شـريـط الاهـداءات |
|
|
||||||
| تـحـمـيـل ألـعـاب Pc Games قسم مخصص لمواضيع تحميل أحدث و أقوى و اجمل العاب الـ PC |
 |
|
|
أدوات الموضوع | انواع عرض الموضوع |
|
|
04-12-2012, 11:14 PM
|
#1 | ||||||||||||
 
|
 الـ PS3 يحتوي على built-in wireless ( لاسلكي داخلي ) إذ بإمكانك تصفح الإنترنت دون الحاجة إلى تركيب وصلة اللاسلكي والبالغ سعرها 99$ على خـلاف الـXbox 360 ، وعند ضبط الإعدادات في جهاز الـ PS3 سوف يظهر لك نوع الـ security التي تستخدمها ( الحماية ) ، ويسألك عن الـ passkey ( مفتاح المرور) الـ PS3 يأتي مع هاردسك داخلي ، على عكس الـXbox 360 فمعظم الناس قد اشتروه مع القرص الصلب ، وبناءً على ذلك فإن المطورين يفترضوا بأنه لا يوجد هاردسك للـXbox 360 ، وبهذه النقطة يمكن الإستفادة منها بالنسبة للـPS3 وذلك بواسطة تنزيل الألعاب عن طريق الـ PSN وتخزينها على الهاردسك ، معظم الألعاب لا يتعدى سعرها $10-$20 .. أرخص بكثير من قرص الـ Blu-rayا الـPS3 لديه دعم من قبل بعض طابعات شركة Epson ، الغرض من تلك الميزة هي طباعة الصور المخزنة في الهاردسك ، ومن ناحية أخرى لا توجد أي طابعة تدعم الـXbox 360 الـPS3 يدعم خاصية الـ Sixaxis ( خاصية الإستشعار ) ، تلك الخاصية الشبيهة بجهاز الـ Wii ، حيث تم الإستفادة منها واستغلالها في معظم الألعاب المتواجدة حالياً ، على خلاف الـXbox 360 . الـ PS3 لديه خدمة الـ Folding@Home ، ولمن لا يعرف فائدتها فالنسخة الحالية يمكن أن تدار كشاشة توقف وكمؤقت إغلاق الـ PS3 أي أنها تساعدك على السيطرة على فاتورة الكهرباء بدلاً من تشغيل الـ PS3 مدة 24 ساعة ، إضافة إلى أن خدمة الـ Folding@Home تسهم في المساعدة على دراسة العديد من الامراض ومنها : التليف الكيسي ، ومرض جنون البقر ، بالطبع البعض سوف يقول لن أستفيد شيء من ذلك ، ولكن يكفيك الشعور بروح المساعدة العلمية. الـ PS3 يملك ميزة أخرى ألا وهي إمكانية تركيب Linux عليه ، البعض لا يستفيد من تلك الميزة ، ولكن أن كانت لديك الخبرة التقنية فثق تماماً أنه بإمكانك تحول جهازك الـ PS3 إلى حاسوب مركزي إعلامي بواسطة MythTV ، أو تركيب Windows XP . أن الـOnline في الـPS3 غير محدود على عكس الـXbox 360الذي يعمل لمدة 10 ساعات . الحين ناتي للاكسبوكس  [-] أشياء يمتلكها الـ Xbox 360 ولا يمتلكها الـ PS3 ا[-] الـ Xbox 360 لديه دعم مباشر من Apple IPod و Microsoft Zune وغيرها من مشغلات الـ mp3 الأخرى . فالـ Xbox 360 يستخدم قائمة مشابهة لتلك التي في iPod الـ PS3 بإمكانه تشغيل الصوتيات من الـ iPod ، ولكن استعماله ليس سهل مطلقاً ، أي أنك إذ ا أردت تشغيل ملف صوتي يجب عليك تصفح المجلدالأصلي الذي يوجد به الملف ، في الحقيقة يوجد نقص في دعم الـ Zune للـPS3 ، على عكس الـ Xbox 360. ×÷×÷×÷×÷×÷×÷×÷×÷×÷×÷×÷×÷×÷×÷×÷×÷×÷×÷×÷×÷× الـ Xbox 360 لديه إمكانية الشراء أو تأجير الأفلام السينمائية والعروض التلفزيونية وذلك بواسطة Xbox LIVE Marketplace ، بإمكانك شراء البرامج التلفزيونية بـ 2 $ تقريباً هذا بالنسبة للوضوح العادي ، أما الوضوع العالي فحوالي 3 $ ، وبإمكانك تحميلها ومشاهدتها في أي وقت بدون قيود . ×÷×÷×÷×÷×÷×÷×÷×÷×÷×÷×÷×÷×÷×÷×÷×÷×÷×÷×÷×÷× الـ Xbox 360 لديه ميزة جميلة أخرى ، حيث يمكنك استخدام Xbox.com لإدارة وتعديل حسابك في Xbox LIVE ، أو تغيير كلمة السر ، أو تغيير شعارك ، أو إضافة نقاط إلى حسابك ، أو أي تعديل آخر في عضويتك ، وأيضاً بإمكانك دخول قائمة الـ friends بواسطة Xbox.com ومعرفة ماذا يلعبون ، موقع Xbox.com لا يمكنك إرسال الرسائل الصوتية منه ، ولكن بإمكانك إرسال الرسائل النصية فقط . ×÷×÷×÷×÷×÷×÷×÷×÷×÷×÷×÷×÷×÷×÷×÷×÷×÷×÷×÷×÷× الـXbox 360يتميز على الـ PS3 في نقطة أيضاً ، ألا وهي بإمكانك استخدام XrossMediaBar (XMB)i لإرسال رسائل نصية ورسائل صوتية ، ويمكنك إرسال رسالة إلى أكثر من شخص في وقت واحد ، ومن جهة أخرى الـ PS3 يمكنك من إرسال رسائل نصية فقط ولشخص واحد في كل مرة . ×÷×÷×÷×÷×÷×÷×÷×÷×÷×÷×÷×÷×÷×÷×÷×÷×÷×÷×÷×÷× الـXbox 360 لديه ميزة رائعة أيضاً ، حيث يمكنك تشغيل الـموسيقى من أي جهاز USB تقريباً ، مثل IPod أو flash drive ، وعندما تشغل لعبة وتشغل أي أغنية سوف تستمر الأغنية في داخل اللعبة ولن تتوقف ، على عكس قرينه الـ PS3 والذي لا تتوفر فيه تلك الخاصية ( حتى الآن ).  نيجي بقى لرأي انا انا افضل الPS3 لان الاكس بوكس المروحة بتعته بتعمل صوت عالي و بتسخن و اما الPs3 العكس و اللعب الOnline مجانا على الPS3 , الاكس بوكس بفلوس (زس ما قلت فوق ) ثانية و جي تاني  |
||||||||||||
|
التعديل الأخير تم بواسطة PUFFY ; 04-12-2012 الساعة 11:23 PM
|
| إعلانات google |
|
|
|
04-12-2012, 11:54 PM
|
#2 | ||||||||||||
|
Decade  
|
ياريس اولا الف شكر على الموضوع , ثانيا انت ذكرت كل المزايا الفرعية فقط اللى بتبقى مجرد اضافات للى حيشترى الجهاز , فى الاول و فى الاخر هدف اللى حيشرى الجهاز هو الالعاب , بداية انا عندى الجهازين و فيه بس كام نقطة عاوز اوضحهم :
1 - انت ممكن تتصل بالنت من خلال وصلة ال Ethernet ودى اساسا موجودة فى الجهازين , و بالعكس وصلة الوايرلس بتأثر على سرعة الاتصال و انت بتلعب و خصوصا فى PS3 2- الاكس بوكس بييجى معاه اساسا هارد ديسك بتختلف مساحته حسب النوع 120 جيجا و 250 جيجا و 320 جيجا , و بيتركب فى الجهاز من الجنب و ماتحسش اساسا انه خارجى و شكله بيكون مدمج مع الجهاز , و برضه فى خاصية تنزيل الالعاب من ال Marketplace زيه زى ال PS3 3- بالنسبة لخاصية الاستشعار دى اساسا استخدامها قليل جدا و لو تم استخدامها فى العاب بيكون فى حاجات فرعية فى اللعبة , من ناحية تانية الاكس بوكس بيمتاز بوجود جهاز Kinect له وده لو تعرف بتستخدم جسمك كله عشان تتحكم فى الالعاب و الجهاز بيحاكى حركة جسمك و تحس انك جوه اللعبة و ماتحتجس للذراع اساسا فى العاب Kinect اللى بتزيد كل يوم و طبعا مفيش اى مقارنة بينه وبين PS3 Move لأن PS3 Move بيشبه تحكم ال Wii أكثر ,على خلاف كينيكت اللى مش بتحتاج فيه غير جسمك بس للتحكم 4 - بالنسبة للاونلاين ايه موضوع 10 ساعات ده مش فاهم قصدك ؟؟؟ اونلاين Xbox360 هو اه باشتراك شهرى , لكن روعة فوق الوصف و يتفوق بمراحل على اونلاين PS3 5- بالنسبة للخصائص الاخرى اللى انت ذكرتها للجهازين , زى ما قلت قبل كده كلها حاجات فرعية مش حتأثر نهائيا فى الرغبة فى شراء جهاز فيهم لأنها بكل بساطة تعتبر ملحقات اضافية نيجى بقى للى يهم الشخص اللى حيشرى اى جهاز فيهم : أولا : مزايا و عيوب PS3 1 - الحصريات , حصريات PS3 لا منافس لها على الاطلاق , و هى السبب فى ان كثير بيشتروا الجهاز , و من اشهر الحصرياات دى :Metal Gear Solid 4 , God of War 3 , Uncharted 1 ,2 ,3 و غيرها كثير 2- جهاز PS3 له طابع خاص عند الناس لأن هو تقريبا جهاز الالعاب الاول المتعارف عليه بين الناس من ايام PS1 فدى لوحدها بتشد ناس كثير انها تميل له 3 - من عيوبه انك لازم تشتريه باكيبر مساحة هارد على قد ما تقدر يعنى 160 جيجا او 320 جيجا , لأن فيه عيب , و ه ان معظم العاب بتحتاج تثبت جزء منها اجبارى على الهارد لما تجيى تشغلها اول مرة , عشان تقلل وقت اللودينج , و بالرغغم من كده وقت اللودينج فى العاب PS3 هو نفس وقت اللودينج فى العاب Xbox360 و عشان كده ده يعتبر عيب فى PS3 4-و النقطة دى ذكرها PUFFY , وهو ان الجهاز هادى جدا اثناء اللع و مايتعبش الاعصاب زى ال Xbox360 5- يمكن تعديل الجهاز سوفتوير و بدون حاجة لفتح الجهاز من خلال انزال Custom Firmware بدل ال Official Firmware من سونى , و ميزته انه بيسمح بتشغيل الالعاب من الهارد الداخلى او من خلال هارد USB خارجى , و لكن لا يمكن تعديل الا الموديلات القديمة اللى عليها فيرموير 3.55 او اقل , لكن الموديلات اللى عليها فيرموير اعلى لا يمكن تعديلها حاليا 6- الجهاز ممكن تشتريله ملحق اسمه PS3 Move وده شبيه بذراع تحكم ال Wii و له بعض الالعاب المتوافق معها او اللى تم اصدارها مخصوص عشان تشتغل معاه 7- الاونلاين فيه مجانى , يعنى يادوب تدخل و تلعب اونلاين مع صحابك بدون الحاجة لأى اشتراك ثانيا : مزايا و عيوب Xbox360 1- حصريات ال Xbox360 مش بنفس جودة حصريات PS3 , لكن ده مايمنعش ان الاكس بوكس له حصريات روعة زى سلسلة Gears of War و سلسلة Fable 2 - معظم الالعاب اللى بتكون موجودة على الجهازين , الجرافيك بتاعها بيكون افضل فى الاكس بوكس , ماعادا الحصريات , حصريات PS3 تعتبر صاحبة اعلى جرافيك على الجهازين 3- الالعب مش بتحتاج انها تثبت اى حاجة على الهرد على خلاف PS3 و دى ميزة للجهاز 4- مروحة الجهاز صوتها عالى و مزعج , لكن لو فى غرفة واسعة الصوت مش حيكون ملحوظ قوى , كمان بصفة عامة صوت اللعبة بيغطى على صوت المروحة 5- هناك طريقين لتعديل الجهاز , واحدة سوفتوير وواحدة هاردوير , و فى الطريقتين لازم الجهاز يتفتح , طريقة السوفتوير بتتمثل فى تثبيت سوفتوير اسمه LT و اخر نسخة منه حاليا هى LT 3.0 و التعديل ده عيبه انك لازم تنسخ الالعاب على اسطوانات و تلعبها من الاسطوانات دى و تلعب اونلاين بدون مشاكل , التعديل الثانى و ده اسمه Jtag او RGH و ميزته انك تقدر تلعب الالعاب من على الهارد سواء داخلى او خارجى بدون اسطوانات بالاضافة لمزايا كتيرة جدا مش موجودة اساسا على الاكس بوكس الاصلى ولا المتعدل LT و عيب التعديل ده فى انك ما تقدرش تلعب اونلاين 6- الاونلاين بتاعه باشتراك شهرى على خلاف PS3 ل, لكن من ناحية تانية الونلاين اروع و اكثر سلاسة من اونلاين PS3 , من ناحية تانية الاشتراك الشهرى محتاجه فقط عشان تلعب اونلاين , يعنى تقدر تتصفح النت و تدخل ال Marketplace و تشترى اللى انت عايز من غير ما تحتاج تشترك شهريا 7- الجهاز ممكن تشتريله ملحق اسمه Kinect , و ده لوحده يعتبر ثورة فى الالعاب , لأنك بتستخدم جسمك كله فى التحكم فى اللعبة , يعنى مثلا لو بتلعب مصارعة , تستخدم ايديك و رجليك فى الضرب و شخصيتك اللى جوه اللعبة حتقلد الحركات اللى انت بتعملها بالضبط  دى تقريبا المزايا و العيوب اللى فى الجهازين اللى من وجهة نظرى اكثر اهمية للى ناوى يشترى جهاز فيهم عشان يحدد موقفه , و فى النهاية الجهازين اكثر من روعة و انا عن نفسى مش بفضل جهاز فيهم عن الثانى , لكن طبعا ارجح PS3 عشان حصرياته اكيد |
||||||||||||
|
|
|
05-12-2012, 12:09 AM
|
#3 | ||||||||||||
|
اصل واحد صحبي كان بيلعب مع باباه مصارعة و كانت Kinetic .... الواد لسه في المستشفى لحد دلوقتي 
|
||||||||||||
|
|
|
05-12-2012, 12:23 AM
|
#4 | |||||||||||||
|
Decade
|
اقتباس:
ههههههههههههه ليه وهم بيضربوا بعض ؟ xD , انت لما تلعب زوجى الشاشة بتتقسم اتنين و كل واحد بيبقى واقف فى الجنب بتاعه , مش حيضربوا بعض يعنى هههههههههههههههه , هو كينيكت مش عندى لكن جربته و روعة بصراحة , بس عايز واحد نشيط عشان المجهود العضلى اللى فيه
 |
|||||||||||||
|
|
|
05-12-2012, 12:28 AM
|
#5 | ||||||||||
 
|
موضوع مميز يا معلم بافي واستمر في الموضويع الجمدا دي بجد
انا كنت محتار اجيب اية ولا اية بس شكرا |
||||||||||
|
|
|
05-12-2012, 02:41 PM
|
#6 | ||||||||||
  
|
تسلم يا معلم
 بس عندي شوية اسأله الاكس بوكس 360 بكام دلوقت ؟ و ثمن الاشتراك الشهري بكام برضوا ؟ و سرعة تحميل الالعاب من ع الماركت بتعتمد علي سرعة النت اللي عندك ؟ و هل العابوا غاليه ؟ طب اجيب العابوا منين ؟ يعني الحصريات اللي بيقول عليها ميجا ديه بتنزل برضوا الماركت مجاني ؟ اكيد لا  عاوز حبه المعلومات الرئيسيه عشان انا من زمان عيني علي الاكس بوكس 360  و عاوز نفس المعلومات ديه عن ال PS3 كمان |
||||||||||
|
|
|
05-12-2012, 02:53 PM
|
#7 | |||||||||||||
|
Decade
|
اقتباس:
بص ياريس بداية كده مفيش حاجة مجانية ههههههههههههههه بالنسبة لسعره حسب و لو من غير كينيكت يبقى فى حدود 2200-2600 حسب مساحة الهارد , بكينيكت ممكن 3300 او اكتر شوية بالنسبة للاشتراك الشهرى مش عارف والله لأنى ما اشتركش بصراحة , استخدمت بس الشهر المجانى اللى بتاخده اول ما تشترى الجهاز بس كان روعة و متعة رهيبة , اونلاين ps3 روعة برضه و مجانى بس مش بجودة اونلاين اكس بوكس بالنسبة لسرعة التحميل اكيد يعنى سرعة تحميل النت عندك , لا اكثر و لا أقل العبه هو و ps3 غالية فوق الوصف , الالعاب بتكن فى حدود 350-450 جنيه اللعبة و و لو لعبة قديمة قوى او مستعملة ممكن تلاقيها فى حدود 70-150 جنيه , فحرام بصراحة تدفع كل ده فى لعبة واحدة , ده حتى يبقى اسراف ههههههههههههه حصريات ايه اللى مجانا يابو الكباتن ؟؟؟؟ زى ما قلتلك مفيش حاجة مجانى , و بالعكس الحصريات اساسا بتكون غالية يمكن اغلى من الالعاب الثانية, و لو حتجيب جهاز عشان حصرياته يبقى عليك و على ps3 , عشان الاكس بوكس تبع مايكروسوفت فبعض حصرياته ممكن تلاقيها اساسا نزلت للكمبيوتر , لكن حصريات ps3 مش بتنزل على اى جهاز تانى نهائيا , لو عايز تجيب اى واحد فيهم نصيحة خليك فى التعديل عشان الالعاب غالية , الا بقى لو ناوى تمشى بنظام انك تجيب كل شهرين ثلاثة لعبة و تبدلهم او تبعهم مثلا , او لو جيبك مليان و معاك فلوس كتير يبقى خليك اصلى ههههههههههههه |
|||||||||||||
|
التعديل الأخير تم بواسطة mega2000x ; 05-12-2012 الساعة 02:56 PM
|
|
05-12-2012, 03:35 PM
|
#8 | ||||||||||
|
امال انتا بتجيب العابك منين يا ميجا ؟
و بكام ؟  |
||||||||||
|
|
|
05-12-2012, 03:53 PM
|
#9 | |||||||||||||
|
Decade
|
اقتباس:
بص انا ال ما اشتريت الاكس بوكس من 4 سنين تقريبا جبته من مول سان ستيفانو من محل اسمه سيليكت و كان متعدل جاهز , فاشتغلت على التعديل بتاعه و كنت بشترى اسطوانات فاضية و احل العابه و انسخها عليه , بعدين من سنة ونص تقريبا مايكروسوفت نزلت تحديث للداشبورد ضيع التعديل و من ساعتها و هو اصلى ماعدلتهوش تانى و مابلعبش عليه كتير فكل اللعب الاصلية اللى عندى هم 3-4 العاب بس و الباقى انا نسخه
ال ps3 اشتريته من سنة تقريبا من محل الشامى فى النبى دانيال , و جبته على فيرموير 3.55 عشان اعرف اعدله وعدلته من غير مشاكل ,يادوب بحط الكاستم على فلاشة وانزله ,و اشتريتله هارد خارجى و بحمل العابه و بحطها علىالهارد و العبها من عليه , واشتريتله اسطوانة اصلية واحدة بس عشان التعديل محتاج انك تحط اى اسطوانة اصلية فى الجهاز و لما تيجى تشغل لعبة من الهارد ايقونة اللعبة بتحل محل ايقونة اللعبة الاصلية فتقدر تلعبها عادى , اصل بصراحة حرام الواحد يدفع مل شوية 450 جنيه ,ده حتى يبقى تبذير ههههههههههههه |
|||||||||||||
|
|
|
05-12-2012, 09:38 PM
|
#10 | |||||||||||||
|
اقتباس:
|
|||||||||||||
|
|
|
05-12-2012, 09:56 PM
|
#11 | |||||||||||||
|
Decade
|
اقتباس:
هههههههههه مش فاهم قصدك بصراحة , وانت مش شايف انه تبذير انك تجيب كل شوية لعبة ب 450 جنيه و يادوب كل 5 العاب تشتريهم تبقى عملت سعر الجهاز ؟؟؟ خلاص بقى اللى مش عاجبه يقضيها العاب كمبيوتر و زى ما العضو AltaiIR قال العاب ال PC بتنزل علطول و مكركة و ممكن تجيب ذراع و تقضيها
 |
|||||||||||||
|
|
|
06-12-2012, 12:23 PM
|
#12 | |||||||||||
 
|
اقتباس:
وبعدين مش أي كومبيوتر يقدر يشغل الالعاب دي انت محتاج تجميعة بتمن البلايستيشن أو الاكسبوكس عالاقل عشان تشغل الجرافيك ميديام او هاي وهيبقي فل ولو عاوز تلعب الترا يبقي مش مأقل من تجميعة ب5000 يعني مش تقضيها بالكومبيوتر وخلاص ولا الكومبيوتر علي ما تفرج ال pc أفضل منصة ألعاب علي الاطلاق في الجرافيك والتحكم وسهولة لعب الالعاب نتا لو مهكر اكسبوكس ولا بلايستيشن بتعمل شغلانة عشان تشغل لعبة غير ان الاونلاين في العاب كتير علي الكومبيوتر بيتهكر واكبر مثال cod mw3 اسف ياصديقي الكومبيوتر افضل منصة للالعاب |
|||||||||||
|
|
|
16-10-2014, 08:22 PM
|
#13 | |||||||||||||
|
اقتباس:
|
|||||||||||||
|
|
|
05-12-2012, 06:48 PM
|
#14 | ||||||||||
|
بص الجهازين كويسين وده ليه مزايا وعيوب لكن الافضل من رأيي الاكسبوكس لان جرافيك العابه بيبقا اعلي من الـps3 وده عن تجربة لأن كارت الجرافيك بتاع الـps3 هو ati hd 2900 وهو معمارية قديمة جدا دلوقتي وايت اي نزلت سلاسلا 3000*4000*5000*6000*7000 أنا في نظري أن افضل جهاز هو الـpc وهو أعلي جرافيك وأعلي من أي جهاز كونسولز لو طبعا جهاز كويس في الامكانيات غير ان الـpc تقدر تنزل عليه العاب مكركة ومتهكرة براحتك ومتوفرة بكثرة ومواقع كتير وسهلة جدا لكن طبعا هتتخلي عن الاونلاين لو نزلت العاب مكركة لكن العب العاب مكركة براحتك من غير تعديل ولا اي حاجة ولو حبيت تلعب اونلاين تقدر تشتري اللعبة الاصلية وتلعبها بردو من غير مشاكل ولا اشتراك للاونلاين ولا اي حاجة يعني تقدر تلعب الاتنين اصلي ومكرك من غير مشاكل غير ان العاب البي سي أرخص في السعر لكن التفوق في الحصريات للكونسولز طبعا غير ان العاب الكومبيوتر بتتأخر شوية في صدورها عن العاب الكونسولز وكمان التحكم في الكومبيوتر افضل من الاتنين لكن حتي لو حبيت تلعب بتحكم اكسبوكس او بلايستيشن ممكن تشتري ذراع تحكم لأي من الجهازين خاصة بالكومبيوتر وتلعب بيهم وسعرهم مش غالي أنا عندي اكسبوكس وكومبيوتر ورامي الاكسبوكس مبستعملوش الا فين وفين وبلعب علي الكومبيوتر كل الالعاب اللي نفسي فيها (هههه) وبختمها لكن الاكسبوكس للمصارعة والكورة لما يكون حد من صحابي او ارايبي موجود خصوصا متعا الكينكت الانهائية بستمتع لما بلعب بيه مع حد |
||||||||||
|
|
|
05-12-2012, 10:24 PM
|
#15 | ||||||||||||
 
|
هو انا عارف اجيب لاب عشان اجيب Xbox احباط 
|
||||||||||||
|
|
|
| يتصفح الموضوع حالياً : 1 (0 عضو و 1 زائر) | |
|
|
.gif){kind=icon}
العرض المتطور