مشاهدة النسخة كاملة : قصة حب عندنا فى المنتدى 1 !!
MohamedFathey
06-08-2009, 03:33 PM
دى قصة حب على المنتدى بتاعنا
تعالوا نشوف التفاصيل ونعيش مع اصحاب القصة
القصة ان محمد و أسماء عضوين معانا هنا فى المنتدى
بينهم قصة حب كبيرة واتفقوا على الجواز
والمفروض ان محمد هيفاتح اهلة علشان يروح يتقدم
محمد بيكلم والدتة
محمد/ مساء الفل ياست الكل
الأم / ست الكل ؟ هو انهاردة عيد الأم؟
لا دا لسة بدرى تبقى عاوز فلوس
محمد / فلوس اية بس احنا بينا الحاجات دى برضه ؟
دا أنا جايبلك مفاجأة
اليوم اللى كنتى مستنياة من زمان
الام / خير
محمد / انا ناويت اتجوز
الام / لووووووووووووووووووووووووووووووووووول
ياألف نهار ابيض يادى السعد يادى الهنا
اخيرا سمعت كلام امك وهتتجوز فاطمة بنت اختى
البت بطة دى بنت حلال و.......
محمد / بس بس بس بس بطة اية وفرخة اية
حد جاب سيرة فاطمة ؟
الام / نعم نعم ومالها بطة ان شاء الله
اوعى ياواد تكون حاطط عينك على واحدة من بتوع اليومين دول ؟
محمد / متخافيش دى محترمة جدا واهلها ناس طيبين
الام / ودى تبقى مين المزغودة ؟ وعرفتها ازاى ؟
محمد / اسمها اسماء وزميلة ليا فى المنتدى
الام / فين ؟
وانت اية اللى وداك الحتت دى ؟
اتاريك بتتأخر برة كل يوم
محمد / بس بس بس بس
اتأخر اية المنتدى دة على النت
الام / نت ؟
هى دى البت اللى بتيجى تاخد الفلوس منك كل شهر ياموكوس ولما أسئلك تقولى فلوس النت ؟
اتاريك عمال تحول منى فلوس أول بأول
محمد / يا حجة افهمينى المنتدى دة مكان على النت بنتجمع فية وبنتكلم مع بعض كلنا
وبنكتب مواضيع كتير انتى مش بتشوفينى بقعد بالساعات على الكمبيوتر ؟
الام / واية يابنى اللى دخل الكمبيوتر فى الموضوع دلوقت ؟
محمد / وبعدين بقى
منا بكون قاعد الوقت دة كلة فى المنتدى معاها
الام / معاها ودى فين ابوها اللى سايبها تخرج وتقعد معاك الوقت دة كلة ؟
محمد / انا بكون هنا فى بيتنا وهى فى بيتها وبنتكلم على النت
الام / وانت شايفها كويسة البت دى ؟
محمد / بقولك محترمة جدا و بتحبنى جدا
دى بتشارك فى كل مواضيعى اللى بكتبها
وكاتبة بحبك فى التوقيع بتاعها
وخرجتنى من لعبة السجن 5 مرات قبل كدة
الام / سجن ؟ يالاهوى
وانت اية اللى كان دخلك السجن يا واد
ومخبى علينا ؟ وكمان 5 مرات
اكيد اتخانقت فى الشارع بسبب الست هانم
محمد / دى لعبة والله على المنتدى وكل مرة كانت بتيجى وتخرجنى
الام / بتخرجك من السجن
هى محامية ؟ ومالها بطة بنت خالتك ماهى معاها دبلوم تجارة قد الدنيا
وست بيت شاطرة ومش بتاعة اقسام ولا سجن
محمد / يادى النيلة انا مش هعرف افهمك حاجة خالص
الام / ان شالله عنك مافهمتنى ياموكوس
انا فاهمة كل حاجة
يلا ياد هاتلى قناة الحكايات علشان اسمع المسلسل
ولما يبقى يجى ابوك يبقى يتصرف معاك
قال مش عاجباة فاطمة قال
دة كان الحوار بين محمد ووالدته
باقى رد فعل الأب ... وأهل اسماء
تحبوا اكمل ؟
فى الجزء الثانى .. تابعوا
Un_Wanted
06-08-2009, 03:37 PM
مشكوررر يا عسل علي الموضيع الجميله ديه بس انتا بقلك كتير مش بتعمل موضوع مشكوررررررررر
LinkTheSink
06-08-2009, 03:41 PM
شكرا يا محمد باشا
MohamedFathey
06-08-2009, 03:41 PM
نكمل موضوع محمد وأسماء
والد محمد رجع من الشغل ومحمد بيكلم والدتة علشان تفاتح الوالد فى موضوع جوازة من اسماء
تعالول نشوف اية اللى حصل
محمد / عملتى اية كلمتية ؟
الام / فى اية ؟
محمد / تانى ياحجة هو انا مش قعدت افهمك
الام / اة موضوع جوازك من بطة بنت اختى ؟
محمد / تانى تانى
مش قولنا انسى موضوع بطة دة انا بتكلم عن اسماء
الام / اسماء مين ؟
اة بتاعة الكمبيوتر ؟
محمد / ما انتى فاكرة اهو
يلا بقى خشى كلمية
الام / طيب طيب
بكرة نشوف ست الحسن والجمال
ودخلت تكلم الوالد ومحمد بيتصنت على الباب
الام / بقولك اية ياحج ؟
الأب / اية ؟
الام / محمد ابنك عاوز يفاتحك فى موضوع جوازة
الأب/ تانى الموضوع دة مش قولنا بلاش حكاية بنت اختك دى
محمد فى سرة / الحمد لله
الام / لا مش بطة دة حاطط عينه على واحدة تانية
الاب/ طبعا ابن ابوة بصحيح اكيد حاطط عينة على نورة بنت عمة
محمد فى سرة / يانهار أزرق
الام / نورة ؟
ودى تيجى ايةجنب فاطمة بنت اختى ؟
دى بطة برقابتها
الاب / بطة اية و وزة اية ؟
بطة دى تدبحيها فى العيد مش تجوزيها لابنك
محمد فى سرة / وبعدين بقى هيقعدوا يتخنقوا كدة ويسيبوا الموضوع بتاعى خالص
الاب / و المحروس بتاعك عاوز يتجوز مين بقى ان شاء الله؟
الام / دى بت اسمها شيماء طلعتلوا من الكمبيوتر
محمد فى سرة / اسماء اسماء وبعدين اية طلعتلوا دى ؟ هى عفريتة ؟
الاب / طلعتلوا منين؟ ناديهولى الفالح ابن الفالحة
ودخل محمد يكلم والدة
محمد / ايوة ياحج
الاب / اية يابنى الكلام الاهبل دة كمبيوتر اية اللى طلعتلك منة دة ؟
محمد / يا حج دى لاطلعت ولانزلت
دى زميلتى فى المنتدى واسمها اسماء
الاب / زميلتك فين ؟
محمد / تانى ؟
المنتدى دة مكان على النت بنتجمع فية وبنكتب مواضيع كتير مع بعض فى السياسة فى الفن فى الشعر وكدة
الاب / وانت اية اللى خلاك تتكلم فى السياسة احنا ناقصين
محمد / ماشى ياحج مش هكتب تانى فى السياسة وهخليها هى كمان متكتبش بس جوزهالى
الاب / هى بتكتب فى السياسة
لية هى صحفية ؟
محمد \ لا ياحج دى لسة طالبة دى بتكتب فى المنتدى
الاب \ يابنى كلمنى عربى متدى اية بس ؟
محمد / قصدى على النت ياحج
وبعدين انا معجب بيها أوى وبأفكارها ومواضيعها
تصدق ياحج انها عضوة سوبر وانا لسة عضو نشيط
الاب / سوبر ؟
نهارك ازرق هى بتشرب سجاير ؟
وهتلاقيها شربتك سجاير ياشملول
محمد / عضوة سوبر ياحج مش سجاير سوبر يعنى بتشارك بردود كتير فى المنتدى
الاب / يابنى انا بتعصب لما بسمع متدى دى
وبعدين انت مستعجل لية ؟ مش لما تعرفها كويس ؟
محمد / ياحج انا اعرف عنها كل حاجة
اسمها اسماء على
عضوة سوبر من عيلة محترمة والاسم الرمزى قمر الليل
الاب / رمزى ؟ رمزى مين وقمر مين ؟
انت هتزحم لنا الشقة لية يابنى ؟
محمد / ياحج لازحمة ولا حاجة عاوزين نروح نكلم اهلها بقى
الاب / مع انى مش فاهم حاجة بس خلينى وراك نروح نقابلهم
جرى محمد على الكمبيوتر وطلب من اسماء على الياهو انها تحدد
ميعاد مع اهلها
اسماء عرفت من محمد ان والدة وافق علشان يجى يفاتح والدها فى الموضوع
والمطلوب منها دلوقت انها تفاتح مامتها
تعالوا نشوف الحوار اللى حصل
اسماء / ماما ماما ماما ماما
الام / جك مو في اية يابت ؟
هو انا معرفش انام شوية فى البيت دة ؟
اسماء / شوية اية ياماما
انتى نايمة بقالك 17 ساعة فوقى بقى ياعسل انا جالى عريس
الام / طب دخلية الصالون لغاية لما اصحى
اسماء / فوقى بقى ياماما صالون اية ؟
دة عاوز ياخد ميعاد علشان يجيب اهلة ويجى يطلبنى من بابا
الام / وهو فين بابا مش لما يصحى من النوم
دة بقاله يومين نايم
اسماء / طب ارد علية اقولة اية دلوقتى
الام / دة الموضوع شكلة بجد
ودة وقعتية ازاى
قصدى عرفتية ازاى ؟
اسماء / دة زميلى
الام / فى الكلية ؟
اسماء / لا فى المنتدى
الام / فين يابت؟
مش دة درس الانجليزى اللى بتاخدية ؟
اسماء / لا ياست الكل دة مكان على النت بنقعد كلنا علية ونقعد نحكى ونتكلم
الام / نهارك ازرق انتوا مين يابت ؟ بتقعدى مع مين ؟
اسماء / مع اصحابنا ياماما
فرى بوى ولفلى جيرل و ايمى وباقى الاعضاء
الام / انتى بتخرجى من ورانا يابت
وكمان بتقابلى اجانب ؟
دا انتى يومك اسود
يومك اسود ومش معدى
والنبى هصحيلك ابوكى يتصرف معاكى
MohamedFathey
06-08-2009, 03:51 PM
اصحى شوف بنتك اللى فضحتك وسط الناس
الاب / فى اية ياولية ؟ بتصحينى لية ؟
الاب / الزمالك خسر تانى ؟
الام / لا
الاب / ولما هو لا بتصحينى لية ؟
الام / بنتك جيلها عريس
الاب/ بتتكلمى بجد ؟
طب ومالة هو فين ؟ سايبينة قاعد لوحدة برة
الام / لا دة لسة عاوز ياخد ميعاد منك
الاب / وماله اصول برضة اومال فضيحة اية اللى بتتكلمى عليها؟
الام / اصل بنتك بتقول انة اجنبى وكانت بتقابلة من ورانا
لا ومش لوحدة وكمان معاه اصحابة اجانب زية
الاب / نهارك اسود انتى وبنتك
هى فين مقصوفة الرقبة
الاب / اية اللى انا سامعة دة يابت
اسماء / متصدقش والله يابابا دى ماما مش فاهمة الموضوع كويس
الاب / طب فهمينى انتى يامتنورة يابتاعة المدارس
اسماء / زميلى يابابا اسمة محمد
زميلى فى المنتدى حاجة زى النت كدة
بنتكلم على النت وطلب يقابل حضرتك هو ووالدة
الاب / استغفر الله العظيم
معلش يابنتى امك الشملولة فهمتنى غير كدة خالص
طب اروحلة النت دة ازاى ؟
يعنى بنروحلة بأتوبيس ولا اخد تاكسى احسن علشان اشرفك قدامهم
اسماء / اية بابا تاكسى اية النت دة هنا على الكمبيوتر
الاب \ كمبيوتر ؟
وراح الوالد عند الكمبيوتر
هو فين العريس دة يابت ؟
اسماء / هو عندة كمبيوتر زى دة وبيكلمنى من علية
الاب / يعنى هو وأهلة عايشين ورا الشاشة بتاعة الكمبيوتر دى ؟
اسماء / حاجة زى كدة
الاب / وانتى هتتجوزية وتعيشى معاة ورا الكمبيوتر برضة ؟
اسماء / وبعدين بقى
بابا حدد ميعاد ولما تشوفه ابقى قول رايك
الاب / مع انى مش فاهم حاجة بس ماشى
خلية يجى الجمعة الجاية بعد ماتش الزمالك و حرس الحدود
وهيبقى يومة اسود لو الزمالك خسر تانى
اسماء / ربنا يستر
وجريت اسماء وفتحت الياهو علشان تبلغ محمد بالميعاد
.................................................. ..................................................
كدة اسماء فتحت اهلها فى الموضوع
باقى اللقاء بين العيلتين فى الميعاد المحدد
اكمل ولا كفاية كدة ؟
انهاردة الجمعة ميعاد اللقاء المرتقب بين العيلتين
وماتش الزمالك وحرس الحدود شغال وابوها قاعد بيتفرج
اسماء / اية رايك ياماما البس الفستان الموف ولا التونك البنى؟
الام / ودة لية ان شاء الله انتى فاكرة نفسك هتقعدى معاهم ؟
دة ابوكى كان يقطعك
اسماء / ازاى ياماما دى اول مرة هشوف فيها محمد وهو كمان
الام / بتقولى اية يابت ؟ هو انتى لسة مشفتوش بعض اومال كنتوا بتروحوا تتقابلوا فى النت دة ازاى ؟
النور كان قاطع هناك ولا اية ؟
المهم شوفى الزمالك عامل اية احسن يخسر زى كل مرة وبابا يبقى متضايق وهو بيتكلم مع الناس
اية ياحج الزمالك عامل اية ؟
الاب / دا خسران 2 صفر
دة الواد اللى جى يخطب بنتك دة ليلتة سودة معايا
الماتش خلص والعريس وصل
اسماء /العريس جه .. العريس جه
الاب / جة جة
خشى اجرى على اوضتك متورنيش وشك لغاية لما اناديلك
اسماء ساكنة فى الدور السادس
والدة محمد / يادى البهدلة انا يابنى فيا نفس اطلع السادس ؟
كان مالها بطة بنت خالتك ماهى ساكنة فى الدور التانى ومعانا فى نفس العمارة ؟
والد محمد / ولا كان مالها نورة بنت عمك ماهى فى العمارة اللى جنبنا ولا انت غاوى بهدلة وخلاص ؟
محمد / مش وقت لا بطة ولا فرخة ابوس ايديكوا خلوا اليوم دة يعدى على خير
انا اصلا مخنوق من الكرفتة اللى انا لابسها دى
وشكلى بالورد اللى انا شايلة دة بيفكرنى بأفلام الابيض والاسود
والدة محمد / مالو الورد ياواد
دا انت عامل زى تامر حسنى فى فيلم احمد وسلمى
ربنا يستر
وصلوا السادس ورنوا الجرس
والد اسماء / مين ؟
محمد / انا محمد ياعمى
والد اسماء / يعنى محمد ابو تريكة ؟
محمد مين ؟
وفتح الباب
MohamedFathey
06-08-2009, 03:59 PM
اهلا اهلا اتفضلوا
ام اسماء / يادى النور يادى النور
دة البيت نور ازيك ياحبيبتى
والدة محمد / منور ب أصحابة ياحبيبتى
امممممممة
امممممممة
والد اسماء / ولية التعب دة يابنى ( قصدة على الورد )
محمد / دى حاجة بسيطة كدة ياعمى علشان خاطر العروسة
والدة اسماء / والله يامحمد يابنى انا قلبى اتفتحلك من اول ماشوفنك
والدة محمد / القلوب عند بعضها ياحبيبتى
أومال فين العروسة ؟
دة محمد مبيبطلش كلام عن ادبها واخلاقها
والد اسماء / يا أسماء تعالى سلمى على ضيوفنا
خرجت اسماء مكسوفة جدا وهتقع وهى خارجة وراحت تسلم
والد محمد / ده إيه الجمال ده ؟
والدة محمد / تعالى ياحبيبتى لما ابوسك
امممممممممة
امممممممممة
والدة اسماء /اقعدى يا اسماء
اسماء / اومال فين محمد ؟
محمد / اومال فين اسماء ؟
والد محمد / ما هو دة محمد ابنى
والدة اسماء / ماهى دى اسماء بنتى
محمد واسماء فى نفس واحد / اية ؟
اسماء / انت مش قولتلى انك شبة كاظم الساهر ؟
محمد / وانتى مش قولتيلى انك شبة اليسا ؟
اسماء / انت تخين لية ؟ مش قولتلى انك رشيق ورياضى
محمد / وانتى دى مش صورتك اللى بعتيهالى
انتى كدابة
اسماء / وانت غشاش
محمد / انا مش ممكن اوافق على الجوازة دى
اسماء / وانا مش ممكن اتجوز واحد غشاش زيك
كل دة والاسرتين بيتفرجوا على اللى بيحصل فى زهول
والد محمد ووالدتة اخدوة على جنب وبيكلموة
والدة محمد / يابنى استهدى بالله دول ناس طيبين والبنت كويسة
محمد / لا انا خلاص قررت اتجوز بطة بنت خالتى
بطة ست بيت شاطرة ومش بتاعة اقسام ولا سجن زى البت دى
مش دة كلامك ؟
والدة محمد / بطة مين وفرخة مين ياعم ؟
انا خلاص موافقه على اسماء
محمد / خلاص اتجوز نورة بنت عمى
واللى تعرفة احسن من اللى متعرفوش
والد محمد / يابنى اسماء كويسة وابوها شكلة راجل طيب
خليك ناصح ومتنشفش دماغك
فى نفس الوقت والد اسماء ووالدتها بيكلموها على جنب
والد اسماء / جرى اية يا أسماء
الواد كويس وزى الفل وابوة شكلة زملكاوى
اسماء / لا يا بابا دول اهلوية وبعدين دة عاوز يتجوزنى ويقعدنى مع عيلتة اللى عايشين ورا شاشة الكمبيوتر
مش دة كلامك ؟
دة مصاحب اجانب ياماما
فرى بوى ولفلى جيرل وايمى
ودول كمان مش اى اجانب دول اسرائيلين
والدة اسماء / يابنتى بكرة يعقل و يبعد عنهم بعد الجواز
اسماء / مش هتجوزة يعنى مش هتجوزة
محمد / وانا لو شنقتونى مش عاوز البت دى
بعد محاولات كتير من الطرفين
فشلت كل المحاولات لاقناعهم بالجواز
انا عارف ان النهاية دى هتزعل ناس كتير منى
بس انا حبيت اوصل رسالة ان حب المنتديات مش حب
عادتنا وتقاليدنا فى الجواز هما اجمل شىء
مينفعش ترتبط بشخص كل اللى تعرفة عنة كتاباتة
تحياتي للجميع
king of soul
06-08-2009, 04:07 PM
ههههه جامدة و نرجو المزيد
SoOHisokaOoS
06-08-2009, 04:15 PM
ههههههههههههههههههههههههى بس هوه انتا اللى مقلفها
MohamedFathey
06-08-2009, 04:16 PM
مشكوررر يا عسل علي الموضيع الجميله ديه بس انتا بقلك كتير مش بتعمل موضوع مشكوررررررررر
معلش يا صحبي مشغول شوية
شكرا يا محمد باشا
أي خدمة
ههههه جامدة و نرجو المزيد
شكراً علي مرورك
ههههههههههههههههههههههههى بس هوه انتا اللى مقلفها
أنا وصحبي المئلفنها
وقعدنا أكتر من 3 سعات علشان نعمل الحوار دة كولو ونجيب من هنا ومن هنا وأخيراًَ
بس الفضل كلة يرجع لصحبي هو مش معنا هنا في المنتدي بس صحبي زي أخوية وأكتر
MR_XP_neptune
06-08-2009, 05:00 PM
لا دا كدا حرام دا كول الكلام داه و المنحية دا علي مفيش:eek::eek::eek::eek::eek::eek::eek::eek:
Blue_Devil
06-08-2009, 06:15 PM
مشكور
y0y0elGeN
06-08-2009, 06:36 PM
u are prince
ArbArmy
06-08-2009, 06:59 PM
ههههههههه طيب انا عايز اتجوز بطة هههههههههه شكرا على القصة دي
Black_Sword
06-08-2009, 07:11 PM
لول قصه مضحكه و جامده طحن
شــــــــــــكرا "^^"
تقبل مروري
HaMaDaOnLiNe
06-08-2009, 07:42 PM
هههههههه مشكور علي القصه ^^
GE_dragon
06-08-2009, 10:02 PM
شكرا ليك و لى صاحبك انا وقعت من كتر الضحك جامده موت
محسن الكاشف2
06-08-2009, 10:34 PM
انا فى العموم بردش خالص لظروف كده
بس عشان النهايه دى
وعشان انا شايف انك فعلا مؤلف جامد جدا
وعشان الفكره الاخلاقيه هرد طبعا مهما كانت الظروف
بصراحه : تتحسد
شكر على القصه المذهله
اخوك / محسن الكاشف
ELMassry
06-08-2009, 10:49 PM
مشكور اخى الكريم على القصة و العظة
NUKERMohameD
06-08-2009, 10:55 PM
مشكوووووورررررررررررررررررر
ههههههههههههههههههههههههههههههه
ياللا فاست الجزاء التانى
Dr.7oSam
06-08-2009, 10:57 PM
ههههه جامدة و اِرجو ان يكون هناك المزيد والمزيد
شكرااااااااااااا وتقبل مرورى
hamada321
06-08-2009, 11:03 PM
شكرا يا استاذ محمد واللة موضيعك كلها جمدة
المصرى البورسعيدى
06-08-2009, 11:16 PM
مكشووور مشكووور مشكووور مشكووور واول مره اشوف موضوع طويل وما ازهقش تحياتى
sniper2010
06-08-2009, 11:23 PM
انا اعد افراها بالى ساعه على اساس اشوف نهايه سعيده و فى الاخر............!!!!
bazoka_22
06-08-2009, 11:48 PM
هههههههههههههههههههههههه
شكرا علي الموضوع
lover_boby
07-08-2009, 12:14 AM
جامدة كيك
MohamedFathey
07-08-2009, 07:22 AM
لا دا كدا حرام دا كول الكلام داه و المنحية دا علي مفيش:eek::eek::eek::eek::eek::eek::eek::eek:
معلش قسمتهم كدة :rolleyes:
مشكور
العفو
u are prince
Thx;)
ههههههههه طيب انا عايز اتجوز بطة هههههههههه شكرا على القصة دي
أنا هكلمهالك :D
لول قصه مضحكه و جامده طحن
أي خدمة;)
شــــــــــــكرا "^^"
تقبل مروري
العفو
هههههههه مشكور علي القصه ^^
العفو
شكرا ليك و لى صاحبك انا وقعت من كتر الضحك جامده موت
أي خدمة ;)
انا فى العموم بردش خالص لظروف كده
بس عشان النهايه دى
وعشان انا شايف انك فعلا مؤلف جامد جدا
وعشان الفكره الاخلاقيه هرد طبعا مهما كانت الظروف
بصراحه : تتحسد
شكر على القصه المذهله
اخوك / محسن الكاشف
و الله انا سعيد أنك رديت وفية ناس كتير مبتردش رديت في الموضوع دة
بجد أنا فعلاً حسيت أني تعبت بعد لما شفت ردك وردود الناس المبتردش علي أي موضيع
مشكور اخى الكريم على القصة و العظة
العفو
مشكوووووورررررررررررررررررر
ههههههههههههههههههههههههههههههه
ياللا فاست الجزاء التانى
أي خدمة أنا موجود ;)
ههههه جامدة و اِرجو ان يكون هناك المزيد والمزيد
شكرااااااااااااا وتقبل مرورى
شكراً علي مرورك وردك الجميل
شكرا يا استاذ محمد واللة موضيعك كلها جمدة
العفو يا باشا
مكشووور مشكووور مشكووور مشكووور واول مره اشوف موضوع طويل وما ازهقش تحياتى
شكراً علي مرورك الزي العسل
بس بصراحة ردك رد فية الروح
هههههههههههههههههههههههه
شكرا علي الموضوع
العفو
جامدة كيك
العفو
بس في النهاية عايز أقلكم حاجة للناس القرت الموضوع المقرتش لأ يا ريت تكون فهمت أنا قصدي أية في النهاية
تحياتي للجميع
silkspider
07-08-2009, 07:44 AM
جااااااااااااااااااامدة مووووووووووت وننتظر منك المزيد ...... بالتوفيق
ARABIAN_HERO
07-08-2009, 07:51 AM
قصة جامده مووووووووووووت بس النهايه مــشــ...............
تقبل مرورى
_ l3oy0FHell_
07-08-2009, 10:36 AM
هيا فان البنت دي قولي علي المنتدا الي هيا فية عشان يمكن اتجوزها
ولا اقولك لحسن خطبتي تعرف وتخرب باتي دي بتفتشني
مشكور يا مان موضوع جامد
The_Marco
07-08-2009, 11:15 AM
جامدة طحن
jackel240
07-08-2009, 01:34 PM
العيب منهم علشان مشغلوش كامره ههههههههه
WeaponXMido
07-08-2009, 02:56 PM
جامدة أوي
MohamedFathey
07-08-2009, 10:31 PM
شكراً علي الردرود الحلوة
الجميلة
تحياتي للجميع
HaZeM2080
07-08-2009, 11:18 PM
ههههههههه
شاسلام على القصه الروعه دى من واحد روعه
شكرايا محمد
;)
محمد66
07-08-2009, 11:57 PM
thanks
forgetin
08-08-2009, 09:57 AM
loooooooooooooooooooooooooool
Alone iN The Sky
08-08-2009, 10:33 AM
ههههههههههههههههههههههه
تستاهل افضل ربع ساعة اقرا فيها كلها
بصراحة تمام ممكن يحصل مع الهبل
EvilSoul
08-08-2009, 11:26 AM
قريتها كلها بجد روعه و فكره جميله
dogrand
08-08-2009, 01:40 PM
يا جامممممممممممممممممممممممممممد والله جامده وحقيقيه بجد
Just4Me
08-08-2009, 01:54 PM
مشكور على القصة =)
it is me
08-08-2009, 08:59 PM
اولا قصه لذيذه و جميله اوى
بس انا اختلف معاك فى الراى
مش كل الحب حضرتك حب شكل و مظاهر
و لا كل واحد بيتجوز علشان الشكل و بس
الاهم الافكار و العقل و التفكير و الشخصيه الجميله
و بعدين فيه اختراع اسمه كاميرا
و تقبل مرورى عافيه و بلطجه ^^
MohamedFathey
09-08-2009, 05:19 AM
ههههههههه
شاسلام على القصه الروعه دى من واحد روعه
شكرايا محمد
;)
العفو يا برنس
thanks
loooooooooooooooooooooooooool
ههههههههههههههههههههههه
تستاهل افضل ربع ساعة اقرا فيها كلها
بصراحة تمام ممكن يحصل مع الهبل
هههههه
يا جامممممممممممممممممممممممممممد والله جامده وحقيقيه بجد
مشكور على القصة =)
العفو يا رجالة
اولا قصه لذيذه و جميله اوى
أديني فضتلك
بس انا اختلف معاك فى الراى
أنا كنت مستني الردور والمنقشات الزي كدة
فينك من زمان
مش كل الحب حضرتك حب شكل و مظاهر
و لا كل واحد بيتجوز علشان الشكل و بس
يبقي أنت مفهمتش القصة كويس
لو فهمت القصة هتلاقي كلامي بيقول زي مـ أنت بتقول كدة
الاهم الافكار و العقل و التفكير و الشخصيه الجميله
و الله هوم دة الكنت عايز أوصلة للناس
و بعدين فيه اختراع اسمه كاميرا
هو أي واحد يتعرف علي أي بنت ترضي تفتحلو الكميرة
ولو
أفرضنا مسلن مكنش عندها كميرة
و تقبل مرورى عافيه و بلطجه
شكراً علي مرورك العطر
ولا تحرمنا منة
منور التوبيك
تحياتي للجميع
it is me
09-08-2009, 05:29 AM
هو أي واحد يتعرف علي أي بنت ترضي تفتحلو الكميرة
ولو
أفرضنا مسلن مكنش عندها كميرة
لو وصلت لحب هتفتحله الكاميرا
و لو معندهاش تشترى يا اخى ^^
CaSaNoVa
09-08-2009, 05:43 AM
مــــشكور يا حوبى ولله قصة تمام
وتقبل مرورى
™ShildEgypt™
09-08-2009, 09:22 AM
هههههههههههههههههههههههههه بجد 100% يا زعيم ^^
تقبل مرورى osama5
dandosh
09-08-2009, 10:53 AM
هههههههههههههه بجد القصة مضحكة جدا
بس انا زعلان على النهاية ديه كان نفسي يتجوزوا
مشكوووور على تعبك انت و صاحبك و ليكوا مستقبل كبيير انت و هوا :d
MohamedFathey
10-08-2009, 01:44 AM
لو وصلت لحب هتفتحله الكاميرا
و لو معندهاش تشترى يا اخى ^^
أفرضنا ممعهاش فلوس تعمل أية هيا
لو وصلة لحد الحب أكيد هتفتحلة وكمان لازم يتقبلو
مش هيتقدمو من أصلاً فهمت
بس أنا خلتها لما يتقدمو لبعض
مــــشكور يا حوبى ولله قصة تمام
وتقبل مرورى
العفو
هههههههههههههههههههههههههه بجد 100% يا زعيم ^^
تقبل مرورى osama5
شكراً علي مرورك
هههههههههههههه بجد القصة مضحكة جدا
بس انا زعلان على النهاية ديه كان نفسي يتجوزوا
مشكوووور على تعبك انت و صاحبك و ليكوا مستقبل كبيير انت و هوا :d
معلش الجواز قصمة ونصيب
Eslam G. ali
10-08-2009, 04:23 AM
ههههههههههههههههههههه
ahmed3000
10-08-2009, 04:43 AM
شكرا على الموضوع بس انا زعلان انك دخلت الزمالك في الموضوع بالطريقة دي زمااااااااااااااااااااااااااااالك للابد و انشاء الله حناخد الدوري و الكاس و كل البطولات الي احنا عاوزنها
startimes93
10-08-2009, 04:44 AM
هههههههههههه والله جامدة
Helen2050
10-08-2009, 09:24 AM
ههههههههههههههههههههه
مشكور
MohamedFathey
11-08-2009, 04:07 AM
شكراً للردود الجميلة
elbasha07
11-08-2009, 09:05 AM
ههههههههه طيب انا عايز اتجوز بطة هههههههههه شكرا على القصة دي
و انا نوره و محمد يقعد يلفل في سيلكرود شويه :d:d
محمد محمود55
11-08-2009, 10:19 PM
موضوع جميل والله ربنا يزيدك انت على فكرة تنفع مؤلف والله
Ultra
11-08-2009, 10:30 PM
شكرا على الموضوع
يا باشا
ومستنيين الجزء الثانى
alidndn
12-08-2009, 12:23 AM
مشكور أوي وفي انتظار الجزء التاني
nadeesmat
12-08-2009, 12:40 AM
تعرف لو مكنش منقول وقريته قبل كده كنت قولت عليك مبدع زمانك
™ Vitch« ®
12-08-2009, 12:41 AM
Loooool
bekoman2
12-08-2009, 12:50 AM
^^
memo_love
12-08-2009, 01:16 AM
جامدة جداااااااااااااااااااااااااا
Maxitrol_phd
12-08-2009, 03:42 AM
اهلا اهلا اتفضلوا
ام اسماء / يادى النور يادى النور
دة البيت نور ازيك ياحبيبتى
والدة محمد / منور ب أصحابة ياحبيبتى
امممممممة
امممممممة
والد اسماء / ولية التعب دة يابنى ( قصدة على الورد )
محمد / دى حاجة بسيطة كدة ياعمى علشان خاطر العروسة
والدة اسماء / والله يامحمد يابنى انا قلبى اتفتحلك من اول ماشوفنك
والدة محمد / القلوب عند بعضها ياحبيبتى
أومال فين العروسة ؟
دة محمد مبيبطلش كلام عن ادبها واخلاقها
والد اسماء / يا أسماء تعالى سلمى على ضيوفنا
خرجت اسماء مكسوفة جدا وهتقع وهى خارجة وراحت تسلم
والد محمد / ده إيه الجمال ده ؟
والدة محمد / تعالى ياحبيبتى لما ابوسك
امممممممممة
امممممممممة
والدة اسماء /اقعدى يا اسماء
اسماء / اومال فين محمد ؟
محمد / اومال فين اسماء ؟
والد محمد / ما هو دة محمد ابنى
والدة اسماء / ماهى دى اسماء بنتى
محمد واسماء فى نفس واحد / اية ؟
اسماء / انت مش قولتلى انك شبة كاظم الساهر ؟
محمد / وانتى مش قولتيلى انك شبة اليسا ؟
اسماء / انت تخين لية ؟ مش قولتلى انك رشيق ورياضى
محمد / وانتى دى مش صورتك اللى بعتيهالى
انتى كدابة
اسماء / وانت غشاش
محمد / انا مش ممكن اوافق على الجوازة دى
اسماء / وانا مش ممكن اتجوز واحد غشاش زيك
كل دة والاسرتين بيتفرجوا على اللى بيحصل فى زهول
والد محمد ووالدتة اخدوة على جنب وبيكلموة
والدة محمد / يابنى استهدى بالله دول ناس طيبين والبنت كويسة
محمد / لا انا خلاص قررت اتجوز بطة بنت خالتى
بطة ست بيت شاطرة ومش بتاعة اقسام ولا سجن زى البت دى
مش دة كلامك ؟
والدة محمد / بطة مين وفرخة مين ياعم ؟
انا خلاص موافقه على اسماء
محمد / خلاص اتجوز نورة بنت عمى
واللى تعرفة احسن من اللى متعرفوش
والد محمد / يابنى اسماء كويسة وابوها شكلة راجل طيب
خليك ناصح ومتنشفش دماغك
فى نفس الوقت والد اسماء ووالدتها بيكلموها على جنب
والد اسماء / جرى اية يا أسماء
الواد كويس وزى الفل وابوة شكلة زملكاوى
اسماء / لا يا بابا دول اهلوية وبعدين دة عاوز يتجوزنى ويقعدنى مع عيلتة اللى عايشين ورا شاشة الكمبيوتر
مش دة كلامك ؟
دة مصاحب اجانب ياماما
فرى بوى ولفلى جيرل وايمى
ودول كمان مش اى اجانب دول اسرائيلين
والدة اسماء / يابنتى بكرة يعقل و يبعد عنهم بعد الجواز
اسماء / مش هتجوزة يعنى مش هتجوزة
محمد / وانا لو شنقتونى مش عاوز البت دى
بعد محاولات كتير من الطرفين
فشلت كل المحاولات لاقناعهم بالجواز
انا عارف ان النهاية دى هتزعل ناس كتير منى
بس انا حبيت اوصل رسالة ان حب المنتديات مش حب
عادتنا وتقاليدنا فى الجواز هما اجمل شىء
مينفعش ترتبط بشخص كل اللى تعرفة عنة كتاباتة
تحياتي للجميع
ههههههههههه
كلامك صحيح باس هو كان المفروض يقابلوا بعض و يشوفوا بعض مش يقول لأبوه علي
طول لازم يشفها و يعاشرها
و جامد الحتة دي
اسماء / لا يا بابا دول اهلوية وبعدين دة عاوز يتجوزنى ويقعدنى مع عيلتة اللى عايشين ورا شاشة الكمبيوتر
مش دة كلامك ؟
دة مصاحب اجانب ياماما
فرى بوى ولفلى جيرل وايمى
ودول كمان مش اى اجانب دول اسرائيلين
حسيت ان البت مش طيقاه
بجـــد الموضـــوع تحفــة
لدرجة اني قريته كله و الله
ميرسي و القصة جميلة و مضحكة
باس محتاجة شوية عقل
MohamedFathey
12-08-2009, 03:59 PM
و انا نوره و محمد يقعد يلفل في سيلكرود شويه :d:d
بس أزاي و انا أسماء
موضوع جميل والله ربنا يزيدك انت على فكرة تنفع مؤلف والله
الله يخليك مش للدرجة
شكرا على الموضوع
يا باشا
ومستنيين الجزء الثانى
مفيش جزء تاني هيا كلها علي بعضيها علي كدة
مشكور أوي وفي انتظار الجزء التاني
مفيش جزء تاني هيا كلها علي بعضيها علي كدة
تعرف لو مكنش منقول وقريته قبل كده كنت قولت عليك مبدع زمانك
تقصد أنك قريتة قبل كدة في منتدي أخري ؟؟؟؟؟؟؟؟؟؟؟!!!!!!!!؟؟!؟!؟!؟!؟!؟!؟؟!؟!؟!؟!؟!؟!؟!؟!؟ !؟؟!؟!؟!؟!؟!؟!؟!؟!!!!!!!!!!!!!!!؟؟؟؟؟؟؟؟؟؟؟؟؟؟؟!!! !!!!!!!!؟؟؟؟؟؟؟؟؟؟!؟!!!!!!!!!!!!!!!!!!!!!!
loooool
عجبتك صح
^^
أية ؟ أنا عايز رد مش تكتبلي ^^
جامدة جداااااااااااااااااااااااااا
أي خدمة
ههههههههههه
كلامك صحيح باس هو كان المفروض يقابلوا بعض و يشوفوا بعض مش يقول لأبوه علي
طول لازم يشفها و يعاشرها
و جامد الحتة دي
اسماء / لا يا بابا دول اهلوية وبعدين دة عاوز يتجوزنى ويقعدنى مع عيلتة اللى عايشين ورا شاشة الكمبيوتر
مش دة كلامك ؟
دة مصاحب اجانب ياماما
فرى بوى ولفلى جيرل وايمى
ودول كمان مش اى اجانب دول اسرائيلين
حسيت ان البت مش طيقاه
بجـــد الموضـــوع تحفــة
لدرجة اني قريته كله و الله
ميرسي و القصة جميلة و مضحكة
باس محتاجة شوية عقل
دة من الفرحة راح علي أبوة علي طول
من غير ميفكر
هي مش طيقاة علشان ضحك عليها و قلها أنا شبة
كاظم الساهر ههههههه
وهو كمان مش طايقها
شكراً علي مرورك المميز فلا تحرمني منة
شريف الشرس
12-08-2009, 04:23 PM
جامد اخر حاجة و عايزين المزيد
THE_OFFICE
12-08-2009, 04:29 PM
جاااااااااااامد
KingMaster
12-08-2009, 07:29 PM
هههههههههه مشكور
MohamedFathey
13-08-2009, 02:20 PM
شكراً للردود
Anubis
13-08-2009, 03:25 PM
لول قصه مضحكه و جامده طحن
steerforth
13-08-2009, 03:47 PM
شــــــــــــكرا
King_Cribo
13-08-2009, 04:34 PM
مشكور يا حماده
Healian
13-08-2009, 04:46 PM
جامده طحن يا معلم
Healian
13-08-2009, 04:47 PM
تقبل مرورى
Healian
13-08-2009, 04:48 PM
:D
ibrahemmohamed
13-08-2009, 04:56 PM
بعد قصة الحب دى كلها
فشوش
هههههههه
مشكور
HeeMa
13-08-2009, 07:12 PM
مشكور
MohamedFathey
14-08-2009, 02:47 PM
شكراً علي الردود يا رجالة
Mysterious
14-08-2009, 03:58 PM
مشكوووووور
RamboKing
14-08-2009, 07:20 PM
هههههههههههههههههههههههههههههههههههههههه
ايوة على دة موقف :d:d:d:d:d
_UnKnown_
14-08-2009, 08:19 PM
هههههههههههه والله جامده كيك
ومشكووووووووووووور يا مان على الموضوع الجميل
king_of_Silkroad
14-08-2009, 08:37 PM
جميلة القصة دى :)
وشكراً يا محمد
MeZo.Sadly
14-08-2009, 09:51 PM
شكرا على القصة الجامدة دى
MohamedFathey
15-08-2009, 11:37 PM
مشكوووووور
العفو
هههههههههههههههههههههههههههههههههههههههه
ايوة على دة موقف :d:d:d:d:d
هههه حلوة مش كدة ؟
هههههههههههه والله جامده كيك
ومشكووووووووووووور يا مان على الموضوع الجميل
أي خدعة
جميلة القصة دى :)
وشكراً يا محمد
العفو
شكرا على القصة الجامدة دى
العفو
bouali30
15-08-2009, 11:42 PM
بجد موضوع جامد جداااااااااا
شكرا يا باشا
KeMoKoNo
16-08-2009, 12:13 AM
يا رب يتمم بخير :p
MohamedFathey
16-08-2009, 11:43 AM
شكراً لمروركم يا رجالة
steerforth
16-08-2009, 02:00 PM
مشششششششششششششششششششششششششششششكككككككككككككككككككك ككككككككككووووووووووووووووووووووووررررررررررر
الــخــبــيـــر
16-08-2009, 02:47 PM
هههههههههه , جميله القصة ديه
memo_love
16-08-2009, 03:53 PM
جميل
zizo egyption
16-08-2009, 05:13 PM
والله برنس على الموضوع كان لازم الموضوع ده من زمان
انتا برنس
MohamedFathey
17-08-2009, 08:41 AM
مشششششششششششششششششششششششششششششكككككككككككككككككككك ككككككككككووووووووووووووووووووووووررررررررررر
العفو
هههههههههه , جميله القصة ديه
هه أي خدعة
جميل
أية رائيك ؟
والله برنس على الموضوع كان لازم الموضوع ده من زمان
انتا برنس
الله يخليك
ۣۜGènèraŁ~A
18-08-2009, 07:36 PM
مشكور الموضع روعة
Saleh Ahmed
18-08-2009, 08:53 PM
مشكور
DEMON_FOX2
18-08-2009, 10:22 PM
i need bta :::::D:D:D:D:D::D:DD:D:D:D:D:D: thx thx thx lllllllllllllllllllollllllllllllllllllll
DEMON_FOX2
18-08-2009, 10:22 PM
good
MohamedFathey
19-08-2009, 05:27 AM
مشكور الموضع روعة
العفو وشكراً لمرورك
مشكور
العفو
i need bta :::::D:D:D:D:D::D:DD:D:D:D:D:D: thx thx thx lllllllllllllllllllollllllllllllllllllll
muhahahaha
good
Thx
NUKERMohameD
19-08-2009, 06:02 AM
العفو وشكراً لمرورك
العفو
muhahahaha
thx
فن الجزاء التانى بلاش نصب :d:d:d
MohamedFathey
19-08-2009, 02:57 PM
فن الجزاء التانى بلاش نصب :d:d:d
مخلاص سابو بعض و الكان كان أجزاء تانية علي أية ؟ ؟؟؟ !!!!!
vBulletin® v3.8.11, Copyright ©2000-2026, vBulletin Solutions, Inc