[iMido]

الجزء الاول من الدوره (مقدمه)



ايه هيا البرمجه ؟ هيا حاجه بتمكنك من انك تعمل برنامج *ياراجل!*
طب ايه هيا الحاجه دى ,, الحاجه دى لغه
طب الكمبيوتر بيفهمها ازاى ؟ الكمبيوتر مبيفهمهاش ,, اصلا الى انتا بتكتبه مبيوصلش للبروسسور علشان يعالجه خالص
طب ايه الى بيوصل ؟ كود مؤلف من ال 0 و ال 1 بس
طب ثوانى .. انا مكتبتش ف الكود بتاعى اى حاجه فيها 0 و 1 الارقام دى جت منين ؟

من هنا نبدأ

الكود الى انتا بتكتبه بيعدى على حاجه اسمها كومبيلر ,, الكومبيلر ده بيحول الكود بتاعك الى انتا فاهمه بس الجهاز مش فاهمه الى كود الجهاز بيفهمه
فوكك من الكومبايلر بقى دلوقتى و خلينا ف اللغه الى هنتعلمها ,, ايه مميزات #c ايه عيوبها كلمنا عنها ...
اوك ,, #c لغه برمجه مرتفعه المستوى و بتدعم الاوبجكت اورينتيد بروجرامينج و هنعرف يعنى ايه ده بعدين



نظره سريعه على طريقه ترجمه الكود

بص انتا بتكتب الكود سطر سطر بالترتيب و الكومبيلر بيترجمهم بالترتيب و الكود بينفذ للمستخدم بالترتيب بس لو الكود فيه جمل شرطيه التنفيذ بيقف عندها و بيتحقق من الشرط و بيكمل بناء على حاله الشرط سواء كان ترو او فولس و لو فى loops زى for مثلا التنفيذ مبيتنقلش للمرحله الى بعد فور او السطر الى بعد فور (بعد نهايه قوس اغلاق فور الى هوا ده { هنتكلم عنه ب التفصيل بعدين) الى م شرط الخروج من for statment يتحقق
من الاخر الكومبايلر انتا بتقولو يترجم ايه قبل ايه بطريقه كتابتك للكود و ترتيبك لل جمل تمام ؟



ايه مميزات و نقاط قوه c# ؟

1- لغه مقروأه و سهله علشان تتعلمها خصوصا لو انتا اصلا مبرمج
2- بتدعم المؤشرات لكن بحدود مش زى c++
3- ال syntax بتاعها قريب من c++ و java و ال syntax ده هوا المفضل بين المبرمجين علشان مشترك بين اكتر من لغه
syntax يعنى هيكله و شكل و طريقه كتابه الكود
4- موضوع انها اتبنت من الصفر مخصوص لملائمه منصه ال .net بيمنحها قوه اضافيه و مخلى microsoft تدعمها بشده
5- بتدعم تقنيه ال WPF الى بتمكنك من عمل برامج ب واجهات "خياليه"

و المزيد من المميزات هنكتشفها لما نبدأ برمجه فعليه ب اللغه



تحميل Visual studio 2010 او visual c#


الصفحه عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] فيها كل اصدارات visual studio ممكن تحميل visual studio الى فيها كل لغات البرمجه بتاعت ميكروسوفت او تحمل visual c# express براحتك

و بكده يكون الجزء الاول خلص (شايف انه ملوش لازمه ,, مقولتش فيه حاجه مفيده) حملو البرنامج و نتقابل ف الجزء التانى

سلام