مشاهدة النسخة كاملة : احـتــرم الكـبيــر ليه طـالمـا مش محتـــرم ؟
No_Rules
14-07-2010, 05:06 AM
الســـلام عليكــم
بدون مقدمــات
حابب اتكلم شويه فى بعض عادتنا وتقاليدنا المعروفه
دائما نسمع انه يجب احترام الاكبر مننا فى العمر بكل شىء
وحتى لو جه يسلم علينا نسلم عليه وحنا باصين فى الارض !! >> طب ليه الذل
حتى ظهر مثل سخيف متعلق بالثقافه دى بيقول : اكبر منك بيوم يعرف عنك بسنه !!
يعنى انه اكثر خبره منك وثقافه ومسؤليه وغيره
ومنذ طفولتنا واحنا دائما نشجب ونعاقب وندان
لو نظرنا مجرد النظره بسؤ لشخص اكبر مننا فى العمر
ونلقى وبيل من الانتقاد وممكن توصل للضرب !!!
لو وجهنا انتقاد لشخص اكبر منك فى العمر
ومش بس كده الاغرب من ذالك
لو الكبير غلط في الاصغر منه مفيش عليه عتب !
او بمعنى اصح صعب انه يعتذر له ده لو اعترف بغلطته اصلا !
لكن لو الصغير غلط فى الكبير الكل يغلطه وياويلووووو !!
" انا مع احترام البشر كلها لبعضها "
* مع احترام الصغير للكبير مش عشان هو اكبر عشان هو انسان له كرامه بالاساس
* ومع احترام الكبير للصغير عشان هو ايضا انسان وله كرامه ومش ذنبه انه اتولد بعده !
* ومع احترام المسلم لغير المسلم والحلو للقبيح والذكى للغبى !
لكن مجتماعتنا تركز على ضروره احترام الصغير للكبير وبس
طيب سؤالى لكم / لو كان الكبير مش محترم الصغير يحترمه ازاى ؟
مفتوح للمناقشــه
وشكــرا
Yasser
Mr.V.I.P
14-07-2010, 05:09 AM
1-طبعا موضوع 100% مافهوش كلام
2-سوال مفيد وفي محاله
لو كان الكبير مش محترم الصغير يحترمه ازاى ؟
علي ماظن مش هيكون ليه احترام بعد عدم الاحترام
3-وموضوع اكبر منك بيوم يعرف عنك بسنه !!
دة جملة تافهة
لاني في ناس اكبر مني مثلا بكتير ومتعرفش تعمل نص الي اعملوا
iZexo
14-07-2010, 05:10 AM
أيوة كدة هو ده الأنا عايز أقوله
أصلي مرة و أنا صغير النظرة ضربتني لطشطها الم هههههه
شكرا يا يسور
موضوع جميل جدا يأخ ياسر
وحلو اوى سؤالك اللى بيقول
لو كان الكبير مش محترم الصغير يحترمه ازاى
وحلوة اوى المقارنة برد الافعال اللى جت دى
لو الكبير غلط في الاصغر منه مفيش عليه عتب !
او بمعنى اصح صعب انه يعتذر له ده لو اعترف بغلطته اصلا !
لكن لو الصغير غلط فى الكبير الكل يغلطه وياويلووووو
اهو بسبب انى رديت على جارى صاحب الــ 55 عاما
علشان انا عديت وصلة النت من فوق عامود الكهربا اللى بيمر من امام بيتة
بعد ماشد السيلك قطعة علشان فى اعتقادة ان النت مفيهوش غير الحاجات اللى بالك منها
وبعد مناقشة تحولت بعدها الى خناقة بينى وبين ابنة
والدى كرشنى من البيت لمدة اسبوع مع ان الراجل اللى غلطان
ومازلت لحد الان اسأل نفسى السؤال دة
لو كان الكبير مش محترم الصغير يحترمه ازاى
تحياتى يأخ ياسر وباذن الله متابع معاك يمكن الاقى جواب من ناس ذات خبرة
يا مان انت كلامك صح 100%
بس برده حقولك حاجه انك تحترم الاكبر منك ده شئ وصانا عليه نبينا مش بقولك وطى فى الارض و اتكسف لا سلم عليه
و طالما هو م اذاكش احتقره بس برده السلام واجب
غلط فيك و لا تعبره
عايز مناقشه وكمان نقض لو انا بقول كلام غلط
يا مان انت كلامك صح 100%
بس برده حقولك حاجه انك تحترم الاكبر منك ده شئ وصانا عليه نبينا مش بقولك وطى فى الارض و اتكسف لا سلم عليه
و طالما هو م اذاكش احتقره بس برده السلام واجب
غلط فيك و لا تعبره
عايز مناقشه وكمان نقض لو انا بقول كلام غلط
كلامك صح
بس على فكرة فى مصر هنا مهما بقت النخوة والرحمة منعدمة
بس برضة مصر اكتر شعب فيها رحمة
وبعدين طول عمرنا بنحترم الناس الكبيرة
اللى بتساعد بكلامها الحلو بدعوتها اللى على الصبح دى
مش راجل كبير شايب يقول كلمة واحدة يوقعك فى ابوك
دا مش هاحترمة طبعا
ولو جت على السلام اللى بحس من جوا قلبى
انى مطمنلة بقولة السلام عليكم
تحياتى وتقبل ردى
™_Beso_™
14-07-2010, 06:32 AM
ايوه كلامك صح 100%
Hell Knight2
14-07-2010, 04:25 PM
بص عيش فى الدنيا دى بدماغك و فكك من العادات والتقاليد و شوية الحاجات المتخلفة اللى خنفانا دى و مخلينا ورا
يعنى اللى انتا شايفه محترم احترمه غير ملهوش عندك حاجة
DarkM@n
14-07-2010, 05:53 PM
من انهرده مفيش كبير احنا الكبار :ranting2::ranting2::ranting2:
وائل شكرى
14-07-2010, 06:34 PM
و الله كل كلامك صح و 100/100
ValnTino
14-07-2010, 06:44 PM
صح كلامـــك :lighten:
No_Rules
14-07-2010, 07:17 PM
لا حول ولا قوة الا بالله
بقول الموضوع مفتوح للمناقشه
كل واحد داخل يقولى كلامك صح
طيب تم حذف جميع المشاركات اللى خارج المناقشه
عشان يبقى كلامى صح اكتر :shifty:
super_man619
14-07-2010, 07:18 PM
الكبير
:mf_crackegg:
ده راجل ابن ستين ***
:dunce:
اوعي تاكل من عنده تاني
:mf_unclesmile:
هايجليك حزنبول في ***
:zapping:
هوه لو الكبير مش محترم زي حلاتك كده يا ياسر
:stun:
ابن خالته الصغير هيضربه علي قفاه زي حالتك كده يا ياسر
:biker:
Jiraya Sama
14-07-2010, 08:36 PM
احترام الكبير واجب اه
بس للاسف...تفكير الصغار بقى ضيق شويه
اصل زمان لما الكبير كان بيوجه للصغير اهانه كان الصغير مش بيقدر يرد فدا كان الاحترام زمان
دلوقتى الكبير لما يطبطب على الصغير الصغير اكيد بيحترمه
بس لو حد كبير وجه اهانه لصغير للاسف الصغير مش بيسكت:confuzzled:
Gl4Di4ToR
14-07-2010, 08:52 PM
بسم الله الرحمن الرحيم
"وأدفع بالتي هيا أحسن" صدق الله العظيم حتي لو واحد أساء اليك صغير او كبير و بصراحه احنا فقدنا مهارت التحدث و المناقشه سواء مع الكبير والصغير يعني مثلا تكلم واحد اكبر منك يقلك انا اكبر منك و عارف اسكت انتا ملكش فيها مش مثلا يناقش راء ممكن يطلع صح و طلعه شويه عيال صغيرين مفيش احترام بصراحه يستاهلو بالجزمه ,,,,, يلا بجد أحنا فقدنا أحترام الحديث و الكبير و الصغير و كل حاجة دلواتي مفيش لا شباب بقي علي لسانو الشتيمه و قلة الادب الا القليل والنادر اوي
White Angel
14-07-2010, 09:27 PM
لو كان الكبير مش محترم الصغير يحترمه ازاى ؟
أنا من وجهة نظرى المتواضعة مــش هحترموا طالما هـــو مشـ محتــرمــ نفسه هـ احترموا أنا ازاى
اكبر منك بيوم يعرف عنك بسنه !!
المقولة دى اللى قالها راجل حمار لأمؤاخذة فى ناســ أكبر منى بس بهايمــ بما تحمله الكلمة من معنى
شكــــراً يـــــ ياسر ـــــــا على الموضوع
omar007
14-07-2010, 11:15 PM
بص يابنى انا ليا مبدء
احترم اللى يحترمنى وماعبرش اللى مش محترم
DeadlY_Wave
14-07-2010, 11:28 PM
لو الكبير ده قد والدك و انت محترمتوش اكيد هتيجى ناس من سنك ومش هتحترم والدك او همك او او او........
خلص الكلام
alex_staf
14-07-2010, 11:35 PM
موضوع جميل جدا يأخ ياسر
وحلو اوى سؤالك اللى بيقول
وحلوة اوى المقارنة برد الافعال اللى جت دى
اهو بسبب انى رديت على جارى صاحب الــ 55 عاما
علشان انا عديت وصلة النت من فوق عامود الكهربا اللى بيمر من امام بيتة
بعد ماشد السيلك قطعة علشان فى اعتقادة ان النت مفيهوش غير الحاجات اللى بالك منها
وبعد مناقشة تحولت بعدها الى خناقة بينى وبين ابنة
والدى كرشنى من البيت لمدة اسبوع مع ان الراجل اللى غلطان
ومازلت لحد الان اسأل نفسى السؤال دة
تحياتى يأخ ياسر وباذن الله متابع معاك يمكن الاقى جواب من ناس ذات خبرة
ردك حلو بس في حاجه
انت لما شتمت الراجل الكبير
ابوك غلطك و كرشك من البيت صح
برده احترام الكبير واجب و حتي و لو هو راحل مش محترم
ده الي بيقولو عليه الادب بجد و حتحرجه بزوقك
بس كده
و انا دلوقتي قاعد في ترام و جه راجل كبير
و انت راجع من الشغل او المدرسه مهنج
وقالك قوملي و قولتله لا حتلاقي كل الترام غلطك و قالو قليل الادب
احترم الكبير و لو لباب الله عشان محدش يغلطك
DeadlY_Wave
14-07-2010, 11:41 PM
ردك حلو بس في حاجه
انت لما شتمت الراجل الكبير
ابوك غلطك و كرشك من البيت صح
برده احترام الكبير واجب و حتي و لو هو راحل مش محترم
ده الي بيقولو عليه الادب بجد و حتحرجه بزوقك
بس كده
و انا دلوقتي قاعد في ترام و جه راجل كبير
و انت راجع من الشغل او المدرسه مهنج
وقالك قوملي و قولتله لا حتلاقي كل الترام غلطك و قالو قليل الادب
احترم الكبير و لو لباب الله عشان محدش يغلطك
وكمان الادب فضلو عن العلم:banned:
No_Rules
15-07-2010, 12:12 PM
تمام ومستنيين باقى الناس :snog:
ZeRo-CoOl
15-07-2010, 01:05 PM
شكرا ياياسر على الموضوع الرائع
_SanDer_
15-07-2010, 01:15 PM
و الله العظيم عندك حق !!
_SanDer_
15-07-2010, 01:16 PM
انا معاااك !
egyboy4fun2
15-07-2010, 02:46 PM
لا المفروض طالما الكبير مش محنرم يبقى ما نحترمهوش
blackice_007
15-07-2010, 02:56 PM
هههههه هعملو عادي بردو بحترام بس من جوايا هستحقرو ومش هيبقي قدوتي
الكبير طبعا لازم احترمه بس فى حالة انه يقل ادبة
كدا يبقى ولا كبير ولا صغير واديلوة فوق دماغة كمان
مش معنى انة كبير يطنططت عليك
الاحترام لليحترمك فى الزمن دا
:dry::throw:
vBulletin® v3.8.11, Copyright ©2000-2026, vBulletin Solutions, Inc