بسم الله الرحمن الرحيم
اولا في ناس كتيرة بيبقا نفسها متخشش ثانوي عام علشان عرف هتعيد مرة مرتين فيها وتقولك لو ينفع اخوش سياحة وفنادق طب ازاي هيقولو عليا طباخ ولا سفرجي
انا دخلت سياحة وفنادق وهشرحلك الي فيها علشان متبقاش عبيط وتسمع كلام حد
سياحة وفنادق تنقسم الي 3 اقسام
1- مطبخ
2- مطعم
3- ارشاد سياحي
الأول قبل ما شرحم هقولك سياحة وفنادق بدخلك ايه
من 50% ل70%
1- جميع معاهد مصر تقدر تخوشها
2- جميع الجامعات الخاصة معدا الجامعات الأجنبية زي الجامعة الألمانية والكندية والأمريكية وغيره لاكن ممكن تخوش
جامعة مصر - جامعة MSA
3- اكاديمية شرطة السياحة طبعا هتيجي تقولي ازاي كلية الشرطة مش بتاخد غير الثانوي العام
هقولك الشرطة متقسمة ايه مكافحة مخدرات علي مباحث وكدا.
ديه شرطة السياحة يعني لازم تكلم علي الأفل انجليزي و روسي مثلا او لغة ثانية وتكون دارس سياحة وفنادق علشان تعرف تتعامل مع السياح الأجانب وده بتبقا ظابط سياحة زي الي بنشفهم في المطارات وكدا .
من 75% ل 100%
جامعة القاهرة - عين شمس - حلوان
هتقولي يعني اخوش حقوق ولكلام ده هقولك لا بص ليك الحق تخوش ايه
1- اي كلية ليها علاقة بالمحاسبة يعني كلية التجارة جامعة القاهرة
2- اي كلية ليها علاقة بألاثار زي كليه الأثار ( لازم تكون خريج قسم ارشاد سياحي )
3- اي كلية ليها علاقة بعلوم الكمبيوتر
4- كليه سياحة وفنادق
5- اي كلية ليها علاقة بشركات الأتصال لأنك هتدرس فن اتصال والكلام ده
نسيت اقول حاجة في الجامعات الخاصة تقدر تخوش اختصاصاتك بس زي computer Science
اي حاجة ليها علاقة بالكمبيوتر و الأثار و التجارة والكمبيوتر في اي جامعة خاصة تقدر تخوشها.
سامع واحد بيقرأ الموضوع وبيقول طب يعني واحد شغال في فندق ازاي وهو ممكن يدخول الكليات ديه هو حوار ول ايه ؟
بص يا سيدي الي بيشتغلوا في الفنادق دول بيخدو الدبلومة بس مش بيكملوا ودول مرتبتهم بتبقا كويسة يعني واحد صحبي اسمو كريم خد الدبلومة بس خريج قسم مطبع اشتغل في الفور سيسون شيف بياخود 5 الف جنيه وهو عندو 18 سنة بس الواد ده اصلا حياتو كلها طبخ يعرف كل حاجة :D
افضل كليات ممكن تطلع منها تشتغل شغلانه كويسة
1- كليه سياحة وفنادق تخوش قسم ارشاد سياحي ( لازم من الدبلوم الفندقي تكون طالع منها قسم ارشاد ) هتتخرج معاك لغتين تطلع مرشد سياحي وتخود كرنيه من النقابة مرتبك ميقلش عن 5 الف جنيه ده غير العقود الي هتعملها مع البزارات علشان تجبلهم سياح بتاخود نسبة 30% علي البيعة
2- كليه الأثار تطلع عالم اثار وبردو هتقبد كويس جدااااااااااااااااااااااا
3- كليه سياحي وفنادق تشتغل في فندق الي هيا الحجز والكلام ده مرتبة لو في فندق محترم ميقلش عن 3000-4000 الف جنيه
بنسبة للبنات
ممكن تطلعي مضيفة طيران لو دخلتي كليه سياحة وفنادق ومعاكي لغتين او تلاتة لأنك هتخدي مادة اسمها اعمال شركات طيران
ممكن تشتغلي في المكاتب الأمامية بتاعت الحجزات بردو وهتخدي فلوس كويسة
ممكن تطلعي مرشدة سياحية وتخدي فلوس كويسة وكل ما يكوني معاكي لغة اكتر هتخدي فلوس اكتر وده ينطبق علي ولاد بردك
بس كدا شرحتلكوا سياحة وفنادق دول يخشهم للي مش هيعرفو يعملو حاجة في ثانوي عام واخرهم معهد ومش هيعرفو يخشو كليا حكومة
للعلم جامعة عين شمس و حلوان تخشها من غير معادلة جامعة القاهرة علي حسب مجموعك وديه كلها جامعات خاصة ولو مثلا انتا خريج تجارة جمعت القاهرة هيبقا مكتوب في ملفك بكالوريوس تجارة جمعت القاهرة
مزايا السياحة وفنادق
1- بتبقا مليطة في الأمتحانات
2- سنة تالتة هيا سنة الي بتحدد فيها مجموعة مش زي ثانوي عامة ثانية و ثالثة
3- لو انتا فاضي وموركش اي بتنجان ممكن ونتا في الأجازة المدرسة بتعرض عليكو شغل مرتبتها من 600 جنيه الي 2000 جنيه وده ونتا في الأجازة بين اولة و تانية كدا يعني ونتا لسا في ثانوي سياحة و فنادق
4- المواد سهلة جدا جدا جدا جدا ثانية و تالتة مفهاش ولا رياضة ولا الكلام ده
5- ا*** مادة المحاسبة وديه اصلا حلها بيبقا في الورقة بس لازم تكون حافظ قانون المسئله علشان تعرف تجمع وكدا
6- بتخلص قبل الثانوي العام ب شهر ولا حاجة
7- لو انتا نفسك في تخوش كليه حكومة ومش تعرف تجيب مجموعها في ثانوي عام زي تجارة و اثار وكدا تقدر تخوش سياحة وفنادق
وشكرااااااا
اي اسئلة انا موجود بس ممكن تلقوني نمت فا متزعلوش لو مردتش
اي خدمة ............
للعلم انا كنت في ثالثة ثانوي ولسا مخلص اهو ومستني النتيجة اجيب بس 75% وخوش تجارة بمعدلة او حلوان او عين شمس من غير معدلة
سلاموز ...........