المساعد الشخصي الرقمي

مشاهدة النسخة كاملة : اختبار ذكاء المصريين


BiG_STRONG
19-03-2010, 03:02 PM
بعد النجاح الساحق الذي حققته امتحانات الحصول على الجنسية المصرية ( والذي قدمته freebird ) . .
جاء الجزء الهام والأهم . .
وهو اختبار قياس ذكاء المواطن المصري . .
و لأن المواطن المصري هو واحد من أذكى ثلاث مواطنين على سطح الكوكب و هم . . .


1- انسان الكهف . . وهو الذي اختبأ بمحض ارادته من الديناصورات


2- انسان الغاب طويل الناب . . وهو الذي خرج من الكهف بعد انقراض الديناصورات


3- انسان مصر . . وهو الذي يخرج من كهفه نهاراً و يصطدم بالديناصورات بحثاً عن لقمة العيش . . وفي المساء يختبئ في الكهف ليشاهد مباريات المنتخب .


هناك من شكك في ذكاء انسان مصر . . لذلك قرر عمدة القرية الذكية إجراء اختبار لقياس مستوى ذكاء المواطن المصري . . وكان شروط الاجابة كالتالي :


أ- أن زمن الاجابة فترة واحدة تجدد بموافقة مجلس الشعب .


ب- ويشترط كتابة الاجابات بقلم حبر فسفوري و أنه لن يلتفت لأوراق الاجابة غير المرفق بها طابع شرطة .


جـ- سيكون الامتحان تحت اشراف . . القضاء في الاسلام




الاسئلة مصحوبة باجابات نموذجية . .




1 - هل صحيح أن كتر السلام يقل المعرفة ؟


* صحيح فيما عدا السلام مع اسرائيل . . فكتر السلام معها يُعمق المعرفة والبزنس .



2- لماذا القانون لا يحمي المغفلين ؟


* علشان يوفر فرص عمل للبلطجية .



3- القيادة السياسية تدرس مع القادة العرب فرص إحياء عملية السلام . . ما تعليقك ؟


* أهي دي بالذات حاجة محدش يقدر يحيها إلا اللي خلقها



4- 87 % من الشعب المصري ساخطون على الحكومة المصرية . . ما تعليقك ؟؟


* الـ 13 % الباقيين موجودين في بورتومارينا .



5- أيه المشكلة في كتابة التاريخ عندنا في مصر ؟


* المشكلة إننا نكتب التاريخ بنفس الطريقة اللى بنربي بيها أولادنا . . مابنقولهمش على الحقيقة . . .
بنقولهم على اللي احنا عايزنهم يعرفوه بس .



6- 45 % من المصريين مصابين بمرض السكر . . ما تعليقك ؟


* أدي اللي اخدناه من الحلواني اللي بنى مصر .



7- ما أهم مظاهر الفهلوة عند المصريين ؟


* إنهم يشكـّون في الشحات .. ولا يشكـّون في النصاب



8- بعد اضطهاد النادي الاهلي لنادي الزمالك و المتمثل في التنكيل به ذهاباً و إياباً . . ماذا تتوقع لجماهير الأخير ؟


* أتوقع ان نقرأ قريباً عن زملكاوية المهجر .



9- ماتعليقك أن 65% من الشباب اليوم لايمانع من الزواج من امرأة مطلقة ؟


* لا شيئ يفوق الخبرة .



10 - ليه في ناس هتروح النار ؟


* لأن الـ. . . . بعد ما تتلم لازم تتحرق .



11- ما الفرق الأهم بين مصر و أمريكا ؟


* الفرق أن عائد السياحة من الهرم المزيف الموجود في لاس فيجاس مئة ضعف عائد السياحة من الهرم الحقيقي .



12- ما هي أهم قاعدة موجودة في مصر ؟


* ان مفيش قاعدة لأي حاجة .



13 - ما وجهة الشبه بين السد العالي و قانون الطوارئ؟


* الاثنان مصدر كهربا .



14- لماذا يُطلق الرجال المصريين على زوجاتهم لقب ( الحكومة ) ؟


* لصعوبة تغييرها مهما تسببت في كوارث .



15 - ليه أكتر ناس بياخدوا مواقف معارضة جريئة هم الناس بتوع الغزل والنسيج ؟


* علشان بيشتغلوا في القطن . . والقطنة مبتكدبش .



16 - امتى بتحس ان البلد حلوة ؟
* مبحسش ان البلد حلوة إلا لما أسمع داليدا بتغني وتقول ( حلوة يا بلدي . . ) بغض النظر عن أنها قالتها وانتحرت !



17 - لماذا تحاول الحكومة المصرية الغاء مجانية التعليم؟


* علشان محدش بيتعلم ببلاش .



18 - امتى هناكل جوافة من انتاج مزارع توشكى؟


* المفتي قال الجوافة اكلها حرام .



19 - تكلم بوجهة نظرك عن في اختراع الموبايل ؟


* نتكلم بالليل .



20 - ما المسلسلات العربية ؟


* هي الضلع الذي حوّل مثلث ( الجهل والفقر والمرض ) إلى مربع .



21- لمن ستتبرع بأعضائك عند موتك ؟


* أنا ساتبرع بجسدي كله لأبحاث الخيال العلمي .



22- ما الدليل أن مصر بلد أمان ؟


* الدليل أن الواحد بيتردد ألف مرة قبل ما يدخل قسم شرطة .



23 - ايه الكلمة اللي متحبش تتقال وانت في أوضة العمليات ؟


* كلمة يا خسارة .



24 - ما الفرق بين الزوجة المصرية والزوجة اللبنانية ؟


* 30 كيلو تقريباً .



25 - بماذا ستجيب كمصري اذا سألتك الأن عن عمرك فيما أفنيته ؟


* أفنيته في اشارة قصر النيل مستنيها تفتح . . و في صلاح سالم مستنيه يتحرك . . وعلى كوبري أكتوبر مستني لما رئيس الوزراء يروح .



26 - من المستفيد من الزحام الذي يُسيطر على شوارع القاهرة ؟


* المستفيد الأول : شركات المحمول . .
لأن الكل واقف في الاشارة بيتكلم في الموبايل بيخلص شغل او بيعتذر عن التأخير أو بيسلي نفسه على الاقل . .
والمستفيد التاني : إدارة المرور . . لأنها هتجمع مخالفات الكلام في المحمول اثناء القيادة .
المستفيد التالت : الشركة الشرقية للدخان حيث يتزايد معدل الحرق للتنفيث .
المستفيد الرابع : الهيئة العامة للبترول حيث يزيد حرق البنزين على الفاضي اثناء الوقوف .
المستفيد الخامس : أطباء الأمراض الصدرية . .
المستفيد السادس : المعلنون على اذاعة نجوم FM .
المستفيد السابع : شركات الأدوية المصنعة للأدوية المهدئة .



27 - ايه أكتر حاجة بتجمعنا كمصريين ؟


* حبنا للكابتن أبو تريكة .



28 - أذكر اسم شخصية عامة معروفة مابتكبرش ابداً ؟


* بـكـــــار

Titanic
19-03-2010, 03:06 PM
شكرا على الموضوع

super_man619
19-03-2010, 03:14 PM
ما أهم مظاهر الفهلوة عند المصريين ؟


* إنهم يشكـّون في الشحات .. ولا يشكـّون في النصاب


ههههههههههههههههههههههههههههههههه

ديه جامده فحت

A_R
19-03-2010, 03:18 PM
موضوع جميل

BiG_STRONG
19-03-2010, 03:24 PM
موضوع جميل
ده انت الى جميل
ما أهم مظاهر الفهلوة عند المصريين ؟

عندك حق
* إنهم يشكـّون في الشحات .. ولا يشكـّون في النصاب


ههههههههههههههههههههههههههههههههه

ديه جامده فحت
مهى ده حقيقة
شكرا على الموضوع
مشكور لمرورك

up3r^Fla$h$
19-03-2010, 03:25 PM
هههههههههه
جامد يا مان

SoOHisokaOoS
19-03-2010, 03:40 PM
ههههههههههه جامد طحن

BiG_STRONG
19-03-2010, 03:45 PM
هههههههههه
جامد يا مان
مشكور لمرورك
ههههههههههه جامد طحن
مشكور لمرورك

MoST_WanTeD
19-03-2010, 03:49 PM
موضوع كويس

Hell Knight2
19-03-2010, 03:55 PM
15 - ليه أكتر ناس بياخدوا مواقف معارضة جريئة هم الناس بتوع الغزل والنسيج ؟


* علشان بيشتغلوا في القطن . . والقطنة مبتكدبش .



هههههههههههههه

موضوع جامد جدا

mig25
19-03-2010, 03:57 PM
موضوع جاااامد فحت بالذات بتاعت عمرك فيما افنيته هههههههههههههههههههههههه

BiG_STRONG
19-03-2010, 04:53 PM
موضوع كويس
مشكور لمرورك
هههههههههههههه
مشكور لمرورك
موضوع جامد جدا
مشكور لمرورك
موضوع جاااامد فحت بالذات بتاعت عمرك فيما افنيته هههههههههههههههههههههههه

مشكور لمرورك

Private
19-03-2010, 04:57 PM
ههههههههههههههههههه
جاااااااااامد اووووى
لو انت المؤلف تبقى
بــــــرنــــــــــس

! FiRe !
19-03-2010, 05:38 PM
والله هم يبكى وهم يضحك
مشكور

BlAk_DrAgOn
19-03-2010, 05:49 PM
نت من الاعضاء المميزين المعترف بيهوم بجد شكرا على الموضوع

BiG_STRONG
19-03-2010, 06:06 PM
ههههههههههههههههههه
جاااااااااامد اووووى
لو انت المؤلف تبقى
بــــــرنــــــــــس
فى خد فى دماغه حاجة اليومين دوول الا قلة الادب؟ مشكور لمرورك
والله هم يبكى وهم يضحك
مشكور
مشكور لمرورك
نت من الاعضاء المميزين المعترف بيهوم بجد شكرا على الموضوع
مشكور يا باشا