المساعد الشخصي الرقمي

مشاهدة النسخة كاملة : البرمجه Java -- C# -- Python


egysaad
24-12-2009, 06:18 PM
بسم الله الرحمن الرحيم

بناءً على طلب بعض الاعضاء انى اشرح الفرق بين البايثون والجافا والسي شارب
انشالله هشرحلكم التلت لغات

C# c-sharp

لغه السي شارب لغه سهله وبسيطه و متعدده الاغراض وتنتمي لمجموعه .Net و هى Object Oriented وتم تطوريرها فى نفس الوقت الى كانت موجوده فيه القضيه المشهوره بين شركه صن وشركه ميكروسوفت و هي تم تطويرها اساسيا من لغه C++ و لغات اخري
وهى مصممه خصيصا للتعامل مع مجموعه ال .Net Framework وهى ايضا تعتمد على البرمجه الشيئيه Object Oriented Programming OOP
ومعني البرمجه الشيئيه انها تتكون من Classes و Objects و Methods
واللغه دي مخصصه للتطوير فى مكونات البرمج والمقصود منها هو ان تكون ملائمه لبيئه النظام و البرامج الكبيره والصغيره
وهى لغه لم يكن يقصد بها المنافسه ولكنها جيده جدا فى انها اقتصاديه فى المساحه المستغله
و قد تم انشاء اللغه سنه 2001 فى الاصدار C# 1.0 واصدر المترجم عام 2002
ويوجد الان C# 3.0 والاصدار الرابع تحت التطوير

من وجهه نظري اللغه بسيطه جدا و مصطلحاتها مفهومه وتكاد تكون خاليه من الاختصارات المعقده بس فيها متاهات كتيره......و من عيوب الفيشوال ستوديو Visual studio انه يكتفي بتصحيح اخطاء الكود بس.

تعالوا نشوف مثال لكود برنامج يكتب جمله :-
Class Program
{
Static void Main ()
{Console.Write"Hello Silkroad4arab";
}
}

الجافا JAVA

جاء مسمي الجافا java من اسم قهوه تسمي جاوه Jawa طورت عام القواعد بتاعتها تكاد تاكون مقتبسه من قواعد لغه السي والسي بلس بلس وهى تنتمي لشركه صن ميكرو سيستمز وكان من اهداف الجافا انها تكون بسيطه وتكون امنه و جيده فى البرماج الكبيره و عاليه الاداء و ديناميكيه

وهى مستخدمه فى برمجه وتطوير اجزاء من كل نظم التشغيل عدا الوندوز طبعا وهى استخدمت فى الماكنتوش و اللينكس و اليونيكس و السولاريز
وتم تحسين اداء الجافا باصدار Just-in-Time Compilation عام 1998
وهناك 6 اصدارات للجافا اخرهم JAVA 6.0
وهناك
JAVA SE - Standard Edition
JAVA EE - Enterprise Edition
JAVA ME - Micro Edition
وافضلهم EE
ومن وجهه نظري هى لغه اكثر من رائعه و لكنها بها بعض المصطلحات المختصره
ولكنها سهله الاستخدام رائعه فى التطبيق خارقه فى البرامج الكبيره والصغيره

تعالوا نكتب كود يكتبلنا جمله
public Class Program{
public static void main(String[]args){
System.out.print("Hello Silkroad4arab");
}
}

Python بايثون
البايثون(الثعبان) طورها مبرمج هولندي يسمي جويدو فان روزم وهى فى الاصل مستخدمه فى نظام التشغيل Amoeba 1990 فهي لغه بسيطه ومحموله وكما انها تدعم نظام الاوبن سورس فهي مفتوحه للجميع وهى لغه اكثر من رائعه فهي يستخدمها 350,000 مبرمج حول العالم وكما انها استخدمت فى مشاريع عالميه كثيره مثل

Google ,youtube, NASA, opie, L&m, redhat utility
فهي لغه سهله فى كتابه الكود فمبداها هو (لاتضيع الوقت فى كتابه الكود ولكن ضيعه فى التفكير )
وبتتميز بان اكوادها صغيره جدا بالنسبه للسي شارب و الجافا
طيب تعالوا نشوف الفرق بينها وبين السي شارب والجافا
يلا نكتب جمله Hello Silkroad4arab

in c sharp

Console.Write("Hello Silkroad4arab");

in java
System.out.print("Hello Silkroad4arab");

in python
print ("HelloSilkroad4arab");

وهى لغه تدعم الاوبن سورس

ده الى ممكن اقوله عن التلت لغات دول اى اسئله او استفسارات انا موجود

HeRo_JeN
24-12-2009, 09:27 PM
شكرا ليك على المعلومات دى

وظن احسن لغة هى python

ValnTino
24-12-2009, 09:42 PM
مشكور مشكور ليك :)
تسلم دماغك

mazagangy
24-12-2009, 09:43 PM
مشكور يا كبير

egysaad
24-12-2009, 09:59 PM
تامروني يا رجاله

لو عاوزين استفتاء تاني ممكن اعمل استفتاء تاني

HecT000R
24-12-2009, 10:03 PM
تسلم ايدك يا باشا شرح رائع

super_man619
24-12-2009, 10:07 PM
و دول نكتبهم فين و ازاي نعملل برنامج بيهم

egysaad
24-12-2009, 10:20 PM
و دول نكتبهم فين و ازاي نعملل برنامج بيهم

انا كنت مستني السوال ده

بص ياسيدي كل لغه من دول ليها بيئه عمل او برنامج بتتكتب عليه بس المبرمجين المحترفين بيستخدموا ال Notepad++

بس زي ماقلت كل لغه ليها برنامج

السي شارب بيشتغل على الفيشوال ستوديو Visual Studio وهو ممكن تكتب عليه اي لغه من لغات ميكروسوفت زي السي والسي بلس بلس والسي شارب

الجافا ليها برنامج اسمه NetBeans IDE وهو برنامج بيدعم الاوبن سورس يعني مش محتاج فلوس و فيزا

البايثون بقي ليه برنامج اسمه PyScipt و هو برده بيدعم الاوبن سورس

super_man619
24-12-2009, 10:31 PM
نكتبها فين و نعمل برامج بيها ازاي

super_man619
24-12-2009, 10:35 PM
انا كنت مستني السوال ده

بص ياسيدي كل لغه من دول ليها بيئه عمل او برنامج بتتكتب عليه بس المبرمجين المحترفين بيستخدموا ال Notepad++

بس زي ماقلت كل لغه ليها برنامج

السي شارب بيشتغل على الفيشوال ستوديو Visual Studio وهو ممكن تكتب عليه اي لغه من لغات ميكروسوفت زي السي والسي بلس بلس والسي شارب

الجافا ليها برنامج اسمه NetBeans IDE وهو برنامج بيدعم الاوبن سورس يعني مش محتاج فلوس و فيزا

البايثون بقي ليه برنامج اسمه PyScipt و هو برده بيدعم الاوبن سورس

ماشي يا معلم اما مثلا جيت تكتب hello silkroad4arab
المفروض يحصل ايه اما نكتبها في اي برنامج من البرامج التاليه

!_ToGoO_MorY_!
24-12-2009, 10:42 PM
والله انت افدتنى جدا وبالذات فى المنهج بتاعى بتاع الكمبيوتر

egysaad
24-12-2009, 10:58 PM
ماشي يا معلم اما مثلا جيت تكتب hello silkroad4arab
المفروض يحصل ايه اما نكتبها في اي برنامج من البرامج التاليه

ياريت الكلام ده نأجله لحين اختيار اللغه الى هنتكلم عنها
ومشكور يا crazymory1995 يفرحني جدا انك استفدت

StarWars
25-12-2009, 02:37 AM
مشكور جدا يا باشا وانا برجح لغة الجافا
مع ان السى شارب هيكون افضلى عشان عندى برنامج Visual Studio
بس انا عايز اتعلم لغة الجافا

StarWars
25-12-2009, 02:38 AM
اصل انا كنت بعمل حاجات بيه فى تالتة اعدادى عشان الدراسة بقا

:)

egysaad
25-12-2009, 02:56 AM
اصل انا كنت بعمل حاجات بيه فى تالتة اعدادى عشان الدراسة بقا

:)

اها كنتوا بتدرسوا الفيشوال بيسيك تقريبا صح؟