شـريـط الاهـداءات |
|
|
||||||
| بـعـيـدآ عـن سـيـلـك رود [ هذا القسم مخصص لمختلف المواضيع البعيدة كليا عن مجال الألعاب ] |
 |
|
|
أدوات الموضوع | انواع عرض الموضوع |
22-10-2010, 02:58 PM
|
#1 | ||||||||||||
  
|
 Ω۩Ω ...أنـــــــواع ســـــــائقــــــى التــــــاكسيــــــــات ... Ω۩Ω  السائق الغلبان تكون السيارة مهكعة و مضعضعة و طالع عينها و يكون السائق كبير السن نسبيا.. ذقنه نامية لأسباب تتعلق بأسعار امواس الحلاقة و يرتدي نظارة كعب كباية و ريحته عرق ما أن تركب حتى يبدأ بالشكوى عند أول مطب صناعي منهم لله هي العربية ناقصة ؟ العفشة باظت و دي عليها اقساط يا بيه.. و مش بتاعتي لكن شغال عليها .. دانا عندي سبع عيال منهم تسع بنات على وش جواز..! منين يا بيه ؟ العيشة بقت صعبة و انا عندي السكر و الضغط و الروماتيزم و الاسقربوط .. و الدوا غالي.. دانا متجوز اتنين يا بيه مطلعين عيني.. و واحدة منهم حامل في خمس توائم و مش لاقي اي حاجة في أي حاجة مشكلة هذا النوع أنه يستدر عطفك و يثير فيك ذلك الشعور بالأسى.. تدفع له أكثر من اللازم لأنه غلبان.. لكن ستصدم حين يقول لك في وقاحة ماينفعوش يا بيه السائق الفيلسوف يكون السائق صامتا في البداية .. ثم يبدأ في الحديث عن مواضيع لا جديد فيها لكنه يؤمن بعمق الحكمة التي تتضمنها ..مثل الطيور على أشكالها تقع القرش الأبيض ينفع في اليوم الأسود لا تؤجل عمل اليوم إلى الغد و يحكي لك قصة سخيفة لا معنى لها و يبدأ في استخلاص الحكم الأمثال أثناء تحليله لما حدث امبارح يا بيه صحيت متأخر عشان نمت متأخر فعلا.. لا تؤجل عمل اليوم إلى الغد.. شفت الحكمة ؟ الأسلوب الأمثل في التعامل معه هو أن توافقه في كل ما يقول و تبدي تأثرك به.. ادفع له ما تراه مناسبا .. فلو اعترض .. ابدأ في القول بأن: القناعة كنز لا يفنى السائق البلطجي تكون السيارة مخبوطة من الجنب ما أن تركب السيارة حتى يبدأ السائق في السباب حين تقترب منه أي سيارة هذا النوع من السائقين يعرف كيف يسب عن طريق الكلاكس.. فهو لا يتوقف عن إطلاق ( تيت تت تت تييت تييت !) و التي تعني في لغة السائقين سبابا غير بالغ الرقي بالمرة يكره سائقي الميكروباص و يعتبرهم أعداءا شخصيين لبني جلدته من سائقي التاكسي.. يحتفظ بشومة أو سنجة في شنطة العربية استعدادا للطوارئ امبارح يا بيه زنق عليا سواق ميكروباظ.. رحت نازل له عشان (أشقّه) ! هو فاكر الشارع بتاع أبوه؟ و ينظر من النافذة الفتوحة و يبدأ في سكب البذائات و الكلاكسات على خلق الله.. ما يزعجني فيه هو التلوث الضوضائي و الأخلاقي الذي يسببه الأسلوب الأمثل في التعامل معه اسأله : عايز كام يا اسطى؟.. ثم ادفع له ما يراه هو مناسبا.. و اترك له بعض البقشيش على سبيل الاحتياط هذا إن لم تكن تحوز مطوة قرن غزال في جيبك أنت الآخر السائق السياسي مواصفات السائق غاضب و يتكلم بانفعال.. أو هادئ مبتسم يحدد هذا موقفه السياسي لو كان معارضا: سيكلمك في مواضيع تودي في داهية على اعتبارها سبا و قذفا سيؤكد ان كل شيء لا يسير على ما يرام بسبب شخص ما , ولا يتوقف عن استجلاب اللعنات عليه لو كان غير معارض: سيؤكد أن الحياة آخر حلاوة و أن كل شيء يسير على ما يرام بسبب شخص ما , و لا يتوقف عن الدعاء له الأسلوب الأمثل للتعامل معه لو كنت غير معارض , و كان هو معارضا قل له أنك من الداخلية وقتها لن يأخذ منك مليما و سيؤكد أن التوصيله هدية منه أما لو كنت معارضا و كان هو غير معارض, فقل له أيضا أنك من الداخلية وقتها – أيضا- لن يأخذ منك مليما و سيؤكد أن التوصيله هدية منه السائق اللورد السيارة أنيقة جدا.. أما السائق فلم أر مثله في حياتي سوى واحد فقط حكى لي أخي عنه منذ سنوات و قال أنه غريب فعلا لدرجة أنه أخذ صورة فوتوغرافية له و شاءت الأقدار و ركبت مع نفس السائق بعد سنوات.. و عرفته على الفور لأنني شاهدت الصورة التي أخدها له أخي دعني أصفه لك يرتدي بذلة أنيقة و ربطة عنق محكمة حول عنقه.. يضع عطرا غالي الثمن لن أقول اسمه كي لا يكون إعلانا.. يدخن السجائر المثبتة في مبسم من العاج.. و يبدأ في الحديث عن البورصة و سوق المال , و الطرق المثلى للاستثمار في ظل العولمة هل رأيت هذا السائق من قبل ؟ في الغالب لا لأنه واحد فقط في الجمهورية فيما يبدو الميزة المهمة في هذا السائق هي انه لن يقول لك المبلغ الذي يريده.. سيقول لك إن سألته : دي حاجات بسيطة يا فندم و لن يناقشك فيما تعطيه له و سينصرف في أدب لكن , ألا ترى أنك كنت مضطرا لدفع مبلغ فادح , يليق بهذا اللورد الأنيق ؟ السائق الحبوب النوعيه ديه بتشتغل باليل بس يفضل ماشى وينقى فى الركاب لغايه ميشوف واحده وتركب معاه ويبدا واحده واحده يتكلم بمنتهى الادب على امل انه يعمل علاقه ما النوعيه ديه بتشتغل مش عشان الفلوس لق عشان تحب وبس ملحوظة : لو كنت سائق تاكسي فماتاخدش في بالك.. احنا بنهزر معاك يا اسطى.. طريقك أخضر ياباشا 
|
||||||||||||
|
| إعلانات google |
|
|
|
22-10-2010, 03:18 PM
|
#2 | ||||||||||||
  
|
هههههه سلم إيديك يا معلمي |
||||||||||||
|
|
|
22-10-2010, 03:28 PM
|
#3 | ||||||||||||
|
تسلم 
|
||||||||||||
|
|
|
22-10-2010, 03:43 PM
|
#4 | ||||||||||
  
|
ههههههههههههههه جامده 
|
||||||||||
|
|
|
22-10-2010, 04:01 PM
|
#5 | ||||||||||||
 Somethings Never Change 
|
تسلم الاياااادى
|
||||||||||||
|
|
|
22-10-2010, 04:11 PM
|
#6 | ||||||||||
  
|
هههههههههه شكرا |
||||||||||
|
|
|
22-10-2010, 04:23 PM
|
#7 | ||||||||||||
|
αиɢєℓs мαy нυяτ  Don't CHALLENGE Me! :D
|
حــــــــلـوة دى
شـكـراً |
||||||||||||
|
|
|
22-10-2010, 04:28 PM
|
#8 | ||||||||||||
 
|
.gif "111 (20)") شكــــــــــــرا
|
||||||||||||
|
|
|
22-10-2010, 04:29 PM
|
#9 | ||||||||||||
|
تمام شكرا على الموضوع
|
||||||||||||
|
|
|
22-10-2010, 04:43 PM
|
#10 | ||||||||||
|
انت بتتكلم عن شريحه كبيره اوى و فعلا انا ركبت معاهم كلهم معادا اللورد طبعا ^^ فى ناس زيه لاكن مش اللورد 
|
||||||||||
|
|
|
22-10-2010, 04:53 PM
|
#11 | ||||||||||||
  
|
شكرا على الموضوع
|
||||||||||||
|
|
|
22-10-2010, 04:59 PM
|
#12 | ||||||||||||
|
ههههههههههههههههه جامدة كيك
السائق اللورد  تسلم |
||||||||||||
|
|
|
22-10-2010, 05:25 PM
|
#13 | ||||||||||
  
|
ياعم التاكسي ده اختراع انا بطلته من زمان اما انا اقبض 400 جنيه في الشهر ( و مش خايف اقولها ل اتحسد ) هبوص في الحلال ازاي يعني دنا لو بوست ايدي وش و ضهر ابقي فلاتي فا التكوسه ديه الحمد لله ربنا تاب علينا منها دلوقتي انا دخلت في عصر الشعلقه علي اول المترو و اتصاحبت علي شله شمامين كله انما ايه عيال جدعان اوي و اني اتكهرب و انا متشعلق بقت متعتي الوحيده في الحياه و كمان بتوفر عليا وقت تسريح الشعر علشان هوه بيبقي already* واقف تسلم ياض علي الموضوع |
||||||||||
|
|
|
22-10-2010, 05:54 PM
|
#14 | ||||||||||||
|
هههههههههههه تمام
|
||||||||||||
|
|
|
22-10-2010, 05:57 PM
|
#15 | ||||||||||||
 
|
شكرا
|
||||||||||||
|
|
|
| يتصفح الموضوع حالياً : 1 (0 عضو و 1 زائر) | |
|
|
.gif){kind=icon}
العرض العادي
