المساعد الشخصي الرقمي

مشاهدة النسخة كاملة : ما ترحل ياريس بقى

ecsroman
21-06-2009, 11:29 PM
ما ترحل ياريس بقى

شعر: أحمد فؤاد نجم

-----------------------------

لاأختارناه .. ولا بايعناه نجح ازاي .. سبحان الله



أظن أفصح من كدة يبقى عيب!!!

-----------------------------

بحبك يا ريس

وحبك يا ريس معكنن عليـــــا

مقطع لى قلبى مطلع عنيــــة

سيبونى فى حالى وبيا اللى بيـــــــة

دا كل اللى ليا محرم عليـــــا

عشان حاجة واحدة عشــــــانك يا ريس
بحبــــــــــك يا ريس

دى كلمة قالوها زمان من ســـــــــنين
وكل اللى قالها مطـيـن بطـيـن

يا سارق فلوسنا يا كاتم نفوسنا
يا واكل عرقنا برجلك دايسنا

ولســـــه بحبك واحب اللى حبك

وباحلف هاحبك واحب اللى جابك

فى يوم اغبر علينا ريس

مبارك يا ريس عليــــك البــــلد

لابنـــك وابنــــه وولد الولد
سوزانك سوزانا جمالك جمالنا علائك علائنا
وبكرة وبعده وطول الامد

غبــــاءك يا ريس ملوش حل خالص
وسايق ف الهبل وكلامك هجايص
ولولاك يا ريس مكنشى دا حالى

وحال كل مصري مدروخ ولايـص

قالوا العيشة حرة وهي العيشة مرة
ومش مـــر عادي دا صبرك يا ريس ممرر بلادى
وأسعار بترفع ماتنزلش مرة

وباين علينا هنطلع لبرة

رغيفك يا ريس بيصغر ما يكبر

وسعره يا ريس بيرفع ماينزل
سألنا دا ماله قالولنا الحديد

وايه العلاقة بسعره الجديد
تكونش يا ريس لغيت الدقيق

وبتطحن بداله برادة حديد؟
ماهو انت اللى عارف وسامع وشايف

جمالك قشــطنا وعز اللى خاننا

وولـــع بلدنا برفع الحديد
ماتصحى ياريس وصحى البلد

هنبقى يا ريس كمالة عدد

ف وسط العوالم وشعبى اللى هايم
وكبته اللى دايم وقرشه اللى عايم

هنبقى يا ريس كمالة عدد

واقولك واعيدلك لانى بحبك

نصيحة فصيحة نصيحة مريحة لبلدى وبلدك

ماترحل يا ريس ليه دايما متيس ودايما مهيس

مترحل بقى

وخد لي ف وشك جمالك .. مش باغشك
علائك .. سوزانك
شريفك .. سرورك
نظيفك .. كمالك
وعزك .... دا خانك

-----------------------------
خدهم وانصرفوا أشـــتاتآ أشتوت
خدهم وانصرفوا لحسن حانموت

ارحل بقى ارحل بقى مترحل بقى

أنا مش قصدى أتريئ على الريس أحنا كلنا بنحب الريس و الحكومة الموفرنلنا كل حاجة فى البلد و كل حاجة رخيصة جدا و التعليم المجانى و الخاص و الضرب و كل حاجة ياراب زود فى عمر الريس يا راب

(أوعة حد يصدق حاجة )
_ l3oy0FHell_
21-06-2009, 11:35 PM
هههههههههههههههههه

حلوة اوى
bad world
21-06-2009, 11:42 PM
احمد فؤاد نجم هههههههههههههه

كل البيعملو انو يقعد يشتم فى البلد وخلاص
وكتباتة بدل على شخصيتة

انا ننقض نقول مش عوزين ونهاجم بالعقل
مش نقعد نشتم وخلاص

وبعدين احنا بجد محتجين رئسنا اوى فى الوقت
دة بسبب الصرعات والخلفات والتهديد العالمى
لينا وبدون مصر مفيش حاجة اسمها وطن عربى ولا سيادة عربية
ecsroman
21-06-2009, 11:45 PM
ياعم أدى حاجة بتسلى عشان الخسارة .خسرنا من أمريكا
__hoos__
21-06-2009, 11:48 PM
جامد
nice_eg
21-06-2009, 11:50 PM
هتودي المنتدى في داهية ^^
ecsroman
22-06-2009, 12:15 AM
عارف بس دة الشاعر مش أنا
Alone iN The Sky
22-06-2009, 01:00 AM
علىظ فكرة كده غلط لو حد شم خبر
بده ممكن يقفلو المنتدى
omar007
22-06-2009, 02:51 AM
جامده بس قديمه شويه يا برنس
Ğ_Unit0
22-06-2009, 04:44 AM
هههههههههههههههههه
mohamed ali123
22-06-2009, 05:11 AM
اشعر جميلة
احمد فواد نجم من زمان وهو ضد الرئيس
بس والله فعلا انا محتاجين الرئيس الايام دهى
DeathDance
22-06-2009, 05:36 AM
مبروك علينا الاع ــــــدام يا رج ـــــــاله :d
silkspider
22-06-2009, 07:37 AM
هههههههههههه دة شحطط الريس و بهدلو
Black_Bird
22-06-2009, 08:04 AM
بص يا سيدى انا معاك ان الريس طولة شوية لا شويتين و علشان خاطرك 3 شويات مين يزود

بس انا عاوز اقولك ان فوق دة كلة الحاجة الوحيدة اللى عاملها صح بقالنا 26 سنة مابنحربش حد

و الحاجة الغلط ان فى حرب جوة البلد

و مشكور على الموضوع

و احمد فؤاد نجم طوووووول عمرة ضد الريس

تحياتى

و تقبل مرورى

و يلا بينا على القصر الرئاسى
alidndn1
22-06-2009, 08:32 AM
يلا يا جدعان كل واحد يكتب وصيته و لو

قالولنا مين الي قال الشعر هنقوله ecsroman

و نخلع احنا

مشكور يا مان على الشعر
ecsroman
22-06-2009, 08:50 AM
هههههههههه تخلعوا و تسيبونى لوحدى