شـريـط الاهـداءات |
|
|
||||||
| بـعـيـدآ عـن سـيـلـك رود [ هذا القسم مخصص لمختلف المواضيع البعيدة كليا عن مجال الألعاب ] |
 |
|
|
أدوات الموضوع | انواع عرض الموضوع |
|
|
05-10-2012, 05:08 PM
|
#1 | ||||||||||
  
|
 والآن جااء موعدنا مع جزء جديد من القصه الجزء المليىء بالاثارة والمتعه تااابعوا معنا هذا الجزء ومنتظر رايكم اكمل ولا لا .. ؟! لمتابعه الجزء الأول والثانى من القصة يرجى زيارة هذا الموضوع عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] استاذ مصطفى ان شاء الله احاول اصغر الأجزاء بناء على طلب حضرتك شكراا جزيلااا لمتابعتك   لا تقل لى مجددا بأنى فى حاجه لتذكيرك بأحداث الجزئين السابقين فأنا لن أفعل. لا.. حسنا حسنا لا ترمقنى بتلك النظره..... ثلاثه جنود مصريين بواسل فى طريق عودتهم لوحدتهم العسكريه بعد انتهاء اجازتهم يتم اختطافهم على طريق اسكندريه-مطروح الساحلى من قبل ....... يا للمهزله من قبل رجل تخطى الستين من عمره. و لكن لهم كل العذر فذلك الرجل لم يكن مجرد رجل عادى ابدا أنه عم ابراهيم سائق العربه البيجو صاحبه الموديل القديم جدا و قد تكون الوحيده الباقيه من نوعها و لكن تلك السياره عندما انحرف بها عن الطريق و توجه بها الى الوادى الملعون بقلعته المهيبه ذات المظهر التاريخى لم تكن ذات العربه التى خرجت بهم من الاسكندريه بل اصبحت سرعتها رهيبه و فوق تخيلنا. تتوقف العربه أمام تلك القلعه و يحاول أبطالنا الهرب و لكن كيف تهرب من مكان مثل هذا فلقد استمروا فى الركض لساعه بدون أن يتحركوا مترا واحدا و عندما أفاقوا على الحقيقه المره بأنه لا يمكنهم الهرب تستقبلهم تلك الفتاه الجميله التى اعجب بها محمد من أول نظره و التى تتفوق على اكثر خيالاتك طموحا انها الاميره أسماء شقيقه الأمير محمد الثانى قائد قوات الجن بمنطقه شمال غرب النيل و ابنه ملك مصر الملك ناصر...... لم تسألنى الان؟ و ما أدرانى أنا بتشكيل قوات الجن أو بنظام الحكم عندهم؟ تابع باقى القصه و ستعرف بنفسك كل ما يدور فى مخيلتك من اسئله. شعبان: انتوا ساكتين كده ليه؟ يبنى فى أيه رعبتونا. على : يبنى و انتى مالك متسيبهم . شعبان : يا عم أنا غلطان أنا خفت عليهم يكونوا شافوا عفريت ولا حاجه . و ضحكنا على كلامه جميعا فأى عفريت سنخاف منه و نحن فى موطنهم الأصلى و أثناء ضحكنا باغتنا ما رأيناه جميعا فتوقفنا كلنا فجأه عن الضحك و عن حتى الكلام فلقد وصلنا اليه.... الى قائد قوات شمال غرب النيل التى قوامها عشره ملايين جنى.... ما زاد من هول الموقف نظرته الغاضبه التى حولت وجهه للون الأسود فهل سبب ذلك الغضب ما كنا نضحك عليه الأن؟ أم أن مجرد ضحكنا أثار غضبه و أشعره بالاهانه و الاستخفاف به؟ أم هو قد علم بالأعجاب المتبادل بينى و بين أخته فى كل الأحوال نحن هالكون..... هالكون لا محاله..... أقسم لك بأن أقدامى و أرجلى أصرا على الا تطيعانى و على أن يتوقفوا الأن ولا يريدوا ان يكملوا ذلك الممر المؤدى للعرش الكامن بأخره داخل القلعه و الذى يجلس عليه الأمير القائد ذو نظره الغضب التى بثت الرعب فى و أصحابى و لكن شيئ ما كان يدفعنى بلطف انها الأميره أسماء أرق مخلوقه قابلتها فى حياتى كانت تدفعنى برقه عجيبه لأمضى فى طريقى لمقابله ذلك الشخص..... الشخص الرهيب الذى هو فى مثل سنى تقريبا و يا للعجب فهو يشبهنى أيضا بدرجه كبيره و له نفس أسمى قد تكون صدفه فأسم محمد منتشر جدا تيمنا بأسم رسولنا الكريم محمد عليه أفضل الصلوات و التسليم و لكن أى صدفه تلك التى يكون التشابه فيها فى الأسم و الشكل و الجسم و حتى السن متقارب ما هذا الجنون؟؟؟؟ كان ذلك ما دار بعقلى من أفكار أثناء قطعى لتلك المسافه الغير قصيره من خارج القلعه لداخلها و يالهذا الاختلاف بين داخلها و خارجها , فخارجها هو مظهر لصحراء جرداء مرعبه تتوسطها قلعه أو حطام قلعه تاريخيه و كأنما تناساها التاريخ بهذا المكان البعيد عن المدنيه و الواضح منها الأن بوابتها الكبيره التى احتفظت بشكل كبير بمظهرها و أبراجها التى ما زالت الى الان يحرسها حراس من العصر الأموى أو ما شابه ذلك فهم يرتدون الدروع و أسلحتهم عباره عن رماح طويله مدببه و ترتسم على وجوههم الجديه مما يدل على أن حاله الاستعداد قد رفعت عندهم لتتخطى الحاله العاديه مما يستدعى يقظه فى الخدمه و الحراسه بالطبع أعرف ذلك جيدا فأنا جندى ايضا فهل نسيت؟. أما داخلها فيشترك مع خارجها فى صفه واحده ألا و هى صفه الرعب الشديد فهى أكثر رعبا من الداخل فهى برغم عبق التاريخ المتجلى بها مع احتفاظ كل شيء برونقه و كأنه جديد تماما و ازدحام المكان بالحركه و الحياه بما لايدع مجالا للشك بان حدثا جليا يحدث الان أو حفل أو ما شابه ذلك الا أن تلك اللوحات الزيتيه التى تأخذ حوائط القلعه بأكملها و التى تصور معارك ضاريه بين كائنات منها ما يشبه البشر و منها ما لا يشبه أى شيئ قد رأيته فى حياتى من قبل....... ولكن لن يخفى عليك من الوهله الأولى أى الجوانب هو الخير و أيها هو الشر فحتى الملابس توضح أن أشباه البشر هم جانب الخير فملابسهم بغض النظر عن الدروع و الأسلحه يعمها الألوان الفاتحه التى تعطيك راحه نفسيه نسبيه عن ملابس هؤلاء الأقرب للوحوش فملابسهم بالكامل أقرب للسواد و كأنهم قادمون من واجب عزاء و حتى أسلحتهم بشعه لا تشبه اسلحه البشر على مر العصور بل هى أسلحه دمويه تدل على الحقد و الشر الكامن فى دواخل تلك الوحوش . أنتهيت سريعا من تفحص القلعه بأكملها فلقد كنت أريد تفحص الأهم و هو ذلك القائد الغاضب و الذى أتمنى ألا أكون أنا أو أصدقائى سبب غضبه فذلك سيعنى حينها نهايتنا الحتميه, أقتربت منه على مسافه العشرون خطوه تقريبا فاذا به يقف على قدميه و يتوجه الى فى عجله من أمره أثار ذلك فى نفسى المزيد من الرعب لعلها مواجه حتميه بينى و بينه؟؟؟ فاجئنى هو و قطع على أفكارى و مد الى يده مصافحا وقد زال من وجه بعض من نظره الغضب و الضيق و مددت يدى مصافحا أياه فرحب بى فى حفاوه قائلا أعذرنى على تجهم وجهى فلقد سمعت للتو خبرا مزعجا حقا. جاء ردى تلقائيا و كأنى أحدث احد زملائى على قهوه : خير ان شاء الله؟ فى حاجه حصلت؟ خرج منى الكلام بتلقائيه فهى طبيعتنا نحن المصريون فبمنتهى البساطه عندما نعلم بشيئ يزعج أحد ما نسأله عنه بغض النظر اذا كان لنا علاقه به أو لا و بغض النظر ان كان لنا فكره أصلا عما يؤرق ذلك الشخص أم لا. أبتسم محمد الثانى عندما أحس باهتمامى قائلا : لقد حدث أختراق فى جبهه سيناء و لقد أحتل العدو للاسف اجزاء كبيره منها و الباقى فى محاوله للصمود عله يفلح. جاء الرد من خلفى فزعا : تاااااااااااااااااااااانى. لقد كان شعبان و بكلمه واحده وصف حجم المأساه التى نحن فيها الان فلقد مرت مصر بذلك من قبل حتى خضنا حرب الكرامه و استرجعنا سيناء الغاليه . و لكن بلهجه تبدوا أكثر واقعيه قال على : ازاى يعنى احنا حدودنا مع دوله الاحتلال محصلش فيها حاجه و مفيش حروب ولا حاجه؟ محمد الثانى : الكلام ده فى عالمكم مش فى عالمنا عندنا الوضع مختلف تماما . جاء دورى لأتكلم هذه المره : و لكن يا قائد كده انتا لخبطتنا خالص طب احنا هنا ليه؟ محمد الثانى : أولا يا محمد أنا مش قائدك فمفيش داعى تقولى كده نادينى محمد عادى و لا أقلك نادينى محمد الثانى منعا للخبطه . ضحكنا جميعا لكلامه . ثم استرسل قائلا : ثانيا أنت هنا ليه ده سؤال أنا مش مؤهل أنى أرد عليه اللى هيرد عليك هو والدى الملك ناصر ذاته. لقد تخيلت للحظه بأنه لا يوجد شيئ أخر سيدهشنى أكثر تلك الليله و لكن بأن ألقى الملك نفسه كان ذلك فوق ما اتصور و وجدت نفسى أقول بتلقائيه : طب أمتى هقابله. رد محمد الثانى : دلوقتى حالا هنروحله. ووضع يده على كتفى و مشينا و كأننا أصدقاء قدامى و من ورائنا على و شعبان و أسماء وباقى لجنه الاستقبال, ولكن ما هذا اننا نتجه الى العرش و هو خالى لماذا؟ طبعا كنت قد نسيت تلك المهاره التى تمتلكها اسماء فى قراءه افكارى و التى أتضح أن العائله كلها تمتلكها فرد على محمد الثانى قائلا : محمد العرش ده مجرد خدعه و تمويه احنا فى حاله حرب و محدش عارف ممكن يحصل أيه و على العموم متقلقش. و ما أن ارتقينا أول سلمه فى السلالم المؤديه للعرش حتى أختفى العرش تماما و ظهر من خلفه قاعه كبيره جدا تفوق التى كنا بها بعشرات المرات و كأن الشعب كله يلتقى بها و لكن تمهلوا قيلا.......بالفعل الشعب كله موجود بالقاعه تقريبا..... و كأنها حاله استنفار عام أو اجتماع لأاخذ اراء الشعب فى أمر هام و لكن الا يوجد عندهم مجلس للشعب؟؟؟ أسماء بصوتها الملائكى من خلفى : أيوه يا محمد احنا عندنا مجلس شعب بس مجلس شعب بجد مش زى عندكم مجرد ممثلين للشعب قد لا تمت ارائهم للشعب بصله. لقد بدأت أخاف فعلا من موضوع قرائه أفكارى هذا فهو و كأنى نايم فى الشارع . كنت أفكر فى ذلك فضحك محمد الثانى و أسماء بشده و بنفس الشده ظهرت نظره بلهاء على أصدقائى على و شعبان. و كأن صوت ضحك القائد و الأميره الحسناء قد استرعى أنتباه عموم الشعب المجتمعون بالقاعه و هاهم يحدقوا فى و فى أصدقائى و لسان حالهم يقول من هؤلاء الأشخاص الغرباء بمظهرهم العجيب هذا؟......و كأننا نحن أصحاب ذلك المظهر العجيب ليس هم. ها قد وصلنا الى العرش الفعلى و هو عرش مهيب يؤكد عظمه من يجلس عليه و لكن من يجلس عليه؟ أنا لا أرى الملك يا ترى كيف هو شكله؟ و لماذا لم يأتى حتى الان؟؟؟ فى نفس وقت دوران أفكارى برأسى جائنى الرد عليها من خلفى بصوت أعرفه جيدا يقول لى : أنا جيت اهه يا محمد. نظرت خلفى بسرعه لأعرف من صاحب الصوت ولعلك توقعت الان من هو ؟ لقد كانت مفاجأه من العيار الثقيل فعلا. أنه. أنه.. عم ابراهيييييييم ...... نعم يا محمد أنا الملك ناصر ملك مصر. يا للمفاجأه سائق العربه المتهالكه هو من الجن فعلا و ياليته أى فرد من الجن أنه الملك.... ملك مصر. الملك ناصر :أرجو الا تبقى فى حاله الصدمه تلك طويلا يا محمد فنحن ورائنا أمور كثيره نتباحث فيها و هناك أشياء كثيره ستعرفها قريبا ستساعدك أن تتأقلم مع الوضع الحالى. محمد : نعم و لكن أن تتولى أنت بنفسك عمليه اختطافنا و بل و انها لم تكن المره الاولى التى أراك فيها؟؟ أنه اذن لأمر جلل بحق.... الملك ناصر : نعم يا محمد أنه لأمر جلل و لذلك فضلت أن أتولى كل شيئ بنفسى فالملك عندنا لا يكتفى بالجلوس على العرش و اصدار احكام و قرارات بل يشارك في الأحداث أيضا, و بالفعل قمت بزياره عالمكم أكثر من مره من أجلك فان لك أهميه قصوى عندنا ستعرفها بعد قليل, و لكن دعنى أقدمك لشعبى الحبيب شعب مصر المحروسه من الجن. الملك ناصر يتحدث الى شعبه و الشعب فى حاله صمت رهيب اجلالا له حتى انك لو ألقيت بأبره على الارض لسمعت صوتها : يا أيها الشعب الكريم أخوانى و أخواتى من الجن المؤمن بالله هذا الشاب الأنسى الذى تروه الأن هو الذى تحكى عنه اساطيرنا و كتبنا القديمه أنه الفصل فى حربنا مع أعدائنا و سيظل همزه الوصل بيننا و بين الأنس بعد أن ننتصر فى حربنا بأذن الله فحيوا معى الفارس الأنسى التحيه التى تليق به. لحظه صمت من الملك و من الشعب و كأن الشعب يحاول استيعاب ما قد قيل للتو من ملكهم حتى بدء أحدهم فى الهتاف بأسمى و تبعه الشعب كله لأجد نفسى فجأه بطل قومى و لمن لشعب من الجان ما هذه الليله الغريبه و متى ينتهى كل ذلك فأنا لا أريد سوى حياتى البسيطه و أحلامى الطموحه فعلا و لكن لها أيضا سقف لم أذهب فى خيالى و لو لمره واحده الى ما يشبه ذلك. يا رب عديها على خير. أسماء : ان شاء الله يا محمد هتعدى على خير متخافش أنا عارفه انها مسؤليه كبيره بس انت قدها. قالت كلماتها و ابتسمت و لقد كان لذلك فعل السحر بنفسى فلقد شعرت بطمأنينه غريبه و كأنى ولدت لأقود الجيوش عبر المجرات. و لكن مهلا.. أنا فعلا لست أعلم شيئا عما يتحدث عنه الملك الفصل بينهم و بين أعدائهم و همزه الوصل بينهم و بين الأنس بل لقد دعانى بالفارس الأنسى ما هذا؟ ما أكون أنا ليصبح لى كل تلك الأهميه عندهم؟ الملك ناصر : تعالى معايا يا محمد أنا هشرحلك. و أمسك ذراعى و مشى بي بين أصحابى على و شعبان الذين كانوا فى حاله صدمه رهيبه فلم يحرك أحد فيهم ساكنا بل أن أعينهم حتى توقفت عن الحركه (ربنا يستر و يكونوا لسه بيتنفسوا) كانت تلك كلمات محمد الثانى و هو يحاول افاقتهم مما هم فيه. مشينا أنا و الملك متقدمين أصدقائى و محمد الثانى و أسماء و أنا اسمع صوت جدالهم بوضوح ثم دخلنا قاعه أخرى أصغر كثيرا هنا استبق محمد الثانى الخطوات للوصول قبلهم و دخل بعدنا و أغلق الباب فى وجه أصدقائى و أسماء ووضحت نظره الغضب علي الثلاثه و لكن من الواضح أن تلك الغرفه ذات أهميه خاصه و يجب أن تحاط بذلك القدر من السريه.... السريه التامه...... نعم انها تبدوا مثل غرفه العمليات الحربيه ذات طاوله مستديره كبيره للاجتماعات و بها خرائط عديده لاجزاء من مصر و العالم و لكن لها ابعاد أخرى غير خرائطنا و مدلولات مختلفه و لكن ما عرفته جيدا كان طاوله عليها ماكيتات لموقعه ما و يتضح بها موقع قواتهم و موقع قوات الاعداء و تضاريس المنطقه أعرف ذلك جيدا لأنى شاهدت الكثير من الأفلام الحربيه ظهرت بها مثل تلك الطاوله بقاعات قياده الحروب. أبديت أنبهارا تام بالغرفه جعلنى أحدق فى كل شيء بها حتى انى نسيت لما أنا هنا حتى أفاقنى محمد الثانى من انبهارى و قال لى : محمد تعالى هنقعد هناك عشان نتكلم و تفهم كل حاجه. اتجهنا الى مكتب كبير فى أخر القاعه جلس عليه الملك و أشار ألينا ليأخذ كل منا مقعده ففعلنا. و بدأ الحديث الذى غير حياتى كليا منذ سمعته فلقد جعلنى فى قمه الرعب مما سيحدث و مما حدث بالفعل و لم أدرى عنه شيئا فهى حكايات من الماضى السحيق اختلطت بأخبار من زمننا هذا خليط من الكلمات جعلنى أفكر ... افكر فيما مضى... و فى ما هو أت ..... فهو يحوي كثيرا من الرعب..... انتهى هذا الجزء و الحمد لله أنه أنتهى فلقد شتت بأحداثه افكارى تماما ولكن ما خفى كان أعظم فالقصه فى منعطف هام جدا فبمجرد تحول البطل من شخص عادى الى شخص مهم و لشعب بأكمله تجعل الأحداث أشد اثاره فأبقى معى فالاحداث القادمه ستجعلك تعيش معى فى قلب المأساه و ستشعر بخوف من المستقبل كخوفى تماما فهو مستقبل غامض لكلانا عسى ربى أن يجعله خيرا.   |
||||||||||
|
التعديل الأخير تم بواسطة ZaLToN ; 05-10-2012 الساعة 05:11 PM
|
| إعلانات google |
|
|
|
05-10-2012, 05:49 PM
|
#2 | ||||||||||
  
|
100% لكن سؤال ! هي القصة دي حقيقية ؟!!  مبدع والله |
||||||||||
|
|
|
05-10-2012, 06:01 PM
|
#3 | |||||||||||
|
اقتباس:
 تسلم يا كبير على مرورك وتابعنا باذن الله القصه جااامده فعلااا واللى جاي احلى واكثر رررررعب |
|||||||||||
|
|
|
05-10-2012, 09:37 PM
|
#4 | ||||||||||
  
|
القصه دي مشوقه كدا و انا مستني الجزاء الرابع بحب الحجات دي اوي مستنيك يا معلم بالجديد 
|
||||||||||
|
|
|
05-10-2012, 10:17 PM
|
#5 | |||||||||||
|
اقتباس:
وعلى فكررة فى رعب اكترر من كداا بس دى بداايه باشوف الاعضاء مهتمين ولا لا ولو كدا ان شاء الله فى موضوع جاااااامد قريب ان شاء الله وتسلم على الرد مرة تانيه يا معلم |
|||||||||||
|
|
|
05-10-2012, 10:19 PM
|
#6 | ||||||||||
|
والآن جااء موعدنا مع جزء جديد من القصه الجزء المليىء بالاكشن والررعب :) تااابعوا معنا هذا الجزء ومنتظر رايكم .. نعم نعم أعلم , تريدنى أن اذكرك بأحداث الأجزاء السابقه اليس كذلك؟ حسنا و لكن سأذكرك بأحداث الجزء الأخير فقط حتى لا أطيل عليك و احترس فلقد أصبحت عاده عندك. عاده مؤلمه حقا لى فهى تجعلنى أستعيد باستمرار أحداث و ذكريات كنت أتمنى نسيانها للأبد. بعد أن قابلت القائد محمد الثانى داخل القلعه المهيبه و أدركت أنهم يمرون بحاله حرب مع أعدائهم ذهبنا للقاء الملك ناصر ملك مصر لأعرف منه سر أستدعائى بتلك الطريقه توجهنا لقاعه كبيره للغايه يكاد نظرك يعجز عن رؤيه أخرها و الأغرب أنها كانت ممتلئه و مزدحمه للغايه , و لذلك سبب فكل هؤلاء هم سكان مصر من الجن فى اجتماع مع ملكهم ليعرض عليهم أمر شديد الأهميه. و يا للعجب فلقد كنت أنا هذا الأمر شديد الأهميه , لقد كنت محور خطبته الموجزه التى ألقاها الى شعبه و التى ذكر فيها أشياء عنى شديده الغرابه و نعتنى بألقاب مثل الشاب الذى تحكى عنه أساطيرنا و الفصل بينهم و بين أعدائهم و الفارس الأنسى , نظرا للصدمه التى كانت واضحه على ملامحى فقد أحب عم ابراهيم أو الملك ناصر أن يزيل تلك الغمامه التى تفصل بينى و بين ما يعتقدوه فى و أن يشرح لى كل ما يدور فى عقلى من صراعات رهيبه بين الأفكار و بعضها و التى كان أهمها لماذا لى انا بالذات تلك الأهميه الكبيره فى عالمهم؟ و ماهو سبب تلك الحرب التى تدور رحاها بينهم و بين أعدائهم؟؟ بل و من هم أعدائهم هؤلاء؟؟؟؟؟؟ شاركنى أحداث ذلك الجزء لكى تتعرف معى على ذلك اللقاء الذى دار بينى و بين ملك الجن بمصر و ولده قائد ذلك الجيش المكون من عشره ملايين جنى ...... مشينا أنا و الملك متقدمين أصدقائى و محمد الثانى و أسماء و أنا اسمع صوت همهمتهم بوضوح ثم دخلنا قاعه أخرى أصغر كثيرا , هنا استبق محمد الثانى الخطوات للوصول قبلهم و دخل بعدنا و أغلق الباب فى وجه أصدقائى و أسماء ووضحت نظره الغضب علي الثلاثه و لكن من الواضح أن تلك الغرفه ذات أهميه خاصه و يجب أن تحاط بذلك القدر من السريه.... السريه التامه...... نعم انها تبدوا مثل غرف العمليات الحربيه ذات طاوله مستديره كبيره للاجتماعات و بها خرائط عديده لاجزاء من مصر و العالم و لكن لها ابعاد أخرى غير خرائطنا و مدلولات مختلفه و لكن ما عرفته جيدا كان طاوله عليها ماكيتات لموقعه ما و يتضح بها موقع قواتهم و موقع قوات الاعداء و تضاريس المنطقه أعرف ذلك جيدا لأنى شاهدت الكثير من الأفلام الحربيه ظهرت بها مثل تلك الطاوله بقاعات قياده الحروب. أبديت أنبهارا تام بالغرفه جعلنى أحدق فى كل شيء بها حتى انى نسيت لما أنا هنا حتى أفاقنى محمد الثانى من انبهارى و قال لى : محمد تعالى هنقعد هناك عشان نتكلم و تفهم كل حاجه. اتجهنا الى مكتب كبير فى أخر القاعه جلس عليه الملك و أشار ألينا ليأخذ كل منا مقعده ففعلنا. و بدأ الحديث الذى غير حياتى كليا منذ سمعته فلقد جعلنى فى قمه الرعب مما سيحدث و مما حدث بالفعل و لم أدرى عنه شيئا فهى حكايات من الماضى السحيق اختلطت بأخبار من زمننا هذا خليط من الكلمات جعلنى أفكر ... افكر فيما مضى... و فى ما هو أت ..... فهو يحوي كثيرا من الرعب..... الملك ناصر : محمد اريدك الأن فى قمه تركيزك و ألا تغفل عن أى كلمه تقال هنا و لن أوصيك بالسريه التامه. محمد : أوعدك أنى مش هطلع أى سر و هركز تمام فى كل حاجه بتتقال بس بالله عليك فهمنى كل حاجه. الملك ناصر : حاضر يا سيدى, أنا هبدأ معاك من بدء الخليقه, متستغربش لازم تفهم القديم عشان تقدر تستوعب الجديد. محمد بلهفه واضحه : ماشى ماشى أنا فعلا عاوز أعرف القصه من أولها لأخرها. الملك ناصر : يبقى متقاطعنيش لحد مخلص كلامى و ابقى أسأل اللى انت عاوز تساله أتفقنا. محمد : أتفقنا. الملك ناصر : الجن يا محمد كانوا بيسكنوا الأرض قبل سيدنا أدم بوقت كبير جدا و كونوا حضارات و ممالك كبيره و عظيمه و لكن دبت الصراعات فيهم و دخلوا فى حروب رهيبه بينهم و بين بعض و أصبح القتل و سفك الدماء ما بينهم هو السائد , و اصبحوا بيفسدوا فى الأرض اللى هما عايشين عليها لحد ما ربنا سبحانه و تعالى خلق سيدنا أدم ليصبح خليفه له فى الأرض و دارت قصه سيدنا أدم لحد ما وسوس له الشيطان بأن يأكل من الشجره المحرمه الموجوده بالجنه اللى كانوا عايشين فيها فعاقبه المولى عز و جل بأنه أمره هو و زوجته حواء انهم ينزلوا يعيشوا على الأرض و طبعا ده خلق صراع أزلى بين الجن و الأنس فهم جنسين مختلفين يتمتعوا بصفه العقل يعيشوا فى مكان واحد هو كوكب الأرض فهل سيسعهم ذلك الكوكب معا؟ طبعا عشان الجن أخدوا فرصتهم قبل كده و أهدروها بنفسهم وهى أن تكون لهم الكلمه العليا على الكوكب ده, أهدروها بافسادهم فيها و بسفك الدماء أمر الله بأن يسكن الجن الخلاء و الجزر المنعزله و قاع المحيطات أى الأماكن المنعزله عموما عن البشر. و طبعا ربنا جعل لكل جنس من الثقلين الأنس و الجن خصائص و مميزات تختلف عن الأخر تفوق الجن فيها بعدم رؤيه البشر لهم و قدرات أخرى تفوق كثيرا قدرات البشر الطبيعيه. و لكن لأن مقاليد الحكم على الكره الأرضيه كانت فى يد الانسان فبذلك أصبح مصير الجن شديد الارتباط بالانسان فى كل شيئ حتى أننا أصبحنا بنمشى على خطاكم فى كل شيئ فكما أختلفتم فى معتقداتكم و ديانتكم اختلفنا احنا كمان فى ده فتلاقى مننا المسلم و المسيحى و اليهودى و حتى الماجوسى و طبعا انت لاحظت فى القاعه اختلاف الاعراق و الاشكال بين الجن حتى فى دوله واحده. محمد : صحيح أيه حكايه الدول دى أنتوا كمان عندكم مصر و السودان و سوريا و أمريكا و فلسطين و الدول ده؟ محمد الثانى بلهجه صارمه جدا و بها شبه عدائيه أثارت قلقى : الملك ناصر أمرك أنك متقاطعهوش ازاى تجرئ على كده . هممت بأن أرد عليه و لكن الملك ناصر اشار لى بالصمت فأمتثلت لحكمه و رد هو قائلا : هو من حقه أنه يسأل الموضوع لسه كبير عليه و مفهمش حاجه لحد دلوقتى أصبر و بلاش اندفاع. محمد : أنا أسف فعلا مكنش لازم أقاطع بس أنا دماغى هتنفجر. محمد الثانى : ماشى بس يا ريت متتكررش تانى. نظرت له نظره أمتزج فيها الاحراج بالغضب و التحدى فنعم هو قائد قوات الجن ولكنى أيضا ذو شأن كبير أو على الأقل بعالمهم و لست طفلا عابثا ليوبخنى هكذا. لم يكن محمد الثانى بالشخصيه التى قد تهزها نظرتى تلك فبادلنى اياها بنظره تحدى رهيبه حتى أنى قد هبتها قليلا ولكن أستجمعت قوتى كلها لأحافظ على ربطه جأشى فى ذلك الموقف الغريب والغريب جدا فأنا أتحدى جنى بل هو قائد للجان...... الملك ناصر أخذ فى النظر لكلينا و الى نظره التحدى بأعين كل منا مبتسما ابتسامه تعمد اخفائها وقاطعنا قائلا : كفانا هذا الاستعراض للقوه من كليكم ما بكم هل عدتم اطفالا ؟. قالها و قد رسم على وجهه نظره غاضبه أخضعتنا أنا و محمد الثانى فى التو و اللحظه. ثم تابع بلهجه صارمه: يا رب بس الأعداء هما اللى يشوفوا النظره ده فى عيونكم لما تحاربوا جنب بعض فى الموقعه الفاصله. ذهلنى ما قاله فأخذت أردد بداخلى نحارب؟ جنب بعض؟ موقعه فاصله؟؟؟؟ فاذا بالملك ناصر يربت على كتفى ليهدئ من روعى فلقد فهم مما أفكر فيه أننى قد بدأت الصوره تتضح أمامى شيئا فشيئا و هى صوره للأسف قاتمه للغايه.... و لكن الى متى سيظلوا يقرأو أفكارى هكذا الا يوجد مجال للخصوصيه فى عالمهم؟.... الملك ناصر مجددا : دعنا نكمل حديثنا فالوقت ليس فى صالحنا. نظرنا له أنا و محمد الثانى بتركيز شديد فيما شرع هو فى الوقوف و المشى ببطء عاقدا يديه خلف ظهره متجولا بأرجاء غرفه العمليات الحربيه و أكمل قائلا : أنا هجاوبك على سؤالك بخصوص الدول يا محمد زى مقلتلك أحنا بقينا تابعين ليكم فى حاجات كتير و من ضمن الحاجات دى التقسيم الجغرافى لليابسه على الكره الأرضيه طبعا مش هنبقى زيكم فى تقسيم المياه لمياه اقليميه و مياه دوليه لأن أحنا عندنا دول و شعوب عايشين فى المياه الدوليه بتاعتكم دى. من ضمن الحاجات اللى احنا تابعين فيها ليكم يا محمد القوه العسكريه و السياسيه فمثلا فى قضيه القدس المحتله نظرا لضعف الجبهه العربيه و الاسلاميه عند الأنس فالبتالى ده بينطبق علينا احنا كمان فى عالمنا فاحنا بسبب تأخركم أنتم بقت لأعدائنا الجن من اليهود الكلمه العليا علينا وبقينا احنا الجبهه الاضعف غصب عننا. محمد : اسمحلى حضرتك أنا مش فاهم انتوا ليه بترموا المسؤليه علينا طالما انتوا شايفين نفسكم قادرين على أنكم تحرروا القدس و تنهوا الكيان الصهيونى على الأقل بالنسبه للجن طب معملتوش كده ليه؟ اسمحلى أنا شايف ان ده تواكل منكم مش أكتر. محمد الثانى نظر الى غاضبا و قد هم بالكلام و لكن الملك ناصر وضع يده على كتفه و ابتسم بهدوء فابتلع محمد الثانى كلماته و لم تزل نظره الغضب على ملامحه. الملك ناصر : أنا مقدر تماما انحيازك لبنى جنسك و دفاعك عنهم بس فى حاجه لازم تعرفها الأول و بعدين تحكم انت بنفسك, بعد نزول الاسلام على سيدنا محمد صلى الله عليه و سلم اعتنق كتير من الجن الاسلام بعد اقتناعهم انه هو الحق من عند الله و أن سيدنا محمد صلى الله عليه و سلم هو خاتم الأنبياء و المرسلين و أن رسالته جائت للعالمين (الأنس و الجن) على حد السواء و لكن انتشار الاسلام السريع بين الجن أثار احقاد الجن من اليهود و الديانات الأخرى و حتى اللى معندهمش دين اصلا ,و لكن طبعا اليهود كانوا أشد كرها للمسلمين و الخطر الأكبر علينا فقررنا اننا نتجمع كمسلمين فى مكان واحد فى شبه الجزيره العربيه عشان تقوى شوكتنا بجوار أخواننا من المسلمين الأوائل من الأنس و نقدر نقف قصادهم و فعلا دخلنا معاهم فى حروب عديده أستمرت لسنين كتيره و بأمر الله استطعنا اننا نفتح انحاء كتيره فى الأرض و البحر و لما لاحظ الأعداء اننا فى تطور مستمر و أعداد معتنقوا الأسلام بتزيد و ان الأرض كلها ممكن تبقى تحت سيطرتنا اضطروا أنهم يضغطوا علينا بورقه رابحه جدا بالنسبه لهم لانهاء الحرب و التوسعات بتاعتنا و كانت فعلا ورقه ضغط قويه جدا علينا عارف أيه هيا الورقه ده يا محمد؟ محمد: أيه هيا؟؟؟؟ الملك ناصر : كانت اخواننا المسلمين من الأنس يا محمد, هما هددونا بأنهم هيتدخلوا بشكل مباشر فى حياتكم و هيخلوها جحيم لا تطاق بالنسبه لأى بنى أدم و طبعا احنا كنا عارفين انهم يقدروا على ده فاضطرينا اننا نعقد هدنه معاهم لحد ما نلاقى حل و قد كان. ارتسمت نظره أسى على وجه الملك ناصر وهو يحكى تلك الكلمات و كأنها كانت تفتح جرحا قديما بداخله و تابع قائلا : دخلنا فيما يشبه المفاوضات عندكم كده بينا و بين اليهود و باقى الجن الغير مسلم و أخذت فتره طويله نظرا لمراوغات اليهود المستمره طبعا ,ولكن تم الاتفاق فى النهايه ,اليهود كانوا اقترحوا ان طالما احنا بندافع عن الأنس كده و ده مكنش موجود من قبل فى اعرافنا لان المفروض اننا نعاديكم لانكم من جنس و احنا من جنس تانى مختلف تماماوجنسكم اخد مكاننا على الارض ,يبقى حسب وصفهم (نراهن عليكم) و على صمودكم زى ما احنا صمدنا فاقترحوا ان مصائر كل جبهه من الجبهتين اللى فى حرب الجن مع بعض تبقى مرتبطه بما يحققه ما يماثله فى الأنس من انتصارات و من سيطره و قوه , و نظرا لأننا لاحظنا مسلمين من الأنس أولى عزم و بأس شديدين و أيمان قوى و توكل على الله طبعا هم صحابه الرسول صلى الله عليه و سلم و المسلمين الأوائل و رأينا شجاعتهم فى القتال و الرغبه فى نيل أحدى الحسنيين دائما النصر أو الشهاده توقعنا طبعا أن يتفوق المسلمين لأن دى هيا مقومات الأمم القويه و الجيوش القويه القادره على تحقيق الأنتصارات و طبعا راهنا عليكم ووضعنا ثقتنا فيكم و ربطنا مصيرنا بمصيركم و قوتنا بقوتكم على أمل أننا مع بعض ننشر الأسلام فى العالم كله و تم توثيق ده فى العقد اللى تم صياغته على أيد حكماء الجن فى العالم و تم القسم عليه بقسم منقدرش منلتزمش بيه و بقى المسلمين فى قوه حتى غزوا أوروبا نفسها و فتحوا الأندلس و طبعا أحنا كمان توسعنا و نشرنا الاسلام بين الجان فى المناطق ده بدون أى تدخل من طرف المعاهده التانى و كان أملنا أنكم تستمروا على كده كبير , لحد ما الشيطان تدخل بأتباعه من الأنس و الجن و استطاعوا أنهم يرجحوا كفه الأعداء عن طريق اضعاف المسلمين من الأنس أنفسهم داخليا بالصراعات و الأطماع و حب النفوذ و السلطه و طبعا... الكراسى ,كراسى العرش و الحكم يا محمد و اللى تسببت فى أن الأندلس ضاعت , و تقهقر المسلمين فى كل شيئ و تهافتت علينا الأمم و لاقينا هوان كبير من العالم كله لأننا هانت علينا أنفسنا و فرطنا فى ديننا من اجل الدنيا فلا طلنا دنيا ولا دين, و طبعا عشان المسلمين من الأنس تراجعوا فكان علينا احنا كمان التراجع زى ما العهد بيقول و فضلنا ماشيين معاكم خطوه بخطوه و عبر التاريخ خضنا معاكم حروبكم على جبهه الجن و طبعا بدون ما أى واحد من الأنس يعرف بكده لحد ما وصلنا لوقتنا الحالى و الوضع اللى كنا عليه لحد يوم واحد بس من دلوقتى , اليهود يا محمد عرفوا طول عمرهم بخيانه العهود و المواثيق و لكن بأنهم يخونوا عهد الجان الأبدى اللى أقسموا عليه فى معاهدتهم معانا ده كان الغريب جدا, و لكنه كان متوقع مننا من زمان و الحمد لله كنا عاملين احتياطنا. أنا عارف انك كده اتلخبطت جدا بس أنا كنت عاوزك تعرف الميثاق اللى بينا ده عباره عن أيه,الميثاق ده يا محمد هو ورقه كتبت بخط أيد حكماء الجان فى وقتها و تم قراءة طلاسم عليها لحمايتها من ان أى حد من الجن يلمسها و الا احترق فورا العهد ده حفظ بمكان لا يقوى على الوصول اليه الجان لأنه داخل نطاق الشهب الحارقه اللى خلقها اللى سبحانه و تعالى لمعاقبه الجن و الشياطين مسترقه السمع ,تم وضعه هناك بأنهم أرسلوا أقوى و أشجع جن طيار ليصل الى حدود الشهب الحارقه لينا و رمى الصندوق اللى اتحطت فيه ورقه العهد بأقصى قدرته داخل نطاق الشهب , و كان اليهود بيعملوا تجارب من زمان عشان يصبح عندهم القدره على خرق العهد ده فى أى وقت و احنا اطلعتنا جواسيسنا عندهم بده , متستغربش احنا كمان عندنا جواسيس و مش بس احنا هما كمان لهم جواسيسهم و مسكنا منهم كتير و أحرقناهم , كانت الطريقه المثلى ليهم انهم يبعتوا أنسى لانجاز المهمه دى اللى ميقدرش الجن عليها ابدا و قد كان , فضلوا يبحثوا عن الأنسى المثالى بالنسبه لهم كتير و استعانوا بالكتب القديمه للجان و الأساطير ,و بالفعل وجدوا ضالتهم فى أسطوره بتقول أن قوى الخير و قوى الشر هيدخلوا فى حرب سمتها الأسطوره بالموقعه الفاصله بين الخير و الشر و أن القوتين كل واحده منهم هتعتمد على كائن من جنس أخر غير جنسهم ليه نفس الهاله و الصفات و حتى اسم قائد كل جيش منهم و أن الكائن ده هو اللى هتتبنى عليه خطه الحرب و قالت بأن القوه اللى هتنتصر هتحكم العالم لفتره كبيره. بدى التركيز الشديد فيما يقال و علامات الحيره تسيطر على ملامحى حتى نظر الى الملك ناصر بنظره حزن عميق قائلا : محمد أنا يبنى مش هقدر أخبى عليك أنت طبعا عرفت ليه أنت الأنسى اللى بندور عليه و بنجهزه من زمان للموقعه دى بس يا محمد عشان أنت زى محمد أبنى بالضبط أنا لازم أصارحك أن الأسطوره بتقول أن الكائن اللى بيحقق النصر لجبهته بيموت فى اخر الحرب . نظر الى الملك ناصر بنظره استغراب هائله لما رأى على وجهى فعكس ما توقع تماما رأى على ملامحى علامات الابتهاج و كأنه زف الى خبر يفرحنى لا خبر قرب موتى..... نظرت له قائلا : متستغربش قال الله تعالى "كل نفس ذائقه الموت" صدق الله العظيم و طالما أنا كده كده ميت يبقى أموت الموته اللى يتمناها كل مسلم مؤمن بالله و قضائه.... أموت شهيد ... قلتها و فرح الدنيا كله يملؤنى و ذهول الدنيا كلها على ملامح ملك الجان و قائد جيشه حتى تحولت الى ملامح سعاده كامله و قام محمد الثانى من مجلسه قائلا لى : محمد أنا أسف أنا مفتكرتش أنك بالشجاعه دى أبدا و فعلا مدتكش حقك أرجوك أقبل أسفى. محمد : من غير أسف ولا حاجه أنا مش زعلان. الملك ناصر بنبره صوت كلها أمل : كنت عارف أن الاسلام ممتش فى قلوبكم و أن الجيل الحالى قادر على أنه يعيد هيبه الاسلام تانى ,انت اللى قلته ده يا محمد قاله قبلك كتير من المسلمين الأشداء زمان و عشان كده ربنا اكرمهم ,كنت بدأت أفقد الأمل بس انت رجعتهولى تانى شكرا يا محمد. محمد : ايه يا جماعه فى أيه هو فى حد يجيلوا فرصه زى ده و يضيعها أنا طول عمرى فى صلاتى كنت بدعى أنه يرزقنى الشهاده و أدينى حسيت أنى دعائى قرب يتحقق أزعل بقى ولا أفرح؟ الملك ناصر : أنت عارف يا محمد ان رسولنا الكريم صلى الله عليه و سلم قال " من طلب الشهاده بصدق نالها و لو على فراشه " صدق رسول الله صلى الله عليه و سلم . محمد : اللهم صلى و سلم و بارك على أفضل الخلق ,أنا بأذن الله هكون عند حسن ظنكم بس قولولى بقى أنا عرفت اللى يشبهلى فى اليهود مطلوب منه أيه انما معرفتش أنا أيه الطلوب منى بالظبط؟؟؟؟ الملك ناصر توجه الى الطاوله التى عليها ماكيت للموقعه و قد أقترنت بخارطه كبيره للمنطقه و طلب منى و من محمد الثانى الوقوف بجانبه و أخذ يشرح لنا أفكاره التى يريد مننا تنفيذها و زاد تركيزى أنا و محمد الثانى كثيرا فلقد كانت المهمه كبيره و المسؤليه الملقاه على عاتقنا كبيره جدا و ايتدى القلق يسيطر على فهل سأكون عند حسن ظنهم بى أم سأخذلهم و ليس هم فقط من سأخذلهم حينها بل أمه... أمه بكاملها تعتمد على؟؟؟؟؟؟ ولد ذلك الشعور بالمسؤليه شعورا بالقلق فهل سأنجح فى تلك المهمه ؟ ذلك ما ستعرفه بمتابعتك لباقى أحداث تلك القصه فالى هنا تنتهى أحداث ذلك الجزء لتمهد لأحداث أهم و أقوى فلتقرأ و تدعوا لى فأنا مقبل على مرحله جديده تماما فى حياتى ... مرحله خوض الحرب و الاستعداد للشهاده فى أى وقت. |
||||||||||
|
التعديل الأخير تم بواسطة ZaLToN ; 06-10-2012 الساعة 12:33 AM
|
|
05-10-2012, 11:31 PM
|
#7 | ||||||||||||
  
|
حلوه
|
||||||||||||
|
|
|
05-10-2012, 11:49 PM
|
#8 | |||||||||||
|
اقتباس:
شكراا يا كبير على ردك  |
|||||||||||
|
|
|
05-10-2012, 11:57 PM
|
#9 | ||||||||||||
  
|
حلوه و الاثارة زادت فيها و الرعب كمان استمر |
||||||||||||
|
|
|
06-10-2012, 12:25 AM
|
#10 | |||||||||||
|
اقتباس:
الجزء الرابع نزل ارجو قرائته لانه مميزززز :) |
|||||||||||
|
|
|
06-10-2012, 03:26 AM
|
#11 | ||||||||||||
  
|
القصه ده شدتني جدااااااا بالله عليك تستمر فيها
|
||||||||||||
|
|
|
06-10-2012, 03:39 AM
|
#12 | ||||||||||||
  
|
جميلة جدا
|
||||||||||||
|
|
|
06-10-2012, 04:51 AM
|
#13 | ||||||||||
|
جامد جدي الجزاء الرابع مستني الي جاي يا كبير
|
||||||||||
|
|
|
06-10-2012, 02:03 PM
|
#14 | ||||||||||||
 
|
القصة جامدة جدا بس انا مش شايف اى حاجة فيها رعب 
|
||||||||||||
|
|
|
06-10-2012, 03:57 PM
|
#15 | ||||||||||||
|
ممتاز جدا وا نرجوا منك الاستمرااااااااا فى الكتابه ............لانك ازت القراء تشويقاااااا ولهفه لمعرفه باقى الاحدااااااث...................................... ......
|
||||||||||||
|
|
|
| يتصفح الموضوع حالياً : 1 (0 عضو و 1 زائر) | |
|
|
.gif){kind=icon}
العرض المتطور