لو زهقان من الالعاب الاونلاين تعالا شوف دى (RIFT)

[tit3o]

بسم الله الرحمن الرحيم

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

المقدمه


1-لعبه Rift من الالعاب ال open world او عالم مفتوح يعنى من الاخر مفيش خنفه فيها وعالم كبير اوى ومفيش حاجه اسمها خريطه صغيره تخلص فيها اللعب وتروح غيرها والخنقه دى

2-فيها pvp ? اه فيها PVP ومش اى PVP دا نظام معمول لل PVP وهتكلم عنه بعدين لانه موال تانى لوحده

3-فيها Uniqe ? زى سيلك رود كدا ؟ اه فيها يونيكات و اليونيكات دى بتنزل كتير وفيها يونيكات انت نفسك متعرفش عددها ولا شكلها من كترهم

4-طيب الجرافيك بتاعها شكله ايه ؟ هورهولك تحت فصووووور كتير اوى لسه هحطها

5-طيب ايه انواع الشخصيات ؟ فيها 4 شخصيات تقدر تلعب بيهم وكل شخصيه فيهم فيها حوالى 5 او 6 طرق للعب


6-مستويات اللعبه كام لفل ؟ هما 60 لفل بس ستين لفل من المتعه


7-طيب لما يخلصوا ال 60 لفل اللعبه خلصت ؟ لا طبعا دى يدوب لسه هتبدى من اول هنا وهنشرح بعدين



نبدا بقى شرح اللعبه تاتا تاتا كدا وواحده واحده



اولا شخصيتى ف اللعبه ونشوف منظر اللعبه من جوا


اسمى ف اللعبه : Immunetodamage

السرفر : Zaviel

لفل :36

الكلاس : Healer

اللعبه من الداخل

دوول كام منظر كدا من جوا اللعبه وانا لسه ف مدن مروحتهاش كتير لانها اعلى منى انا يدوب لسه كل دا بلعب ف خريطه واحده فقط وهما 3 كبار وانا لسه مفتحتش غير نص الى بلعب فيها


عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]



عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]



عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]


عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]


عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]



عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]




نبدا شرح اللعبه بقى من الاول :



اول ما تدخل اللعبه علشان تكريت شخصيه ليك هتلاقى المنظر كدا :

و دول نوعين من القوى الى بيتنافسوا ف اللعبه مع بعض او زى ما تقول الخير والشر وكل واحد فيهم ليه مميزات عن التانى


1-اول نوع اسمه Gurdian ودى بتضم الحراس

2-وتانى نوع اسمه Defiiant و دول قوى الظلام


عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]



طبعا اختار الى يريحك لان كل واحد ليه مدينه لوحده y.png" border="0" alt="" title="Triggerhappyy" class="inlineimg" />


ولو الاتنين قابلوا بعض ممكن يضربوا بعض عااااادى جدا لانهم مفروض ان القوتين دول ضد بعض بس طبعا هما مش هيقابلوك الا لو واحد فيهم نزل المدينه بتاعتك ودا صعب جدا لان مدينته بعيد عنك فلو نزل عندك دا معناه انه جاى بمزاجه وانت لو روحت يبقى العكس برضه



الخطوه الى جايه تختار Race او نوع الشخصيه وعندك الانواع الى تحت دى متقسمه لل Gurdian و Defiant

كل نوع منهم ليه ميزه يعنى مثلا واحد معاه اسكيل بييدلك 30% سرعه وواحد تانى ممكن يتحول تعلب وسرعته تزيد برضه انت اقرى بقى الباقى وشوف الى يريحك


وهما دول ال Race المتاحه ليك :

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]


بعد الخطوه دى تختار ال Class الى ناوى تنزل بيها :



ف عندك 4 class

1- التانك و الكليرك او الهيلر و الماجيك او الساحر و الاسيسين الى هو السفاح

كل واحد من دول بينقسم كذا شخصيه يعنى مثلا لو دخلت على الساحر هتلاقى ف 7 انواع منه كل نوع بسكيلات شكل ف انت ادخل بقى على كل واحد واضغط عليه هتلاقى ظهرلك بالانجلش دا بيعمل ايه ودا بيعمل اية وهكذا

يعنى على سبيل المثال ف ساحر بيضرب سحر وممكن يعمل هيل للدم بسكلات معاه وف ساحر بيضرب سحر وممكن ينزل حيوانات تضرب معاه وتساعده وعلى فكره الحيوانات الى بتنزل معاك ف اللعبه دى مش اى كلام زى العاب تانيه لاء مؤثره ف اللعب وليها عامل كبير


عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]



وقت ما تبدا اللعب :


بعد ما تنزل اللعبه هتعمل كويستات جوا هتروح للشخصيه وتاخد الكويست من فوق اى واحد عليه علامه خضرا زى الصوره الى تحت دى وتاخد منه الكويست وتعمله والميزه كويستات اللعبه دى كلها ممتعه مفهاش قرف يقولك روح موتلى 50 واحد والغباء دا لالا خالص كلها حاجات سهله وهتبسطك

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]




اما الصوره الى تحت دى هشرحلكوا العلامات الى بتبقى فوق الشخص الى بتاخد منه الكويست معناها اية

1- علامه التعجب الخضرا معناها ان ليك كويست عند الراجل دا او الست دى
2- علامه الصح الابيض والاسود معناها ان ليك كويس بس اللفل بتاع الكويست انت عديته يعنى ملوش لازمه سيبك منه
3- علامه الصح الزرقه دى هتشوفها فوق الراجل لما تروح علشان تسلم الكويست يعنى لما الكويست يخلص بتبقى العلامه زرقه لما تروح تسلمه
4- العلامه الى زى السهم الى بيلف حوالين نفسه دى معناها انك تكرر كويست عملته قبل كدا ودى حاجه ترجعلك بقى وممكن يكون ف كويستات معينه ف اللعبه بعدين بتديلك حاجات كويست تحتاج تكررها
5-اخر علامه الى شبه بتاعت الشات دى معناها انك هتروح تكلم واحد وانت بتعمل الكويست

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]



طبعا هتعوز تعرف مكان الكويست:



الصوره الى جايه دى انا عاملها هتوضحلك ازاى تعرف تحديدا مكان الكويست


عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]




المرحله الى جايه انا اقدر اعمل اية جوا اللعبه :



شوف عندك حاجه اسمها Adventure او مغامره ودى ممكن تعملها برحتك وممتعه اوى وبتديلك اكسبرينس كتير ودى عباره انك بتدخل مع مجموعه من الناس وتعملوا كويستات جماعيه زى مثلا تلموا حاجات معينه من الارض مطلوبه وتقتلوا uniqes واسمها ف اللعبه boss مش يونيك معلش حاول تنسى سيلك رود شويه لان دى مش شبهها خالص


لما تدخل ال Adventure دى بيديلك حاجه اسمها Vile source stone ودا انت بتجمعه علشان هتستخدمه اودام تجيب منه لبس وممكن تشترى بيه حاجات كتير متتعدش ودا موال عاوز لسه شرح ربنا يعينى بقى

وبيديلك اكسبرينس حلو يعنى ممكن تجيب بتاع حوالى 40% من الاكسبرينس المطلوبه منك علشان تلفل جواه وطبعا بتقل كل ما تعلى ف اللفل دى حاجه طبيعيه وعلشان تدخل ال Adventure هتضغط على (.) هتلاقيها جنب علامه الاستفهام ف الكيبورد

وتضعط زى ما ف الصور على join وهو هيجيبلك بارتى لوحده وهييسالك عاوز تروح ولا لاء طبعا توافق


وطبعا المكان الى بتروحه بيتغير كل ما بتعلى ف اللفل يعنى مفيش ملل وقرف ونفس الحاجات هى هى كل شويه


عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]



تقدر تعمل اية كمان ف اللعبه غير الكويستات وال Adventure :


ف عندك ال PVP لعشاق البى فى بى نظام حلو اوى انك بتضغط على حرف K وتضغط على اول واحد الى هى Random pvp علشان يشوفلك خريطه تلعب فيها هو بيختارها من نفسه ولو عاوز تنزل حد معاه ف البى فى بى مثلا صحبك يلعب معاك هتديله بارتى وتدور على pvp زى الصوره الى تحت كدا


بس ال pvp هنا بقى مش عجن وضرب وخلاص لالالا غير كدا بتاخد اكسبرينس حلو وبعد كل ماتش سواء خسرت او كسبت بتاخد حاجه اسمها FAvor ال Favor دا بتشترى بيه اللبس بتاعك وحاجات كتير اوى بس حاجات جاااااااااااااامده هى هتطلع عينك على ما تجمعها بس لبس جااااااامد اوى ودى صوره وانت بتدور على بارتى لل pvp

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]



تقدر كمان تدخل كهوف ودى من لفل 15 فيما فوق :



الكهوف دى علشان تروحها هى عباره عن وحوش و boss كتير جوا وف حاجات صعبه ورخمه بس دى متعتها ف كدا وبينزلك items لبس ليك حلوه جوا وبتاخد اكسبرينس عالى وف اللفلات العاليه بقى الكهوف دى حلوه علشان لو نزلك items حلوه ممكن تبيعها وتشترى بيها حاجات من الى اصلن بفلوس ف اللعبه



وعلشان تدخل الكهف زى الى فاتوا بالظبط هتغط حرف i ف الكيبورد بس هنا بقى هتختار علامه صح على الكلاس بتاعك ودا لازم يعنى لو انت مثلا تانك هتعلم صح على التانك وتلعب تانك ولو انت مثلا ساحر هتعلم صح على الساحر وممكن تلاقى اتنين علامه صح مفتوحين على حسب شخصيتك ف شخصيات بتلعب مثلا ساحر ووممكن تعمل support ف البارتى بتاعك

طبعا هتلاقى واحده بس مفتوحه ف اول اللعب وف اتنين مقفولين بقفل المقفولين بقفل دول ليهم لبس معين لازم تجمعه علشان تلعبهم ولما تعلى بقى هتجمع اللبس المطلوب منك لان بيودوك حتت صعبه ورخمه اوى بس بتنزل حاجات مووووووووز


وادى الصوره اهيه :

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

نيجى لل Rift

ف عندك كمان ال Rift دا بيظهر على الخريطه وموجود ف كل الخرايط مبيخلصش بينزل وحوش ف نفس لفلك وف منه انواع كتير المهم دا لما بتخلصه بيديلك حاجه اسمها planarit دى بتبدلها بلبس حلو حاجه زى ال Favor بتاع ال pvp بس ليها لبس تانى خالص بس حلو ولازم تجيبه ف اللفلات العاليه

ودا شكل ال Rift الخريطه لو عاوز تعرف شكله بيكون عامل ازاى كل الى جوا الدواير الحمرا دى rift :

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]



ودا شكل من اشكال ال Rift لما تروح عنده طبعا ف منه اشكال وانواع كتير الى انا عارضه دا اسمه Fire Rift :

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]




طبعا قولنا ال pvp بيديلك حاجه اسمها Favor و ال Rift الى لسه شارحه بيديلك حاجه اسمها planarit طيب انت عاوز تعرف معاك كام واحد من ال favor و ال planarit او اى حجر تانى بتجمعه منين هتضغط على C وتختار من القوائم الى طلعت Currenices هتجيلك قايمه زى الى تحت دى فيها الحاجات الى انت مجمعها كلها

عندك Incredible stones دا بينزل من بعض ال boss الى بتموتها ف المدن كل ساعتين بينزلوا ف مدينه شكل
عندك Vile source stone دا بينزل من لعب adventure وبعض ال boss برضوا
عندك Cursed source stone دا بينزل من بعض ال Boss وانت مع اللعب هتعرف كل واحد بينزلك ايه
عندك Corrpted stones برضه زى الى فوق كدا boss
و ف planarit دا بينزل من ال boss ومن ال rifts
infinity نفس الحوارات الى فوق boss
favor بينزل من ال لعب pvp


طيب الحاجات الى فوق والهرى دا كله بيتعمل بيه اية ؟ بص كل حاجه من دول بتشترى بيها حاجات جوا اللعبه ف حاجات للبس مثلا وف حاجات بتحولها تشترى بيها مثلا حاجه ف ال Craft ولسه هتكلم عنه وف مثلا ممكن تجيب بيها Mount يعنى زى حصان او مثلا عنكبوت تركبه اى ان كان هو اية ودى صوره للى اتشرح فوق :


عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]



ف عندك Rift store :



دا بتشترى منه حاجات بفلوس حقيقى وف حاجات فيه كتير اوى بتتجاب بفلوس اللعبه عادى وممكن تجيبها بفلوس حقيقى انت وراحتك بقى وطبعا زى اى لعبه ف حاجات بفلوس حقيقى وبس وف حاجات الاتنين مع بعض :

ممكن تشترى Mount منه :

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]


وعندك ف Rift store حاجه اسمها pvp دى تقدر تصرف فيها ال Favor وتشترى منها لبس للفل بتاعك ويستحسن تشترى لبس لفل 50 على طول او لفل 60 علشان متعدش تجمع تانى ودى صوره لل Rift store من بره وبالمناسبه ال Rift store موجود تحت على الشمال العلامه الزرقه :

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]


وف عندك Craft :



ممكن تصنع بيه لبسك ممكن تصنع بيه potion للدم او للطاقه ممكن تصنع بيه اسلحتك ممكن تصنع بيه حاجات بتعلى الدفينس بتاعك لمده نص ساعه وبتخلص والحاجات الى بتتعمل دى كلها بحاجات بتلمها ف اللعبه وانت ماشى وتروح عند الماستر المتخصص ف المدينه هتلاقيهم ف كل المدن الكبيره وتصنع عندهم

و ال craft دا بيعلى معاك وكل ما تعلى تعمل حاجات اجمد من الى فاتت حاجات كتير بقى متتعدش ملهاش اول من اخر اصلا

و ال craft دا بيعلى معاك وكل ما تعلى تعمل حاجات اجمد من الى فاتت حاجات كتير بقى متتعدش ملهاش اول من اخر اصلا


وممكن مثلا تصتاد سمك والسمك الى تجيبه بتطبخ بيه اكلات كتير بتستخدمها ف حاجات كتير زى كدا :

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]


نظام الاسكيلات بقى :


كل ما تلفل لفل هيجيلك نقطه وممكن نقطتين بتضغط حرف ال N و تحط الاسكيل بوينت الى جاتلك ف الحاجه الى انت عاوز تعليها وتضغط على SAVE & EXit ودى صوره لنظام ال Skill tree ودا احلى ما ف اللعبه ان فيها كذا نظام ف الاسكيلات وواسعه وتعملها على مزاجك انت :


عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]




نيجى بقى لمواصفات اللعبه واللذى منه:


1-اللعبه تشتغل على اى جهاز عادى بس الجرافيك هيقل
2- مساحتها 16.5 جيجا هى كبيره اه بس مش هتندم بعد ما تنزلها




بالنسبه للتسجيل وموقع اللعبه:


1-موقع اللعبه :عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]
2-للتسجيل:عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]
3-لو عاوز تعمل داون لود للعبه : هتدخل موقع اللعبه وتضغط على داونلود هتلاقيها ف وشك كبيره وباينه هينزلك كلينت صغير هتنزل منه اللعبه وممكن توقفها وتطفى الجهاز وتكمل عادى ولو النور قطع بيكمل من اخر حاجه وصلها


كدا انا خلصت يعتبر اساسيات اللعبه ف اسرار كتيييييير اوى جوا هتعرفها من الناس بقى او منى الى عاوز حاجه يجى معايا السرفر وانا اقولهاله عادى واحلى حاجه جوا ان الناس كلها محترمه ومفيش قله ادب الا نادرا اوى اوى ولو احتجت حاجه من حد هيقولهالك عادى والمصرين جوا سمعتهم حلوا واظن انتوا فاهمين قصدى الى هينزل يعمل شغل سيلك رود جوا ميجيش


عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

[tit3o]

ارجوا التثبيت :)

[Diligent]

موضوع فى منتهى الجمال وشكلها لعبه جامده تسلم يا كبير

[Kenkoz]

اية متطلبات التشغيل
شكلها حلو هجربها

[tit3o]

المشاركة الأصلية كتبت بواسطة Diligent عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

موضوع فى منتهى الجمال وشكلها لعبه جامده تسلم يا كبير

منور يا باشا

المشاركة الأصلية كتبت بواسطة Mr_Phantom عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

اية متطلبات التشغيل
شكلها حلو هجربها

متطلبات التشغيل :

Operating system: Windows® XP, Windows Vista®, or Windows® 7
Processor: Dual Core 2.0 GHz or better
Memory: 2 GB
Hard disk space: 15.0 GB available
Video: Nvidia® GeForce® FX 5900, ATI Radeon® X300, or Intel® GMA X4500
Sound: DirectX® 8.1 compliant card
DirectX®: 9.0c, June 2010 update
Broadband Internet connection (DSL, cable modem, or other high-speed connection)


اللعبه دى تشتغل على كارت شاشه 128 ورامات 1 جيجا مش 2 زى ما هما كاتبين انا متاكد


انا كمان فوق مشرحتش حاجه اللعبه واااااااااااااااااااسعه جدا جدا جدا وغير كل دا هى بصراحه نسخه من لعبه WOW ف حاجات كتير بس الميزه بقى انهم مصلحين عيوب لعبه WOW فيها والحاجات الى مش عاجبه الناس زى الجرافيك مثلا وزى الاسكلات هنا احسن برضه وتنور ف اى وقت اسمى فوق والسرفر هتلاقينى اونلاين ابقى كلمنى

[tit3o]

هو القسم ملوش مشرف يا جماعه بيدخل يقول اى حاجه انا حاسس ان الواحد لما بيتعب مفيش تقدير

[Kenkoz]

يا معلم شغلك تمام منتظر اية من المشرف هوا موجود دايما لو عندك استفسار

[.a7la-smile.]

الله ينور عليك

[Crazy Ghost]

11 جيجا ونص كتير اوي ده انا الدونلود عندي جايب 60 ساعه :D

[SeekeR]

موضوع فى منتهى الجمال و الروعة وانا شايف انو مش واخد حقو ل فى التثبيت ولا فى الردود

[™LazyAngel™]

هيا تقريبا زي تيرا بس أنا مش بحب الألعاب ألي فيها أسكيلز كتير زي رفت

[هلعب]

جامده اوي

[manhard]

اللعبه روعه والشرح جامد تحية ليك ..
بس استحالة افكر انزل لعبه جايبلي زمن الداون لود بتاعها 55 ساعه !!!!!!!!!
صعبة فحت ...

[™LazyAngel™]

المشاركة الأصلية كتبت بواسطة manhard عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

اللعبه روعه والشرح جامد تحية ليك ..
بس استحالة افكر انزل لعبه جايبلي زمن الداون لود بتاعها 55 ساعه !!!!!!!!!
صعبة فحت ...

أنا نزلت Aion 60GB
علي نت 512kb
في أسبوع سبت الجهاز و رحت مصيف ههههه

[Loleta]

انا من عشاق الـ adventure
هحملها ويارب تطلع الى فى دماغى