المساعد الشخصي الرقمي

مشاهدة النسخة كاملة : ¤©§][§©¤][ فتيان الليل.....وفتيات الليل..... ][¤©§][§©¤


! FiRe !
20-03-2010, 09:27 PM
http://farm3.static.flickr.com/2386/2458241985_86cb5d93fd_o.gif

http://farm3.static.flickr.com/2284/2458705101_a9ab673f53_o.gif

طبعا كلنا نسمع عن فتيات وفتيان الليل ، فتيات الليل ، اظن مش محتاجين شرح ، اما فتيان الليل ، فهما اللى بيجوا بعد الناس ما تنام ، والشوارع تفضى ، ويسندوا عالعربيات ، ويفتحوا ورق البفرة ، ويلفوا سجاير ملغمة ، ماركة كوكو الضعيف .



شباب ليلنا المرادى ، حاجة تانية خالص ، هما صحيح ليهم علاقة بالسجاير الملغومة ، بس مش بيشربوها ، دول بيصادروها ، هتقولولى شربة ، قصدى شرطة ، هقول لأ ، بالعكس تماما ، دول فى نظر الشرطة مجرمين ، لانهم بيخالفوا القانون ، ويحققوا العدالة ، وللاسف القانون يفرق عن العدالة كتير لانه صراحة اذا توغلنا الى لب الموضو.........



تعالوا تعالوا ، انا مش بحب الرغى ولا عايز اصدعكوا ، انا هحكيلكوا على الموضوع من اول طأطأ لسلامو عليكو ، يلا بينا:



"امجد"



"امجاااااااااااد"



"امجااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااااااااااااااااااااااااد"



امجد : ايه ايه يا غبى انتا ، مين الحمار اللى بينده كده ، ايه يا زفت يا محمد يا اشرف عايز ايه ، امشى ، معندناش اكل يلا من هنا .



محمد : لا متخفش انا واكل بتاع الفول من شوية ، يعنى مش جعان ، انزل عايزك ، مش هعرف اكلمك من الدور ال13 يا بنى ادم .



امجد : يلهوى ، كلت بتاع الفول؟؟؟؟؟!!!!!!



امجد: لا يا عم انا عايز اكمل البلاى ستيشن .



محمد : انزل بدل ما اطلع اكلك وربنا .



امجد : خلاص خلاص ، نازل اهو،


مامااااااااااااااااااااااااااااااااا ، ماما ماما ماما ماما مامااااااااااااااااااااااااااااااااااا



الحجة: ايه يا واد عايز ايه ، حد ينده كده ، جتك داهية وانتا شبه صحبك الحمار اللى بينده دا



امجد : حوشى يا ماما لحسن دا سمعه مرهف اوى ويسمعك والله ،



محمد من تحت : مين اللى بيشتم يااااااااااااااااااااااااض ، وربنا هطلع اكل الشقة باللى فيهااااااااااااااااااا ، نياهااهاهاهاهاها.



امجد : مش قلتلك !!



الحجة : ()_() !!! ، خلصنى عايز ايه ،



امجد : عايز انزل مع رامبو اللى بيجعر تحت دا .



محمد : سااااااااااااااامعك ولما تنزلى هعرفك مقامك .



امجد : ييييييييييييييييييه ، الواد دا ايه ، تعلب ، الله يحر.... ، ولا بلاش لحسن.....



محمد : احسن بردو خليك بكرااااااااامتك.



الحجة : يلهوى ، انزله يابنى انزل وخلصنا منو ، انا مش عارفه بتصاحبوهم منين دول



امجد : شكرا يا ماما بس.....



الحجة : الدولاب جوا خد الفلوس كلها ، بس انزلللللللله !!!



محمد : وهات 10 جنيه معاك يا يوزرنامو وانتا نازل عشان بتاع الفووول.



امجد فى سره : الله يلعن اليوم اللى عرفتك فيه .



امجد : شكرا يا امى ، سلااااااااااااااااااااااام.

http://hajisqssu.jeeran.com/v22.gif
http://hajisqssu.jeeran.com/v23.gif



ونزل الضحية ، قصدى امجد الى رامبو محمد عشان يروحوا مكان غريب ...... تعالوا نتابع....



محمد : ايوا باس هنا .



امجد : ايه دا يبنى دى خرابة ، انتا جايبنى خرابة؟؟ ، لا اوعى يكون اللى فى بالى انا ابويا امن دولة يوديك ورا الشمس ....



محمد : انتا عبيط ياض ، امن دولة ايه ، هى فين الدولة دى اساسا ، مش موضوعنا ، الخرابة دى يا غبى ، سمعت منها اصوات امبارح وانا واقف فى البلكونة .



امجد : البلكونة؟؟؟؟؟؟؟؟؟؟ ، انتا بيتك الشارع اللى ورا !!!!!!!


محمد : مانا كنت واقف فى البلكونة اللى ورا يا حمار !!! ، غبى والله غبى ، المهم دلوقت ، سمعت اصواات كده ، قلت انزل اجيب سجاير واشوف ايه النظام .


امجد : ايه دا انتا بتشرب سجاير؟؟؟؟؟؟؟؟؟؟؟؟؟؟؟؟


محمد : دى لبابا يا حمار ، يا ربى ليه رزقتنى بواحد غبى زى دا .


امجد : اه معلش نسيت ان والدك بيشرب سجاير.


محمد : ما علينا ، نزلت اشوف ايه النظام ، لقيت شوية شباب داخلين جوا ، قربت عشان اسمع كويس، انتا عارفنى بسمع حلو ، لقيتهم بيتكلموا عن لف وبتاع ، قلت اكيد سجاير ملغمة ، شوية ولقيتهم داخلين بظابط شرطة مكتفينه ومكممينه !!!!!!!!!!


امجد : ينهار اسود ، ظابط شرطة ومكممينه؟؟؟؟؟؟؟؟؟؟ دى مصيبة سودا ، انا هاقول لبابا .

ولسه هيطلع الموبايل ، محمد : استنى انتا بتعمل ايه ، انتا غبى ، لو باباك عرف هتبقا مشكلة وسين وجيم ونون كمان ، احنا خلينا كده وراهم لحد ما نشوف اخرهم ، واحنا ملناش دعوة ، زمان الشرطة اساسا بتدور عالظابط بتاعهم وبعين.............


"انتا ياض انتا وهو ، بتعملوا ايه عندكو"


قال محمد من غير حتى ما يبص وراه يشوف مين : اجرى يلا اجرى اجرى اجرى .

طبعا امجد خفيف ، فسبق بكتير ، فتحول نداء محمد الى : لا متجريش استنى ياض استنى استنى استنى .


وطبعا امجد مستناش وخد ديله فى سنانه وقال يا فكيك وياروح ما بعدك روح .

وتعب محمد وسط السكة ووقع على الارض من كتر التعب ، ولكن الشخص الى كان بيطاردهم مكنتش بالنسباله مشكلة خالص ، وحصل محمد ، وقرب منو ، وطلع قصافة من جيبه ، وقرب على محمد ، وفضل يقرب يقرب ، ولما حس محمد باقتراب الشخص ، التفت وراه ، وفجأة!!!!!!!!!!!!!!!!!!!!.

http://hajisqssu.jeeran.com/v22.gif

الباقى الحلقة الجاية ^^ ، خليكم متشوقين ^_*

Iam_Muslam
20-03-2010, 09:31 PM
فجأاااااااااااااااااااه ايه اللى حصل؟؟؟
موضوع جميل جدا
تسلم ايدك .......

This is i'am
20-03-2010, 09:37 PM
يا عم ليه تشوقنا كدا دا انا كنت ميت من الضحك حرام عليك
مشكور يا بوب ومستنى الحلقه التانيا

michilvxv
20-03-2010, 09:41 PM
موضوع مميز شكرا

omar007
20-03-2010, 09:52 PM
هثبتهالك على شرط
تنزلى على الاقل كل يومين حلقه
والله العيال دول واحشنىلا ياض وبذات محمد اشرف امجد بكمله كتير اما اللى عامل زى التعلب ده واحشنى اوووى والله ولا بيفتح الميل ولا اى حاجه

!_Secotrr_!
20-03-2010, 09:54 PM
اصلى جدا جدا جدا
موضوع يجنن
شكــرا ^^

!_Secotrr_!
20-03-2010, 09:57 PM
اصلى جدا جدا جدا
موضوع يجنن
شكــرا ^^

_BabY LoVe_
20-03-2010, 09:59 PM
الله ينور الف شكر يا بوب

omarxx035
20-03-2010, 10:05 PM
موضوع جامد موت

King_of_WizZ
20-03-2010, 10:05 PM
جامدة والله
الحلقة الجاية امته :d

cheetos5060
20-03-2010, 10:06 PM
يا عم نزل الحبقة التانية عايزين نعرف هينيلو اية بس اسلوبك حلو فى التشويق و لو منزلتش الحلقه هزعل و هتلعلك قصافه :):):)

Last Song
20-03-2010, 10:12 PM
موضوع يجنن
شكــرا

StarWars
20-03-2010, 10:31 PM
وبعدين يا عم بعد وفجأة!!!!!!!!!!!!!!!!!!!!.

حصل ايه

موضوع جامد اوى وفعلن لو نزلت يومين حلقة يثبت زى ما عمر قلك

MoST_WanTeD
20-03-2010, 10:31 PM
موضوع جامد كمل بس

! FiRe !
20-03-2010, 11:36 PM
شكرا جدا يا شباب عالمرور
وان شاء الله اكمل الحلقات
انا فاتح الجهاز من ورا ابويا اساسا ههههههههههه
يعنى هرجع من المدرسة احاول اخنصر ساعتين ولا حاجة واكملها
هو حاليا فيه حلقة تانية جاهزة
يعنى العملية فى بيتها
وشكرا جدا لمروركم المتميز كلكم يا شباب

STRQUEEN
20-03-2010, 11:56 PM
مستنيين الحلقة يا برنس

SUN_boy
21-03-2010, 12:18 AM
موضوع جامد موت
مشكووور يا مان

Helen2050
21-03-2010, 12:25 AM
مشكور

L0RD_Slaiver
21-03-2010, 01:29 AM
موضوع جامد و الله

تسلم

ahmed_foox
21-03-2010, 02:22 AM
ya 3am ih aly 7asl

ValnTino
21-03-2010, 02:28 AM
مشكور :)

A_R
21-03-2010, 02:42 AM
موضوع جااااااااااااامد مستني الحلقه الجديده

BiG_STRONG
21-03-2010, 02:59 AM
مرسى:)

! FiRe !
21-03-2010, 02:18 PM
مشكورين يا شباب عالمرور

Ghost_Arrow
21-03-2010, 03:48 PM
لول هههههههههههههههههه

دي عيال ولاد تيييييييييييييييت d:

يلا لما نشوف اللي طلع قرن غزال من جيبو ده

هيعمل ايه

Ğ_Unit0
21-03-2010, 03:51 PM
هههههههههههههههههههههههههههههههههه


ايوة كدا يا عبدووو والنبي كمل الحلقة والنبي

هههههههههههههههههههه

TitO_EgY_
21-03-2010, 04:16 PM
موضوع جامد موت
يا راجل اتقى الله وبزعل اوى لما اشوف واحد التوقيع بتاعوه أيات قرأنيه ويكتب توقيع زى ده ؟؟؟؟؟؟؟؟؟؟؟ ! :mad:

_DIDO_
21-03-2010, 04:44 PM
هثبتهالك على شرط
تنزلى على الاقل كل يومين حلقه
والله العيال دول واحشنىلا ياض وبذات محمد اشرف امجد بكمله كتير اما اللى عامل زى التعلب ده واحشنى اوووى والله ولا بيفتح الميل ولا اى حاجه

+11111111111111


و حيات امى لو الناس ديه رجعت المنتدى هيرجع زى زمان و احسن

كانوا مديين طعم للمنتدى


و انا عارف القصه ديه ^^


كنت منزلها انت و امجد باين زمان

Private
21-03-2010, 05:13 PM
شكرااا
فى انتظار الباقى

amoor_
21-03-2010, 05:19 PM
جامدة جدا و تستحق التثبيت

A_R
21-03-2010, 06:10 PM
الحلقه الجديده فيييييييييييييييييييييييييييييين ؟

! FiRe !
21-03-2010, 08:07 PM
شكرا يا شباب
والحلقة الجديدة بكرا ان شاء الله

iP4wn
21-03-2010, 08:27 PM
مستني الحلقه الجديده :d

™_Beso_™
21-03-2010, 08:43 PM
اصلى يا مان
مستنى الحلقه الثانيه