)
(اقرا ده كويس)
http://www.silkroad4arab.com/vb/showthread.php?t=268338
......في الدرس بتاعك انت بتسجل معلوماتك في الذاكره قصيره الامد
يعني عاوز تفهمني انك هتطلع من حصه نحو>رياضيات>انجليزي>الماني :yawn:
(منتا قلت بنفسك ...انت مش super man وهتزاكر حاجات يومين في يوم واحد)
كده هتطلع مش مدي لكل ماده حقها في التركيز
وبما انك مسجل دروسك في الذاكره قصيره الامد (الهي اصلا تعبت جدا بسبب الدروس الكتير الختها في نفس اليوم)
هنفترض انك ذاكرت حصه النحو ( اول حصه في اليوم)
هتيجي تاني يوم تبص للرياضه صدقني مش هتفهم حاجه ...
تيجي للانجليزي :yawn: " ايه الكلام الغريب ده "
تيجي للالماني ( كده ده رابع يوم من وقت ماخدت الدرس بتاع الالماني )
فعلاً مش هتفتكر كلمه المدرس قالها في الحصه
المفروض بقا تعمل الاتي .... (اهم حاجه اقرا الموضوع الانا عملو ده هيفيدك كتيير )
من هنا (http://www.silkroad4arab.com/vb/showthread.php?t=268338)
اليوم ميكنش فيه اكتر من درس واحد ....عشان تفهم من المدرس تروح في نفس اليوم وتروح تحل علي الكلام و تحفظ لو مديك حفظ ...كده المعلومات هتتنقل من الذاكره قصيره الامد الي الذاكره بعيده الامد (كده عمرك ما هتنسا الاخته في الحصه دي )
و اعمل لنفسك يوم في الاسبوع Free انت مش داخل حرب
في شهر 2 كده خلي اليوم الFree ده كل اسبوعين
و في شهر 4 خليه كل 3 اسابيع
بس متدخلش علي المذاكره كده سخن علي طول عشان متملش

ياريت اكون وصلتلك الفكره وشلت من دماغك شويه حجات غريبه كده
زي ال4 دروس في يوم واحد:biggrinthumb:

شكرا...

منتساش تقرا الموضوع ده
http://www.silkroad4arab.com/vb/showthread.php?t=268338

قريت الموضوع ده يا جميل لما كان محطوط

بص

1- إحنا قلنا اليوم اللي هيبقى عندك فيه دروس مش هتروح المدرسة

2- على أيامنا كنا بناخد في اليوم 7 حصص و 8 كمان و مكناش لسة بناخد دروس خصوصية و كنا بنذاكر و بنشرب بريل ( إفهمها أنت بقى )

3- أنا كنت عاوز أعمل موضوع قبل كده بس كسلت أعمله.....كان هيبقى على مقدرة العقل البشري

هقولك على حتة كده منه

**هل تعلم أن الإنسان العادي لا يستخدم سوى 15% فقط من سعة مخه
و إن الناس اللي بيعرفوا يحسبوا الكسور في دماغهم بيستخدموا 40%+
و إن الإنسان لو إستخدم قدرة مخه كامله هيصاب بالهذيان... يعني هيلسع

إسمع كلامي و شيل الفكرة دي

قطعها خاااااالص

و بالنسبة للتقسيم

أنا مقلتش إن إحنا هنلزق الدروس ورا بعض

أنا قلتلك سيب ساعة بين كل درس و درس عشان تضرب طبق كشري أو كباية قصب .... و في نفس الوقت تفصل شوية

** يا ريت ماتروحش البيت في الساعة دي عشان لو روحت مش هتريح بس ........ هتنام و تشخر كمان :homesweet:

** و برضه ما قلتش إنك تيجي في يوم تحط كيمياء و رياضة و عربي ..... ....أنت مش سوبر مان زي ما قلنا

هو الموضوع كله توفيق

توفق دروسك على يومين ..... لو مقدرتش على يومين.....خليها 3 أيام عادي جداً

بس المهم تسترجل

http://www2.0zz0.com/2010/05/08/11/327619324.gif

من احسن مواضيع المنتدى و اقولها بالفوم المليان

بجد موضوع رائع رائع رائع و تنظيم روووووووووووعة و فعلا نصائح مفيده جدا

و نصائح بتتقال عن تجربة مش اى كلام

فقط مش متفق معاك فى جزئية الدروس لأن اصلا المدرسين بيقى مثلا واحد منهم عنده ميعاد واحد اللى هوا اثنين و خميس وواحد تانى عنده ميعاد واحد اللى هوا احد و اربعاء و كدة فاللاسف مش هايحصل توفيق

خصوصا ان موضوع كله فى يوم واحد دة لو فى سنتر او كدة لكن غير كدة مش هاينفع

و برضة جزئية الجدول مش عارف افهمها اوى .. التقسيمة غريبة بس ان شاء الله اشوفها

و فعلا موضوع روعة و بكررهالك تانى من احسن المواضيع فى المنتدى

شكراً ليك جداً

الموضوع حصري ليكم و أنا اللي كاتبه بإيدي حرف حرف عشان خاطركم والله .... في الأول و الآخر مش عاوز حد يحصل فيه زيي

بالنسبة للمدرين اللي معندهومش غير ميعاد واحد ده

إطلب منه تغييره عشان .... ( أي إفتكاسة ) .....

و لو معرفتش شوف التاني ..... أكيد واحد فيهم هيعرف يغير ميعاده بس مش هيرد عليك في ساعتها

يعني أنت تقوله معلش يا مستر عاوزين نخلي الدرس بدل الأحد و الأربعاء

نخليه السبت و الثلاثاء

هيقولك ليه

تقوله أي سبب

هيقولك معنديش مواعيد تانية

قوله طيب شوف الناس اللي بياخدوا في الميعاد بتاع السبت و الثلاثاء ده إسألهم يبدلوا معانا

أو أنا أروح معاهم ( لو هما نفس السنة بتاعتك مثلاً )

هيقولك ماينعش

قوله طيب حضرتك شوف برضه مش هتخسر حاجة

لو هو مدرس رخم و مش بيحب يصاحب الطالب

خلي والدك أو والدتك يكلموه .....

و بعد كده إبقى ركب باقي الدروس على النتيجة بقى

يعني رسيت على إثنين و خميس

ركب التانيين كذلك و هكذا

و على فكرة

ممكن تخلي الدروس على 3 أيام عادي برضه مفيش مانع ..... يعني كفاية أوي 3 دروس في اليوم

لو 4 إفرش (يوم واحد بس جديد )

أكتر من 3 أيام في الأسبوع للدروس يبقى عيب أوي

أقولكوا على حاجة بقى عشان الناس الشكاكة الدبابيس

أنا بنت خالتي كانت في سنة تانية السنة اللي فاتت .... هي دلوقتي تالتة ثانوي

جابت 94.5% عشان مشيت على النظام ده :gunsmilie:

عدوا بقى كام واحد السنة اللي فاتت في تانية جاب فوق التسعين أصلاً ^^

** بالنسبة لموضوع الجدول

ناخد يوم الخميس كمثال ( يوم مفهوش دروس )

هتكتب في الخانة بتاعته ( مذاكرة كذا + حل إمتحان كذا + عمل واجب كذا + حفظ كلمات كذا )

بالبساطة دي

ما تكتبش من الساعة الفلانية للساعة الفلانية هعمل كذا و النظام الفاشل ده ( مش هتمشي بيه أكتر من يومين .... بشرفي )

هو تكتب بس الأربع حاجات اللي هتعملها في اليوم وخلاص ....... تعملهم إمتى تعملهم إزاي دي أنت و مزاجك بقى

بس المهم ..... إوعى تنام قبل ما تخلص اللي في الخانة بتاعة اليوم

و مع الوقت هتلاقي نفسك بدأت تتعود على المذاكرة و بقيت بدل أربع حاجات يومياً بقوا 5 و 6

بس ده مع الوقت طبعاً مش في الأول كده

http://www2.0zz0.com/2010/05/08/11/327619324.gif

لو حد عاز أي حاجة في أي حاجة يكلمني

أنا هبقى متابع

محدش يكسل أو يتكسف عشان مزعلش منه

و عشان ماترجعش تقول ياريتني ( كان أبويا بيقولي كده و كنت بقعد أقوله متخفش مش هقولها .... و أديني بقولها أهه )

والله يا جدعان سنتين بس

أنا في جامعة خاصة نضيفة جداً

و في نفس الوقت مخنوق جدااااااااااااااااااااااااااااااااااااااااااً

كان نفسي أكون في أي حاجة حكومية

الحمد لله على كل شيء

AbdElLatif

19-09-2010, 07:34 PM

طــيب

يــثــبت (يومين فقــط)

لمصلحة العامة

مع ان الموضوع دة قديم ولزم يغلق بس يلا معلش الثانوية تستحق دة كلوا :cigar:

#

الموضوع معمول مع بداية موسم الدروس يعني في شهر 8 كده تقريباً على ما أذكر .. في نصه

و ما حققش الإستفادة اللي كنت عاوزها منه عشان كان في مشاكل في القسم فإختفى

و بعدين ده مش موضوع مسابقات يا جميل عشان يتثبت يومين بس ^^

عموماً ده شغلك و أنا مش بكلم حد في شغله

شوف اللي في الصالح العام و إعمله

و شكراً على التثبيت

على الله حد يتغير بسببه

xTHE_Draagon

19-09-2010, 08:12 PM

شكراً للرجالة على المرور

بص يا جميل

أنا دلوقتي جايب نظام شامل

الواجب ده حاجة تعملها جوا النظام

يعني كإن الواجب ده لاعب كرة

و النظام اللي معمول ده هو الفريق

و لاعب الكرة بيلعب لمصلحة الفريق كله

مش معقولة يعني واحد هيعمل النظام ده و مش هيعمل الواجد

و بعدين أنا إتكلمت على الواجب برضه ^^

النقطة رقم 2 في ملخص الملاحظات الهامة

http://www2.0zz0.com/2010/05/08/11/327619324.gif

قريت الموضوع ده يا جميل لما كان محطوط

بص

1- إحنا قلنا اليوم اللي هيبقى عندك فيه دروس مش هتروح المدرسة

2- على أيامنا كنا بناخد في اليوم 7 حصص و 8 كمان و مكناش لسة بناخد دروس خصوصية و كنا بنذاكر و بنشرب بريل ( إفهمها أنت بقى )

3- أنا كنت عاوز أعمل موضوع قبل كده بس كسلت أعمله.....كان هيبقى على مقدرة العقل البشري

هقولك على حتة كده منه

**هل تعلم أن الإنسان العادي لا يستخدم سوى 15% فقط من سعة مخه
و إن الناس اللي بيعرفوا يحسبوا الكسور في دماغهم بيستخدموا 40%+
و إن الإنسان لو إستخدم قدرة مخه كامله هيصاب بالهذيان... يعني هيلسع

إسمع كلامي و شيل الفكرة دي

قطعها خاااااالص

و بالنسبة للتقسيم

أنا مقلتش إن إحنا هنلزق الدروس ورا بعض

أنا قلتلك سيب ساعة بين كل درس و درس عشان تضرب طبق كشري أو كباية قصب .... و في نفس الوقت تفصل شوية

** يا ريت ماتروحش البيت في الساعة دي عشان لو روحت مش هتريح بس ........ هتنام و تشخر كمان :homesweet:

** و برضه ما قلتش إنك تيجي في يوم تحط كيمياء و رياضة و عربي ..... ....أنت مش سوبر مان زي ما قلنا

هو الموضوع كله توفيق

توفق دروسك على يومين ..... لو مقدرتش على يومين.....خليها 3 أيام عادي جداً

بس المهم تسترجل

http://www2.0zz0.com/2010/05/08/11/327619324.gif

شكراً ليك جداً

الموضوع حصري ليكم و أنا اللي كاتبه بإيدي حرف حرف عشان خاطركم والله .... في الأول و الآخر مش عاوز حد يحصل فيه زيي

بالنسبة للمدرين اللي معندهومش غير ميعاد واحد ده

إطلب منه تغييره عشان .... ( أي إفتكاسة ) .....

و لو معرفتش شوف التاني ..... أكيد واحد فيهم هيعرف يغير ميعاده بس مش هيرد عليك في ساعتها

يعني أنت تقوله معلش يا مستر عاوزين نخلي الدرس بدل الأحد و الأربعاء

نخليه السبت و الثلاثاء

هيقولك ليه

تقوله أي سبب

هيقولك معنديش مواعيد تانية

قوله طيب شوف الناس اللي بياخدوا في الميعاد بتاع السبت و الثلاثاء ده إسألهم يبدلوا معانا

أو أنا أروح معاهم ( لو هما نفس السنة بتاعتك مثلاً )

هيقولك ماينعش

قوله طيب حضرتك شوف برضه مش هتخسر حاجة

لو هو مدرس رخم و مش بيحب يصاحب الطالب

خلي والدك أو والدتك يكلموه .....

و بعد كده إبقى ركب باقي الدروس على النتيجة بقى

يعني رسيت على إثنين و خميس

ركب التانيين كذلك و هكذا

و على فكرة

ممكن تخلي الدروس على 3 أيام عادي برضه مفيش مانع ..... يعني كفاية أوي 3 دروس في اليوم

لو 4 إفرش (يوم واحد بس جديد )

أكتر من 3 أيام في الأسبوع للدروس يبقى عيب أوي

أقولكوا على حاجة بقى عشان الناس الشكاكة الدبابيس

أنا بنت خالتي كانت في سنة تانية السنة اللي فاتت .... هي دلوقتي تالتة ثانوي

جابت 94.5% عشان مشيت على النظام ده :gunsmilie:

عدوا بقى كام واحد السنة اللي فاتت في تانية جاب فوق التسعين أصلاً ^^

** بالنسبة لموضوع الجدول

ناخد يوم الخميس كمثال ( يوم مفهوش دروس )

هتكتب في الخانة بتاعته ( مذاكرة كذا + حل إمتحان كذا + عمل واجب كذا + حفظ كلمات كذا )

بالبساطة دي

ما تكتبش من الساعة الفلانية للساعة الفلانية هعمل كذا و النظام الفاشل ده ( مش هتمشي بيه أكتر من يومين .... بشرفي )

هو تكتب بس الأربع حاجات اللي هتعملها في اليوم وخلاص ....... تعملهم إمتى تعملهم إزاي دي أنت و مزاجك بقى

بس المهم ..... إوعى تنام قبل ما تخلص اللي في الخانة بتاعة اليوم

و مع الوقت هتلاقي نفسك بدأت تتعود على المذاكرة و بقيت بدل أربع حاجات يومياً بقوا 5 و 6

بس ده مع الوقت طبعاً مش في الأول كده

http://www2.0zz0.com/2010/05/08/11/327619324.gif

لو حد عاز أي حاجة في أي حاجة يكلمني

أنا هبقى متابع

محدش يكسل أو يتكسف عشان مزعلش منه

و عشان ماترجعش تقول ياريتني ( كان أبويا بيقولي كده و كنت بقعد أقوله متخفش مش هقولها .... و أديني بقولها أهه )

والله يا جدعان سنتين بس

أنا في جامعة خاصة نضيفة جداً

و في نفس الوقت مخنوق جدااااااااااااااااااااااااااااااااااااااااااً

كان نفسي أكون في أي حاجة حكومية

الحمد لله على كل شيء

انت رديت رد ملهوش علاقه بي الانا قلته ^^
انت هتزاكر علم النفس وهتعرف ان كلامي اصح
موضوع ال15% ده اول مره اعرفو بصراحه ( شكرا علي المعلومه)
ال8 حصص البتاخدها في المدرسه دول بيكون غير حصص ثانويه عامه ...اسهل ( هتقلي ده علي قد مخي في السن ده ...هقلك لا بردو بيكون اسهل)
وقت كل حصه غير الساعتين بتوع ثانوي عام
و موضوع اشيل المعلومه ديه من دماغي ...(هو فعلا في حجات كتير الناس حطاها في دمغها و هي غلط 100٪)
بس دي بالزات ...لا صح انت مش هتستوعب الدروس لو عملت البتقول عليه
ليه تزنق دروسك في يومين لما قدامك باقي الاسبوع
متصحا الصبح ذاكر لحد العصر تروح درسك ( هيكون 1بس )
ترجع من درسك تزاكر الاختو في الدرس ده وتنام ...وهكذا
انت زانق نفسك اوي و معقدها
الثانويه العامه ابسط من كده بكتير
خدها ببساطه ...صدقني مش هتتعب
يومين بس Free في الشهر :jumpy: ليييييييه يا عم انت مش داخل معركه مزاكره
هتفضل علي كده من دلوقتي لحد الامتحان ( 9 شهور )
هتزهق والله
علي فكره انا مش معترض علي الموضوع ...كلامك والله صح بس موضوع الدروس و طول الشهر مذاكره ده انا مش معاه
ده ليك انت والله مجرد نصيحه...
و بص دي طرقتك و ده نظامك ووجه نظرك و نت حر ...انا قلتلك المفيد ويهتعمل بيه يا مش هتعمل
انت حر...
شكرا...

AbdElLatif

19-09-2010, 08:24 PM

انت رديت رد ملهوش علاقه بي الانا قلته ^^
انت هتزاكر علم النفس وهتعرف ان كلامي اصح
موضوع ال15% ده اول مره اعرفو بصراحه ( شكرا علي المعلومه)
ال8 حصص البتاخدها في المدرسه دول بيكون غير حصص ثانويه عامه ...اسهل ( هتقلي ده علي قد مخي في السن ده ...هقلك لا بردو بيكون اسهل)
وقت كل حصه غير الساعتين بتوع ثانوي عام
و موضوع اشيل المعلومه ديه من دماغي ...(هو فعلا في حجات كتير الناس حطاها في دمغها و هي غلط 100٪)
بس دي بالزات ...لا صح انت مش هتستوعب الدروس لو عملت البتقول عليه
ليه تزنق دروسك في يومين لما قدامك باقي الاسبوع
متصحا الصبح ذاكر لحد العصر تروح درسك ( هيكون 1بس )
ترجع من درسك تزاكر الاختو في الدرس ده وتنام ...وهكذا
انت زانق نفسك اوي و معقدها
الثانويه العامه ابسط من كده بكتير
خدها ببساطه ...صدقني مش هتتعب
يومين بس free في الشهر :jumpy: ليييييييه يا عم انت مش داخل معركه مزاكره
هتفضل علي كده من دلوقتي لحد الامتحان ( 9 شهور )
هتزهق والله
علي فكره انا مش معترض علي الموضوع ...كلامك والله صح بس موضوع الدروس و طول الشهر مذاكره ده انا مش معاه
ده ليك انت والله مجرد نصيحه...
و بص دي طرقتك و ده نظامك ووجه نظرك و نت حر ...انا قلتلك المفيد ويهتعمل بيه يا مش هتعمل
انت حر...
شكرا...

بص يا سيدي

أنا قلت في الرد لو عاوز الدروس في 3 أيام زي بعضه ...... بس أكتر من 3 أيام لأ

ثانياً يومين في الشهر دول الرسمي

لكن اللي بيحصل إنك بتلاقي نفسك مخلص كتير جداً و بدون مجهود جامد علشان وقتك منظم

و بتخرج مع صحابك براحتك و برضا والديك عشان بيبقوا شايفينك بتذاكر .... و بتخرج في الأسبوع مرة أو مرتين لما بتلاقي نفسك مخلص اللي في الجدول

لو شفت أوائل الثانوية دايما على قناه نايل لايف .... بيسألوهم إيه سر تفوقك ..... الإجابة تنظيم الوقت

و على فكرة ساعة بين كل درس و التاني تتمشى فيها و تاكل فيها ليها مفعول كبير ^^ و عن تجربة

بتروح الدرس الي بعده مفرفش

و كده كده الساعة دي مش محسوبة وقت ضايع لأن أنت بتنجز اللي عليك في الجدول

و كده كده أنت بعد كل درس بتضيع أكتر من ساعة على ما تروح بيتك و تريح و تبدأ تجهز نفسك للمذاكرة ( ده لو أنت ماشي بمبدأ كل درس في يوم ) و هنا بقى الساعة دي بتحسب وقت ضايع عشان أنت قايل بعد الدرس هتذاكر

لكن في النظام بتاعنا مش بنذاكر في أيام الدروس .... فالساعة دي في الهوا

أنت كده برنس

أحب أنا المناقشة

بتطلع أحلى شغل

xTHE_Draagon

19-09-2010, 08:39 PM

بص ...كل واحد فينا ليه طريقتو ونظامو ^^ :happy:
انا ماشي علي الفي دماغي و شايف نظامك ده معقد ( مش فاشل بس معقد شويه)
انا بنصح الناس بلاش موضوع الدروس الكتير دي مش الساعه البعد الدرس الهتخليك تعقدها بالشكل ده :happy:
مجرد نصيحه هتمشو عليها او لا... كل واحد حسب الراي بتاعو
شكرا...

AbdElLatif

19-09-2010, 08:42 PM

للناس فيما يعشقون مذاهب

:graduated:

! FiRe !

19-09-2010, 10:32 PM

نفسى اعرف اخد ثواب زيك كده
يا اخى ربنا ينورلك طريقك
الف الف شكر

Z00M

20-09-2010, 06:36 PM

انا مخلض ثانويه عامه الحمد لله بس والله موضوع جامد

superman_344

20-09-2010, 08:13 PM

جامد جدا جدا جدا ياباشا

والله حصرى

......

طول عمرك جامد ياباشا

عضو بارد

21-09-2010, 06:06 AM

انا عندي واحد صحبي ...جاب 96٪ في علمي
كان بياخد 4 دروس في اليوم :roftl::roftl:
بهزر معاك ....:lol2: