أول أحصائيه عملتها " مهمه للغايه "
 

عندك حق والله

نعمل ايه يعني...حسبي الله و نعم الوكيل في اللي كان السبب في كده

انا بيظبت عندى السنادى ( تانية ثانوى ) 4680 جنية دروس :clapping::clapping::clapping:

المدرسين اكثر ناس بتكسب دة انا درسى بى 230 جنية فية الشهر 11 واحد فية سنتر دة غير مجموعات باقى السنين

حرم و الله :wha-smiley:

دة المدرس بيكسب اتر من مهندس البترول

حتي المدرس .. بيدفع لولاده دروس خصوصيه :d

و غير داه أنهم بيطالبو بزيادة الأجور و هما مبيشرحوش دول ولاد ............................ مش كلهم على فكرة نسبة 5% ناس محترمة والباقي :rm_bear:
تسدأو أني في الأبتدا ئي كانو بيدخلولنا الفراشين يشرحولنا :mf_prop: حاجة حلاوة

وكمان احسبها للمدرس
البيه بياخد فى المتوسط بين سنة تالته وسنة تانية 25 جنيه فى الحصة
وبيدى اولى وتانية وتالته يبقا 75 جنيه فى الحصة مع بعض يعنى
وفى الغالب بيبقو 4 حصص فى الشهر واحيانا 8 اذا المتوسط 6 حصص
يعنى فى السنة الدراسية 11 شهر تقريبا يعنى 66 حصة سنويا
يعنى من الطالب الواحد صافى الربح السنوى 1650 جنيه
وعالاقل خالص المجموعة بتبقا 5 طلاب والأكثر 20 يبقا المتوسط 12 طالب
يعنى سنويا من مجموعة واحدة 19800 جنيه
طيب لو شغال الله ينور واللهم لا حسد زى ناس اعرفهم 7 مجموعات واكتر فى اليوم ونقول بيشتغل 5 ايام بس فى الاسبوع
يعنى فى الغالب 35 مجموعة
يعنى 693,000 جنيه سنويا صافى الربح الكامل ، غير مرتب الحكومة

اللهم لا حسد :tired::tired::tired::tired:

علي فكرة انتم والله ظالمين المدرسين مين اللي قال ان كل المدرسين بيدوا دروس ؟؟؟ انا والدي مبيديش دروس بقالو فترة طويلة جدا اكتر من 5 سنين فتتوقع هنعيش منين ؟؟؟ مش من المرتب بتاعه ؟؟ وبعدين المرتب هيكفي ايه ولا ايه اكل وشرب ولا لبس ولا ولا ولا حجات كتيرة اوي عشان كدا لازم الدولة تزود المرتبات بتاعتهم عشان ميحتاجوش انهم يدوا دروس فيشرحوا في الفصل بضمير وتتحل مشكلة التعليم الزبالة بتاعنا بس تقول ايه "لا حياة لمن تنادي" :thumbdown:

انا يا جماعة شفت مدرس خارج من مجموعة وكان بيدي ثانوي كان بيروح بعربية bmw
اللهم لا حسد

ماهي إحصائيتك تدل .. إن النظام السابق .. بيقول .. أبوك وزير تطلع وزير .. أبوك غلبان تطلع غلبان .. يعني الأبوه وزير هيدفعلو فلوس دروس هينجح و لو منجحش حتى عندو ميت جامعة خاصة .. أما الأبوه غلبان إبنو لازم يذاكر فالبيت من غير ما ياخد دروس و زي ما يطلع .. طبعا متوقع واحد ولا حد بيساعدو ولا مدرس بيقولو الإمتحان جي إزاي .. أخرو يجيب كتب خارجية .. عايزو يجيب مجموع عالي و يرفع من حالهم !! أكيد لأ .. و هو ده الكان عايزينو .. عادي إحنا لا في ثانوية ولا غيرو جينا على مدرس الماث .. نحسب بيكسب كام فاليوم طلع ....1230 جنيه يوميا ... ده في الأيام العادية بما فيهم الجمعة و السبت .. أما أيام الإمتحنات .. بياخد حوالي الضعف .. يوميا .. يعني ده .. مش يجيب bmw بس زي ما حد من الفوق بيقول .. تخيل بقا و ده مدرس عادي في مدرسة لغات .. تخيل لو صانوي كان زمانو إزاي .. حط في إعتبارك .. يعني مثلا على كل 4 مدرسين .. في 1 بس البيكون واكل عليهم الطلبة .. و الباقي غلابة مفيش حد بيرحلهم علشان هو كان أشطر واحد فيهم ..