المساعد الشخصي الرقمي

مشاهدة النسخة كاملة : حوار بين طفلة وجدتها سنة 2080


TropicCunder
02-06-2009, 04:47 PM
حفيدة في سن المراهقة (12 سنوات) تجلس مع جدتها (70 سنة) ويدور بينهما هذا

الحوار:

الحفيدة: تيته ميرو إزيك..بقى لي زمان ما قعدتش معاكي
الجدة: وهو أنا عارفة أتلم عليكي خالص.. ده أنا قاعدة زهقانة قوي ومش لاقية

حاجة تسليني



الحفيدة: ومابتفتحيش الدش ليه يا تيته



الجدة: التليفزيون بقى ممل خالص مافيهوش غير 9700 محطة بس!.وأنا كمان ما

بعرفش أغير المحطات!



الحفيدة: وإيه الحلاوة دي؟ حلو البادي اللي انتي لابساه ده..بس ده موضة قديمة

قوي ياتيته !



الجدة : يا بنتي أنا ست دقة قديمة وبالبس زي ما جيلنا الصاعد اتعود وحسب

التقاليد القديمة بتاعتنا



الحفيدة : أيوه بس مش حاسة إنك مخنوقة وانتي لابساه؟



الجدة: أبداً ده هو ده اللبس المحتشم اللي مفروض الكل يلبسه ويحافظ عليه..فين

أيام زمان لما كنا نلبس البادي اللي مبين البطن والظهر بس، مع البنطلون

السترتش الجلد ...كانت حاجة آخر روشنة



الحفيدة : ياه يا تيته.. ده انتوا كان ليكم تقاليد غريبة خالص !



الجدة : وهو انتي فاكرة إن أيامكم دي أيام؟ يا بنتي أيامكم دي ما يعلم بيها

إلا ربنا .. فين أيام سنة 2002، هي الواحدة فينا كانت تستجري تشرب سيجارة

البانجو ولا تسحب لها سطر بودرة قدام أبوها؟ طب ده الدنيا كانت تتقلب ساعتها

وما تتعدلش .. أمال إيه .. كان فيه حاجة اسمها أخلاق



الحفيدة: معقول يا تيته؟ للدرجة الفظيعة دي!!؟



الجدة: أمال انتي فاكرة إيه .. وبعدين كانت الست من دول ما تلبسش اللبس الخليع

بتاع اليومين دول..يعني الجيبة كان ما يقلش طولها عن شبر وربع .. وكانوا

الستات يلبسوا فوقيها بلوزة باستمرار ..مش زي دلوقتي! حسبي الله ونعم الوكيل!



الحفيدة : يا خبر .. وإيه كمان ياتيته



الجدة: ح أقول لك إيه ولا إيه يعني خدي عندك مثلاً .. زمان كنا نسمع الطرب

الأصيل لمطربين حقيقيين زي مصطفى قمر وعمرو دياب وطبعاً كانت سيدة الغناء

"شاكيرا"، وكانت الأغنية مدتها أكثر من دقيقتين متواصلين من الطرب الأصيل

والموسيقى الهادية الراسية اللي تعمر النافوخ بصحيح كانوا مطربين روشين وآخر

طحن، حسبي الله ونعم الوكيل!



الحفيدة : وبعدين ياتيته



الجدة : وبعدين كنا نسمع على حاجة اسمها اسطوانات ليزر، ودي صحيح انقرضت، بس

كان ليها طعم عن دلوقتي، يا سلام لما كنا نحطها في الووكمان ونعلقها في حزام

البنطلون كده ونمشي في الشارع كده، كانت أيام جميلة. حسبي الله ونعم الوكيل!



الحفيدة : حكاويكى ممتعة قوي يا تيته .. ثانية واحدة بس لما أصحي سمسم صاحبي

فى المدرسة لأنه بايت معايا في الأودة من امبارح ..أصل الإنسان الآلي بتاع

الصحيان بايظ ولازم نصلحه النهاردة



الجدة: طيب ياحبيبتي روحي



(بعد عدة دقائق)



الحفيدة: هيه يا تيته.. وبعدين



الجدة : أحلى أيام بقى كانت أيام الدراسة، الفصل كان على أيامنا رايق وعدد

التلاميذ فيه ما يزيدش عن ستين سبعين تلميذة، وكنا ساعتها بنعرف نفهم الدرس

كويس مش زي دلوقتي، وكانت الشوارع أيامها فاضية يعني كانت إشارة المرور تقعد

ساعة إلا ربع بس لأن مصر كلها كان تعدادها 70 مليون مش أكثر، تخيلي بقى

الروقان اللي كنا فيه؟ حسبي الله ونعم الوكيل!



الحفيدة : 70 مليون بس؟!!



الجدة : أمال إيه .. عشان كده كانت كل حاجة رخيصة ، يعني مثلاً كيلو اللحمة

يوم ما يضربه الدم كان يبقى بخمسة وعشرين جنيه أو بتلاتين جنيه، وكان أتخن جوز

جزمة بـ 250 جنيه، وكان الواحد يقدر يشتري شقة تمليك بـ 150 ألف جنيه بس..وكان

الدولار بخمسة جنيه بس تخيلي بقى؟



الحفيدة : ما هو علشان كده الجواز على أيامكم كان سهل خالص، إحنا بقى خلصنا من

العُقد دي



الجدة : أُمال إيه .. ده احنا الواحدة مننا كانت بمجرد ما توصل سن 17 سنة

تبتدي تفكر في الجواز العرفى على طول، وما كانش عندنا الأفكار الغريبة اللي

بتعملوها دلوقتي، أنا شخصياً شايفة إن ده أوفر شوية، ده احنا يا بنتي على

أيامنا كان لا يمكن البنت تتأخر بره البيت عن الساعة أربعة صباحاً، طب ده

باباها كان ممكن ساعتها يخاصمها !



الحفيدة : ياي! ده انتوا كنتوا متزمتين خالص ياتيته !!!



الجدة : يا بنتي إحنا اتربينا على الأخلاق والفضيلة والعادات والتقاليد . يعنى

كان أهل الفن محتشمين جداً وكانوا دايماً يطلعوا بالمايوهات البيكيني،

والمذيعات كانوا يقعدوا جنب الضيف مش على ركبته زي دلوقتي.. هيـ يـ يـ يـ ـه

الله يرحم دي أيام.. فكرتيني بالذي مضى حبي الله ونعم الوكيل!



(تمسك الجدة بتليفون محمول في حجم علبة الكبريت)



الحفيدة : ح تكلمي مين يا تيته



الجدة : الحقيقة أنا كنت موصية الجزار على اتنين كيلو لحمة و اديته 600 دولار

عربون وعايزة أطلبه أشوف إذا كانت اللحمة وصلت ولا لأ ..



الحفيدة: (تنهض من مكانها) تشاو سي يو تيته!



الجدة: سي يو



وبعد مرور عدة ساعات انتابت الجدة خلالها غيبوبة بسبب الشيخوخة



و في المساء دار هذا الحوار بين الجدة والحفيدة:



الجدة: إنتي كنتي فين يا فتفت؟



الحفيدة :أصل إحنا أخدنا الولد من الحضانة ..



الجدة : ولد !! ولد إيه اللي أخدتوه من الحضانة؟



الحفيدة : آه صحيح أنا نسيت أقول لك .. أصل أنا جبت ولد من سمسم صاحبي



الجدة: يا بنتي مستعجلين على إيه مش لما تتجوزوا ؟ حسبي الله ونعم الوكيل!



الحفيدة : يا سلام عليكي يا تيته.. إنتي عليك تحكيمات غريبة..طيب إيه اللي

يمنع نخلف من غير جواز أنا شخصياً عملتها ونفعت



الجدة : مشكلتي إني ما باعرفش أزعل منك يا فتفت يا عكروتة ..وسميتوا المحروس

إيه بقى



الحفيدة : سميناه (دوت كوم) ..



الجدة : نعم .. دوت كوم؟ نظام هاي تك بقى؟ يعني لما تعوزي تنادي له تدوسي

(إنتر) ولا إيه بالضبط ؟



الحفيدة : ها ها ها ها .. إيه الخفة دي يا تيته .. والله فكرة .. لما أعوز

أنده له أدوس إنتر .. ولما أحب أقول له روح أودتك أدوس (ألت و إف4)



الجدة: وأخدتوه من الحضانة وديتوه فين بقى؟



الحفيدة : وديناه النادي الصهيوني بتاع الحي



الجدة : النادي الصهيوني بتاع الحي؟



الحفيدة : أيوه .. ده نادي جميل معمول برعاية كبار رجال الأعمال .. وتحت رعاية

وزارة الزراعة وده بيعلم الأطفال حاجات ظريفة خالص ومصاريفه رخيصة جداً وبعدين

الولد الكويس ممكن يبعتوه يكمل تعليمه في إسرائيل على نفقة وزارة الزراعة أصل

(ميدو يوسف والي) وزير الزراعة ده راجل متفتح قوي. هه، أفتح لك التليفزيون يا

تيته عشان تشوفي نشرة الأخبار



الحفيدة تضغط الريموت كنترول لنرى شاشة كبيرة بطول وعرض حائط الغرفة، وتظهر

صوت مذيعة مصحوبا بلقطات للأنباء تقول:



المذيعة : هاي شلة! إليكم عناوين الأخبار



- أمريكا ترصد 25 مليار دولار لرأس تامر بن محمد بن أسامة بن لادن المتهم

الأول في تفجير قصر السفير الأمريكي في أفغانستان



- واشنطن تتهم ليبيا بتفجير سفينة فضاء فوق كوكب المريخ



- وزير الاقتصاد د. فريد يوسف بطرس غالي يصرح: إعدام الفقراء هو الحل

لخروجنا من عنق الزجاجة



- موافقة مجلس الشعب أخيرا على خصخصة معبد الكرنك



أخبار عربية:



- زهوة ياسر عرفات تطالب بانسحاب إسرائيل حتى حدود عام 2030، وإعلان

الدولة الفلسطينية في مايو المقبل



- سيريلانكا والفلبين تطرد خمسة آلاف خادمة كويتية



- إسرائيل ترفض الإنسحاب من البصرة إلا بعد ضمان أمن مستوطناتها في

بغداد



- اشتباكات على الحدود الإسرائيلية المغربية



أخبار الفن



- زفاف المطربة صباح على حفيد الفنان الراحل راغب علامة



- رئيس قطاع الإنتاج لم يستقر بعد على بطلة فوازير رمضان ويعقد إجتماع مع

السيدة توتي محمد صفوت الشريف وزيرة الإعلام الجديدة لمناقشة هذه القضية



- الفنان محمد هنيدي يهاجم نجوم الكوميديا الجدد



المذيعة: فينيش باي



الجدة: لأ بقى حسبي الله ونعم الوكيل فيكم فعلا! (يغمى عليها

princeofthepc
02-06-2009, 05:22 PM
هاهاهاهاهاهاهااا

جامدة مولة

LOLLLLLLLLL
02-06-2009, 05:34 PM
جمده يامان بس ربنا يدنا ويديك طوله العمر عشان نشوف الايام دي:d:d

alidndn1
02-06-2009, 06:19 PM
اه و الله العضو lolllllllllllllllllllllllllllllllllllllll عنده حق

و تسلم ايدك على الموضوع

smart eyes
02-06-2009, 08:44 PM
ههههههههههههههههههه جامد موت واحلى وحدة بتاعت صباح و حفيد راغب علامة ههههه

One2One_egy
02-06-2009, 08:59 PM
hahahaha

The_Tornado_
02-06-2009, 10:04 PM
ههههههههههههههههههه جامد موت واحلى وحدة بتاعت صباح و حفيد راغب علامة ههههه

عندك حق

Black Evil
02-06-2009, 10:27 PM
هههههههههه
حلوه

mr hacking
02-06-2009, 10:34 PM
ههههههههههه

CytoplasM
02-06-2009, 10:35 PM
عندك حق

ههههههههههه فعلا صباح دى مش بتموت زى حسنى كدة بالظبط :d

jackel240
03-06-2009, 04:40 AM
ههههههههههه فعلا صباح دى مش بتموت زى حسنى كدة بالظبط :d
هههههههههههههههههههههه جامد بس بلاش حسنى وله انت قصدك حسن حسنى؟؟؟؟؟؟؟؟؟؟؟؟؟؟؟؟

MohamedFathey
03-06-2009, 11:21 AM
لول

عمرو
03-06-2009, 11:31 AM
هههههههههههههه
يا مين يعيش

Ğ_Unit0
03-06-2009, 12:47 PM
هههههههههههههههه
موتنى من الضحك ههههههههههههههههههههههههههههههههههه
مشكور يا كبييير هههههه

3ossa
24-07-2009, 06:16 PM
يا ساتر يا رب ايه ده صباح؟؟؟ والحدود الاسرائليه المغربية :D
انا لله و انا اليه راجعون :eek:
مشكور و تقبل مروري :rolleyes:

bekoman2
24-07-2009, 06:54 PM
مشكور

ecsroman
24-07-2009, 07:09 PM
موضوع جميل أوى و شكرا

omar007
24-07-2009, 09:04 PM
هههههههههههههه

Pink
24-07-2009, 09:29 PM
ههههههههههه

جــــــــــامده اوــــــــــــي

ESAMO2009
24-07-2009, 09:41 PM
روشة طحن بس دا لم كان هايحسل يبقا مصر اتقلبت امريكا ::::::::d

tadros950
24-07-2009, 09:42 PM
الف شكر ليك يا مان و قصة جامدة موت

Dr.7oSam
24-07-2009, 09:58 PM
ههههه جامده والله حلو موززززززززززززززززززز ههههههههههههه الف شكر يا باشا على الموضوع

king of soul
24-07-2009, 10:09 PM
شكراً

blackice_007
24-07-2009, 10:28 PM
مشكور بس اتكرر قبل كده

SkilerZ
24-07-2009, 10:45 PM
اصلىىىىىىىىىىىىى هههههههههههههههههههه

ibrahemmohamed
24-07-2009, 11:38 PM
مكرررررررررررررررررررررررررر
شكرا
وادى الاثبات
http://www.silkroad4arab.com/vb/showthread.php?t=55963&highlight=%CD%E6%C7%D1

alidndn
25-07-2009, 01:06 AM
طب صباح لسه عايشة و قولنا ماشي لكن محمد هنيدي ازاي؟

shiko0darken
25-07-2009, 01:50 AM
هههههههههه جامده جامد ولله
مشكور

GooD_GuY
25-07-2009, 02:07 AM
ههههههههههههههههههه
مشكــــــــــــور على الموضوع

فلفل حامى
25-07-2009, 02:41 AM
موضوع جامد مووووووووووووووووووززززززز تسلم d:

Maxitrol_phd
25-07-2009, 02:46 AM
ههههههههههههههههههههههههههههههههه

انا قريت الموضوع فاتفوتة فاتفوتة

مشكورررررررررررررررر و الله

انا قعدت اضحك

الحفيدة دي مش تمام

خاليـــــــــــــــــــــــــــــــــــص

Eslam G. ali
25-07-2009, 03:10 AM
لول دا انا لو شفت الايام دى هنتحر

the last knight
25-07-2009, 03:22 AM
ههههههههههههه

kimo_5500
25-07-2009, 03:22 AM
بجد تسلم إيديك علي القصة الحميلة دي ربنا يسطر و محدش يجيب سيرت حسني عشان منتمسكش و تسلم علي موضوعك و شكرا

tony@tiger
25-07-2009, 03:32 AM
÷هههههههههههههههه
جامده موووووز
بس ربنا يدينى و يديك طوله العمر

evil_of_riCK
25-07-2009, 03:44 AM
هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههه موضوع كامد طحن يا مان

OmadO
25-07-2009, 07:13 AM
حلوة .. ثانكس يا ماو

EvilSoul
25-07-2009, 11:04 AM
مكرر بس ظريف :d

gstar21
25-07-2009, 02:59 PM
منقول من منتدى مع بعد بس كان البنت و جدها

King_Cribo
25-07-2009, 04:23 PM
شكرا تسلم ايدك

amr159951
25-07-2009, 05:20 PM
ههههه جامد

amr159951
25-07-2009, 05:21 PM
لوووووووووووووول

steerforth
25-07-2009, 06:37 PM
حلوة مشكور يا جميل

Z00M
25-07-2009, 07:14 PM
هههه انا وريتها لعائلتي و اعدو يضحاكوا ههههه

ZeRo-CoOl
25-07-2009, 07:25 PM
ههههههههههههه
الواحد لو يكون شباب فى الايام دى كنا نعمل حاجات

total2010
25-07-2009, 07:32 PM
شكراااااااااااااا

total2010
25-07-2009, 07:32 PM
موضوع حلو

memommm
25-07-2009, 07:45 PM
ههههههههههه فعلا صباح دى مش بتموت زى حسنى مبارك كدة بالظبط :d


عندك حق

DR\Walid AbaZa
25-07-2009, 07:54 PM
مع اني قرائته قبل كدة بس روعه تسلم يا جميل

Ultra
25-07-2009, 08:03 PM
ههههههههههههههه

حلو اوى

Private
25-07-2009, 08:55 PM
goog idea

Private
25-07-2009, 08:56 PM
good*
sry wrong word

asdoo
06-08-2009, 09:43 PM
peace

bazoka_22
06-08-2009, 10:20 PM
ههههههههههههه جمده

NUKERMohameD
06-08-2009, 11:03 PM
هههههههههههههههههههههههههههههههههه
ولسه