المساعد الشخصي الرقمي

مشاهدة النسخة كاملة : ادخلوا بسرعة شوفوا النصب العلنى لشركة " العربية للشبكات Arabian Link" بالمنصورة


X_HellCall_X
17-08-2009, 08:06 AM
السلام عليكم ورحمة الله وبركاته

فى الاول أحب أقول لا حول ولا قوة الا بالله فى الذى يستبيح اموال الناس بغير وجه حق ويستغل مركز قوته فى انه يقول للى مش عجبهم "اخبطوا دماغكوا فى الحيط"

الحكاية

ففى يوم 13/6/2009 قامت هذه الشركة بعمل اعلان مفاده أن من يقوم بالتعاقد على شهر " اشتراك انترنت" يحصل على شهر هدية مجانا.. وقد قمت فعلا فى نفس اليوم بالاشترك لمدة شهرين سرعة 256 ودفعت مبلغ 170 جنيه وايضا اشترتيت روتر بقيمة 110 جنية وكل ذلك فى سبيل اننى سأظل مشتركا لمدة 4 أشهر " شهرين اشتراك + شهرين مجانا "
وظلت الخدمة سارية على هذا النحو حتى يوم 1/8/2009 فتم رفع سرعتى الى 512 بناء على القرار الوزارى وهذا يعتبر أمر مشجع جدا لكل المصريين فى تحديث اشتراكاتهم وزيادة أعداد المستخدمين فى مصر والقضاء على ظاهرة "الوصلة".
فوجئت اليوم بانقطاع الخدمة 16/8/2009 فاتصلت بالشركة.. فتحججوا بان هذا العرض الجديد وهو "ضعف السرعة" يلغى جميع ما قبله من عروض "اشترك شهر+شهر مجانى" وبذلك ضاعت على باقى المدة..

المشكلة الحقيقية ان هناك الكثير من الاصدقاء اشتركوا لمدة 6 اشهر واخرون لمدة عام كامل فى سبيل انهم سيحصلون على ضعف المدة ودفعوا مبالغ تقارب الالف جنيه ... ولكن للأسف تقول الشركة لهم "العروض الجديدة تلغى باقى العروض"

فلا حول ولا قوة الا بالله العلى العظيم

بصوا بقا معايا ....

1- الشركة دى بالذات عاملة تعاقدت مع جميع شركات النت " تى اى داتا ولينك " على انها تصبح هى فقط المزود الوحيد للنت فى منطقتنا الريفية فى محافظة الدقهلية ( قرى ميت عنتر وشرنقاش والطويلة وكفر الطويلة وبطرة و.... ) محتكرة جميع الخدمات وبأسعار أغلى مما أعلنت عليه الدولة بخمسة او عشر جنيهات " على حسب شطارة المندوب وخيابة العميل" ... ولا توفر لنا الخطوط الـمحدودة مجبرة ايانا عند الاشتراك فقط الاشتراك فى الخطوط المفتوحة الذى لا يقل سعر ادنى فئه فيها عن 95 جنيه كما تعرفون....
2- العقد اللى بينى وبينهم لا ينص بأى حال من الاحوال على ما يدعونه من ان عرض يلغى عرض وهذا الكلام الفارغ ... وسئلتهم عن هذا الادعاء قالولى " هوه ده الكلام اللى ماشى فى كل حته " !!!!

لأ وبقى تعالوا شوفوا الحل اللى توصلت اليه معاهم " حاجه تضحك يا جدع "
وعلى رأى بووووحه " أى كلا بيتقال يا عم الحج"

1- الشركة هتتعطف وتتكرم على وتفتحلى خط 256 محدود " بما ان الشركة مش موفرا لمنطقتناا انترنت محدود" وانا اللى هذفه الاشتراك ايضا وهو 50 جنيه فى الشهر.
2- اشترك من جديد كأنك مشترك عادى خالص وانسى اللى فات

وانا بعت هذه الرسالة الى العاشرة مساءا ويرنامج 90 دقيقة والى جهاز حماية المستهلك والى الهيئة القومية لتنظيم الاتصالات ... جايز الاقى الرد

فانا كل اللى عايزة منكم هل فيه نصيحة ممكن حد يقدمهالى فى سبيل رجوع حقى وحق الناس

ويا جماعة ارجوكم عدم الوثوق فى هذه الشركة بتاتا لان تعاملهم فى اى مشكلة يتبع سياسة " هو ده اللى ماشى واخبط دماغك فى الحيط "

والله الواحد لو كان حتى فى اسرائيل كنت خدت حقى تالت ومتلت ومع اعتذار رسمى من الشركة كمان .... ولا حول ولا قوة الا بالله

والسلام عليكم ورحمة الله وبركاته

HaMaDaOnLiNe
17-08-2009, 08:22 AM
لا اله الا الله علي النصب
شكرا ليك علي الافادة و موضوع رائع
تقبل مروري ^^

VincentValentine
17-08-2009, 09:46 AM
لا اله الا الله علي النصب
ربنا حيحاسبهم ..مشكور على الموضوع تقبل مروري ^^

X_HellCall_X
17-08-2009, 10:19 AM
مشكورين جدا على دعمكم الكبير

بس أهم حاجه نسيت أقولها ان لو حد كان اشترك فى هذا العرض " شهر اشتراك + شهر مجانا " .. انه يكلمنى على الايمال عشان نشوف مع بعض هنعمل ايه
[email protected]

Black_Sword
17-08-2009, 10:24 AM
لا حول ولا قوه اى بالله

هيا الدنيا ناقصه خراب

ZeRo-CoOl
17-08-2009, 10:28 AM
لا حول ولا قوة الا بالله
نصب عينى عينك كده

noty2009
17-08-2009, 10:33 AM
ده نصب علنى

king of soul
17-08-2009, 11:01 AM
عندى فكرة ولع فى الشركة بالناس بالمندوب

و لو كنت فى اسرائيل مكنش ده حصل اصلن

™ Vitch« ®
17-08-2009, 11:01 AM
لا حول ولا قوه الا بالله انا من المنصوره و كنت هاشترك فى العرض ده بس بعد ما انت نبهتنى انا خلاص هاوصل من اى واحد بتاع سيبر

X_HellCall_X
17-08-2009, 11:36 AM
ده لو فى اى حتة محترمة لو حصل اى مشكلة
تلاقى أكبر واحد فيها هو اللى يقعد يحل المشكلة معاك .. ويرضى العميل علشان يرجعله تانى .. ولو مش محتاج العميل ده النهاردة هتحتاجه بكرة أكيد

تعرفوا بقى ان رئيس الشركة مصدرلى واحدة شغالة فى الشركة ومش عايز يكلمنى
ومن الاخر قالتلى ان ده اخر كلام من الشركة

بص يا صاحبى وصل من سيبر على الاقل تلاقى حد تتكلم معاه .. مش يصدرلك الطارشة

وفى اماكن محترمة جدا زى لينك وتى اى داتا " بس المركز الرسمى الرئيسى" اصدقائى بيمدحوا فيها جدا جدا ... على الاقل لو كان فيه مشكلة فى النت يكون فيه تعامل باحترام

Blue_Devil
17-08-2009, 02:15 PM
لا اله الا الله

هيستفيد ايه لما ينصب علي الناس كده

TheLionKing
17-08-2009, 02:39 PM
شوفلك حد يشترك معاك فى الخط وخلاص

Pink
17-08-2009, 04:04 PM
◘•لا حول ولا قوة الا بالله •◘

Eslam G. ali
17-08-2009, 04:15 PM
متزعلش منى انت مش بتعرف تتكلم ناس زى دى نصابين روح مقر الشركه فى قلب المقر وزعق او روح اعمل محضر بالعقد اللى معاك و متنساش تصورو بتاع 10 مرات
و اشتغلهوم فى الازرق هتلاقى نفسك واخد 3 شهورببلاش و سرعه 2 ميجا
انت مشفتناش و احنا واقفين ادام لينك لحد مرجعو فى قرار ترشيد الاستهلاك

love_allah
17-08-2009, 04:27 PM
انا مش عارف اقول ايه ده ابو جنيه بيبعوه ب 5 وكمان بيتأمروا علينا انا بشوف ان من الافضل انك ترفع قضيه عليهم وتطلب تعويض كمان بالعقد الي معاك وتأكد ان التعويض مش حيقل عن 10 الاف جنيه

X_HellCall_X
17-08-2009, 10:20 PM
الف شكر يا جماعة وان شاء الله هعمل كده واشتغلهم فى الازرق

OmadO
17-08-2009, 10:28 PM
◘•لا حول ولا قوة الا بالله •◘

الــخــبــيـــر
18-08-2009, 12:12 AM
الحل فى المقاطعه زى ما احنا عملنا لما الساسة بتاعت الاستخدام العادل نزلت

sadekmms
18-08-2009, 09:46 AM
اعمل محضر فى القسم طالما معاك عقد

lover_boby
18-08-2009, 01:47 PM
قدم فيه شكوة

ۣۜGènèraŁ~A
18-08-2009, 07:03 PM
لا حول ولا قوة الى بلة

X_HellCall_X
19-08-2009, 03:11 PM
لا حول ولا قوة الى بلة

الف شكر يا جماعة .. وان شاء الله .. فيه أمل :)

وجب على التعديل " لا حول ولا قوة الا بالله " :)

xMoon_Lightx
19-08-2009, 03:21 PM
لا حول ولا قوه الا بالله يعني بيستغوا انكم في قريه

X_HellCall_X
29-08-2009, 01:23 PM
فعلا يستغلوا اننا فى قرية
:mad::mad::mad::mad::mad::mad:

The_Marco
29-08-2009, 01:31 PM
يبقى انت اكيد فى مصر