المساعد الشخصي الرقمي

مشاهدة النسخة كاملة : تحب تبقى رئيس أمريكا ولا محافظ بورسعيد ؟؟؟


L0RD_HeR0
08-07-2009, 01:17 PM
واضح انه اجابة السؤال واضحة وصريحة شيء مش محير على الاطلاق طبعا رئيس أمريكا ياباشا .
بورسعيد ايه موقعها على الخريطة يا معلم ؟ وبعدين طبعا الاخوة اللي بيحبوا بورسعيد حيقولولي لا طبعاً دي حاجة كبيرة جدا . ماشي يا شباب حاجة كبيرة طبعا على عيني وعلى راسي .
المهم أمريكا طبعا أكبر قوة اقتصادية وعسكرية في العالم يعني ولا كلمة
طيب يا شباب بعيد عن المناظر والمنظرة والكلام الفارغ نحسبها بالورقة والقلم .
لو سيادتك رئيس أمريكا حتاخد كام في السنة ؟ تخيل 650 ألف دولار في السنة . اي والله العظيم هما دول بس .
طيب سيادتك مفيش بدل سفر بدل حضور جلسات بدل تمثيل (على اعتبار ان رئيس أمريكا أكبر ممثل)
لا ياباشا مفيش حاجة من دي خالص . يعني سعادة جناب رئيس أمريكا بعد 8 سنين حرق في أعصابه لإدارة أكبر دولة في العالم ومع جبر الكسور لصالحه يعني نحسبله السنة بمليون دولار يكون إجمالي دخله 8 مليون دولار .
عموما مش وحش برده لأن أكيد لما حابقى رئيس أمريكا حيدوني الجنسية ومش حاضطر إني أركب مركب واغرق بيها في ايطاليا مثلا .
طيب سيادة محافظ بورسعيد بياخد كام ؟؟؟
مش حنتكلم على الموضوع ده كتير لأن حكاية بياخد كام دي متفرعة جداً
احنا حنتلكك للباشا على أحد تصريحاته اللي قالها وهو مش واخد باله يا عيني
فسيادته صرح لجريدة الأهرام في نهاية العام الماضي ان بورسعيد عملت دخل لمصر يقدر ب 4 مليار جنيه وهو حصيلة بيع أراضي في مناطق مختلفة تابعة لبورسعيد.
جميل ربنا يخلي بورسعيد لمصر دايما . لكن اللي يهمنا ان سيادة المحافظ له نسبة قانونية في هذه المبالغ 3% طبعا نسبة بسيطة تعالوا نحسبها 3% من 4 مليار يعني 120 مليون جنيه طيب نحولهم دولار على اعتبار ان الدولار ب 6 جنيه يطلعوا 20 مليون دولار !!!
اي والله العظيم محافظنا الهمام كسب 20 مليون دولار في 7 سنين ورئيس أمريكا كسب 8 مليون دولار في 8 سنين يعني محافظ بورسعيد كسب مرة ونصف ضعف مرتب رئيس أمريكا في فترة زمنية أقل بعام كامل .
تخيل سيادتك في دولة قال سيادة وزير التخطيط محمد عثمان أن 40% من سكانها يستحقون الدعم . في دولة يقوم الناس فيها بالاضراب لزيادة مرتباتهم 200 جنيه يعني 35 دولار بس في دولة أتخن موظف فيها مرتبه يبلغ 300 دولار يكسب محافظها 20 مليون دولار .
احنا بنتكلم عن محافظ مش وزير . محافظ مش رئيس وزراء . محافظ مش رئيس جمهورية .
مش عارف اقول ايه
انا عموما حجزت على مركب رايحة ايطاليا بكره
خلي بالك من العيال ياباتعه
منقـــــــــــــــــــــــــــــــول امانة:.....:mad:

Th3_Legend
08-07-2009, 01:28 PM
جااااااامده والله لو لسه في مكان احجزلي معاك يا بوب انا جااي

&Bodi&
08-07-2009, 02:36 PM
هههههههههههههههههههههه رئيس امريكا بيكسب 8 مليون دولار فى السنه لكن بيختلس 20 مليار دولار فى السنه

ToxiCity
08-07-2009, 02:47 PM
بص انت سألت سؤال تحب تكون رأيس امريكا ولا محافظ بورسعيد؟
الأجابة:- احب ابقى نفسى

SoOHisokaOoS
08-07-2009, 02:51 PM
lol

LinkTheSink
08-07-2009, 02:56 PM
ههههههههههههه
موضوع جميل بس انت بورسعيدي؟ :p

delpanto
08-07-2009, 02:59 PM
هههههههههههههههههههههه رئيس امريكا بيكسب 8 مليون دولار فى السنه لكن بيختلس 20 مليار دولار فى السنه

كلامك مضبوط ايه اللى جاب رئيس امريكا لمحافظ بور سعيد
هههههههههههههههههههههه

omar007
08-07-2009, 04:36 PM
بتفكرنى ب النكته اللى فى مؤتمر بين محسن مبارك واوباما محسن قال يا اوباما انت الموظف عندكم بياخد كام قاله 500 دولار فى الشهر قاله وبيرصف اد ايه منه قاله احنا مبناسلوش بيرصف اد ايه منه
قال اوباما طب يا محسن الموظف بياخد كام عندكم قاله 200 جنيه وقاله بيصرف كام قاله 800 جنيه فى الشهر قاله بيجيب الباقى منين قاله احنا مبنسالوش بيجيبه منين

King_Cribo
08-07-2009, 04:53 PM
شكرا ع الموضوع و عجبتني اوي نكتت omar 007

™King0FCream™
08-07-2009, 05:19 PM
هههههههه مشكور بس انا لو الولى تبقا رئيس امريكا ولا محافظ بورسعيد
انا عن نفسى حبقا رئيس اكبر دوله فى العالم امريكا
مشكور موضوع موززززززززز

Sean Paul
08-07-2009, 05:32 PM
بتفكرنى ب النكته اللى فى مؤتمر بين محسن مبارك واوباما محسن قال يا اوباما انت الموظف عندكم بياخد كام قاله 500 دولار فى الشهر قاله وبيرصف اد ايه منه قاله احنا مبناسلوش بيرصف اد ايه منه
قال اوباما طب يا محسن الموظف بياخد كام عندكم قاله 200 جنيه وقاله بيصرف كام قاله 800 جنيه فى الشهر قاله بيجيب الباقى منين قاله احنا مبنسالوش بيجيبه منين

هى ديه النكت


و برده الموضوع جامد جدا

Mysterious
08-07-2009, 06:14 PM
هههههههههههههههههه

انا عن نفسي ارشح نفسي محافظ مدينه جديده فى الصحراء الغربيه وابيع الصحراء وش ليه نسبه

يعني هايطلعلي مش اقل من 2 مليار يادوب اجيب بيهوم عربيه xD

تسلم يا غالي علي الموضوع الجامد ده

والي الامام

تقبل مروري

Ğ_Unit0
08-07-2009, 07:10 PM
ههههههههههههه
عاوز ابقى محافظ :p:p:p:p:p

starfire
08-07-2009, 07:15 PM
هههههههههههههههههههههه رئيس امريكا بيكسب 8 مليون دولار فى السنه لكن بيختلس 20 مليار دولار فى السنه

عندك حق يا باشا

starfire
08-07-2009, 07:17 PM
هى ديه النكت


و برده الموضوع جامد جدا

ههههههههههههه