مشاهدة النسخة كاملة : للمضــروبيــن بالشــــباشــــب والخـــــــرزانات والحزام يدخلو
Alone iN The Sky
10-07-2009, 07:31 AM
اكيد يعني كلكوا عارفين المشهور جدا اعلاه دي الزنوووووووووووووبة المصرية واستخداماتها يووووووووووووووووه لا تعد ولا تحصى واهم استخدام ليهم ضرب الصراصير والعيال العنادية اللي مابيسمعوش الكلام :clap:
يالا حبيت اخرجكوا شوية من جو الكابة والامتحانات والهم ده كله وقلت انعنشكوا بموضوع ظريف قبل ماامشي وذكريات لما بنفتكرها بنموت من الضحك عليها
الموضوع ببساطة كل واحد حايحكي قصص عن علقات الشبشب او الخرزانة او الخرطوم او المسطرة اللي انضرب بيها وهوا صغير واول علقة خدها وجت بنتيجة ولالا وعلمت على جتته ولا حلووووووف :chair: ومااثرتش معاه ماحدش يتكسف ويقول العيال حايعيروني ماهو اللي حايعايرك حاتلاقيه واخد علقة انقح من علقتك لان كلنا اتضربنا واحنا صغننين وكلنا ماكناش بنسمع الكلام يعني ماحدش احسن من حد وماحدش اتولد حسب الطلب وبيسمع الكلام دايركت الا بعد شد الودان وعلقات الشبشب بتاع ماما وخرزانة بابا ولوكميات بابا برضه :boxing:
وانا حابدا اول حكاية حصلتلى
كنت وانا سغير كده بتاع 8 سنين اعد فى البلكونة انا وصحابى وكنا عاملين نعمل مقالب فى بعض ومش ساكتين كأن فى عفاريت فى الشقة مش بنهدى وكل واحد بيخنق التانى بحاجة والمشكلة الكبيرة بقى انى وانا صغير قلت ايه اعمل يهم اكبر مقلب رحت جبت الكبريت وولعت فى البلكونة وانا ماجاش على بالى ان كان ممكن حد يتأذى او النار تكبر ههه كنت صغير مش عارف ولاقيت الناس كلها عمالة تطفى النار مش بتهدى لحاد الحمد لله خلصت من غير ماحد يتأذى خالص بس كان فى خسائر مادية فا ابويا قالى مين اللى عمل كده قلتلو الجيران اللى فقوينا البت الصغيرة حدفت كبريت مولع فا مسك فا ولع فينا وانا ابويا اصلا (-----) جاب القسم كلو وحصلت مشكلة كبيرة جدا والدنيا ولعت بسبب اللى حصل بس انا اضطريت اكذب لان كنت هتظبط ظبطة مافيش زيها وفى الاخر خالص الناس اتأسفولنا وانهارو لان ابويا كان هيسجنهم خلاص وبعد ما كبرت بقى قلتلهم انا اللى ولعت فى البلكونة علشان عارف ان مافيش حاجة هتحصل ابدا ههههههههههههه وماخدتهاش بردو حظى كان حلو
يالا كل واحد يدخل يحكي كدة وماتتكسفشى احنا اخوات
Mysterious
10-07-2009, 08:05 AM
ههههههههههههههه
جامده والله تسلم يا غالي
تقبل مروري ويشرفنى اكون اول رد على موضوعك
silkspider
10-07-2009, 09:43 AM
انا مرة كنت بلعب كورة انا و صحابى فى الشارع جنب الجامع كان عندى 10 سنين واحنا بنلعب كورة فجأة جت عربية نقل ووقفت فى نص الشارع و الراجل دخل يصلى رحت جايب طوبة كبيرة و فى إزاز العربية يا معلم واخلعععععععع انا و صحابى كلهم و الراجل ولعععع و فضل يدور علينا لكن على مين كل واحد دخل بيتة زى الملاك البرىء و معرفش حصل للراجل اية بعد كدة ^^
LinkTheSink
10-07-2009, 10:04 AM
ههههههههه موضوع فكرته جميلة جدا ^^
وانا قصتي ,,,,,,:cool:
في يوم من ايام 3 ابتدائي ,,, كان عندنا في الفصل بنت احنا مطلعين عليها اسم الشريرة :p
خد عندك بقي يا معلم ,,, مرة كان الفصل بتاعنا كلنا كنا بنلعب صنم ( كانت ايام :cool:)
المهم بقي العبد لله ( انا ) ضربت البنت الشريرة دي جامد علي ايدها ,,, مكنتش اقصد طبعا ,,, لقيت البنت الشريرة بتضربني في كتفي ,, حسيت ان كتفي اتخلع ( انا غلبان:D)
قومت انا بقي جمعت قوتي كلها وادتها واحد شلوت بالجزمة السودة ام بوووز :D في قصبة رجليها
من هول الفاجعة :p البنت وقعت محطتش منطق من الشلوت وهاتك يا صويت وعيط :eek:
اتبلغ عني في المدرسة ,,, والناظر عمل الواجب وزيادة معايا ^^ :)
روحت البيت عملو الواجب معايا الطاق طاقين :cool:
بس يا سيدي من ساعتها انتهت قصة البنت الشريرة ,,, وصاحبك اتبهدل ^^
قصة حقيقية ^^ جميع الحقوق محفوظة للناشر ^^ :D
ومشكور علي الموضوع الجميل :rolleyes:
MohamedFathey
10-07-2009, 10:20 AM
مش فاكر بالظبط أمتة أول علقة بس فاكر أقدم علقة
أخدتها بسبب ناس ضيوف كانو عندنا
كان عندهم واحد بيغتت علية
انا ضربتة ورمتلة الشبشب بتاعو برة البيت
طلع يجيبة قفلت علية الباب وكان كولو نايم سعتها أعد يخبط علي الباب
لحد لما أبويا صحي وانا عمت فسي نايم
أبوية قلو أية الطلعك
راح هو حكالو علي الحصل ر جاب الحزام وضربني بالتوكة
راصي أتعورت :d
bazoka_22
10-07-2009, 10:37 AM
لا انا كان عندي حوالي 5 سنين
و فى يوم من الايام خرجت الصبح الساعه 9 الصبح من البيت و مكنش حد يعرف
و روحت عاند ناس اقاربنا من بعيد و فضلت اللعب عندهم لحد الساعه 6 المغرب
و انتو طبعا عارفين كانوا ف البيت عاملين ازاي :mad::mad::confused::mad:(مولعين)
وانا تعبت من اللعب فنمت و صحوني الساعه 9 بالليل و روحت و وروني النجوم في عز الظهر:D
و فضلت اعاد في البيت بعدها لمده اسبوع مشفتش الشارع ده مكانش غزب عني بمزاج الضرب الئ انا خته:(:(:(
starfire
10-07-2009, 10:53 AM
انا بقا كنت فلقت من الدرس و بعدين في ناس جت ألت لأهلي و الصبح و أنا نايم my mother لسعتني بالنار
Alone iN The Sky
10-07-2009, 11:32 AM
ههههههههههههههههههههههههههه
هههههههههههههههههه
معلش يا جماعة مش قادر امسك نفسى من الردود كل ما قرا واحد مامسكش نفسى
والله بتبقى احلى ايام
mohamedbasel
10-07-2009, 11:37 AM
مرة و انا صغير كان عندى 6 سنين ....... , كان عندنا شغالة من سريلانكا ...و انا طبعا كنت شقى جدااا و كنت على طول بعد ابوزلها اى حاجة تعميلها و على طول اضايقها بأى طريقة و بعدين فى مرة من المرااات ابويا عرف و قام بالواجب طبعاااا و اتمديت بالخرزانة ......... و موسكوش على الباقى بقة و عدت يعنى ....
mohamedbasel
10-07-2009, 11:38 AM
و فكرة جامدة قوى يا ميدو و شكرااا على الموضوع الجامد و هو طبعا زى موا ضيعك الانت معودنا عليها
The_Marco
19-07-2009, 01:48 AM
انا بقى اول ما رجعت من السفر مع اهلى و فى مراجعات الثانوية العامة صحابى عملوا رهان 350 جنيه لو كلمت واحدة معانا فى المراجعات بعد ما نخلص و فعلا خلصنا وكلمتها وهزرت معاها فجأة اخواتها بعيد مش بشر خالص و لقيت نفسى بقول ليه كده؟ بس و صحابى ودونى البيت لان مكنش فى حتة فى جسمى سليمة و كنت بغنى ظلموا وروحت البيت امى قالتلى ايه اللى حصل قولتها اتهبدت فى عمود نور و بليل و ان نايم لقيت ابويا رفعنى لاعلى و هبدنى لاسفل و لقيت 3 كراسى فوقيا طلع اهل البنت كلموا ابويا لما كان برة و الفت اغنية اسهما ضربوه على انغام ظلموه
و بعد ما ابويا ظبتنى قعد يهزر معايا و قلى اعاكسها لما خوتها يمشوا
NUKERMohameD
19-07-2009, 02:02 AM
ههههههههههههههههههههههههه
و الله موضوع جميل معنديش رد دلوقتى افتكر و نررررررررررررررجع تانى :)
omar007
19-07-2009, 02:51 AM
هههههههههههههه
ده انتم مسخره بس بص انا بقى
كنت فى مره من 8 سنين كده كان يوم الزمالك مغلوب فى نهائى السوبر الافريقى وكان يوم ما اضربت ابويا بقى كان ممخنوووووووووق بسبب الماتش بس والله مش انا السبب يعنى بس نعمل ايه
كانفى المطبخ بيشرب وانا امى كانت جمبى بتعمل الاكل كانت بتقطع عيش فاانا باخد السكينه وبقطع راحت مزعقه وقالت لا بصوت عالى وابويا زعقلى رحت بكلمه وقلتلها هجرب بس رحت واخدها تانى لسه بقطع راحت مزعقا اوووى راح ابويا ياض يا ابن تييييييت
راح جاى رحت انا راكن على السرير والحائط اصل السرير عندنا لاصق فى الحائط عامل زوايه رحت رايح قاعد هناك فى الزاويه ومكلفت نفسى راح ابويا جه ب الطاسه
ابويا جايبلى الطاسه وجاى يضربنى اعمله ايه والنبي
راح مدينى على دماغى رحت ماسك دماغى راح مدينى على المؤخره فاهمين انتم طبعا^^ رحت ماسكها راح ميدينى على دماغى رحت ماسكها راح مدينى على المؤخره وفضل كده حوالى 6 مرات هنا وهنا
رحت معيط وقلت وربنا ما هاكل رحت نايم ومغطى نفسى امى بتدينى الاكل قلت والله ماهكل وكنت بعيط راح معلى صوته عليا وقالى ايه سمعنى كده
قلتله خلاااااااااص هالك وربنا بخوف بقى
فضلوا يضحكوا عليا امى واختى وانا كل ما افتكر الموقف ده اضحك بس فى مواقف كتير بس اخر مره اضربت كانت من 4 سنين الحمد لله
sniper2010
19-07-2009, 03:22 AM
مشكور على الموضوع الجميل و جميع الشعب المصرى اضرب
Maxitrol_phd
19-07-2009, 03:37 AM
انا من وانا صغير معروف عني هادي بسمع الكلام و بيعتمدوا علية فالطلبات بتاعت البيت
مش بكدب مش بتاع مشاكل و كنت في اولي اعدادي جايب 96.7 % متفوق
و بعد كدة تانية اعدادي عرفت silkroad زيفت الحمد لله اعتزلتاها نهائي المهم لمة عريفتها مجموعي
قل قوي في تانية اعدادي جيبت 85 % و تالتة اعدادي لمة عريفت العبة كويس جيبت 68 %
نصيحة ابعدوا عن لعبة ضياع المستقبل بالنسبة للعلقة فهي مش مرة وحدة
انا كنت زي مقلت معتمد علي في الطلبات ف بعد ما عريفت اللعبة بقيت انزيل اجيب الطلب ققعد في
السيبر ساعة ارجع البيت يقولولي كل ده بتجيب الجبنة ققول : اصل السوبر ماركت كان زحمة كانوا
بيعدوهالي كنت انزل اجيب عيش فينو ارجع ققول اصل العيش كان في الفرن و انا مسكين واقف
مستني و عمر محد قفشني لحد ما اخويا حس اني بكدب فقلي احلف و طبعا هو عارف اني
مبحلفش كدب فاعترفتله فقال لبابا فبابا ضربني ضربني ازاي كان بيجري ورايا انا بقعد اليف حوالين
الصوفرة وهو يليف حولية و لمة زهق بقاله كام يوم مش عارف يجيبني ففكر يجيبلي حزام او مقشة
باس الحمـــــــــــــــــــــــــــد لله من يوم ماعتزلت في اولي ثانوي و انا معنتش بكدب و معنتش
بخاف من حد انا كنت بكدب عشان بخاف ديلوقتي لا
لمة اعتزلت حسيت نفسي كنت قافل حاياتي
اللعبة دي و علي فكرة بلعب اللعبة من ايام مكان اخيرها لفل 60 دلوقتي اخيرها لفل 100
المهم ارجوا من كل الي بيلعبوا اللعبة دي يصحوا دلوقتي قبل فوات الاوان
الموضوع مميز و انا كنت هموت من الضحك علي الردود السابقة :D
King_Cribo
19-07-2009, 03:41 AM
مره و انا عندي بتاع 7 سنين اخويا كان عندوا بتاع 4 سنين و رخم مووت و كنت اعقد بلعب انا و ابن عمي بنك الحظ هههه و طعله انتا يا اخويه و خد الورق بتاع الفلوس الي في العبه و جري روحت انا قيم اجري ورقه تشنكلت في السجاده و وقعت و كمت اكمل جري و اتري اخويه رح قال لماما اني انا ضربتوا و روححت مامتي ضربتني زوده الواجب و توست طبعا جه ابويا من الشغال روحت قيلوا قالي متزعلاش و الكلام ده برده اخويه برتو جاه طبعا و رخم عاليه روحت تالع اجري وره و ضربته المارضي ههههههه راح ابويا شفني و خت علاه تاني ايام يااااااااااااا
WELFA
19-07-2009, 04:00 AM
لا انا الحمد لله متفوق فى دراستى
بس و انا فى 5 ابتدائى كان عندى ex : (english) بس فا جبت 4 من 20 :d
و دى كانت اول مرة فى حياتى و طبعا مائواتش لابويا فى نفس اليوم وكان يوم الخميس
فجه الجمعة اللى عملت اه فى الex يا عمر اولتلو لا ماتئلاش ده ال ex كان شربة :d
راح اللى شربة يابن التـــــــــــــــيــــــــــــــــــــت اومال اه اربعة من عشرين دى اولتلو و بكل برادة غلطة مطبعية :p
راح سكعنى الالم المتين و جره جاب الحزام ( كان اصلى ) و بتاعت الدبان :d
و ديب تاخ تاخ تاااااااااخ و انا اههههههههههه حرام اهههههههههههه
و يوميها دوخت و حجات حلوة بس الحمد لله مضربتش بالى 3 سنين
Maxitrol_phd
19-07-2009, 04:08 AM
لا انا الحمد لله متفوق فى دراستى
بس و انا فى 5 ابتدائى كان عندى ex : (english) بس فا جبت 4 من 20 :d
و دى كانت اول مرة فى حياتى و طبعا مائواتش لابويا فى نفس اليوم وكان يوم الخميس
فجه الجمعة اللى عملت اه فى الex يا عمر اولتلو لا ماتئلاش ده ال ex كان شربة :d
راح اللى شربة يابن التـــــــــــــــيــــــــــــــــــــت اومال اه اربعة من عشرين دى اولتلو و بكل برادة غلطة مطبعية :p
راح سكعنى الالم المتين و جره جاب الحزام ( كان اصلى ) و بتاعت الدبان :d
و ديب تاخ تاخ تاااااااااخ و انا اههههههههههه حرام اهههههههههههه
و يوميها دوخت و حجات حلوة بس الحمد لله مضربتش بالى 3 سنين
هههههههههههههههههههههههههههههههههههههههههه
vBulletin® v3.8.11, Copyright ©2000-2026, vBulletin Solutions, Inc