شـريـط الاهـداءات |
|
| بـعـيـدآ عـن سـيـلـك رود [ هذا القسم مخصص لمختلف المواضيع البعيدة كليا عن مجال الألعاب ] |
 |
|
|
أدوات الموضوع | انواع عرض الموضوع |
12-11-2010, 05:06 PM
|
#1 | ||||||||||
  
|
ربع كوباية مية م الحنفية..
ده لو تيسر.. نص كيلو بصل.. ومش شرط يتقشر.. وسنة ملح وفلفل أسمر.. ولو مفيش أسمر.. أي لون يعجبك.. يا عم إكتب ورايا.. إحنا من أولها هانكشر.. شعار البرنامج إيه.. الطبيخ نفس.. مش أكتر.. وتشهد علينا الحلل والبوابير.. إننا طبخنا لحم الكلاب.. والحمير.. لا حد مات.. ولا حد قال آي.. ولا حد وقع وإتكسر.. والجدع بقي اللي يعرف ليه.. أو يقدر يفسر.. معادنا الأسبوع الجاي.. مع حلقة جديدة م البرنامج.. لو كان لنا عمر.. وفينا روح.. نضحك.. ونبكي.. ونهزر.. الطاجن ده زمان.. كان بيتعمل باللحمة الضاني.. والنهارده يا جدعان.. بقي فيه فكر تاني.. أولاً الطاجن ملوش لزوم.. ومش محتاجين لحوم.. كل الحكاية.. اكتب ورايا.. ربع لمونة.. وفصين توم.. وشعار البرنامج.. الجوع صحة.. وعلي الله تصحي.. يا وطن م النوم.. أي استفسار.. حد عايز يتخانق.. يتنفس.. يتكلم.. يبرطم.. أنا علي قهوة سعد رزة.. بجوار حسن كاوتش.. أمام مستشفي المقطم.. [COLOR="Red"]بقولك إيه.. بلاش تتعشم أوي ف الدنيا.. وعيشها كده.. تخاطيف تخاطيف.. جايز بكره يكون جميل.. لكن النهارده بجد مخيف.. المهم شعار البرنامج إيه.. بلاش غدا.. وبلاش عشا.. وأحسن بقي تنام خفيف.. إكتب ورايا.. لحسة زبادي من خير بلادي وشممها ريحة المربي.. والباقي أخوية وعيش وملح ومحبة ماعدش شيء ممكن يستخبي.. رغم الكدب والقهر والتزييف.. أي استفسار أنا ع القهوة.. كلمة سمعتها.. وعجبتنى.. ماعرفش مين اللى قالها.. تفضل الطيور تلف.. تلف وف الآخر تقع على أشكالها.. زمان قالتلى عمتى ومن غير ما اسألها.. إحنا والنظام يا ابن اخويا لايقين على بعض والجواز قسمة ونصيب واللقمة بتنادى أكالها.. ولو قلبى مليان بالوجع إزاى يحس بجمالها وآهى الدنيا دايرة والناس فى حالها.. وماحدش عارف إن الحكومة ماعندهاش ريحة الدم غير اللى بينزف.. وماحدش حاسس إن المصيبة تقيلة غير اللى جرب وشالها.. وماحدش شايف إن كله تمام غير اللى باعوا أحلامها.. وماحدش عارف إحنا على فين غير الراجل اللى باصص م البلكونة وماحدش بيقول إنها بتتقدم غير الجرار الخربان اللى واقف قدامها.. وماحدش بيقول إنها فرحانة غير اللى فرق عليها جراح بعدد سكانها.. وماحدش عارف غلاوة النيل غير اللى غرقان فى أحزانها..[/COLOR] بحب البرد .. و يا سلام .. لو حد هرب م الدوشه .. و راح و جاباي ورد .. لو كتبت قصيدة .. و قولتلي حلوة .. قولها تاني .. أتنطط زي العيال الصغيرين .. .. و أقولك أحلف .. والله العظيم .. بتتكلم بجد .. يمكن عشان .. أيام الفرح قليلة .. سهل تتعد .. عارف .. رغم إن المخازن .. كل يوم بتتحرق .. و مفيش حساب و لا جرد .. و رغم وجود السيرك .. و الأراجوز .. و التلات ورقات .. و جوز و فرد .. عمري ما أتمنيت أكون أمير أو ولي عهد .. لكني بحلم بوطن .. مفيهوش و لا حارة سد .. وطن بيفرح بحاجة .. غير وصول الأهلي لليابان وحزنه أنبل .. م الدموع البلاستيك .. و عمليات التجميل .. و الشفط و الشد .. عارف .. رغم إنها .. بتقع .. بتغرق .. بتتنيل بستين نيلة .. لكن جميلة .. و عمرها ما هاتنهد .. عشان كده .. أنا لسه بحب حاجة .. و لسه ف قلبي حد .. بالصلاه ع النبي احنا عندنا اسمه ايه ده احسن واحد يحلل مبارايات ويحط التشكيل الاساسي والبديل ويقولك امتي تلعب براسين حربه وامتي تلعب من غير راس ولو ضميرك مش مرتاح وعندك احساس بلاش تشوط ع التلات خشبات وعندنا اسمه ايه ده احسن مهندس خبير بيرمش بس للبير يطلع غاز وبترول وينزل دهب م الحنفيات وعندنا اسمه ايه ده احسن سمكري ف التلاتين سنه الاخيره تخش من مجري العيون علي عين الصيره هاتعرفه من مناخيره ومن شكل العربيات وعندنا اسمه ايه دا مجرم قانون دولي ودستور وايده خفيفه قوي ف التعديلات يشيل من هنا ويحط هنا جواهرجي ياربي ملقاط وعندنا اسمه ايه ده احسن واحد يحط الفول علي الطعميه ويعمل سندوتشات وعندنا اسمه ايه ده احسن دكتور مسالك وعظام وقلب وغرام من نظره عينيك يعرف كل الحاجات ولا روشته ولا ابره ولا تحليل ولا اشاعات وعندنا اسمه ايه ده احسن حانوتي اثار ولو جاله برد ابو الهول يموت وتنتحر الاهرامات وعندنا اسمه ايه ده احسن كاتب واحسن مخرج رقص واحسن جزار كوارع وعكاوي وحلويات وعندنا اسمه ايه ده ملوش حل في الزراعه فواكه وحبوب وخضراوات يقول للارض قمح تقوله حاضر ونخبر ونعمل بسكويت وفينو بسمسم وبقصمات وعندنا اسمه ايه ده صاحب القهوه كلنا نتيتم ونتشرد لو بعد الشر زي الناس ما بتموت مات ياخي انا مش عارف لما احنا عندنا اسمه ايه ده واسمه ايه ده امال اسمها ايه دي مصر مبتتقدمش ليه وتعبت وزهقت وداخت ولفت السبع لفات كل سنه وانتي الاميره وانتي البصر والبصيره متستغربيش ان لسه الحرامي حرامي وهي هي الوشوش والكدب ونفس الاسامي والنفوس الحقيره لسه حقيره متستغربيش من نغس السؤال والدهشه والحيره عايز اقلوك سر ابني الصغير بيحبك اوي اعملي معروف اوعي تجيبي لحد سيره ولسه في ناس بتكتب شعر وبترسم وتغني وف قلوبهم احلام كبيره كل سنه واحنا جوانا بقايا م الفرح قادرين نضحي كل سنه وانتي غنوه عشق بتصحي فينا البني ادمين وبتصحي اوعي يامصر يهزمك الحزن وتهربي وتقولي زهقت وتتنحي اوعي اعملي معروف أنا المواطن نقط نقط نقط .. يكون ف علمك أنا مش جبان ... ولا بتهان وأسكت زي زمان .. أنا بصرخ وأكتب وأبعت وأتكلم .. وأسمع بقي يامعلم .. أنا المواطن نقط نقط نقط .. رقم قومي نقط نقط نقط .. محل الأقامة نقط نقط نقط بجوار البنزينة .. بصراحة حرام تعملوا فينا نقط ونقط ونقط .. وتطلعوا نقط و نقط أهالينا .. عملتوا إنتخابات وكلها نقط نقط نقط .. وشيلتوا وحطيتوا حاجات نقط ونقط ونقط .. بصراحة .... أنا بقيت قدام مراتي حاسس إني مش نقط خالص .. وأقول لها نفسي أبقي نقط بجد .. تقوللي يا خويا متحرقش دمك .. محدش بينفع حد .. حسك ف الدنيا .. بكره تبقي نقط ونقط ونقط .. ! بمنتهي البراءة ... سأليتني … بنتي نور .... ف أربع خمس .. أمور … مش ف كتاب القراءة .... قالتلي .. بابا بابا .. مش إنت .. يا بابا .. بتكتب أغاني .. وتقول أشعار .. أنا سمعت .. الشيخ يا بابا ... بيقول إنك يا بابا … ها تروح النار ... زي الوحشين يا بابا ... الحراميين الكفار .... قوللي يا بابا .... يعني إيه إستعمار .... يعني إيه نيل ... يعني إيه هرم .. ومين اللي حط ... النسر فوق العلم ... يعني إيه يا بابا ... إستفتاء …. و يعني إيه إنتخاب ... ويعني إيه حر ... ويعني إيه نصاب…. يعني إيه إختلاس .. ويعني إيه هجاص .. ويعني إيه خصخصة .. يعني إيه يا بابا .... دستور …. يعني إيه معارضة .. ويعني إيه مظاهرة .. وليه النهاردة ... خدنا أجازة ... م المدرسة ..... قوللي يا بابا .... يعني إيه قهر .. وفين … خط الفقر ... ويعني إيه حظ .. ويعني إيه زهر ... يعني إيه يا بابا ... حريه ….. يعني إيه إنسان .. ويعني إيه سرطان ... يعني إيه يا بابا ... خربوها …. ومين دول يا بابا .. ولاد القطقوطة ... ومين دي ... سمارة يا بابا .... وإزاي يا بابا ... ضاعت من قلبك ... يا بابا ..... إنت معايا .... فيه يا بابا ناس ... بتقول كفايه ... وفيه كمان عساكر ... مسكين عصايا ... وبنات متعورين ... وتانين … ماشين بيضحكوا ... هما دول إسرائلين .. يا بابا ..... ويعني إيه ... ويعني إيه ... قولتلها …. نور ….. ممكن أسألك سؤال قالتلي …. إتفضل يا بابا ... قلتلها …. هيه قناة Space toon ... رقم كام ….. وخدتها ..... عشان تنام الواد ميشو ابني الصغير دمه خفيف شربات من غير ما يقصد ياما علمني حاجات معدش بيحب الحواديت ولا حكايات الشاطر حسن المهم بيموت ف الرز بلبن ويغرق ف البلوظه قلتله نفسك تبقي ايه لما تكبر ياميشو قاللي يابابا نفسي ابقي .... قلت له لا دي اتلغت ياحبيب بابا قالي خلاص ابقي انا ال ... قلت له ودي محجوزه قاللي يابابا ممكن ابقي .... قلت له ودي للناس المحظوظه قاللي هوا بقي يابابا عايز ابقي ... قلت له ودي محتاجه وقت وانا كبرت وامك كمان ست عجوزه قاللي خنقتني يابابا تصدق قلت له جننتي يا ميشو يا ابني نقي حلم ينفع يتحقق قاللي يابابا بتسالني لييه طب قوللي انت احلم بايه وانا اديلك شويه رز بلبن ساعات بقلق بالليل يعني بالليل شوية كده قبل الفجر حسب الظروف كده بعد العصر خايف يوم أصحي.. وأفتح الشباك.. مالاقيش مصر ألاقيها لمت هدومها ومشيت لمت هدومها علي نيلها علي هرمها وطفشت وحلفت ميت يمين ماهي قاعدلنا ماهي زهقت.. تعبت.. إتخنقت أصلنا زودناها.. أكننا استعمرناها.. ورثناها مصر البنوتةالحلوة اللي زي القمر بقت عجوزة وشايبة وبان عليها الكبر خايف يوم أصحي.. وأفتح الشباك.. مالاقيش مصر ...على باب سفارة كندا ..لمحت ابليس و ف ايده استماره ..بقول له على فين ..قاللي بص ..يا هجره يا اعاره ..يا عم زهقت كفرت ..الاقيش معاك سيجاره ..انا انتهيت خلاص ..لا نافع وسواس ولا خناس ..ولا ليا عيش وسط الناس دي عالم مجرمين ..عندكوا فائض ف الفساد ..في كل البلاد ..ومش محتاجين شياطين ..مليش عيش ف البلد دي ....بقالي سنين عاطل ...و انتوا بتعرفوا ..تقلبوا الحق باطل ..و تسلكوا القاتل ..و تمشوا ف جنازة المقتول ..ومفيش مشاكل ..يا عم ده انا بقيت أوسوس بالمقلوب ...و أقول للحرامي كفايه بقى توب ..انت هاتعمل كل الذنوب لوحدك ...و أنا ابليس أشتغل واعظ ..ولا كمساري ف اتوبيس ..يا عم ده انا زمان ..كنت استنى حد ينسى يسمي ..وهو بياكل لقمته ..دلوقتي كل اكلكم ملوث ..و بصراحه الواحد خايف على صحته ...ده مفيش ضمير اساسا ..عشان اموته ..و كل واحد بمزاجه ..خربانه ذمته ...يا عم ده كل حاجه اتسرقت ..وكده الاجيال الجديده ..م الحراميه اتظلمت ..يا راجل ده من كتر ما لطشت معايا ..خرجت ف مظاهره ..مع الناس اللي بتقول كفايه ...و برضه مفيش فايده ...على باب سفارة كندا ..لمحت ابليس و ف ايده استماره ..بقول له على فين ..قاللي بص ..يا هجره يا اعاره ..يا عم زهقت كفرت ..الاقيش معاك سيجاره ..انا انتهيت خلاص ..لا نافع وسواس ولا خناس ..ولا ليا عيش وسط الناس دي عالم مجرمين ..عندكوا فائض ف الفساد ..في كل البلاد ..ومش محتاجين شياطين ..مليش عيش ف البلد دي ....بقالي سنين عاطل ...و انتوا بتعرفوا ..تقلبوا الحق باطل ..و تسلكوا القاتل ..و تمشوا ف جنازة المقتول ..ومفيش مشاكل ..يا عم ده انا بقيت أوسوس بالمقلوب ...و أقول للحرامي كفايه بقى توب ..انت هاتعمل كل الذنوب لوحدك ...و أنا ابليس أشتغل واعظ ..ولا كمساري ف اتوبيس ..يا عم ده انا زمان ..كنت استنى حد ينسى يسمي ..وهو بياكل لقمته ..دلوقتي كل اكلكم ملوث ..و بصراحه الواحد خايف على صحته ...ده مفيش ضمير اساسا ..عشان اموته ..و كل واحد بمزاجه ..خربانه ذمته ...يا عم ده كل حاجه اتسرقت ..وكده الاجيال الجديده ..م الحراميه اتظلمت ..يا راجل ده من كتر ما لطشت معايا ..خرجت ف مظاهره ..مع الناس اللي بتقول كفايه ...و برضه مفيش فايده بقول لهم مين اللي بيعيط بحرقة دة؟ قالوا لي مواطن اتصور وهو بينضرب قلت لهم ومين الأمور اللي بيضحك دة؟ قالوا لي دة واحد عمل شوية كوارث وهرب قلت لهم والدنيا عتمة هناك كدة ليه؟ قالوا لي دي حتة جديدة بتتخرب قلت لهم ومين الحاوي اللي بيتكلم دة؟ قالوا لي دة الوضع بيتقلب وايه الهيصة اللي في الساحل الشمالي دي؟ قالوا لي دي البقرة بتتحلب قلت لهم وانتوا قلقلين كدة ليه؟ قالوا لي اصل بنلاعب الكاميرون وخايفين نتغلب بقولها إنتي فين .. قالتلي إنت جيت .. قلتلها زهقت م الشغل ومشيت .. قالتلي عديت علي أمي .. قلتلها نسيت .. عاملة إيه ع الغدا .. قالتلي قرنبيط .. قلتلها تصدقي بحسبه جمبري .. قالتلي إنت بتستعبط .. قلتلها لأ ... ده أنا عبيط .. مش أنا امبارح رحت من بيتنا في السيدة للشغل في حلون في سبع دقايق لا شوفت حد زعلان ولا حد متضايق والورد إنسان والنخل متعايق والناس جميلة مؤدبة والجو رايق والدنيا ماشية لوحدها ولا حد سايق ومش انا امبارح برضه رجعت من الشغل في حلوان لبيتنا في السيدة في خمس دقايق لا حاسس بغربة ولا شايف غريب وقلبي ابيض حليب عندليب كروان فرحان شايل ف قلبي وف جيوبي الفرح أشكال وألوان وزعت ع الشوارع والبيوت والجيران وطلعت البيت ضربت الجرس فتحت مراتي وبالأحضان والعيال كمان فرحانين ناجحين وجايبين الدرجات النهائية من غير دروس خصوصية قمنا رقصنا وغنينا واحتفلنا واتغدينا فضلة خيرك سمك واستاكوزا وجمبري م الكبير وحلينا ب مهلبية وشربنا الشاي كمان وفجأة لقيتني بردان بردان بصيت لقيت الشباك مفتوح ومفيش بطانية ومراتي جنبي وزي ما هيه لسة بتعاني من آلام المفاصل وده اللي حاصل والحمد لله على كل شيء علي حد علمي احنا و اسرائيل حبايب و فيه سلام و ما فيش حرب طب الظباط و العساكر دول بيعملوا ايه في ميدان طلعت حرب ده بنت و ولد نازلين يشوفوا بلوزة تليق ع الايشارب بيحلموا .. بيغنوا و احلي ما فـ غناهم انه طالع من القلب من امتي العشق كان بيموت من الخوف و منا امتي الحلم كان بيخاف من الضرب يا كابتن يا باشا خليك ابن بلد هوه انتا ما عندكش اخوات صبيان و لابنات يعني انتوا كل عيلتكوا ظباط يعني انتوا اصحاب اكاديمية الشرطة و اصحاب الشوارع و الميادين و المحلات و اصحاب البلد طيب طب ان هاخرم من التحرير لدار القضاء العالي هاكل كشري و اخش سيما مالك بقي و مالي معايا بطاقة و خلصت الجيش بتسمي ده أكل عيش ؟ يبقي عرفتك طب عريني بقي فتشني قطع لي هدومي و افحصني و خلصني لا انت اول و لا اخر واحد عارف انا مرة القطر عدي و داسني و ما متش عشق الحياة ماهوش ترف عرفت ايه معني الشرف جاتك القرق جاتك القرف ياعم هو إحنا .. بنزيد .. ولا بننقص .. تقولى كل سنة وأنت طيب فى العيد .. وأقولك يرحمكم لله .. لما تعطس .. واشوف وشك بخير ؟؟ ومتعرفش فين بنروح .. ونغيب ونغطس .. تسكن فى شقة بحرى .. تكيف مركزى .. وتحس برضة انك بتفطس .. وكل شيىء بيزيد .. وأنت بس اللى بترخص .. ويوم نحاول .. وألف نيأس .. يعنى أية .. يعنى نطفش .. مش هانطفش .. يعنى نخرس .. مش هانخرس .. إحنا مهما نجوع ونعطش .. بس عمر الليل ما يخلص .. مش هانخرس لكل راجل وست.. وبنت وولد.. ولكل حد إتولد.. ف حضنها وعاش.. صغير كبير.. صاحب مقام.. أو صاحب محل عصير.. ف الخدمة لسه.. أو حتى ع المعاش.. لكل اللى بص ف عيونها.. لكنه معرفهاش.. لكل اللى سرق.. واللى حرق.. واللى احتكر.. واللى عمره ما افتكر.. لكل اللى لوث دمها.. واللى باع.. من غير ما ياخد رأيها.. واللى سكت ونام.. مع انه بيحبها.. ولكل اللى داس على قلبها.. ولما قالت آه .. اشترى دماغه.. وكأنه ماسمعهاش.. إنذار من مصر.. على يد محضر.. بصراحة كلكم على بعضكم .. ماتلزموهاش.. بقولك ايه.. اشمعنى مصر بتبقى جميلة.. ورقيقة وغالية.. واحنا نايمين.. ولما نصحى تانى .. ونملاها بالحزن والدخان.. كل شىء بيرجع تانى زى ماكان.. رخيص أوى.. وساعات ببلاش.. صديقى اليابانى.. كان فى زيارة لمصر تانى.. وهو شخص ابن بلد ولذيذ كان فرحان اوى واحنا بنتمشي فى شارع عبد العزيز ... قاللى شايف يا فريكيكو كل ده يابانى...كل ده ياباني وده الى خلانى اقوله... طول عمرك يا سيكو سيكو خايب...! شوف انت تسهر وتفكر وتصدر وانا اخد جمارك وضرايب... انت هنا فى بلاد العجايب... امال ايه.... قاللى ايه الهيصه الكتير دي واللمه قلت له البلد كلها ثانويه عامه عندكو مكتب تنسيق يا سيكوسيكو... قاللى بس ده مش حل يا فريكيكو عندنا فى اليابان مفيش مستحيل قلت له عندنا ف مصر بالنا طويل وعندنا تلات اهرامات ونيل... ومستوره وزى الفل...مالك بقى قاللى عندنا فى اليابان المسئول اللى يغلط... مفيش غير الانتحار.. قلتله عندنا ف مصر الى يخربها بيخرج منها معزز مكرم من صاله كبار الزوار..! ده المسامح كريم يا اخى وبعدين.... روحنا اتغدينا كوارع فى الحسين ومن ساعتها مش عارف هو فين مشفتش سيكوسيكو يا حج رضا... |
||||||||||
|
| إعلانات google |
|
|
|
12-11-2010, 05:20 PM
|
#2 | ||||||||||
|
ياااااااااااااااه بجد شئ خارق...دا ماسبش حاجه فى البلد الا واتكلم عنها بدقه وبساطه واسلوب سخريه مقبول ماعتقدش ان اللى كتبه احمد فؤاد نجم اللى كتبه عبقرى بجد !! شكرا يا احمد على مواضيعك الجميله |
||||||||||
|
|
|
12-11-2010, 05:23 PM
|
#3 | ||||||||||
  
|
مشكور يا باشا...
|
||||||||||
|
|
|
12-11-2010, 07:09 PM
|
#4 | ||||||||||||
  
|
.gif "111 (3)") :flex:شكرا على مجهودك |
||||||||||||
|
|
|
12-11-2010, 07:28 PM
|
#5 | ||||||||||
|
اسموا على سلامه ده جزء بسيط اوى من اشعاره العاميه
|
||||||||||
|
|
|
12-11-2010, 07:36 PM
|
#6 | ||||||||||||
   
|
 شكرا |
||||||||||||
|
|
|
12-11-2010, 07:39 PM
|
#7 | ||||||||||||
 
|
 شكرا
|
||||||||||||
|
|
|
12-11-2010, 07:43 PM
|
#8 | ||||||||||||
|
جميل 
|
||||||||||||
|
|
|
12-11-2010, 08:05 PM
|
#9 | ||||||||||||
 
|
شكرا 
|
||||||||||||
|
|
|
12-11-2010, 08:54 PM
|
#10 | ||||||||||
|
البلد والوحيد اللى ماحدش عارف هو عيب فى الشعب ولا الحكومه زى البيضه جات الاول ولا فرخه |
||||||||||
|
|
|
12-11-2010, 09:05 PM
|
#11 | ||||||||||||
|
شكرا
|
||||||||||||
|
|
|
13-11-2010, 01:48 AM
|
#12 | ||||||||||||
  
|
رغى انا بهزر مشكور 
|
||||||||||||
|
|
|
13-11-2010, 11:39 AM
|
#13 | ||||||||||||
|
جـــامد كيكـ :)) و الله ماسبت كلمة :d |
||||||||||||
|
|
|
13-11-2010, 11:56 AM
|
#14 | ||||||||||||
 .:: ! HTML PROF ::. 
|
 |
||||||||||||
|
|
|
| يتصفح الموضوع حالياً : 1 (0 عضو و 1 زائر) | |
|
|
.gif){kind=icon}
العرض العادي
