المساعد الشخصي الرقمي

مشاهدة النسخة كاملة : مـــوضــوع تــافــه

omar007
17-03-2010, 04:23 PM
http://ahyaarab.net/images/446.gif

http://www.yabdoo.com/users/55389/gallery/3551_p126232.gif

* النهارده حبيت اعملكم موضوع تافه
* لان الاعضاء بقى هو ده اللى يعجبهم
* طبعا انا عن نفسى بكره المواضيع ديه
* بس جاى اتناقش معاكم فيها
* قبل اى حاجه انا مش بتكلم عن حد معين حطوا الكلمه الملحوظه دى فى دماغكم

http://www.yabdoo.com/users/55389/gallery/3551_p126235.gif
* وادى الموضوع عشان محدش يقول ان مافيش موضوع اصلا

*اعتبره ان ده موضوع

*يجيى عضو يعملنا موضوع

* العنوان ( يبقى انت اكيد فى مصر )
ايه هو الموضوع اللى هيعملوا
الموضوع اهو
http://upload.7bna.com/uploads/446a6356e9.jpg
* ده على اساس ان اليوم فيه 25 ساعه مش 24

* بس خلاص خلص الموضوع ونزل التوبيك
* تبص تلاقى الردود فوق ال20 رد فى الساعه
http://www.yabdoo.com/users/55389/gallery/3551_p126235.gif
* وده موضوع لعضو تانى يا جماعه موضوع جديد يعنى نازل فى القسم هنا

* التوبيك اهو

*مرة واحد عصبى ضرسه وجعه راح للدكتور
الدكتور قاله انت بتشكى من ايه قال له انت شايف الضرس ده قاله ايوه قاله شيل كل الضروس الى حوليه وسيبه زى ال*** لوحده

* بعيدا عن انها نكته بايخه او لا

* بس انت تلاقى العضو عامل موضوع بحاله على نكته وخلص الموضوع وبقى توبيك وتلاقى
الردود نزلت ب العبيط


* يا فرحتى لما املا القسم كل موضوع بنكته وتلاقيه نفس العضو بعديه عاملك موضوع تانى عشان هو عنده موضوعين فى اليوم بصوره واحد زى اللى فوق دى وبقى عاملنا موضوعين وبقى عضو نشيط فى عين الاعضاء

* واليوم اللى بعده يجبلنا نكته جديده بايخه وصوره فاضحه لمصركالعاده

* وبقى عامله 4 توبيكات فى يومين والردود كلعاده فوق الفظيع وتحت المريب

http://www.yabdoo.com/users/55389/gallery/3551_p126235.gif

*اعتبره ان ده توبيك جديد
* عنوانه ( فزروه صعبه جدا )

التوبيك اهو

حاجه اسمها زى لونها ؟

اللى يعرفها يبقى واد برنس

* طبعا الاجابه معروفه

* هى البيـــــــــــــــــــض

* خلاص خلص التوبيك وتلاقيه اول عضو مش عارف الاجابه ويدخل يستهبل يقولك فرخه

*وتلاقيه اللى بعديه دخل يقولك بيض زيك

* وتلاقى كل الاعضاء دخلت قالت بيض مع ان اول واحد او تانى واحد جاوبها بس لازم الاعضاء تبصم فى الموضوع بدال هو موضوع تافه انما لو موضوع مهم ولا فى حد يرد

* و تلاقى الاعضاء وبتشجعه العضو على انه يعملنا موضوع بيض تانى
اصدى موضوع فزوره تانى

*وكل ده فى توبيك
اصل الباشا مش قادر يتعب نفسه ويعملنا توبيك عليه القيمه

http://www.yabdoo.com/users/55389/gallery/3551_p126235.gif

* موضوع اخر ن الاعضاء الكاسلانين
اللى مش عايزين يتعبوا نفسهم وعايزين مواضيعهم تتثبت من غير اى تعب

* اسم التوبيك ( موسوعه كذا كذا كذا )

* طبعا انا مش هكتبلكم موسوعه هنا

* تدخل تلاقيه الموسوعه نازلها كلها مره واحد زى جريده الاهرام يوم الجمعه الساعه 2 الضهر بعد الصلاه

تلاقيى الووسوعه نازله فى 4 ردود مره واحد
كل الكلام بحجم 3 درجات
الكلام كله بفونت معفن
الكلام كله لونه اسود

ويا ويله اللى هيفكر يقرا

هيفضل انه يروح يذاكر ماده الجولوجليا و الفيزياء فى 3 ثانوى ارحمله من اللى هيقرا

* واصلا وقبل كل ده مليون % ان العضو اللى منزل التوبيك مابيكونش قراه الموضوع

* بس هو عايز يبقى متواجد فى قائمه الاعضاء النشيطه اللى موضوعها مثبت

* الاعضاء يدخل تقول انت 100% موضوع يستحق التثبيت ده على اساس انهم هما اللى قروا الموضوع

* انا عن نفسى لما بكون عايز اعمل موضوع كبير

* الفكره بسيطها جدا بس بالنسبه للاعضاء النشطه بجد مش الكسلانين

* يعنى انك تجزء الموضوع كل يومين على جزء وظبط اللون كده والفونت و الحجم والزخرفه بتاعت الموضوع

* اولا هتحبب الاعضاء انهم يقروا ومايتهوش فى الموضوع ومش هيتعبوا لانه كل ويومين جزء عادى خالص افضل من انك تنزله كله مره واحده

* مثلا انت لما بتشترى كتاب تقرا مثلا يعنى انا عارف انه م بيحصل

* بتقراه كله مره واحده ؟؟ !!

اكيد لا كل يوم بتقرالك صفحه او اتنين ب الكتير

http://www.yabdoo.com/users/55389/gallery/3551_p126235.gif

الاعضاء اللى مابتغيرش مواضيعها بقى


* كل مواضعيهم عباره عن حاجه واحده


* مثلا ياما يفضل كل مواضيعه تهيس فقط لا غير او مواضيع رومانسيه فقط او صور فقط وكده يعنى


* العنوان ( اهلا ب المهيسين )


* الموضوع التانى لنفس العضو ( متركزش عشان ماتهيسش)


* الموضوع اللى بعده

( عيش مهيس تموت كويس )



* كلها مواضيع مضحكه اه بس تافها
انا مش هقولك ماتعملش يا سيدى موضووع تهيس بس مش كل مواضيعك تبقى نوع واحد


* بردوا زى عضو تانى يجيى
يعملنا كل مواضيعه شعر ورمانسيه ويعيش فى الدور


* اسم التوبيك

( انتى حبيبتى )

* تخش تلاقى الموضوع شعر ورومانسيه وكده

* اللى بعده لنفس العضو


( اعشقك محبوبتى )


* تانى يوم لنفس العضو
( احب حياتى لانك حبيبتى
)

* وهكذا كل مواضعيه مابغيرش

* متلاقيش فرق بين المواضيع غير صغيه الكلام فقط

* يعنى ياريت الاعضاء تنوع
* مره يبقى موضوع مهيس مره رومانسى مره صور كوميديا مره معلومات اول مره نعرفها وكده مانفضلش على نوع واحد

http://www.yabdoo.com/users/55389/gallery/3551_p126235.gif

* اما بقى فى اعضاء تموت فى الاسبام


* ادخل التوبيك تلاقى مسابقه
( قول اللى فى نفسك )

* تدخل تلاقى الشرح اللعبه وكده
ب المختصر المفيد كل عضو يقول رقم واللى يجى عليه رقم 10 يقول نفسه فى ايه

* والاسبام ينزل والعضو يطلعله ب يجى 50 مشاركه من المسابقه
مالهاش لازمه فى الحياه

* الموضوع مفتوح للخناقه اصدى للمناقشه

http://www.yabdoo.com/users/55389/gallery/3551_p126235.gif

تحيات007
Ahmed Tamim
17-03-2010, 04:25 PM
ولا انا فاهم حاجة خلاص :d
omar007
17-03-2010, 04:29 PM
ولا انا فاهم حاجة خلاص :d

الموضوع نازل فى الدقيقه 23 وانت رديت فى الدقيق 25
لحقت تقرا الموضوع فى اقل من دقيقتين

وبعدين مش فاهم ليه الكلام عبرى ولا حاحه
Cup
17-03-2010, 04:36 PM
ههههههههههههههه

والله عندك حق

مش تأييد والسلام


بس دة اللى بيحصل

والموضوع دة ممكن يضحى ناس

كتير ويعدلو من نفسهم ومن مواضيعهم

شوية ويأخدوهوها بجدية اكثر
Osc@r
17-03-2010, 04:40 PM
طب اسمع ديه

فاكهة سورها اخضر

قليبها احمر

سكنها سود

و مفتاحها حديد

و اول حرف منها ثـ

لو جاوب

ليك مني اجمل 5*


يالا تفاهة بتفاهة
_DIDO_
17-03-2010, 04:51 PM
,احد فى سياحه و فنادق جاب ملحق سلطه

ايه يابنى ده امسحوا عشنا ملوش لازمه و فعلا الناس مبقاش يعجبها غير كده

و انت بقثيت زيهم يا عمر انا لما باجى اعمل اى موضوع عشان بس طويل بس فيه حاجه بجد مفيده بتقلوى طويل و خلاص حكمت عليه من بره و بس
omar007
17-03-2010, 04:55 PM
,احد فى سياحه و فنادق جاب ملحق سلطه

ايه يابنى ده امسحوا عشنا ملوش لازمه و فعلا الناس مبقاش يعجبها غير كده

و انت بقثيت زيهم يا عمر انا لما باجى اعمل اى موضوع عشان بس طويل بس فيه حاجه بجد مفيده بتقلوى طويل و خلاص حكمت عليه من بره و بس

انت بردوا ياما مافهمتش الكلام ياما ماقرتوش كله
اولا الموضوع مش هيتحذف
ثانيا انا مابقتش كده
ثالثا انت موضوعك مكنش متقسم عشان حد يقراه كله
انا بقول قسم الموضوع عشان نعرف نقراه ماقولتش حاجه تانيه

اما عن الواد اوسكار ماعرفش ليه نفض للموضوع وقلبه تفاهه
BiG_STRONG
17-03-2010, 05:05 PM
موضوع هايف ورائع ههههه
KING_0F_DEATH
17-03-2010, 05:07 PM
اولا : اشكرك يا عمـــــــــــر على الموضوع الرائع وفعلا المواضيع السائده دي كدا في القسم زي انت قلت ودي احدى مشاكل القسم

تاني حاجه:زي م قلت انت الاعضاء الي عايزا مواضيعها تتثبت ..((يقوم واحد كاتبلك موضوع جرنال ويقولك ارجوا التثبيت.. ))

موضه الاعضاء اليومين دول ...انو يجبر المشرف على ثبيت موضوعة ...((مش بقصد حد على الكلام دا ))..!!


يا عمر اتحداك لو في واحد كمل الموضوع على الاخر ... بس cup احتمال كملو على الاخر



الاخ المشرف العزيز اوسكار:شاف الموضوع اولو نكت ((قلك ارزعلي نكته ..)) وهو اصلا مش عارف الموضوع بيقول ايه..((مع احترامي ل اوسكار..))



وديدو ....يا ريتك تقرا الموضوع كويس..وتفهموا بيقول ايه ...علشان في مواضيع طويله تستحق الواحد يقراها ..وفي مواضيع طوليه ملهاش لزمه وتافه ...!!


الاخ mohamdemd: كاتب موضوع هايف ورائع ههههه ؟؟؟ انت فهمت الموضوع بيتكلم عن ايه

محدش يزعل من كلامي ..


وارجو قبل متردو تفهمو المووضوع بيقول ايه ..


اكرر محدش يزعل من كلامي
Ahmed Tamim
17-03-2010, 05:18 PM
اولا : اشكرك يا عمـــــــــــر على الموضوع الرائع وفعلا المواضيع السائده دي كدا في القسم زي انت قلت ودي احدى مشاكل القسم

تاني حاجه:زي م قلت انت الاعضاء الي عايزا مواضيعها تتثبت ..((يقوم واحد كاتبلك موضوع جرنال ويقولك ارجوا التثبيت.. ))

موضه الاعضاء اليومين دول ...انو يجبر المشرف على ثبيت موضوعة ...((مش بقصد حد على الكلام دا ))..!!


يا عمر اتحداك لو في واحد كمل الموضوع على الاخر ... بس cup احتمال كملو على الاخر



الاخ المشرف العزيز اوسكار:شاف الموضوع اولو نكت ((قلك ارزعلي نكته ..)) وهو اصلا مش عارف الموضوع بيقول ايه..((مع احترامي ل اوسكار..))



وديدو ....يا ريتك تقرا الموضوع كويس..وتفهموا بيقول ايه ...علشان في مواضيع طويله تستحق الواحد يقراها ..وفي مواضيع طوليه ملهاش لزمه وتافه ...!!


الاخ mohamdemd: كاتب موضوع هايف ورائع ههههه ؟؟؟ انت فهمت الموضوع بيتكلم عن ايه

محدش يزعل من كلامي ..


وارجو قبل متردو تفهمو المووضوع بيقول ايه ..


اكرر محدش يزعل من كلامي

كلام تمام يا واللة يا واد
Titanic
17-03-2010, 05:18 PM
طيب حل الفزورة ديه , حاجة فى المطبخ وبتستخدم فى الطهى ......

وكانت الاجابة ( حلة ) , وكسب معانا الفائز فلوس كتيرة مولة :p
V
V
V
V
V
بجد يا عمر حاجة تزهق ويارب موضوعك يخلى الناس تحس شوية :(
ToxiCity
17-03-2010, 05:22 PM
مع احترامى الشديد للجميع

بص يا عمر كلنا فى المنتدى بدايتنا كانت مواضيع زى كدة يعنى مينفعش نلوم الناس بالشكل دة العايز يغير من نفسة يغير والبيغير بيرتقى وبيوصل لمناصب فى المنتدى لكن سورى طريقة الموضوع فية سخرية غير مقبولة

اول حاجة احنا منعرفش نحكم على كاتب الموضوع عندة كام سنة
ثانى حاجة احنا منتدى لعبة مش منتدى علمى
ثالث حاجة فى قوانين بنعرف نتعامل بيها للمواضيع المخالفة

وللعلم انا مش معترض على فكرة الموضوع لكن معترض على الاسلوب

...............
Osc@r
17-03-2010, 05:23 PM
يا حبي والله انا قريت الموضوع كله

و انا عارف فكرة المشكلة في ان الاعضاء بتستهتر في عمل المواضيع مع احترامي ليهم

و انا اسف يا عمر علي ردي بجد اسف





بس حنعمل ايه

الي في ادينا بنعمله لو الموضوع تافة شوية او فكرة مش كويسة بنتعامل معاه

و تقريباً كل المواضيع دلوقتي مفيهاش جدية خالص



و اسف تاني
ronaldo20074
17-03-2010, 05:26 PM
معلش يا عمر كل الحجات دى عليك انته و المشرفين


و كمان فى ناس تانيه بتستهبل بطلايقه جديده

واحد ينزل موضوع هنا فى القسم و المفرود يبقه لعبه

المفرود فى قسم الالعاب الاخرى

وهوه اصلا اصدوا كدا عشان الناس تدخل من هنا و من هنا


و شكرا على الموضوع يا باشا
omar007
17-03-2010, 05:33 PM
مع احترامى الشديد للجميع

بص يا عمر كلنا فى المنتدى بدايتنا كانت مواضيع زى كدة يعنى مينفعش نلوم الناس بالشكل دة العايز يغير من نفسة يغير والبيغير بيرتقى وبيوصل لمناصب فى المنتدى لكن سورى طريقة الموضوع فية سخرية غير مقبولة

اول حاجة احنا منعرفش نحكم على كاتب الموضوع عندة كام سنة
ثانى حاجة احنا منتدى لعبة مش منتدى علمى
ثالث حاجة فى قوانين بنعرف نتعامل بيها للمواضيع المخالفة

وللعلم انا مش معترض على فكرة الموضوع لكن معترض على الاسلوب

...............

يا اندروا فى ناس جديده بدون ذكر اسماء بتعمل مواضيع جامده على طول اما من ناحيه الاعضاء الجديده دى فانا بردوا عامل الموضوع علشان لما يشفوه يعرفوا يركزوا ويحطوا خطه لمستقبلهم
وكمان انا شايف ان فى اعضاء مميزرين هنا بيعملوا الكلام اللى بقولوا
اما من ناحيه ده منتدى لعبه
اه ده منتدى لعبه بس ده مش قسم لعبه
وكمان انا مش بتريق والله انا بحاوال اوجهم لصح
الحاجات دى القوانين مش مانعاها اه لاكنها مكروها
فهمت اصدى
ولو كل واحد عمل الكلام ده مش لازم ب نسبه 100 % على الاقل ب نسبه 80 % لان مافيش حد مابيغلطش

الاعضاء الجداد هتتعمل منهم ممكن اول كام موضوع ليهم يبقى صعب بس بعديها هيتعودوا يعملوا الحاجات الكويسه

لاكن لما مشرف يدخل مثلا مثلا

يعمل موضوع فيه صوره واحد او اى حاجه العضو وقتها هيعمل زيه

ياريت تكون فهمت وجه نظرى
و الاختلاف فى الراى لا يفسد الود قضيه


اما عن اوسكار

ولا يهمك احنا اصحاب برده ^^
JUMPER
17-03-2010, 05:34 PM
أولا أحب أضم صوتي لصوتك في الموضوع ده لأن الناس حاليا مش بتحب غير المواضيع الهايفه
ثانيا أنت متعصبش نفسك علشان ده موضوع بيحصل كل يوم ( موضوع هايف )
ثالثا : أرجو اني مكنش فهمت قصدك غلط و تقبل مروري ........
omar007
17-03-2010, 05:35 PM
معلش يا عمر كل الحجات دى عليك انته و المشرفين


و كمان فى ناس تانيه بتستهبل بطلايقه جديده

واحد ينزل موضوع هنا فى القسم و المفرود يبقه لعبه

المفرود فى قسم الالعاب الاخرى

وهوه اصلا اصدوا كدا عشان الناس تدخل من هنا و من هنا


و شكرا على الموضوع يا باشا

ماهو المشكله القانون مش هيمنع ان العضو يعمل مواضيعه فى اطار معين
زى اللى كل موضيعه رومانسيه واللى كلها تهيس وكده القانون مش هيقولوا لا ماتعملش

بس انا بوجه رساله ان الحاجات دى مكروها للما بتزيد عن حدها ما اكتر

زى الطلاق ب الظبط مكروه بس محلل
Osc@r
17-03-2010, 05:41 PM
صحيح ...

مع ان الموضوع جديد و مش مكرر

لكن ....!؟

ميجلكش نفس تقرأ الموضوع و الي بيقول شكرا دلوقتي







...... ده للاسف (رد شكلي ) عشان تزويد مشاركات وخلاص

:(
Private
17-03-2010, 05:54 PM
عندك حق و الله ياعمر
المواضيع المهمة مش بشوف فيها ردود زى المواضيع التافهة
BiG_STRONG
17-03-2010, 05:57 PM
موضوع رائع
BlAk_DrAgOn
17-03-2010, 05:57 PM
والله معاك حق يا عموووووووور بئت حاجا تزهق
MoST_WanTeD
17-03-2010, 06:02 PM
فعلن عندك حق انا كل شويه اخوش الاقي موضوع سطرين وحاجات كده المفروض الاارة تمسح المواضيع اللي زي كده
LinkTheSink
17-03-2010, 06:11 PM
للاسف القسم بقي مليان مواضيع زي اللي عمر قايل عليها
لدرجة ان مكنش فيه ولا موضوع غير لما ارد عليه زمان
لكن دلوقتي مش شايف مواضيع جدية او مفيدة الواحد يرد عليها ..
اي عضو دلوقتي يعمل موضوع موسوعات ... فكرا منه انه حيتثبت
لانه شايف اغلب الموضوعات المثبتة موسوعات .. والمشكلة انه بينزل الموضوع كوبي وبست
كله مش مقسم ... يعني استحالة ابدا حد يقرأ الموضوع لاخره
وتلاقي عضو داخل يرد .. (مشكور موضوع رائع) .. وهو اصلا مشفش غير العنوان بس
طبعا بغرض تزويد المشاركات :mad:

وبجد انا مع عمر في الموضوع ده لانه مهم اوي اوي
وهو طرح الموضوع بطريقة صح .. المشكلة + مثال ليها
عشان الناس تشوف الموضوع وتحاول تعدل من نفسها شوية .. وتغير من موضوعاتها

وكمان موضة اليومين دول .. المواضيع الرومانسية :eek:
فجأة الاعضاء كلهم قلبوا رومانسية .. وهاتك يا مواضيع شعر حب وشعر راس وكلام من ده
نفسي بجد اشوف عضو كاتب شعر من تأليفه .. لازم نكون موضوعيين ونحاول نبدع شوية
انا عن نفسي خلاص .. مبقتش اعمل مواضيع عشان مش عايز انقل والله
لما افكر اعمل موضوع حعمله من دماغي ... يأما معملش خالص
لان ده كده مفيد ليا شخصيا :rolleyes: والناس تعرف شخصيتك الحقيقية من موضوعك اللي انت كاتبه من دماغك مش ناقله ...

في الاخر ربنا يكون في عون مشرفين القسم .. لان الحمل عليهم تقيل :)
King of world
17-03-2010, 06:23 PM
فعلا عندك حق تلاقى عضو متميز عامل موضوع مفيد ونافع ومنظم وجميل وميدخلوش غير حبة اعضاء تتعد على الصوابع
وتلاقى عضو جديد عامل موضوع نكتة او صورة او فضيحة ويدخلوا اكتر من 1000 عضو
!_Secotrr_!
17-03-2010, 06:40 PM
ههههههههههههههههههههه
ياض والله ليك اسلوب فى كتابة مواضيعك صعب انك تلاقى حد بيعمل مواضيع زيك
الكبير كبير
موضوع رائع
بيقولك مره واحد ماشى مع واحد بقو اتنين
:ekk:
!_Secotrr_!
17-03-2010, 06:48 PM
للاسف القسم بقي مليان مواضيع زي اللي عمر قايل عليها
لدرجة ان مكنش فيه ولا موضوع غير لما ارد عليه زمان
لكن دلوقتي مش شايف مواضيع جدية او مفيدة الواحد يرد عليها ..
اي عضو دلوقتي يعمل موضوع موسوعات ... فكرا منه انه حيتثبت
لانه شايف اغلب الموضوعات المثبتة موسوعات .. والمشكلة انه بينزل الموضوع كوبي وبست
كله مش مقسم ... يعني استحالة ابدا حد يقرأ الموضوع لاخره
وتلاقي عضو داخل يرد .. (مشكور موضوع رائع) .. وهو اصلا مشفش غير العنوان بس
طبعا بغرض تزويد المشاركات :mad:

وبجد انا مع عمر في الموضوع ده لانه مهم اوي اوي
وهو طرح الموضوع بطريقة صح .. المشكلة + مثال ليها
عشان الناس تشوف الموضوع وتحاول تعدل من نفسها شوية .. وتغير من موضوعاتها

وكمان موضة اليومين دول .. المواضيع الرومانسية :eek:
فجأة الاعضاء كلهم قلبوا رومانسية .. وهاتك يا مواضيع شعر حب وشعر راس وكلام من ده
نفسي بجد اشوف عضو كاتب شعر من تأليفه .. لازم نكون موضوعيين ونحاول نبدع شوية
انا عن نفسي خلاص .. مبقتش اعمل مواضيع عشان مش عايز انقل والله
لما افكر اعمل موضوع حعمله من دماغي ... يأما معملش خالص
لان ده كده مفيد ليا شخصيا :rolleyes: والناس تعرف شخصيتك الحقيقية من موضوعك اللي انت كاتبه من دماغك مش ناقله ...

في الاخر ربنا يكون في عون مشرفين القسم .. لان الحمل عليهم تقيل :)



انت معـاك حق
والله كلامك زى الفل
بس مش كل الناس بتعمل كوبى و باست
والله العظيم فى ناس بتعمل المواضيع من دماغها برده ^^
بس الاغلبيه بتعمل زى ما انت بتقول
اما بالنسبه للناس الى بتقرا فى دا مش الاغلبيه دا كلو
تحيـاتى لك يا مستر خالد..:)
omar007
17-03-2010, 06:51 PM
شكرا على تفاعلكم واهم حاجه نتعلم بجد اننا مندخلش المواضيع اللى هتبقى تافه ونقف ضدها عشان العضو يعرف ان الموضوع تافه ومحدش يردله عليه
STRQUEEN
17-03-2010, 06:55 PM
و الله لو كل عضو جديد يدخل يقرأ الكلام ده يبقى تمام
تبقى منعت المواضيع التافهة
شموخ انثى
17-03-2010, 06:56 PM
* وهكذا كل مواضعيه مابغيرش

* متلاقيش فرق بين المواضيع غير صغيه الكلام فقط

* يعنى ياريت الاعضاء تنوع
* مره يبقى موضوع مهيس مره رومانسى مره صور كوميديا مره معلومات اول مره نعرفها وكده مانفضلش على نوع واحد



طيب يا استاذ عمر اللى ما يعرفش في اللى اسمه ايه اللى انت بتقول عليه ده (مش بيحب التهييس) ولا الكلام الفاضي ده يعمل ايش لا بيحب التهييس ولا يحب قرايته اصلا

كنت بكتب وكنت بعمل مواضيع لكن ردود الاعضاء بصراحه ومن غير زعل تسد النفس اللى داخل يقول يا جماعه حرام عليكم المنتدى فيه اطفال نفتح عنيهم على الحاجات الفاضيه

طيب هسأل العضو المحترم اللى بيقول ان الشعر والرومانسيه هتفتح عين الاطفال على الكلام الفاضي

طيب وموضوع غشاء البكاره الصينى هيعمل ايه في الاطفال دوول

ردوا علينا بصراحه زي ما عملتوا الموضوع بصراحه
مش بحب التهييس ولا الكلام الفاضي وطول عمرى كدا

ندور على مكان تانى نكتب فيه احسن ولا نعمل ايه بالظبط
Cup
17-03-2010, 07:14 PM
^^

من خلال النظر فى الرد السابق لردى

اقترح بقى ان احنا نعمل شروط التسجيل فى

المنتدى انة يدخل الرقم القومى بتاع بطاقتة الشخصية



مش كلام اللى بيتقال دة ياجماعه

دا العيل الصغير اللى انتو بتقولو علية

يعرف حاجات الكبار ميعرفوهاش



والا نقفل القسم احسن

^ ^ لا تعليق بجد
omar007
17-03-2010, 08:03 PM
طيب يا استاذ عمر اللى ما يعرفش في اللى اسمه ايه اللى انت بتقول عليه ده (مش بيحب التهييس) ولا الكلام الفاضي ده يعمل ايش لا بيحب التهييس ولا يحب قرايته اصلا

كنت بكتب وكنت بعمل مواضيع لكن ردود الاعضاء بصراحه ومن غير زعل تسد النفس اللى داخل يقول يا جماعه حرام عليكم المنتدى فيه اطفال نفتح عنيهم على الحاجات الفاضيه

طيب هسأل العضو المحترم اللى بيقول ان الشعر والرومانسيه هتفتح عين الاطفال على الكلام الفاضي

طيب وموضوع غشاء البكاره الصينى هيعمل ايه في الاطفال دوول

ردوا علينا بصراحه زي ما عملتوا الموضوع بصراحه
مش بحب التهييس ولا الكلام الفاضي وطول عمرى كدا

ندور على مكان تانى نكتب فيه احسن ولا نعمل ايه بالظبط

بلاش تهيس بس مش معقوله كله كله هيبقى رومانسى

انا عن نفسى مش بحب الشعر ومش بعمل شعر الا قليل اوى اوى

وبحب المواضيع اللى فيها نقاش ورمانسيه وكذا حاجه بس لما باجى اعمل موضووع مش بعلق عليه بس

اللى مش بحب التهييس ميعملوش بس يبقى ينوع ما المواضيع مش نوعين بس

ده فيه كتير فيه علمى وثقافى ورياضى وادبى ورمانسى ورعب ومقالب وضحك وكتير مش معقوله الواحد مش هيحب غير نوع واحدج يفضل يعملنا فيه طول حياته

مش كده ولا ايه انا بقول بلاش نعمل حاجه واحده
StarWars
17-03-2010, 08:32 PM
كلامك كلو صح والله يا عمر

المواضيع بقت كتييييييير اوى وملهاش لزمة وكل شوية الاقى موضوع شعر رومانسى

وموضوع عن الحب انا زهقت بصراحة

والمواضيع التانية اللى يبقا فيها صورة ملهاش لزمة اساسا ومش مفيدة بحاجة

والمواضيع اللى فيها صورة واحدة

وفعلن حاجة تزهق لما واحد يعمل كل مواضيعوا عن حاجة واحدة عن الرومانسية او التهييس او اى حاجة متشابهة وخلاص
مع العلم انوا ناقل الموضوع ومش تعبان فيه ولا اى حاجة

اما بقا بالنسبة للموسوعات انا معاك فى خكاية ان الواحد يحط موسوعة كاملة مرة واحدة وفى رض واحد وكلها بلون واحد ومش متظبطة وهو نقلها وخلاص عشان الموضوع يتثبت

انا مش معاك فى خكاية ان الموسوعة تكون متظبطة وفى كذا رد وتنزل فى يوم واحد انا هتكلم عن مواضيعى شوية
انا لما بعمل موسوعة بدور على اللى انا عايزوا وبجيب وبلم المعلومات من مواقع كتييييييير وبعدين اظبطها وانزلها كلها مرة واحدة فى كذا رد
عشان انا مش فاضى فى الدراسة انى افتح كل يومين ولا يوم واحط واحدة جديدة فبحط كلوا مرة واحدة بس الكلام ده فى الدراسة بس طبعا
اما فى الاجازة بنزل كل كام يوم جزء عشان الاعضاء ميزهقوش :)
مع العلم انى مش فارقة معايا الموضوع يتثبت ولا لأا الموضوع هيتثبت لو عجب الكل

وشكرا
شموخ انثى
17-03-2010, 08:52 PM
انا بقول كل واحد يخليه في سرفره احلى واريح ولا وجع راس ولا مواضيع وكفايه ندخل نعرف اخبار الابديت وشكرا على كدا


يا سيدي الفاضل لولا اختلاف الاذواق لبارت السلع

انا لا بحب كدا ولا بحب كدا وكويس انكم قولتوا الشروط دي من اولها قبل ما نتورط ونعمل مواضيع تانيه

كتر الف خيركم
!_Secotrr_!
17-03-2010, 09:05 PM
انا بقول كل واحد يخليه في سرفره احلى واريح ولا وجع راس ولا مواضيع وكفايه ندخل نعرف اخبار الابديت وشكرا على كدا


يا سيدي الفاضل لولا اختلاف الاذواق لبارت السلع

انا لا بحب كدا ولا بحب كدا وكويس انكم قولتوا الشروط دي من اولها قبل ما نتورط ونعمل مواضيع تانيه

كتر الف خيركم

سـلام عـليكم و رحمة الله و بركاته
تحيــه طيبه منى اليـك اخـتى..

هوا عمرو حدد بكلامه كل الناس يعنى محددش شخص معين بمعنى ان كتير من المواضيع زى ما هوا قال نكت و بتاع او حب و رومانسية انما معدش مواضيع مفيده كتير... انما مش يقصد ان مفيش مواضيع مفيده خاااااااالص..
لا لا فـى و كل حاجه هوا بيتكلم عن الاغلبيــه
انا بس حاسس انك متضايقه من حاجه
ارجو لو فى حاجه بس توضيحها كلنا هنا اخوات و صدقينى فضفضى و لو شايفه حاجه غلط محدش هيقدر يحاسبك عليها ... بس طبعا فى حدود الادب
تحيـاتى لك و ربنا معـاكى يا رب
ارجو انك متزعليش من كلامى
SoOHisokaOoS
17-03-2010, 09:12 PM
و الله انتا برنس يا عمر
انا الحمد لله مواضيعى كلها مختلفه عن بعضها
ومفيش نكت ولا فوازير ولا كده ^^
omar007
17-03-2010, 09:20 PM
انا بقول كل واحد يخليه في سرفره احلى واريح ولا وجع راس ولا مواضيع وكفايه ندخل نعرف اخبار الابديت وشكرا على كدا


يا سيدي الفاضل لولا اختلاف الاذواق لبارت السلع

انا لا بحب كدا ولا بحب كدا وكويس انكم قولتوا الشروط دي من اولها قبل ما نتورط ونعمل مواضيع تانيه

كتر الف خيركم

يعنى ايه كل واحد يفضل فى سيرفره ؟؟؟


وكمان انا بقول كده لولا اتخلفت الازواق لبارت السلع

عشان كده بقول نعمل مواضيع مختلفه
علشان اللى ميحبش النوع ده من المواضيع يحب نوع تانى

لاكن مثلا مثلا
انا مش بحب الشعر

وواحد كل مواضيعه شعر

يبقى عمرى ماهحب العضو لانه عمره ماعمل موضوع دخل دماغى
لاكن لو مره عمل شعر ومره عمل معلومات عامه اكيد هخشله موضوع وكده

وفى الاخر كل عضو ليه مطلق الحريه
_TheAngeL_
17-03-2010, 09:27 PM
والله انا معاك بس إعمل قانون بقي يمنع الكلام ده وبعدين الناس بالطريقه دي هتتخنق وتنفض للمنتدي من الأساس انا الحمد لله مبعملش اي موضوع غير لما احس انه يستاهل انه ياخد مساحة من المنتدي علشان كده مفيش ناس كتير تعرفني
وانا من وجهة نظي إن في ناس كتير بتدخل ترفه عن نفسها شويه وفي ناس بتدخل تزود من معلومتها شويه فخلي كل واحد يدخل المنتدي يلاقي الحاجه اللي هو قصدها وخلاص انا بقولك وجهة نظري مش اكتر
Moka_2010
17-03-2010, 09:31 PM
Heya Bethak El mowade3 el tafha de
Bs fe el Awel we El a5er Tafha
Any Way Alla Homa Bal3't alla Homa Fashed
شموخ انثى
17-03-2010, 09:36 PM
سـلام عـليكم و رحمة الله و بركاته
تحيــه طيبه منى اليـك اخـتى..

هوا عمرو حدد بكلامه كل الناس يعنى محددش شخص معين بمعنى ان كتير من المواضيع زى ما هوا قال نكت و بتاع او حب و رومانسية انما معدش مواضيع مفيده كتير... انما مش يقصد ان مفيش مواضيع مفيده خاااااااالص..
لا لا فـى و كل حاجه هوا بيتكلم عن الاغلبيــه
انا بس حاسس انك متضايقه من حاجه
ارجو لو فى حاجه بس توضيحها كلنا هنا اخوات و صدقينى فضفضى و لو شايفه حاجه غلط محدش هيقدر يحاسبك عليها ... بس طبعا فى حدود الادب
تحيـاتى لك و ربنا معـاكى يا رب
ارجو انك متزعليش من كلامى


لا الكلام ما يزعلش

لكن كل واحد حر يكتب على كيفه زي ما انتوا بتحبوا التهييس اللى بتقولوا عليه ده انا بحب الشعر

وزي انت ما بتحب المواضيع العلميه انابحب التاريخ

لكن اكتب على مزاجى اللى يدخل يقرا اهلا وسهلا واللى ما يدخل برضه اهلا وسهلا مش الاقى واحد داخل يتريق والتانى داخل يقول انا مش بحب الشعر طيب داخل الموضوع من اصله لييه
وبترد ليه لما الموضوع مش عاجبك يا سيدي القسم مليان مواضيع بتاعت ناس تانيه ادخل عندهم واتريق براحتك بس دي الفكره مش اكتر من كدا اللى يعجبه الكلام المكتوب يقول رأيه واللى مش عاجبه خلاص في مواضيع تانيه كتيير

يعنى ايه كل واحد يفضل فى سيرفره ؟؟؟


وكمان انا بقول كده لولا اتخلفت الازواق لبارت السلع

عشان كده بقول نعمل مواضيع مختلفه
علشان اللى ميحبش النوع ده من المواضيع يحب نوع تانى

لاكن مثلا مثلا
انا مش بحب الشعر

وواحد كل مواضيعه شعر

يبقى عمرى ماهحب العضو لانه عمره ماعمل موضوع دخل دماغى
لاكن لو مره عمل شعر ومره عمل معلومات عامه اكيد هخشله موضوع وكده

وفى الاخر كل عضو ليه مطلق الحريه


شفت انت مش بتحب الشعر خلاص دي حاجه ترجعلك انت مش ترجع للعضو اللى عامل الموضوع

سواء نوع او ما نوعش دي حريه شخصيه اكتب اللى على مزاجى مادام مفيش حاجه خارجه عن حدود الادب زي ما انتوا بتحبوا التهييس انا بحب الشعر والرومانسيه وبلاقى نفسي فيهم

دي حريه

انما انت مش بتحب الشعر غيرك بيحبه زي ما غيرك برضه بيحب العلوم وزي ما غيرك برضه بيحب الفلسفه وزي ما غيرك برضه بيحب الرياضه

كل واحد بيحب اللى على مزاجه وكل واحد يدخل يقرا اللى يعجبه مش يفرض على العضوانه يكتب اللى على مزاجه

طيب هسألك سؤال :

لو فرضنا مثلا ان المنتدى كله بيحب العلوم هتجيب واحد يكتب عن الحب مثلا وسط الناس دي ؟

طبعا لاء لانه هيكون نشاز

لكن ما دام فيه ناس بتحب ده وناس بتحب ده يبقى اللى يكتب في الشعر يكتب واللى يكتب في العلوم يكتب واللى يكتب في الرياضه يكتب كل واحد على راحته مادام في حدود الادب


على فكره ما تبصش للعضويه الجديده دي انا عامله موضوعين هنا في المنتدى واحد منهم وصل ل 14.350 مشاهده لحد كتابة كلامى والتانى واصل ل 9040 مشاهده لحاد الان ومثل ما قولتلك ما يهمنى الردود قد ما يهمنى اللى بص وشاف وقرا الموضوع يكفيني ان منتديات تانيه واخده رابط منتداكم وحطينه هناك علشان الناس تدخل عندكم هنا تقرا المواضيع دي

واقدر اعمل زيهم واحلى منهم كمان لكن ما دام مفيش تقدير يبقى اتعب نفسي ليه لما التقدير جى من منتديات تانيه من بره مش من هنا في وقت المواضيع دي ما كانت حتى متثبته عدد مشاهدتها من الاعضاء هنا لايقارن بعدد الزوار من الخارج

دي عندي كفايه جدا
WELFA
17-03-2010, 10:02 PM
بسم الله الرحمن الرحيم

طبعا انا مش حاعلق على الموضوع كتوبك

انا بس اول حاجة بشكر عمر على الموضوع

عشان وضح كلام كتير

و الحمد لله مجرحش فى حد

و دى اهم حاجة

و بجد اكتر حتتين عجبونى


* موضوع اخر ن الاعضاء الكاسلانين
اللى مش عايزين يتعبوا نفسهم وعايزين مواضيعهم تتثبت من غير اى تعب

* اسم التوبيك ( موسوعه كذا كذا كذا )

* طبعا انا مش هكتبلكم موسوعه هنا

* تدخل تلاقيه الموسوعه نازلها كلها مره واحد زى جريده الاهرام يوم الجمعه الساعه 2 الضهر بعد الصلاه

تلاقيى الووسوعه نازله فى 4 ردود مره واحد
كل الكلام بحجم 3 درجات
الكلام كله بفونت معفن
الكلام كله لونه اسود

ويا ويله اللى هيفكر يقرا

هيفضل انه يروح يذاكر ماده الجولوجليا و الفيزياء فى 3 ثانوى ارحمله من اللى هيقرا

* واصلا وقبل كل ده مليون % ان العضو اللى منزل التوبيك مابيكونش قراه الموضوع

* بس هو عايز يبقى متواجد فى قائمه الاعضاء النشيطه اللى موضوعها مثبت

* الاعضاء يدخل تقول انت 100% موضوع يستحق التثبيت ده على اساس انهم هما اللى قروا الموضوع

* انا عن نفسى لما بكون عايز اعمل موضوع كبير

* الفكره بسيطها جدا بس بالنسبه للاعضاء النشطه بجد مش الكسلانين

* يعنى انك تجزء الموضوع كل يومين على جزء وظبط اللون كده والفونت و الحجم والزخرفه بتاعت الموضوع

* اولا هتحبب الاعضاء انهم يقروا ومايتهوش فى الموضوع ومش هيتعبوا لانه كل ويومين جزء عادى خالص افضل من انك تنزله كله مره واحده

* مثلا انت لما بتشترى كتاب تقرا مثلا يعنى انا عارف انه م بيحصل

* بتقراه كله مره واحده ؟؟ !!

اكيد لا كل يوم بتقرالك صفحه او اتنين ب الكتير


الاعضاء اللى مابتغيرش مواضيعها بقى


* كل مواضعيهم عباره عن حاجه واحده


* مثلا ياما يفضل كل مواضيعه تهيس فقط لا غير او مواضيع رومانسيه فقط او صور فقط وكده يعنى


* العنوان ( اهلا ب المهيسين )


* الموضوع التانى لنفس العضو ( متركزش عشان ماتهيسش)


* الموضوع اللى بعده

( عيش مهيس تموت كويس )



* كلها مواضيع مضحكه اه بس تافها
انا مش هقولك ماتعملش يا سيدى موضووع تهيس بس مش كل مواضيعك تبقى نوع واحد


* بردوا زى عضو تانى يجيى
يعملنا كل مواضيعه شعر ورمانسيه ويعيش فى الدور


* اسم التوبيك

( انتى حبيبتى )

* تخش تلاقى الموضوع شعر ورومانسيه وكده

* اللى بعده لنفس العضو


( اعشقك محبوبتى )


* تانى يوم لنفس العضو
( احب حياتى لانك حبيبتى
)

* وهكذا كل مواضعيه مابغيرش

* متلاقيش فرق بين المواضيع غير صغيه الكلام فقط

* يعنى ياريت الاعضاء تنوع
* مره يبقى موضوع مهيس مره رومانسى مره صور كوميديا مره معلومات اول مره نعرفها وكده مانفضلش على نوع واحد


بجد وضحت حاجات كتير

و كلنا شوفنا الحوار ده

و انا كمشرف هنا

بواجة مشاكل مع الاعضاء بسبب الحاجتين دول بالذات

عشان بتبا موسوعة و حلوة بس مش متظبطه

و موضوع الهياس اللى كله مكرر و يكتب يرجى التثبيت

يأخى ...

^^

و فى الاخر شكرا ليك يا عمر تانى
omar007
17-03-2010, 10:23 PM
على فكره ما تبصش للعضويه الجديده دي انا عامله موضوعين هنا في المنتدى واحد منهم وصل ل 14.350 مشاهده لحد كتابة كلامى والتانى واصل ل 9040 مشاهده لحاد الان ومثل ما قولتلك ما يهمنى الردود قد ما يهمنى اللى بص وشاف وقرا الموضوع يكفيني ان منتديات تانيه واخده رابط منتداكم وحطينه هناك علشان الناس تدخل عندكم هنا تقرا المواضيع دي

واقدر اعمل زيهم واحلى منهم كمان لكن ما دام مفيش تقدير يبقى اتعب نفسي ليه لما التقدير جى من منتديات تانيه من بره مش من هنا في وقت المواضيع دي ما كانت حتى متثبته عدد مشاهدتها من الاعضاء هنا لايقارن بعدد الزوار من الخارج

دي عندي كفايه جدا


بصى
اولا انا عمرى مابص لعضو انه جديد ولا قديم

وكمان انا عارفك اصلا

وعارف نشاطك ومواضيعك

بس من ناحيه التقدير ده

فاعتقد ان مواضيعك اتثبتت

وقدرناها
لاكن من ناحيه الاعضاء فهنا على فكره قليل من الاعضاء اللى ممكن يتابعوا مواضيعك عشان هنا معظم الاعمار من سن 13 ل سن 17

انا بكلم عن الاغلبيه

وانا ماجبرتش حد انه ينوع مواضيعه
بص انا يقول الافضل

وقلت فى الاخر كل واحد ليه مطلق الحريه
!_ToGoO_MorY_!
17-03-2010, 10:30 PM
مع احترامى الشديد للجميع

بص يا عمر كلنا فى المنتدى بدايتنا كانت مواضيع زى كدة يعنى مينفعش نلوم الناس بالشكل دة العايز يغير من نفسة يغير والبيغير بيرتقى وبيوصل لمناصب فى المنتدى لكن سورى طريقة الموضوع فية سخرية غير مقبولة

اول حاجة احنا منعرفش نحكم على كاتب الموضوع عندة كام سنة
ثانى حاجة احنا منتدى لعبة مش منتدى علمى
ثالث حاجة فى قوانين بنعرف نتعامل بيها للمواضيع المخالفة

وللعلم انا مش معترض على فكرة الموضوع لكن معترض على الاسلوب

...............

كلامك صح 100 %
Ğ_Unit0
18-03-2010, 12:21 AM
هيهيهيههيهيس


جبت الجديد يا عمر


مهوا انا بطلت انزل القسم من قليل

اللى عاملى موضوع ازاى تحب بنت ... او ازاى تعلق بنت ( مهيا دى الموضة )

واللى عامل مواضيع اشعار و ووو لا يفهم معنى الكلام كل اللى عملة واخدة باست وكوبي من حتة تانية

والمواسيع مش عارف كترت لية ... يمكن المشرفين يحنوا ويثبتوا بقى :d

والردود ... تعمل موضوع طويل وتبص يقولك شكرا على الموضوع من غير ميقرا اية اللى فية ...


؟؟؟

المهم الهدف ان العضو يوصل للمشاركات اللى هوا عاوزها >


ارجع كدة للصفح اللى ورا وشوف المواضيع .. ها !

وشوية مواضيع مش عاوز اكتب اساميها


سامحنى حبيبي .. سامحينى ياما


قصص فنانين ... وناسين انى فنان :P:P

ماعلينا .. الكل لما بيعمل المواضيع عاوز مواضيع طويلة بهدف ... انو شايف العضوية المميزة ... عاوز يعمل كام موضوع نفس الشكل .. بس والله الحكاية مش حكاية مواضيع ... كفايا العضو اهم حاجة ..

لا تعليق بجد ....
DEAD_OR_LIFE
18-03-2010, 12:40 AM
بسم الله الرحمن الرحيم
اولا احب اوضحلك حاجة معظم الي بيكتب مواضيع بجد بتبقي مش حلوة بيكون معظمهم سنهم لسة صغير والكلام الي انتي قولتو ممكن يخليهم يفكرو ويكتبو مواضيع تفيدهم وعلي العموم شكــــــــــــــــــــــــــــــــــــــــرا علي الكلام دة
ValnTino
18-03-2010, 12:43 AM
والله يابنى عندك حق :)
ربنا يصلح حال الجميع
^^
iZexo
18-03-2010, 01:11 AM
بصراحة زي ما اندرو قال

أنا ولاهي أعرف مشرفين من أيام مكانو بيكتبو فرانكو ههههههههههه

و أنا كنت من الناس دول زمان و لما حبيت أعمل موضوع لي أول مرة في عمري عملتو تلت مرات بي الغلط بس اتثبت و بعدين اتقفل اني متبعتوش

و انتا مهمتك هنا انك تمسح المواضيع ديه و تتعامل بي القانون زي ما قلك اندرو امال مشرف ليه :p

الأشراف تكليف يعني لازم تتعب و انتا الأخترت و قلت أنا أد المسؤولية محدش ضربك على اييدك

زي ما انتا بتبقى مشرف و ليك هيبا و الكل بيحترمك و بتكتسب أصدقاء و خبرة

زي ما انتا لازم تدفع تمن ده كويس انك تراقب قسمك و تمسح و تغلق و الكلام ده كله

الصراحة انتا قسمك منتدى بحالو بس معاك بردو رجالة كتير

يعني العايز أقولهولك ان البيبقى عضو جديد مثلا يعني زي cup أو شموخ انثى

الأتنين دول مثلا كانو جداد بس أول مدخلو المنتدى عملو حجات كتير ا،هم فهمين هما بيعملو ايه انهم مجربين نظام المنتديات ده من زمان
أما لو واحد لسة داخل مش هيكون فاهم يعني براحة علينا

لما الواحد بيتولد بيغلط مرة و اتنين و تلاتة لحد ميتعلم و أهلو مش بيضربوه لأ بيشجعوه بس بيحددوه

و انتا هنا الأب

و ستار وارز الأم :p

و أوسكار العم

و ويلفا الجد

و الكينج الجدة :p

يعني انتو أهلنا البتشرفو علينا
A_R
18-03-2010, 03:09 AM
والله يا باشا انتا عندك حق في كل كلمه قلتها بس انا كنت عاوز اقلك على حاجه مهمه كويس انك فتحت الموضوع ده واتكلمت فيه بطريقه كويسه محترمه فيها نوع من الكوميديا بس دلوقتي في حاجه انا واحد من الناس الى لسه جديده تمام جيت اعمل موضوع عجب الناس مش هغير طريقه مواضيعي بعد كده ودا الى بيحصل والى انتا اتكلمت عنه فين انتو ؟ كمراقبين ومشرفين ؟؟ انتا لاقيت الناس شغاله على نهج واحد في مواضيعهم تتفضل بالظبط مشكور زي معملت كده موضوع تفهم فيه الناس النظام وشكرا ارجو تقبل مروري
AVATAR_ANG
18-03-2010, 03:34 AM
ههههههههه عسل انت هندي ههههههههههه
MSoliman
18-03-2010, 04:15 AM
اولا السلام عليكم
ثانيا انت من حقك تنتقد و كل حاجة
ثالثا بالنسبة لموضوع الشكل و العنوان فى ناس كتير بتحب الحكاية دى
رابعا بالنسبة للاخوة الى كل مواضعيهم نفس الشكل زى المهيسين و الرومانسين فا ده شئ كويس لانه اكيد متميز فى النوع الى هو بيكتب فيه
خامسا احنا لو ماشينا على الكلام الى انت كتبه المنتدى مش هيبقى فيه مواضيع نهائيا
سادسا اسف على الاطالة و ده رائئ انا بس
omar007
18-03-2010, 09:51 AM
طبعا انا هرد عليكم كلكم

و انتا مهمتك هنا انك تمسح المواضيع ديه و تتعامل بي القانون زي ما قلك اندرو امال مشرف ليه

ماهو مع الاسف مافيش قانون يخليك تمسح الفزوره الوحيده اللى هتنزل فى الموضوع ولا الصوره اللى هتنزل فى موضوع لوحد ولا اللى هيفضل مقضيها تهيس او اى نوع تانى ثابت

ده ردى

الكلام اللى انا بقوله ده
زى الطلاق ب الظبط مكروه بس محلل


انا واحد من الناس الى لسه جديده تمام جيت اعمل موضوع عجب الناس مش هغير طريقه مواضيعي بعد كده ودا الى بيحصل والى انتا اتكلمت عنه فين انتو ؟ كمراقبين ومشرفين ؟؟

طب مان تبص مثلا لعضو تانى عمل مثلا موضوع رومانسى وانت عملت موضوع كوميدى والاتنين عجبوا الاعضاء
فليه ما تزودش نوع جديد من المواضيع ليك وتعمله وتشتغل فيه زى م العضو التانى نزله وعجب الاعضاء نزله موضوع نفس النوع ب الاضافه اللى لنوع بتاعك يبقى عندك نوعين من لمواضعي تقدر تكتب فيهم ومره ىف مره هتلاقى الاعضاء بيععجبها كله والله
بس اهم حاجه يبقى منظم وسهل التواصل
لانك انت زيك زي بقيت الاعضاء
اكيد انت مثلا لو لاقيت موضوع عن الفضاء والنجوم هيعجبك رغم انك بتكتب مواضيع مهيسه مثلا يعنى
فيها ايه لو تجرب وتكتب زيه
اصل مش معقوله واحد مبحبش اى مواضيع فى الدنيا غير الرومانسيه مش معقوله ولا بيفهم فى تهيس ولا بيفهم فى الثقافه ولا العلم ولا الادب ولا الشعر ولا الرياضه ولا اى حاجه
انتم كده بتعملوا حدود ضيق اوى ليكم

لو مش فاهم حاجه فى كلامى قولى


لما الواحد بيتولد بيغلط مرة و اتنين و تلاتة لحد ميتعلم و أهلو مش بيضربوه لأ بيشجعوه بس بيحددوه
اه انا معاك
انتم ليه فاكرنى بهاجم الاعضاء الجداد ؟؟؟
مين قال كده
انا شايف ان مثلا لما عضو جديد يجى يشوف الموضوع للى انا عامله ده هيعرف يتعامل معانا
لاكن لما عضو جديد شايف ان المشرف نفسه كل مواضيع نوع واحد فبلتالى علشان يعجب هيعمل زى المشرف ب الظبط
لان المشرف قدوه ليه عشان هو مشرف طبعا

لما يجى مشرف كل مواضيعه رومانسيه فقط وبما ان الاعضاء بتجامل المشرفين فىى مواضيعهم
العضو الجديد هيدخل يلاقى مووضوع رومانسى عادى معدى ال20 رد فى اليوم ولا حاجه
هيعمل زيك وهيعلق على النوع ده زيك

لاكن لو المشرف او العضو الفضى او اى عضو تقيل بمعنى اصح فى المنتدى
يعمل مواضيع وينظمها وكده
الاعضاء الجداد هتتعلم منه


رابعا بالنسبة للاخوة الى كل مواضعيهم نفس الشكل زى المهيسين و الرومانسين فا ده شئ كويس لانه اكيد متميز فى النوع الى هو بيكتب في

ماهو مع الاسف كله نقل
يعنى مافيش حد بيتعب
عندك انا مثلا عامل فوق ال450 موضوع قل اعوز برب الفلق يعنى
كلهم فى قسم واحد فقط بعيدا عن سيلك رود

بس بصراحه انا ماعملتش غير 4 مواضيع اللى كاتبهم بنفسى
ممنهم قصه فى القسم المميز

تخيل انت لو انا عامل كل المواضيع دى فى شكل واحد مثلا التهيس ؟؟؟
الاعضاء هتفتكر انى كوميدى ومش دارى ب الدنيا وكده صح
مع انى ممكن اكون ارخم و ارزل واحد


خامسا احنا لو ماشينا على الكلام الى انت كتبه المنتدى مش هيبقى فيه مواضيع نهائيا

ليه يا برنس هو انا بقولك ماتعمل مواضيع من ديه
لا انا بقولك اعمل بس مش كلها ب الطريقه دى عشان الشىء لما بيزيد عن حده بيكون بينقلب ضده

مثلا لو انا كل مواضيعى تهيس وواحد كل مواضيعه رومانسيه

فيها ايه لو اللى كل مواضيعه تهيس يعمل مواضيع رومانسيه او اى نوع تانى
و العكس برده
كده بقى العضو نفسه بينوع المواضيع

عارفين انا بقول كده ليه
علشان اللى مواضيعه نوع واحد مثلا وهى التهيس
لما كل مواضيعه كده فين الافاده بقى فين الفكره الجديده اللى هو ضافهلنا يا فرحتى عاملى 200 موضوع فكره واحد
انت ايه رائيكم اللى عامل 400 موضوع فكره واحد ولا اللى عامل 10 مواضيع ب 10 افكار

والاختلاف فى الرأى لا يفسد الود قضيا
شموخ انثى
18-03-2010, 10:54 AM
فاعتقد ان مواضيعك اتثبتت

وقدرناها
لاكن من ناحيه الاعضاء فهنا على فكره قليل من الاعضاء اللى ممكن يتابعوا مواضيعك عشان هنا معظم الاعمار من سن 13 ل سن 17



ما دام كده والاعمار باعترافكم كده يبقى الواحده تتعب نفسها وتكتب ليه

اظن ده كلامكم مش كلامى صح

اما بالنسبه للتثبيت محدش بيتكلم عن التثبيت دي حاجه ترجع للمشرف او الادارى انما التقدير حاجه تانيه غير التثبيت يا سيادة المشرف واظن انت مشرف قديم وتعرف ايه الفرق بين التثبيت وبين التقدير دي حاجه ودي حاجه تانيه خالص الاتنين ليس بينهم وجه مقارنه نهائيا

اما بخصوص الاعمار مثل ما انت بتقول

يا استاذ الموسوعه الكونيه بتدرس الحين في المدارس الاعداديه يعنى مش مسالة عمر دي مسألة تفكير

انت بتقول نوعوا طيب ما الموسوعات العلميه مليه المنتدى مفيش اكتر منها متهيالى لو دورت هتلاقى موسوعات عن كل شيئ يعنى اعتبر جميع الموسوعات اللى هتتعمل بعد كده مكررره وانتوا بتقولوا ما تعملوش مواضيع مكرره

نعمل ايه ؟

ثانيا المواضيع التانيه العلميه برضه نفس النظام واتحداك لو دورت الحين وما لقيت موضوع علمى عن كل حاجه ولو جه عضو من الاعضاء وعمل موضوع من دول هيكون مكرر

طيب ايه العمل ؟

يبقى كل واحد يكتب في اللى يفهم فيه

والحمد لله اللى يقرا ويطلع هيعرف يعمل بدل الموضوع 10

لكن مش نقل

واقولك على شيئ لو عاوز تقننها صح يبقى امنع نقل المواضيع ومخالفه مباشره على طول للي يعمل موضوع منقول
كده هتلاقى مواضيع من نتاج الاعضاء وهتلاقى حاجات زي الفل

انما تسيبها على الغارب وتقول نوعوا ماحدش هينوع كله هينقل واتحدى الا القليل وهما عارفين نفسهم هما اللى بيعملوا مواضيع من راسهم انما الباقى كله نقل في نقل

يا استاذ دا انا جلست اعمل في موضوع واحد اكتر من
شهريين تجميع ماده علميه وصور وراجع وترجمه وفي الاخر

واحد يجي بعد كده وياخده في دقيقتين نسخ ولصق

عاوز تنويع يبقى قانون جديد بعدم وضع مواضيع منقوله
!_Secotrr_!
18-03-2010, 11:50 AM
ما دام كده والاعمار باعترافكم كده يبقى الواحده تتعب نفسها وتكتب ليه

اظن ده كلامكم مش كلامى صح

اما بالنسبه للتثبيت محدش بيتكلم عن التثبيت دي حاجه ترجع للمشرف او الادارى انما التقدير حاجه تانيه غير التثبيت يا سيادة المشرف واظن انت مشرف قديم وتعرف ايه الفرق بين التثبيت وبين التقدير دي حاجه ودي حاجه تانيه خالص الاتنين ليس بينهم وجه مقارنه نهائيا

اما بخصوص الاعمار مثل ما انت بتقول

يا استاذ الموسوعه الكونيه بتدرس الحين في المدارس الاعداديه يعنى مش مسالة عمر دي مسألة تفكير

انت بتقول نوعوا طيب ما الموسوعات العلميه مليه المنتدى مفيش اكتر منها متهيالى لو دورت هتلاقى موسوعات عن كل شيئ يعنى اعتبر جميع الموسوعات اللى هتتعمل بعد كده مكررره وانتوا بتقولوا ما تعملوش مواضيع مكرره

نعمل ايه ؟

ثانيا المواضيع التانيه العلميه برضه نفس النظام واتحداك لو دورت الحين وما لقيت موضوع علمى عن كل حاجه ولو جه عضو من الاعضاء وعمل موضوع من دول هيكون مكرر

طيب ايه العمل ؟

يبقى كل واحد يكتب في اللى يفهم فيه

والحمد لله اللى يقرا ويطلع هيعرف يعمل بدل الموضوع 10

لكن مش نقل

واقولك على شيئ لو عاوز تقننها صح يبقى امنع نقل المواضيع ومخالفه مباشره على طول للي يعمل موضوع منقول
كده هتلاقى مواضيع من نتاج الاعضاء وهتلاقى حاجات زي الفل

انما تسيبها على الغارب وتقول نوعوا ماحدش هينوع كله هينقل واتحدى الا القليل وهما عارفين نفسهم هما اللى بيعملوا مواضيع من راسهم انما الباقى كله نقل في نقل

يا استاذ دا انا جلست اعمل في موضوع واحد اكتر من
شهريين تجميع ماده علميه وصور وراجع وترجمه وفي الاخر

واحد يجي بعد كده وياخده في دقيقتين نسخ ولصق

عاوز تنويع يبقى قانون جديد بعدم وضع مواضيع منقوله


والله تلت تربع كلامك معاكى فيه حق..
بس انا مش معاكى فى حكاية ان المشرف يدى مخالفه علشان بيعمل مواضيع مكرره..
عشان لو عمل كدا العضو معدش هيعمل مواضيع خااااالص
عشان مش كل الناس زيي و زيك و زى غيرنا بيعملو مواضيع سعات من دماغهم.. عشان زى ما عمرو قال الاعمـار هنا بتتـراوح ما بين ال 13 ال ال 18 معأن فى اكبر بكتـير و معاكى ان الموضوع مش بـالسـن انـما هوا بـالعقـل..
تحيــاتى...
ecsroman
18-03-2010, 12:58 PM
عندك حق يا عمرو فى كل كلمة قلتها
! FiRe !
18-03-2010, 03:49 PM
والله ياض قلت اللى نفسى كله !!!
نص الناس داخله الموضوع اصلا عشان عنوانه "موضوع تافه"
Lord_Of_Fear
18-03-2010, 03:58 PM
جميل
ToxiCity
18-03-2010, 04:03 PM
يكفى

يغلق