|
ساعدونى فى مستقبلى
http://sor.w2hm.com/files/image/e/9.gif
ممكن تساعدونى فى مستقبلى انا دلوقتى فى 3 اعدادى و نجحت و الحمد لله بس بقى مش عارف اخوش ايه 1: ثانويه عامه 2: مبارك كول 3:اى صنايع بس 1 اللى هى ثانويه عامه فى ناس كتير خوفتنى منها و 2 اللى هى مبارك كول ناس قالت ليا هما بياخدم اول 100 الاول و الباقى وسايط و 3 اللى هى صنايع مش عارف بقى عنها اى حاجه و انا فى البيت كله بيقولى خش اللى انت عاوزه علشان تقتدر تستمر فيها فياريت اللى جرب يقولى و يعرفنى ايه نظامهم الثلاته |
ايه محدش عايز يساعدنى
يا جماه ساعدونى جماعه ساعدونى |
بارك كول اكيد صنايع
3 سنين وادخل معهد سنتين مع بنات بس انسى هندسة او 5 سنين صنايع والهندسة من مبارك كول اقرب ودرجاتها اعلى وخش احسن اخوك لسة مخلص صنايع 5 سنين من مدرسة شبرا جبت 85% ومستنى التنسيق يارب ولنصحك بمبارك كول ناس فيها جابو 94++ اوائل مصر واوعلى تدخل ثاونى عام هتخلص وهتتجنن وهتدخل كلية معفنة وهتتخرج ومش هتعمل بشهادك حاجة ولو جبت طب بردو مش هتفلح اللى ماشى فى البلد الهندسة حطها فى دماغك على توصل سلاااااااااام |
ممكن تخش صنايع وتشد حيلك وتجيب مجموع كويس ,, بس اوعي تصــــــــــيع ^^ وان شاء الله تدخل هندسة زي ناس كتير ,, بس انا مش متاكد اوي :p ربنا معاك :) |
بص أنا حجبلك من الأخر فى الأنا أعرفه
لو أنتا بتاع مذاكرة و بتذاكر مذاكرة بجد خش ثانوية عامة مبارك كول بصراحة مأدرش أفيدك فيها صنايع فى 3 و فى 5 صنايع 5 أحسن من صنايع 3 و صنايع 3 كده كده بعديها بتدخل معهد سنتين ياعنى نفس الخمس سنين بس صنايع 5 سنين أحسن فى الأقسام و أحسن فى التعليم ونا كنت فى صنايع 5 سنين والحمد لله لسا مخلص وان شاء الله حخش معهد فنى قوات مسلحة و ديه ببدأ من ملازم و بعد كده بترأا شوية شوية و أرجو أنى أكون قد أفدك |
اقتباس:
|
على فكرة الموضوع ده متوقف عليك انت
وعلى مستوى ذكائك لو انت يتذاكر خش ثانوى بس مش عايز لعب عيال |
يا باشا زاى ما i!!!i قال حسب مستواك و انا الحمد لله فى ثانوى عام لغات و شغال 100 100 و جبت 95 % فى تالته اعدادى و سيبم من كلام الهجس بيتاع الثانوى العام اللى بقول ان بعديها كلية واللاهى انا اخواتى الاتنين بسم الله ما شاء الله واحد هندسة و التانى طب ( اسكندرية الاتنين ) ف انت و مستواك |
بص انا اخويا زيك بزبط ووى واقع فى فس مشكلتك بس انا هاقولك حل تفكر فيه وتعقلع وفى الاخر انت الى لازم تقرر
انا راى تخش ثانوية عامة بس تدوس على نفسك شوية وتذاكر لأن فى الاخر محدش هينفعك غير علمك وتخوش ادبى وانشاء الله لو ذاكرت هيبقى امامك كليات كتيرة ومن بداية مجموع 67% لحد 94% كلية الالسن كلية اقتصاد وعلوم سياسية كلية سياحة وفنادق كلية تجارة كلية اداب كلية حقوق ولو مجبتش حاجة من دول وربنا كرمكوا شوية ممكن تخوش كلية خاصة ولو انتوا على اديكوا بمعنى انا بابا مش هيقدر يتفع حق كلية خاصة ممكن اى معهد بمعنى ان الثانوية العامة انت كسبان كسبان وسيبك من الصنايع ومبارك كوول وكدا لأنهم كلهم دبلوم فى الاخر والرأى الاول والاخير ليك قرر وشوف انت عايز ايه وربنا معاك انشاء الله |
بص يا عم انا رايح تانية ثانوي السنة دي واعرف واحد صاحبي كان دخل صنايع عشان برده يخش هندسة بس بقى متتخيلش كان بيقولي الموضوع عامل ازاي بالنسبة للاهمال الكبير هناك والكتب اساسا مش بتاخدها غير بعد شهر ونص او شهرين من الدراسة وتكون كل ده مش عارف حاجة لان المدرسين برده هيقولوا لما تاخدوا الكتب وكمان فيه مواد مش هتفهم فيها حاجة لأنك اول مرة تشوفها وعن تجربة انا شايف الثانوي العام احسن بكتييييييييييييير جدا انا كان ليا زمايل في الفصل والمدرسة متتخيلش انهم يجيبوا مجموع او اي حاجة لكن من الاخر لو كانت الصنايع سهلة زي ما بتقول مكنش حد غلب وكان كله دخلها مادام بتخش هندسة بالسهولة دي وعلى فكرة الصنايع خمس سنين وبعد ما تقضيهم واكيد اكيد هتبقى فاشل من العيال اللي فيها اللي كدا كدا هيبوظوك هتطلع بقى لازم تجيب 80% ولو جبتهم هيعملوا حاجة اسمها معادلة دي بقى هي اصعب حاجة لانها فعلا بتكون صعبة المعادلة دي هي الاساس انك تدخل هندسة او متدخلهاش اما الثانوية على الاقل هتخش حاجة محترمة وممكن تلاقي شغل اما بقى الصنايع هتبقى في الشارع واكيد هيبقى صعب عليك الكلام ده انا سألت فيه ناس كتير جدا لان زي ما قلتلك انا كنت في أولى ثانوي السنة دي فكنت السنة اللي فاتت عمال اسأل ده وده عموما انا قلت لك كل اللي عندي والقرار الاخير هيكون ليك طبعا ونصيحتي ليك اسأل ناس كتير برده برده هتقدر تفهم منهم اكتر واعرف مثلا هم بعدين بقوا ايه وايه بقى الاحسن ليك
|
اقتباس:
غلط هو لسة صغير ومش عارف مستقبلو مفين علشان مالوش تجارب ومالوش حد ينصحو مايعرفش البلد ماشية ازاى وكمان دماغو شغالة او مش شغالة هديخل صنايع دماغو هتتمسح عادى انا جياب مجموع اعدادى من 5 سنين فاضلى 39 على النهائية وكانت ايام صعبة و دلوقتى دماغى بيضة كلها شغل وصياعة وبس مش دراسة قصر الكلام ادخل صنايع لو عايز هندسة وهتكمل ادخل 5 سنين مبارك كول او الداخلية او جلال فهمى بشبرا بالترتيب من اليمين للشمال ولو مش عايز هندسة ادخل 3 سنين بس وكمل معهد سنتين علشان يبقى تعليم عالى ومافيش امين شرطة معفن يشوف بطاقتك يلاقيها صنايع 3 سنين يشيدك على القسم مش ناقصة اوعى تسمع كلام حد وتدخل ثانوى عام هتندم ندم عمرك بكرة وماتمشبش ورا صحابك مهما زنو على دماغك هيحصلك كتير علشان تبقى زيهم |
طب انت ممكن تكتب المجموع علشان نعرف مستواك ومن خلاله ممكن افيدك
اهديلك قلبي بس خلي بالك عليه مش عشان هو قلبي بس عشان انت فيه |
اقتباس:
|
اقتباس:
ساأل مجرب ولا تسأل طبيب الحمد للله انا اقدر اصلح كهرباء شقة شارع صيانة اى حاجة فى البيت تلفزيون الخ غسالة الخ وكانت كل ده سهلة عليا الحمد لله انى اشتغل صيانة الموبايلات دلوقتى يعنى راجل فنى ويوم ماتروح تقدم فى شركة هياخدوك عن واحد تانى خريج ثانوى عام علشان انت عندك خبرة وهو مذاكر بس |
انا هريحك
ادخل صنايع 5 سنين هتدخل على 2 هندسة على طول بس انتا شد حيلك او ادخل صنايع 3 سنين ولما تنجح فى 3 ان شاء الله هتعمل معادلة وهتدخل هندسة برضو يعنى اقرب طريق للهندسة هى الصنايع انتا شوف اللى يريحك واعملو لو انتا بقى بتاع مذاكرة وكده ادخل ثانوية عامة |
| الساعة الآن 02:08 PM. |
Powered by vBulletin® Version 3.8.9
Copyright ©2000 - 2024, vBulletin Solutions, Inc.