TeData .... عكنن حياتك

[البــــرنــــس]

فى الدقهليه عندنا شعار شركة tedata هو عكنن حياتك




ببساطه تقدر تقول ان احنا معندناش نت بس مجبرين ندفع اشتراك شهرى للشركة اللى طبعا كلنا عارفين انها تابعه

للحكومه ,, وبما انها حكومه زبالة فى كل حاجه وفاشله حتى فى توفير ابسط احتياجات الشعب فأكيد مش هتبقى

الشركة اقل من انها تكون زباله زى الحكومه اللى تابعه ليها ..

لما يكون عندنا عطل فى سنترال وفيه اكتر من 30 الف مشترك ويكون من السهل اجراء صيانه ليه ممكن تتكلف 50

الف او اقل او اكتر الله اعلم ,, المهم الشركة الزباله وسامحونى فى تكرار التشبيه ده لا توافق على اجراء صيانه لهذا

السنترال من اكتر من سنه فى الوقت اللى ممكن تكون المصريه للاتصالات بتصرف فيه ملايين يوميا على الاعلانات

بتاعتها عشان تتحدى شركات المحمول غير مهتمه بشكاوى الناس وتوسلاتهم عشان يصلحوا النت عندهم ..

والله يا جماعه انا لو كنت بحب مكنتش هكلم اللى بحبها قد منا بكلم الدعم الفنى بتاع tedata ,, يكفى انى اقلكم ان

البينج عندى على ياهوو حوالى 1500 / 2000

انا بس حبيت اوضح مثال للحكومه الموقرة بتاعتنا متمثل فى شركة tedata التابعه للمصريه للاتصالات

واسف انى اكون ازعجتكم بس دى رساله ملقيتش غير منتداى المفضل عشان اعبر فيه عن غضبي ,, والساكت عن

الحق شيطان اخرص

[lover_boby]

ربنا معاكم بس إحنا فى اسكندرية هنا موصل من Tedata بردوا أى عطل بيتصلح فى ساعتها

[yassor2]

أنا عندي نفس الكلام بس البنج على الياهو بيجي 800 / 1000
بس النت بيكون كويس الصبح

[MrNukar]

انا فى egynetوالبنج مش بيعدى 300
ههههههههههههههههههه

[pingo2]

انا مش هقولك غير انى جربت تى داتا وجربت لينك والصراحة احنا ما ععندناش اى حاجة كويسة فى مصر
كله زى بعضة زبالة
ولا فيه فرق ولا نيلة
بس هانعمل ايه .... ولا حاجة
ربنا يسهل بقى لما نشوف الكابلات الجديدة نظامها ايه ولا هاتركب بعد كام سنة

[noty2009]

انا مع لينك و برده تعبانه و كل خمس دقايق النت بيقطع الحكايه دى بقلها تلت ايام و لا كأن عندى نت شركتين تعبنين الى فلحين فيه ايوه يا فندم حضرتك يا فندم شركتين بوء كبير

[Volumer]

ربنا يكون فى عونكم

[_Active_]

انا عن نفسى موصل من D-Link والحمد لله شغالة تمام 24 ساعة

[ronaldo20074]

ههههههههههههههه

اغيظك شويه بقا

انا شغال ب voda

بتاع ال wirless

ال ping 150 200

كده يعنى و ما شاء الله النت طلقه مدقعيه :P

لا للحسد

[ValnTino]

انا فى egynetوالبنج مش بيعدى 300
ههههههههههههههههههه

هى فعلاً سريعة موزز بس
tedata ليها ميزة اتها حكومية
يعنى لو عملوا سنترال جديد هى
بتكون مشتركة فيه وش كده
لكن الباقى بيعدوا
شهرين عشان يركب فى السنترال الجديد

[yuki2002]

ربنا معاكم بس إحنا فى القاهرة هنا موصل من Tedata بردوا أى عطل بيتصلح فى ساعتها

[kemo elkassas]

ربنا يعين يا مان......................

http://img476.imageshack.us/i/10sro2007081021254553nw6.jpg/

[احمد حبيب]

انا برده من الدقهليه وكلامك صح والله
الواحد اتخنق

[EL_Banditto]

التوقيع بتاعك جميل جدا
مع الشكر

[Arc]

ربنا معاك

[alidndn1]

انا مشترك في شركة im و بجد هى شركة مش كويسة

و الروتر عندي ما شاء الله كل دقيقتين يفصل و يجي تاني

[moog]

انا جايبة من اتصالات Usb Modem ومش راضية تشغل اللعبم ممكن اللى يعرف يقولى اعمل اية؟

[SUN_boy]

ربنا يعينك ويعنا
علي الحكومه ال *******

[love_allah]

نورت مصر ^^

[ecsroman]

عندك حق فى كل كلمة قلتها .. أنا النت بيفصل عندى حوالى 3 سعات يوميا و كمان لما يبقى فى نت بيبقى بطيء جدااااا


وربنا معكو أن شاء الله

[L0RD_Slaiver]

انا النت عندى يوم كدة و يوم كدة بس اما بيبوظ بنزل اظبط بتاع النت

[king_shefa]

انا مشترك فى TE-Data بصراحه حاجه اخر قرف
يعنى بكون قاعد لوحدى على سرعه 2 ميجا
والبينج بيوصل 1200 ليه يعنى

[alex_staf]

انا من لينك و النت 10/10 شغال احسن من يونيفيرسال في الاسكندريه
عشان قريبه من البحر :d فالنت محتاج يتهوي :d

[USERNAMO]

شغال عندى تمام من لينك ^^ بس ليا ملحوظة صغيرة : اخرص مش بتكتب كده بتكتب كده : اخرس

[Cup]

هههه ربنا معاك بالجامد
انا عن نفسى من سموحة

يمكن تقول كدة ساكن فى شركة TeDaTa
انا واتنين صحابى مشتركين على 1 ميجا
انا حاسس انها 4 ميجا

سرعة جبارة
مفيش عطل
مفيش واحد out
بينج لايتعدى 210 دا وقت الذروة :p

[البــــرنــــس]

شكرا على مواساتكم وتضامنكم مع ضحايا النت اللى زي حالاتنا

بس واضح من الكلام ده ان النت = القاهرة والاسكندريه

اما الباقى فالافضل انهم يفصلوا النت احسن ما يفضلوا يدفعوا اشتراك شهرى عشان يجيلهم ضغط من البطئ ويشوفولهم

هوايات تانيه مثلا ركوب الخيل او اى هوايات من العصور القديمه ويطلعوا موضوع النت ده من دماغهم على ما يبقى يوصلهم التقدم

مرة تانيه شكرا على الردود ولو فى حد من اسكندريه او القاهرة عندة شقة للسكن ياريت يسبلى خبر

[BAKBAK]

انا مشترك فى im والحمد لله شغال تمام وفل بس بتيجى اوقات يقرفوا امى ويقولوا سيستم وقرف على دماغهم الواحد لازم يقل ادبه عشان يحترموا نفسهم

[__LuBu__]

فعلا فى اسكندريه خدمه ممتازه

[poiu]

انا مش هقولك غير انى جربت تى داتا وجربت لينك والصراحة لينك هي الافضل